[Без оффтопа] Шеър азиз олам аро...

[Masud Mahsudov]

Сообщение от Gulchehra Ibragimova

..қизиқ..ойнинг бошқа ердан ҳам нур сочишини..билмас эканман?!

Эҳ, Шаҳноза, нималар деб қўйдиз?!

Адашмасам, домла мен билан бир пайтлар ыилган бахсларини назарда тутаяптилар... Мен тун осмонидаги юлдузларни "кўкдаги юлдузлар" деб ёзганимда, домла бунинг мантиқсизлик эканини, қоронғу тун осмонини қандай қилиб "кўк" дейиш мумкин, деб иддао қилгандилар... Сўнгра мен домлага мен хато қилган бўлсам, айнан шу сўзни шу маънода Абдулла Қодирий, Пиримқул Қодиров, Эркин Воҳидовлар ҳам ишлатганларини, бу улар ҳам хато қилган бўлишлари мумкинлигини домлага иаъкидлагандим... Ҳалиям ўз фикрларида қолибдилар домла... Майли, балки биз хато қилгандирмиз...

[Gulchehra Ibragimova]

Сообщение от Masud Mahsudov

Мен тун осмонидаги юлдузларни "кўкдаги юлдузлар" деб ёзганимда, домла бунинг мантиқсизлик эканини, қоронғу тун осмонини қандай қилиб "кўк" дейиш мумкин..
..шу сўзни шу маънода Абдулла Қодирий, Пиримқул Қодиров, Эркин Воҳидовлар ҳам ишлатганларини, бу улар ҳам хато қилган бўлишлари мумкинлигини домлага таъкидлагандим... ...

"Само", "кўк", "осмон" (кўчма маънода "ашк" -ёш тўкувчи, "фалак", (истасанг бу фалакдан ойни узиб бераман", қўшиқдан) булар тилимиздаги деярли бир маънодаги сўзлар.. Нима энди ўзи бир нимани тушунмайдиган одам учун битта нарса ёзиб, ўн м арта луғат титиб, шарҳлаб ёзамиз шекилли?

Масъудбек, Сиз ўзингиз нимани назарда тутАётганингизни, нима деяётганингизни ва нима ҳақда ёзаётганингизни яхши биласиз, бунга ҳожат йўқ.

Эҳтиёж бўлади луғатларга, аммо шеър ёзиш жараёнида эмас! Луғатни - теппасида турган осмонни, кўкни, унда порлайдиган ой ва юлдузларни "кўзи очиқ бўлиб туриб" кўрмайдиган, уни нима эканини англамайдиганлар, тушунишни хоҳламайдиган ..лар титсин!

Осмон, кўк бу бошимиз устида турган "жисм", бўлса, кўз билан кўрсак уни..абстракт тушунча эмас-ки.. Бунга алломалардан яна кимлардандир мисоллар келтириш, уқмаган бир одам билан ортиқча тортишиб, асабни бузиш шартмикан?

"Шеър азиз олам аро" мавзуси ким учун очилган ўзи ва унинг мақсад вазифаси нима? Буни ким тушунтириб беради? Танқид керак, аммо танқид қилувчининг ўз ким???? (ДОМЛА. ЯНА ТАЪКИДЛАЙМАН: ТАНҚИД УЧУН АЛОҲИДА МАВЗУ ОЧИБ ҚЎЙИШГАН!! )

[Nigora Umarova]

[MOD]Muhtaram ushbu mavzu qatnashchilari!
Muomala madaniyatidan tashqariga chiqib ketmanglar. Mavzudagi bahs-munozara she'riyat, she'riy san'atlar haqida borar ekan, shaxsiyatga tegishli bo'lmagan gaplar gapirilmasin.
Xabaringiz bor:

Оффтоп:

Оскорбление -Оскорбление непосредственно участника форума 15 - 15

tartibida jarima oladi.

[/MOD]

[Aliya]

Sev meni...

Kapalak umrining o'lchovi - bir kun,
Gulning yaproqlari bahorga intiq...
Qoshingga bahordek keldim men bugun,
Sev meni bahorlar ko'nglidan ortiq...

O'tli nigohlarning gunohi - olam,
Hayoning gul yuzin aylasang tavof...
Hatto, shabnam umri - lahza ichra ham
Sev meni gullarning yaprog'icha sof...

Bulutdan uzilgan yomg'ir qadar hur,
Zaminga intilgan qor parchasiday,
Yulduz ko'zlaringda yongan kabi nur -
Sev meni...
Sevgingga jon sadqa etay...

