Dildagi satrlar

[Nigora Umarova]

Ёшлик зангор фасл. Кечди. Саргарди.
Тукилди у. Шафкат билмас баргрезон.
Кора совукларга отиб юборди,
Шамоллар пойида синмокда хазон.
Ёшлик зангор фасл. Кечди. Саргарди.

Харна утди, мендан утди, омон бул,
Канча фарёд килмай, кайтариб булмас.
Хар калай олдинда бордир сунгги йул,
Токи етгунингча хотирот улмас,
Харна утди, мендан утди, омон бул!

Видо табассумли олам, ёшлигим,
Кузларимда котган жолам ёшлигим,
Кукларга етмаган нолам, ёшлигим,
Сувга чукиб кетган болам, ёшлигим,
Видо табассумли олам, ёшлигим.

Рауф Парфи

[Masud Mahsudov]

Ўзбек Ойимга...

"Киярмиди Ўзбек ойим эгнига қора?
Гар фарзандлар бир-бирларин заҳарламасалар"
ТоҳирМалик

Нечун хомуш тортасан бугун?
Кипригингда икки томчи ёш?
Хаёлинг ҳам паришон, забун,
Бунда нега балқмагай қуёш?
Эгнингга сен кийибсан қора,
Кимга яна мотам тутасан?
Фарзандингни ўйлаб сен зор-а,
Қачонгача уни кутасан?
Отабегинг қайдадир ёниб,
Ҳақиқатни излаб юрибди,
Тошкентга лек ўтмагай қўниб,
Чунки Кумуш қабри турибди.
Гарчи Сенга ботса-да оғир,
Айтиш менинг бурчи ҳалолим,
Ўғлингни сен кўрмайсан йиллар,
Кўрингунча кўкда ҳилолим.
"Зайнаббегим" ҳар кун қошингда,
Телбалигин қилади кўз-кўз.
Шартми, ахир, Сенинг ёшингда,
Душманингга гапирмоқ бир сўз.
Қора кийиб, азадор бўлиб,
Доғлармидинг шу улуғ дилни?!
Фарзандларинг бир- бирларига,
Бермаганда заҳри қотилни...

Масъуд

[Nigora Umarova]

...Башар! Таъм курганинг йук, йукса самданми яралмишсан?
Адолат-ла оранг йукдур, ситамданми яралмишсан?
Сукундор булмаюрсан, мавжи ямданми яралмишсан?
Хаётинг бир жаханнамдир, аламданми яралмишсан?
Кунинг, ойинг, йилинг мотамми, гамданми яралмишсан?
Таворихинг тамоман конли дамданми яралмишсан?
Охири йуклигинг бордир, одамданми яралмишсан?
Бокишлар кулкали, юзлар бутун ношод шаклинда,
Бу мотамгохни ким курмиш суруробод шаклинда...

Мухаммад Ходий

Оффтоп:

Лугат
Самданми-захарданми
Мавжи ям-денгиз мавжи, купик
Таворих-тарих

[Masud Mahsudov]

Тинчлик истамайди жонсарак қалбим,
Мудом эмас танда бир ҳил ҳарорат.
Ҳаёл тиним билмас, туролмайди жим,
Юрак ҳам тополмас тўзим-ҳаловат.

Кечиккан ёшликнинг дардини туйиб,
Мўжаз дунёимни безайди ҳазон.
Ҳаёт шаробидан ичолмай тўйиб,
Тарқатдим ё сотдим сувдан-да арзон.

Лабларда табассум, ўзгалар ҳурсанд,
Бахтини топишган аллақачонлар.
Уларнинг юзида қувончни кўрсам,
Баҳрим очилади, яйрайди жонлар.

Биридан олганман завқланиш ҳиссин,
Яна бошқасидан жиндеккина ғам.
Кимдир тақдим этган ҳурлик нафасин,
Шундан, мана, тирик вужудим, танам.

Тақдирим жуда ҳам моҳир тикувчи,
Ундаги Одамлар барча-барчаси.
Бир бутун матони ташкил этувчи,
Сермазмун умримнинг битта парчаси

Mas'ud

[Nigora Umarova]

Bahorni sog'indim...

Bahorni sog'indim, bahorni...
Ko'rganda yerlar, olamlar to'la qorni.
Qor... qor-
Zaharli ninalar kabi
Ko'zlarga qarab oqar...
Qaydasiz, qaydasiz
Latif siynalar kabi
Dalalarga singgan bahor?

Tala-tuz,
Ekin-tikin...
G'amgin-g'amgin
So'la boshladi.
Sarg'aygan yaproq,
Bo'yanib tuproq
O'la boshladi, o'la boshladi...

Yo'q... o'lim yo'qdir!
Yolg'iz bir o'chib, bir so'nish bordir.
Bir o'chib, so'nib... yana yonish bor.
Yana bahorlar,
Yana lolalar,
Yana siz, ey... erkin tilaklar!..

Abdulhamid Cho'lpon

[olim]

Сообщение от Nigora Umarova

...Bu sahifani ochishdan maqsad- har kim dilidagi she'riy satrlarni ushbu mavzuda qoldirish.

.... Aziz forumdoshlar!

....Dildagi satrlarini eshitib ko'raylik...

Vatanim
Men dunyoni nima qildim,
O`zing yorug` jahonim,
O`zim xoqon, O`zim sulton,
Sen taxti Sulaymonim,
Yolg`izim, Yagonam deymi,
Topingan koshonam deymi,
O`zing mening ulug`lardan
Ulug`imsan, Vatanim…

Shodon kunim gul otgan sen,
Chechak otgan izimga,
Nolon kunim yupatgan sen,
Yuzing bosib yuzimga.
Singlim deymi, Onam deymi,
Hamdardu hamxonam deymi,
Oftobdan ham o`zing mehri -
Ilig`imsan, Vatanim.

