Dildagi satrlar

[Nigora Umarova]

Куз портретлари

1
Кўзларимда хира тортади осмон,
Анҳоридан кўнгли совийди сувнинг....
Нигоҳи бағримни юборар тилиб
Боққа кириб олган сариқсоч мунгнинг.
Совуқ хайрлашар ёз билан шамол,
Саратонни осон унутар қуёш.
Атиргул титраниб таслим этар жон
Қаттиқ жўякларга қўйганича бош...
Хафаҳол борлиққа тикилиб маъюс
Худонинг ҳукмига этади сабр –
Ёзни севиб қолган қўрс дунё билан
Келишиб яшашга маҳкум сентябр.

2
Қўлидаги сўнгги япроқни
Ерга отиб юборар терак.
Тирнаб ўтар кўксимни шамол,
Ич-этимни ғижимлар юрак.
Оғироёқ қирларга боқиб
Сарғаяди безовта осмон.
...Юзига лой сачраган гулнинг
Энди тозармоғи даргумон.
Сийрак сочли бошини эгиб
Мажнунтол тин олади оғир.
Нафасини ютган дарёга
Чўмилгани келмоқда ёмғир...

3
Изғиринга қилмайди тоқат –
Жонин олиб қочади қушлар.
Хушрўй кузги гуллар
Чорасиз
Қарғаларнинг кўнглини хушлар.
Сертаъна,
Серзарда дунёдан
Совиб борар қуёшнинг кўнгли.
Ўчоқларда олар аланга
Дарахтларнинг кесилган қўли...
Совуқ тунда
Йўлин йўқотиб,
Кўлмакларни кечиб юрар ой.
Манзилини тополмайди бахт –
Бунда ҳамма остоналар лой...

4
Ўчиб қолди осмоннинг шами,
Япроқ сўнгги шеърин тамомлар.
Қизларини солди бозорга
Бели букик, қари ишкомлар.
Не қиларин билмайди шамол
Кўриб кўкси очиқ гулларни...
Кунботарга кетмоқда қушлар,
Тангрим,
Ўзинг асра уларни!
Хазонлардан тутар дарддаста
Кетаётиб
Заъфарон бахтлар.
Хайрлашар кўзи жовдираб
Мен белини қучган дарахтлар...
Худо,
Оғир бўларми шунча
Кечирмоқлик видо фаслини?
Унутолмай яшайман энди
Борлиқнинг шу қиёфасини...

Дилфуза КОМИЛ

[Sparc]

Сообщение от Nigora Umarova

Талмеҳ санъати

Темур тиги етмаган жойни калам билан олди Алишер

мана бу сиз айтган саньат. Буюк аждодларимизни номини санаб утган билан дарров саньат булиб колмайди, саньат бошка луттибозлик бошка.

[Nigora Umarova]

Сообщение от Sparc

Темур тиги етмаган жойни калам билан олди Алишер
мана бу сиз айтган саньат. Буюк аждодларимизни номини санаб утган билан дарров саньат булиб колмайди, саньат бошка луттибозлик бошка.

Барча шоир талмеҳ санъатини ўз билганича қўллайди-де. шу жумладан, шеърхон ҳам шеъриятни ўзича қабул қилади.

[Sparc]

Сообщение от Nigora Umarova

Ёзни севиб қолган қўрс дунё билан
Келишиб яшашга маҳкум сентябр.

Дунё ёзни севгани майли, шунинг учун уни курс деб аташ керакми?

Сообщение от Nigora Umarova

Нафасини ютган дарёга
Чўмилгани келмоқда ёмғир...

дарё ёмгирни нафасини, яъни ёмгир томчиларини, ютган хам дейлик, лекин ёмгирни дарёга чумилгани келиши, тушунарсиз.

Сообщение от Nigora Umarova

Манзилини тополмайди бахт –
Бунда ҳамма остоналар лой...

Яъни муаллифнинг фикрича бахтга факат ёзда эришиш мумкину, колган фаслларда инсонлар бахтли булолмайди, шундайми?

[Nigora Umarova]

Сообщение от Sparc

Яъни муаллифнинг фикрича бахтга факат ёзда эришиш мумкину, колган фаслларда инсонлар бахтли булолмайди, шундайми?

She'r insonni o'ylantirib, bahsli fikrlar uyg'otgani yaxshi. Demak, muallif bekorga yozmabdi.
Erkin Vohidovning Mirzo Abdulqodir Bedil haqida aytib bergan rivoyatlari yodimga keldi:
"Qaysidir majlisda 30 ta inson Bedilning bir ruboiysi ustida bahslashib, uning ma'nosi xususida 30 xil fikr aytishibdi. Majlisga Bedil kirib kelgach, undan ruboiyni sharhlab berishini so'rashganligida, shoir umuman o'zga mazmunda sharhlagan ekan".
Ijodkor ham diliga nimani solsa, shuni yozadi.

