Bahru-bayt

[Alisher Asror]

Сообщение от JasurBek Urinboev

Узр, 888-пост "Н" ҳарфи билан бошланиши керакмасмиди?

Шеърни реал вақтда ёзганим учун кеч қолибман . Эътибор учун раҳмат!

[Mohlaroy]

Сообщение от Gulchehra Ibragimova

Сен сохта шонларга қул бўлдинг, ишон!

Neni izlagandim , nimani topdim ,
Ko’nglimda borini baytlarga sotdim.
So’ngi yo’q <<she’r>>degan sahroda qotdim,
Kimga kulgu bo’ldim, kimgadir havas.

Torlik qilib qolar ba’zida olam ,
Bisotim she’rlarim, bor-yo’g’im qalam.
O’zimni shoirman deymanda men ham,
She’rlarim o’zimni etadi sarmast.

Yo’limda tikanlar chiqib turar lek,
Boshimni egmayman qaddim mudom tik.
Mag’rurman , o’jarman shoir ahlidek,
Qaysarman tashvishni nazarga ilmas .

She’r bilan birovga nafim tegmaydi ,
Yozmasam bu qaysar yurak qo’ymaydi.
G’amga bosh egmaydi , faqat kuylaydi,
Lek mening maqsadim shon-shuxrat emas.

Kimga kulgudirman , kimgadir havas .

Zarnigor

[Mahmud Jurat]

Сообщение от Mohlaroy

Kimga kulgudirman , kimgadir havas .

***
Сайёд кезаман тун боғлар қўйнини,
Йўқотиб қўяман ўзимни беҳол.
Атрофда буюк бир руҳнинг ўйини,
Менчи, қаддим букик, арабий бир дол.

Туннинг қучоғида гул ҳидин татиб,
Яна жавлон уриб чопаман қаён.
Ўзимни алдайман ўзим юпатиб,
Гўё икки дунё сирлари аён.

Аёндир биргина кўнглим ғубори,
Кўнглим бир муҳаббат излаши аён.
Мен ўзим чертаман, бу кўнгил тори,
Кўнгил қалъасини айлайди вайрон.

Кел, эй сайёд кўнгил, топайлик тўхтам,
Фақат ҳақиқатга сиғинайлик жим,
Коинот калити қўлда бўлса ҳам,
Барибир бошқадир асил мунажжим.

(С)

[мафтун]

Мен сени севаман, деёлмаган қиз,
Юзингда уятми, кўзингда афсус?
Мени эслайсанми олислигингда?
Қўмсаб йиғлайсанми ёлғизлигингда?

Мен сени севаман, деёлмаган қиз,
Олисда ёлғизлик этмасми маъюс?
Маъюслик рўйингни куз этмайдими?
Куз сенга ҳолимни эслатмайдими?

Мен сени севаман, деёлмаган қиз,
Ў, кимлар пойингда тиз чўкмади, тиз.
Ҳалиям ғуруринг осмондами, айт,
Ҳалиям мен сенга ёмонманми, айт?

Мен сени севаман, деёлмаган қиз,
Наҳотки, оламда қолдирмадинг из?!
Исмингни эсласам... эсласам эди!
Энг кўҳна сўзимни сўзласам эди:

-Мен сени севаман!
-Мен сени севаман,
Мен сени севаман, деёлмаган қиз

[Mahmud Jurat]

Сообщение от мафтун

Мен сени севаман, деёлмаган қиз

***

Зорланиб дунёни мендан аядинг,
Мени аямадинг дунё дардидан.
Юрагимда кечган ҳар бир ҳаяжон,
Менга хабар ахир дунёвий сирдан.

Сенга сир керакмас, мен керак жоним,
Бу ташвиш сирларни биламан мен ҳам.
Ҳали чиқмас экан танамдан жоним,
Дунёнинг сирлари қалбимга малҳам.

Мени аямагин дунё дардидан,
Қўявер ҳисларим яйрасин ёниб.
Бу бозор дунёнинг ютиб заҳридан,
Юрак малҳами деб ичайин қониб.

Қўй, мени аяма дунё дардидан,
Оҳ-воҳлар аслида ёлғон бир садо.
Биргина жонимдир Тангри маҳридан,
Қолган дардларимга мен ўзим даво.
(С)

[Alisher Asror]

Сообщение от Mahmud Jurat

даво.

О, қўрқмангиз. кўчангиздан ўтмайман бир зум,
Дарчангизга қайрилиб ҳам қарамайман ҳеч...