Qalb gulshani ichra hijron shamini
O'chirgin diydorlar dardini suyib...
Unutay azalning biri kamini,
Sev meni armonlar ashkidan to'yib...

O'ksitma...
Kuydirar ayrolik zahri,
G'urur - qalbim ohin mahv aylagan tig'...
Yolvoray...
Tiz cho'kib - ko'zlaring haqqi,
Sev meni...
Sevgingdan ming karra ortiq...

[Alisher Asror]

Омад деган юрар
Кўчамдан кетди,
Ғам жонга тўпланиб
Тамоққа етди.

Уйқу қочиб кетган
Тунни оралаб,
Тонг ҳам отавермас
Дилни яралаб.

Товонгача тушган
Кўнгилда - зиллик,
Кўтариб олгани
Куч керак филдек.

Бир Сиз юрагимнинг
Қувончи кетмас,
Кўнглим ета туриб,
Қўлларим етмас.

(C)

[Tulqin Eshbekov]

Сообщение от Gulchehra Ibragimova

нур сочишини.

Кўкда қуёш, қоронғи осмон, самода ой ва юлдузлар нур сочади!

Балиқ кўкда парвоз қилмайди асло,
Бургут сув тагида сузмас ҳеч қачон.
Мантиқсиз сўзлар-чи, "шиғир"лар аро,
Юракни "синдириб" юрибди чунон... 8-D

[Masud Mahsudov]

Сообщение от Tulqin Eshbekov

Кўкда қуёш, қоронғи осмон, самода ой ва юлдузлар нур сочади!

Балиқ кўкда парвоз қилмайди асло,
Бургут сув тагида сузмас ҳеч қачон.
Мантиқсиз сўзлар-чи, "шиғир"лар аро,
Юракни "синдириб" юрибди чунон... 8-D

Оффтоп:

Домла, бўлар-бўлмас гаплар билан мавзуни чайманг, илтимос... Мен аввал ҳам юқоридаги сўзни кечасиям, кундузиям бир хил маънода ишлатилиши мумкинлигини исботлаганман, буни рад эта олмайсиз... Яхши шеър ёза олсангиз, қўйинг шу ерга, маза қилиб ўқийлик. Ёзолмасангиз, сукут ҳам Сизнинг бизга берган улкан ёрдамингиз бўлади. Мен-ку, Сизнинг ёзганларингизга эътибор қилмай қўйганман, фақат бошқалар мавзуни ўқиб, асабийлашмасинлар, дейман... Ҳурматингиз бор, ўшани сақлаб туринг, илтимос.

Айтганча, домла, учар балиқлар борлигини эшитмаган кўринасиз... Дунёда уларнинг қирққа яқин турлари бўлиб, бир неча юз метргача уча оладилар... Қуйида келтирадиган саҳифани очиб ўқисангиз, расми билан келтирилган

http://www.zoopicture.ru/letayushhaya-ryba/

[albatros]

QAYTAR DUNYO

I

Aytib beray rivoyat,
Eshiting qiziq g'oyat.
Qadim o'tgan zamonda,
Olis o'rmon tomonda.
Yashardi kampir-u chol,
Hamda bolasi Jamol
Har kun ertalab kampir,
Qilardi undan xamir.
Xamirdan so'ng qilib non,
Bezar edi dasturxon.
Yurtiga tilab tinchlik,
Chol qilar dehqonchilik
Yashar edi shod xurram,
Yo'q edi tashvishu g'am.
Oqar suvdek shu zayl,
O'tdi o'n oy-u o'n yil.
Bu orada Jamolbek,
O'sdi pahlovon sherdek.

II

Shu yurtda bor edi bir shoh,
Shoh emas go'yo ahmoq.
Ba'zan qilardi hukm,
Xalqni dunyodan mahkum.
Kunlardan bir kuni u,
Elga bo'lib ro'baru
Chiqardi o'z qarorin:
"Yo'q qiling chollar barin
Eb yotar ertayu kech,
Qo'lidan kelmas ish hech .
Biz ularni qilib yo'q,
Xalqni aylaylik tez to'q.
Bazm qilib har oyda,
O'zlari ko'rar foyda
Shohni yomon der ekan,
Qani endi shunday ekan.
Yashirsa otasin kim,
Unga o'limdir hukm".
Tarqalgan qaror shu dam,
Yetib keldi cholga ham.
Bu xabarni tezda chol,
Aytdi o'gliga darhol:
"Mana bugun ey o'glim
Qayg'u bosdi shod dilim.
To'platib ko'p olomon,
Shoh chiqardi bir farmon.
O'ldirib u chollarni,
Yig'latib bolalarni.
Yurtni qilarmish obod,
Boshlarmish yangi hayot."
Bu gaplarni eshitib,
Olloh nomin yod etib.
O'gil ko'p o'yga to'ldi,
So'ng charchab uxlab qoldi.