[Sparc]

Тушунмадим, охирги 3-4 пост каерга йуколди ? Тозалаб ташландими, кайси сабабга кура ?

[Sparc]

Сообщение от Sparc

Тушунмадим, охирги 3-4 пост каерга йуколди ? Тозалаб ташландими, кайси сабабга кура ?

Хойнахой "Абадият"нинг муаалифи Нигора Умарова булсалар керак, акс холда ушбу шеърни ва бу шеърга каратилган мени постимни учирилишини тушуниш кийин. Муаллиф=модератор уз шеъри=постини учирсин, бу унинг ихтиёрида, лекин мени постимни штрафсиз, умуман сабабсиз, мени рухсатимсиз учирилиши бу нонсенс.

[Nigora Umarova]

Сообщение от Sparc

Хойнахой "Абадият"нинг муаллифи Нигора Умарова булсалар керак, акс холда ушбу шеърни ва бу шеърга каратилган мени постимни учирилишини тушуниш кийин. Муаллиф=модератор уз шеъри=постини учирсин, бу унинг ихтиёрида, лекин мени постимни штрафсиз, умуман сабабсиз, мени рухсатимсиз учирилиши бу нонсенс.

[MOD]Sparc, хабарларни мен ўчирдим.

Оффтоп:

Узр, форумга бугун кирганим учун хабарингизни энди кўрдим.

Модераторлик вазифамга энди қайтдим. Форум мавқеига тўғри келмайдиган шеърни жойлаштиргандим. Унинг савиясига жавобгар бўлганлигим учун ҳам ўз хабаримни ўчириш жараёнида Сизнинг ҳам постингиз қолдирилса, хабарлар кетма-кетлигини кузатишда мантиқсизлик ҳолати юз берар эди.
[/MOD]

[Nigora Umarova]

Bizlar juda aqllimiz,
Ming o'lchab,bir kesamiz.
Yashasin,deb,xalqimiz,
Mansablarda o'samiz.

Bizlar juda aqllimiz,
Qiynalmaymiz dil titib,
Cho'milmaymiz daryolarda
Cho'kib ketish mumkin, deb.

'Uzilganda yashil yaproq,
Titrama,evini qil,
Hayajondan bo'l,- der,- yiroq' -
Oq xalat kiygan aql.

Bizlar juda aqllimiz,
Ba'zan kun-tun o'ylaymiz,
'Bu buyumni qayga qo'ysak
Go'zal bo'lar uyimiz'.

Garchi kutar,qalbda o'kinch
Olislarda onamiz.
Qo'msamaymiz - chunki sog'inch
Egovlaydi umrimiz.

'Sog'inibdi?! . O'tar-ketar,
Bir kun borib kelamiz'.
Boshqa ishga qo'l uramiz,
Chunki biz aqllimiz.

Oydek toza qizni sevib,
Termilib gul yuziga,
Keyin esa uylanamiz
Amaldorning qiziga.

Raqibga tig' bilan chiqmoq -
Dahshat!
Nima qilamiz?!
Axir bizlar aqllimiz,
Makr bilan yanchamiz.

...Bir kun o'lsak,ustimizga
Ulkan toshni qo'yishar
Va albatta o'sha toshga
Aqlli so'z o'yishar.

Xurshid Davron

[Nigora Umarova]

ҚЎҒИРЧОҚЛАР

Уйда набиралар ўйнар қўғирчоқ,
Бири пластмасса, бири латтадан.
Орқадан калитин бурасанг бироқ,
Қимирлаб чиқарар овоз дафъатан.

Ойнаи жаҳонни қўйсанг ногаҳон,
Ўнта қўғирчоқни ўйнатар кимдир.
Бири бўри бўлса, бирови қуён,
Бири бола бўлса, бошқаси кампир.

Қай бир идорага боқсанг гар ўтиб,
Қўғирчоқ шовқини келар ростакам.
Сакраб ўйнашади ўзидан кетиб,
Бошлиқ бураб турар мурватин ҳар дам.

Асло ишим йўқдир бу билан, аммо
Ногоҳ диққатимни тортади улар.
Ўйлардим, қўғирчоқ эмасдир дунё,
Камаяди десам, ортади булар.

Мен бу ўйингоҳга қарайман ҳайрон,
Қўғирчоқлар билмас борар ерини.
Жойи циркдамикин ёки ғаладон,
Кутади ўзининг Шекспирини.

Абдулла ОРИПОВ,22.02.2016