Ўқувчига жазо бериш мумкинми?

[OmoN]

Сообщение от Fayzbek

Mana shunaqa tarbiyasi og'ir bir bolani ota-onasini sud tarafidan ota-onalik huquqlaridan ayirib bolani Mehribonlik uyiga joylashtiribdi, o'sha bola ko'cha bezorisi emasmi, bu erdagi bolalar bilan mushtlashib ularni tunab qochib ketibdi, tarbiyachilar esa uni qidirib esi chiqayozdi bir haftalardan keyin o'sha bola qaysidir uzoq qarindoshinikidan topildi, va ilojsizlikdan o'sha qarindoshiga otaliqqa berildi ana shunaqa gaplar...

Шунинг учун мана буни маслаҳат берувдим-да

[Tulqin Eshbekov]

Сообщение от Feruza Xodjayeva

Hozirgi ayrim kollej yoki litsey o'quvchilariga sinalgan o'zbekona tarbiyaning umuman foydasi bo'lmayapdi. Yoki ular juda "yevropalashib" ketishgan, yoki biz zamondan "orqada" qolganmiz tarbiya masalasida

Азиз домлажон!
Тарбия борасида чекинишга ҳаққимиз йўқ! Биламан, сиз айтган ўқув даргоҳларида тарбияси ҳаминқадар болалар билан ишлаш анча оғир. Олий ўқув юртларининг айрим кап-катта талабаларини йўлга солиш ҳам осон кечмаяпти. Эҳтимол, сизу биз ҳам ёшлигимизда устозларимизни шундай қийнаганимиз ўзимизга билинмагандир. Ахир, улар бизни шу даражага етказишди-ку. Демак, биз ҳам авлодлар олдидаги бурчимизни қай усулда бўлмасин муваффақиятли бажаришимиз шарт!
Худо хоҳласа, эртага бу борада битта ҳажвий шеъримни ўқийсиз. Зора...

[Gulnora Voisova]

Сообщение от OmoN

Агар менга колганда укитувчини менсимаганлиги учун укимайдиганларга гильотина ёки электр стулни куллаган булардим.

Гильотина!!! Ўқувчиларгая! Худо кўрсатмасин маориф министри бўлиб қолсангиз борми...

[Tulqin Eshbekov]

Азиз мураббий Феруза Хўжаевага
----------------------------------

УСТОЗ ВА ТАЛАБА ҲАНГОМАСИ
(ҳазил)
Устознинг панд-насиҳатин,
Олмас баъзи талаба.
Тескари иш қилганини,
Ўзича дер – ғалаба!
“Ошкоралик”, деб қўяди,
Юзгачопар бўлса ким.
Устози ҳақ гапни айтса,
Ўтиролмас асло жим.
Маҳмадана бир талаба,
Устозин мот қилмоқчи.
Ёшлигида қандоқ бўлган?
Энди шуни билмоқчи.

– Маъзур тутинг,– депти дангал,
Қилмасдан ҳеч юз-хотир.–
Икки оғиз гап сўрасам,
Деманг-да оғзиботир.
Талабалик йилларингиз,
Қилмаганмисиз хато?
Бирор дарсга кечикиброқ,
Келгандирсиз-ов гоҳо?

– Кечикканман,– депти устоз,
Ростин олиб бўйнига.
Арқонини узун ташлаб,
Талабасин ўйинига.–
Қаттиққўлроқ эди устоз,
Киритмасди дарсига.
Тарбиясин тўғри англаб,
Чидардик “чораси”га.

– Имтиҳонда қай йўл билан,
Олардингиз зўр баҳо?
Саволлари чигал бўлиб,
Билмай қолсангиз гоҳо?
Бироз нўноқ талабалар,
Бўлган, дейсиз, ахир мўл.
Таниш-билиш кетмасмиди,
Топмасмиди ҳеч ким йўл?