Силва Капутукян

[Mahmud Jurat]

Сообщение от Alisher Asror

Дарчангизга қайрилиб ҳам қарамайман ҳеч...

***
Чойхонадан чиқдим чўзилиб тунда,
Ҳарорат ҳам бироз баландроқ эди.
Етагига олди шўх шайтон шунда,
Ҳаром туким майин хўп кетдик деди.

Ғизиллаб ўтарди ёнимдан ҳаёт,
Мен унинг комида изладим недир.
Ҳаёт Тангриники, мен унга бир ёт,
Ўзимни алдадим атадим тақдир.

Бахт излаб боламнинг бошин силадим,
Сассиқ чойхоналар бошпанам бўлди.
Аслида ўзимни ўзим алдадим,
Жиғилдон ўрнига паймонам тўлди.

Дуд тўлган бу жойлар ўтмади изсиз,
Ҳар кемтик пиёла ўргатди сабоқ.
Аслида не излаб дод соламиз биз,
Тақдир деб аталмиш бу қуруқ товоқ.

Шайтонга салом бер қўлидан тутгил
Тунда барг шитири беролсин лаззат.
Бир кунинг қолса ҳам шукрона қилгил,
Қайтиб берилмайди бу кемтик ҳаёт.
(С)

[Gulchehra Ibragimova]

Сообщение от Mahmud Jurat

бу кемтик ҳаёт.

..Тўйиб нафас ололмайман кўксим тўлиб,
Ҳеч бўлмаса қолсам эди ёмғир бўлиб.
Деразангга юзларимни урар эдим
“Нега мени севмадинг?”деб сўрар эдим.

Тузалмайман, энди одам бўлолмайман,
Мактуб ёзиб саболардан йўллолмайман.
Жондан яхши кўраману кўролмайман,
“Нега мени алдадинг?”деб сўролмайман

(И.М)

[мафтун]

Сообщение от Gulchehra Ibragimova

“Нега мени алдадинг?”деб сўролмайман

Наргис,
нигоҳларим сарғайиб борар,
келар йўлларинга чўкканича тиз.
ҳижрон ёмғирлари бошимни ёрар
Сенсиз.
Сенсиз
нигорон дил йиғидан тинмас
мунгли қўшиғини куйлайди унсиз
у десам овунмас, бу десам кўнмас,
ҳаргиз.
Ҳаргиз
ҳасратларим етмас поёнга,
кўзингни эслатиб термулар юлдуз...
мени ҳам олиб кет... осмонга [
Наргис.
Наргис,
иқболимиз нечун ҳаяллар?
айт, висол онлари қанчалар олис?
мени мендан жудо айлар хаёллар
сенсиз.
Сенсиз
гапиргим ҳам келмайди, айтсам,
ҳаёт ҳам кўзимга ғалати, ҳиссиз,
сенга барибирми наҳот менсиз ҳам?!
...Эсиз

[Mahmud Jurat]

Сообщение от мафтун

...Эсиз

***
Замонлар ўтди,
Унутди тарих,
Ўз бағрида бўлган улуғ сўзларни.
Қадимдан бор бўлган гўр сўзи қолиб,
Арабий нурларга сиғиндинг халқим.
Юзинг қора бўлди,
Зангги деганда.
Зангтупатиларни унутдинг толиб.
Ҳали ҳалигача Зангги оталар
Бу аҳли жаҳонда ҳурматли, ғолиб.
Юз йиллаб тобелик дардини чекдинг,
Отаули бўлиб отилдинг ғарбга,
Тили ғализ ғарблик Атилла атаб
Қайтариб бермади ғолибни шарққа.
Яна қолиб кетдинг тобеликларда,
Чин ўзингдан хон чиқмагунича.
Чин ўз хонингни Чингизхон атаб,
Яна босқинчи деб сиғиндинг унга.
Аслини олганда темирчи халқим,
Темуринг чиққанча яна оввора,
Маҳмуд ялавочни сотқинчи атаб,
Файзулло, Акмалга сиғиндинг қара.
Яна кетиб борар замона аста,
Яна зеромакслар арабистонда.
Қонингдан айланай эй туркий ота,
Сен араб бўлмайсан Аллоҳ деганда.
О, Тангрим, Олтойни асрагин,
Олтинданку ул,
Сабр берсин сенга Тангрим сўрагин,
Боши очиқ, поёнсиз сабрдир Сибир.
Тарихимсан эй турким,
Мен сенга бир қул.
Мен сенинг мулкингман,
Мук тушиб тавоф қилгум,
Шуни эътироф этгил.

(С)