Миллионлар ўйини

[albatros]

Ўзбекистон футбол федерацияси расмий твиттерининг хабарига кўра, Ўзбекистон ўсмирлар терма жамоасининг ҳар бир аъзосига ЎФФ Президенти Мираброр Усмонов томонидан 4 миллион сўм мукофот пули, ТВ ва Fujistu ноутбукларини топширилган.
Ногирон-ампутантлар ўртасидаги Жаҳон чемпиони бўлган футболчиларнинг ҳар бирига 3.000 ҳамда мураббийларга 4.000 АҚШ долларидан мукофот берилди.


Mанба:uff.uz

[Tulqin Eshbekov]

Сообщение от albatros

4 миллион сўм мукофот пули, ТВ ва Fujistu ноутбукларини топширилган.
Ногирон-ампутантлар ўртасидаги Жаҳон чемпиони бўлган футболчиларнинг ҳар бирига 3.000 ҳамда мураббийларга 4.000 АҚШ долларидан мукофот берилди.

Рағбатга яраша ҳаракат, ҳаракатга эса баракот бўлаверади-да!!! Чемпионлик шоҳсупасини ишғол этишни энди кўрасиз!

[Shamil Eshbekov]

Бунёдкор, хайир!

[Tulqin Eshbekov]

Сообщение от Shamil Eshbekov

Бунёдкор, хайир!

Бу гал ютмаса, кейинги гал ютар.
Йигитларимизнинг кўнглини кўтарадиган гаплар ёзайлик, тушкун аҳволга соладиган гаплар билан ҳеч ким ғалабага эришмайди...

[Tulqin Eshbekov]

«Бунёдкор» Жанубий Кореяга етиб борди! Олинган маълумотларда қайд этилишича,
29 октябрь куни “Бунёдкор” ФК делегацияси Жанубий Корея пойтахтига етиб келди.
Тошкент шаҳридан Корея авиакомпаниясининг “Asiana Airlines” самолётида парвоз қилган “қалдирғочлар” душанба куни маҳаллий вақт билан 09:00да Сеулга етиб келишди. “Incheon” аэропортидаги хужжат расмийлаштиришлардан сўнг Ўзбекистон чемпионлари “Gimpo” аэропортига йўл олишди ва у ердан соат 13:00да “Korean Air” рейси билан Ульсанга учишди.
Ульсан шаҳрида “Ульсан Хёндэ” клуби вакиллари кутиб олишди.
“Бунёдкор” ФК делегацияси “Hyundai” меҳмонхонасига жойлашди.
Тушликдан сўнг футболчиларга ҳордиқ чиқариб олишлари учун кечга қадар дам берилди.
Кечки маҳал эса Жанубий Кореядаги биринчи машғулот ўтказилиши кўзда тутилган.
31 октябрь, чоршанба куни Ульсандаги “Мунсу Кап” стадионида ОФК Чемпионлар лигаси ярим финалининг жавоб учрашуви бўлиб ўтади.
Футболчиларимиз кайфияти жангавор. Жамоа аъзолари Тошкентдаги учрашув натижаси тасодиф эканлигини исботлашиб, “Ульсан Хёндэ” тўсиғидан муваффақиятли ўтиш ҳақида ўйлашмоқда.

("Анонс"дан)

[Tulqin Eshbekov]

Бугун "Бунёдкор" йигитларига омад тилайлик. Ғалаба билан қайтиш насиб этсин, "Бунёдкор"им!

[barlos]

Ёшларимизнинг (19 ёшлилар) жаҳон чемпионатига чиқиши, МТЖмизнинг Эрон тўсиғидан ўтишларини ҳар дуога қўл очган пайтимда сўрамоқдаман...

[Tulqin Eshbekov]

Умидимиз ҳеч қачон сўнмағай! "Бунёдкор" гарчи сафарда ҳам имкониятни 0:2 га бой берган бўлса-да қадди букилмайди, ғалаба сари интилаверади. Унга фақат омад тилаб қоламиз.

[albatros]

"Кичкинагина" хабар:
"U-19 ёшлар ўртасидаги Осиё чемпионатига тайёргарлик кўраётган Ўзбекистон ёшлар терма жамоаси 31 октябрь куни Дубай шаҳрида Лондоннинг «Арсенал» клуби Дубай Академиясига қарши ўртоқлик учрашувида майдонга тушди ва ўта йирик ҳисобда ғалаба қозонди.

Аҳмаджон Мусаев шогирдлари учрашувда рақиб қаршилигини сезишмади ва Академия тарбияланувчилари дарвозасига жавобсиз 12 та тўп киритишга муваффақ бўлишди" - дея хабар беради uff.uz сайти.

[Tulqin Eshbekov]

Сообщение от albatros

Лондоннинг «Арсенал» клуби

Ўзбекистон спортчи йигитлари дунёга довруқ солган Англия жамоасини 12:0 га енгдими, ура, шу ғолиблик абадул-абад бардавом бўлиб, катта жамоаларга айланганларида ундан ҳам улканроқ ғалабаларга эришиш насиб этаверсин!