– Сен ўзингча ўйлайсанки,
“Нозик жойдан” тутдим, деб.
Шу йўл билан устозимни,
Энди гапдан ютдим, деб.
Имтиҳонда гар қийналсак,
“Шпаргалка” жонимиз.
Бўлган эди таниш-билиш,
Тил топишган онимиз.

– Қизлар билан қай тарзда,
Муомала бўларди?

– Юрагига йўл тополсак,
Шунда кўнгил тўларди.

– Деворларга расм чизиб,
Кетганмисиз бирор пайт?

– Икки исм бош ҳарфини,
Деворга ҳам қилдим қайд…

– Папирос ҳам чеккандирсиз?
Деманг, савол хўб ғалат…

– Гоҳо чекар эдик биз ҳам,
Қилиб кўзни шамғалат...

– Байрамларда қиттак-қиттак...

– Отганимиз рост, иним...
Энди эса ичганларни,
Кўрсам қўзир хўб жиним.

– Муштлашиб ҳам қолгандирсиз,
Безорини кўрганда.

– Кўзимдан ўт чақнаганди,
Бир барзанги урганда…

– Автобусга пул тўламай,
Қочгандирсиз эҳтимол?

– Битта ҳужжат кўрсатгандим,
Назоратчи бўлган лол.
У тушунган одам экан,
Мени мулзам қилмади.
Сариқ чақам йўқлиги-чун,
Устимдан ҳам кулмади…

– Бўлганмисиз дангасароқ?

– Шундоқ бўлиб қоларди.
Ўлда-жўлда баъзи ишлар,
Дилга ғашлик соларди.
* * *
Бу гаплардан талабаси,
Ғолиб санар ўзини.
Устоз эса салмоқ билан,
Шунда айтар сўзини:

– Ёшлик ким-чун бебошликдир,
Ким тўқликка шўх чунон.
Устозининг айтганини,
Қилмаган – хор бегумон.
Ота каби уришганин,
“Уноши” деб алқаган.
Одам бўлмоқ истаганлар,
Одобини сақлаган.
Таъзим бажо айлаб биз ҳам,
Мана етдик муродга!
Тарбияни олмаганлар,
Қолиб кетди уятга...

[Feruza Xodjayeva]

Сообщение от Tulqin Eshbekov

Азиз мураббий Феруза Хўжаевага

Kaata rahmat domla!

[Oygul Rasulova]

Сообщение от Tulqin Eshbekov

УСТОЗ ВА ТАЛАБА ҲАНГОМАСИ
...Tарбияни олмаганлар,
Қолиб кетди уятга...

Шеърингизни мазза қилиб ўқидим. Битта савол берсам айбга буюрмайсизми? Шу шеър орқали баъзи домлаларнинг "сир"ини очиб қўймадингизми?

[Nigora Umarova]

[MOD] Hurmatli Oygul Rasulova!
Forumdoshning fikriga munosabatingizni bildirayotganingizda butun boshli xabarni aynan keltirish shart emas.
[/MOD]

[Oygul Rasulova]

Сообщение от Nigora Umarova

[MOD] Hurmatli Oygul Rasulova!
Forumdoshning fikriga munosabatingizni bildirayotganingizda butun boshli xabarni aynan keltirish shart emas.
[/MOD]

Узр, бу борада энди тажриба орттиряпман. Ўзим ҳам қайта ўқиётганимда буни англадим. Худо хоҳласа, пешқадам форумдошларга етиб олишга ҳаракат қиламан.

[OmoN]

Оффтоп:

Сообщение от Oygul Rasulova

Худо хоҳласа, пешқадам форумдошларга етиб олишга ҳаракат қиламан.

Менга етиб бўпсиз

[Tulqin Eshbekov]

Сообщение от Oygul Rasulova

Шеърингизни мазза қилиб ўқидим. Битта савол берсам айбга буюрмайсизми? Шу шеър орқали баъзи домлаларнинг "сир"ини очиб қўймадингизми?

Бунинг сирли жойи йўқ. Мана, бугун сиз талабасиз, эртага мураббий бўласиз. Ўшанда балки бу шеър сизга ҳам тааллуқли бўлиб қолар?