III

Tong otmay erta turib,
Otasin sekin urib.
Jamolbek dedi : "Ota,
Dalaga chiqmay poda.
Shoh ko'zidan yashirib,
Keyin tezda shoshilib
Sizni xaltaga solib,
Men toqqa boray olib.
Qani darhol turing siz,
Bu yerdan ketaylik tez."
Chol taqdirga tan berib,
So'ng kiyimlarin terib.
Barin xaltaga soldi.
Ozi ham kirib oldi.
Bu paytda kampir yotib,
Uxlardi xurrak otib.
Xabari yo'q bu ishdan
Kezardi shirin tushda.

IV

O'g'il qopni orqalab,
Yurdi ariq yoqalab.
To'xtamay u yurgancha
Yurdi xayol surgancha
Ko'p yurib so'ng charchadi,
Issiqdan xo'p chanqadi.
Suv izlab yana yurdi,
Va nihoyat suv ko'rdi.
Ko'diyu bosib qadam,
Yoniga keldi shu dam.
Bu yerda buloq bo'lib,
Oqardi ariq to'lib.
Jamolbek qopni qo'yib,
Suv ichdi to'yib-to'yib.
Ota ham chiqib qopdan,
Ichib oldi bu obdan
So'ng chashmaga termulib,
Ko'zlarin oldi yumib.
Birozdan so'ng ushlab bosh,
Ko'zlariga olib yosh.
Chol so'zga kirdi birdan:
Voqif etay bir sirdan.
O'g'lim eshit so'zlarim,
Ko'rdi barin ko'zlarim
Men ham bir zamonlarda
Xuddi shu tomonlarda.
Keltirib o'z otamni
Dilda tutdim motamni.
Yillar qo'shig'in aytar,
Bu dunyo "DUNYO QAYTAR"
O'g'il gaplarni tinglab,
Chol poyiga qo'yib lab
Butun vujudin tig'lab
Yubordi birdan yig'lab.
Bag'rini tig'lab pora,
Uzr so'rab ming bora.
Otasin ushlab qo'ldan,
Yurdilar kelgan yo'ladan.
Jamolbek afsus qilib,
Xato qilganin bilib
Shohga ming la'nat aytdi,
Otasin olib qaytdi.

Ular kelishganda sabr kosasi to'lgan xalq shohni taxtdan " qulatgan" edi. Ular o'z otasini qaytarib olib kelgan yigitni ko'rib, uning mehribonligiga, dovyurakligiga, iymonligiga qoyil qolishdi va taxt uchun faqatgina shu yigit munosibligi bilishdi. Shunday qilib yigit otasining, xalqning duoisini olib o'z yurtiga munosib shoh bo'libdi.
( 2005)

[Aliya]

Sahro.

Ketmoqdaman...
Oldinda sahro,
Qum bag'rida pinhon ming yillar.
Ko'z ilg'amas kengliklar aro
Ming yillarga tutash manzillar...

Ketmoqdaman...
Ko'z o'ngim sarob -
Beboshligim - sof va beg'ubor...
Balki, tildan "Ishq" degan xitob
Bir ko'chmagan o'sha bedil yor...

Ketmoqdaman...
Sahro o'rtasi -
Hayollardan ko'zlar qamashib...
Bahorimda kuzning nafasi,
Allaqachon ketdim adashib...

Ketmoqdaman...
Xatolarimning
Olovida kuygan singari.
Sizga bergan jafolarimning
Bag'rim uzra botar xanjari...

Ketmoqdaman...
Onajonginam,
Sahrolarda adashib hamon.
Men tanlagan yo'lim - buyuk g'am,
Buyuk baxtga yetmog'im gumon...

Ketmoqdaman...
Oldinda vodiy -
Balki yetdim endi makonga.
Saroblarda adashib oxir,
Kelgan edim Boshqa davronga...

Ketayapman, Onajonginam...

[Tulqin Eshbekov]

Сообщение от Masud Mahsudov

мавзуни чайманг

"Чайманг"из нимаси бўлди? Бу ҳам "синиқ юрак"ка ўхшаш "кашфиёт"ингизми?

Сообщение от Masud Mahsudov

учар балиқлар

Барибир, улар қушлар каби кўкда қанот қоқа олмайдилар.