Sen Mashrabsan, Xalqda tumor,
Balxda dorga osilgan,
Navoiysan, shoh yonida
Faqirini duo qilgan.
Yassaviysan, meniki deb,
Ko`ringan da'vo qilgan,
Ming bir yog`i ochilmagan
Qo`rig`imsan, Vatanim.

Sen Ho`jandsan, Chingizlarga
Darvozasin ochmagan,
Temur Malik orqasidan
Sirdaryoga sakragan,
Muqannasan qorachig`i
Olovlarga sachragan,
Shiroqlarni ko`rgan cho`pon
Cho`lig`imsan, Vatanim.

Kim Qashqarni qildi makon,
Kim Enasoy tomonda,
Jaloliddin - Qurdistonda,
Boburing - Hindistonda,
Bu qanday yuz qarolig` deb
Yotarlar zimistonda,
Tarqab ketgan to`qson olti
Urug`imsan, Vatanim…

O`g`lim desang osmonlarga
G`irot bo`lib uchgayman,
Chambil yurtda Alpomishga
Navkar bo`lib tushgayman,
Padarkushdan pana qilib
Ulug`beging quchgayman,
G`ichir-g`ichir tishimdagi
So`lig`imsan, Vatanim…

O`tgan kuning - o`tgan kundir,
O`z boshingga yetgan kun,
Qodiriyni bergan zamin,
Qodiriyni sotgan kun.
Qo`lin bog`lab, Dilin dog`lab,
Yetaklashib ketgan kun,
Voh bolam! deb aytolmagan
Dudug`imsan, Vatanim.

Yoningda qon yig`lagan bir
Shoiringga qarab qo`y,
Gar Qo`qonga yo`ling tushsa,
Detdomlarni so`rab qo`y.
Hech bo`lmasa Usmon hokin
Keltirmoqqa yarab qo`y,
Olislarda qurib qolgan
Qudug`imsan, Vatanim…

Sen - shoxlari osmonlarga
Tegib turgan chinorim,
Ota desam, O`glim deb,
Bosh egib turgan chinorim,
Qo`ynimdagi iftixorim,
Bo`ynimdagi tumorim,
O`zing mening ulug`lardan
Ulug`imsan, VATANIM !

Muhammad Yusuf

[Nigora Umarova]

Киш олдида

Куклам кетидан ёзни узатдик, у-да кетди,
Кузнинг-да булутли, кора даври келиб утди.

Барглар яна саргайди, тукилди.. яна бушлик...
Кушлар яна туп-туп кочалар... карга, факат, шод!
Хар нарсада бир кайгу, кадар, ранги сулишлик...
Ичдангина, тинсизгина хар нарсада бир "дод!"...

Дунё... яратилганда хунук, чиркин эмиш-да,
Куклам била ёз унга кийимлар кийгизармиш.
Куз... хеч кура олмас, ичи тор, кизгин эмиш-да
Хар нарсани сулдиргувчи кулни тегизармиш...

Абдулхамид Чулпон

[OmoN]

Оддий оилада оддий болалар
Оддий такдир билан тугилаверар
Шамол эркалайди юз-кузларини
Куёш нури билан йугрилаверар

Жуда оддий булар улгайганида
Оила тебратиб утади куни
Жисмида юргизсанг тегримон тоши
Суяги ун булар чикмайди уни

Оддий болаларнинг оддий кунлари
Уйдами далада утаверади
Пахта корайтирар кулчаларини
Жабрми-ситамми ютаверади

Жуда хокисордир, хокутуробдир
Ишга эгни боши ямалиб чикар
Бошкалар жиноят килса у одам
Килмаган ишига камалиб чикар

Елкасига тузукрок жойлашиб олиб
Каёкка хайдасанг кетаверади
Жар солинг гоялар сари олга деб
Уларга курук гап утаверади

PS: Качонлардир укигандим. Авториниям, шеърнинг колган кисминиям эслолмайман. Менимча Нурулло Осмонов деган одам ёзган булса керак.

[Nigora Umarova]

Сообщение от OmoN

PS: Качонлардир укигандим. Авториниям, шеърнинг колган кисминиям эслолмайман. Менимча Нурулло Осмонов деган одам ёзган булса керак.

PS: Нурилло Остонов

[Nigora Umarova]

..."Не вахшат бу,
бас, халойик!
Ал омон!
Котилликни тухтат, хинду,
Газотни куй мусулмон-
Бизлар ахир
Биродармиз,
Фарзанд Одам Атога!
Хак олдида
баробармиз,
Айтинг,
Не бор низога!
Хунрезлик кил демаган-ку,
Ахир Веда
Ва Куръон!
Тиг уради
нега хинду,
Бош кесади
мусулмон?
Фарк-
ким мехроб,
кимса бутга
Сигиниб бош куядир.
Шу фарк учун
Ёкиб утга
Эл бир-бирин суядир.
Бас , адоват!
Бас, энди кин,
Жангни куйинг,
одамлар!
Сизнинг асл ёвингиз ким-
Билиб куйинг,
Одамлар!
Улар
Узок юртдан келиб,
Ерга букиб шонимиз,
Бизни бизга
Душман килиб,
Сурмокдадир
конимиз.
Боскинчининг
Кадимданок-
Фалсафаси аёндир.
Эл ичида
булса нифок,
Демак,
золим омондир.
Улар мазлум ватанида
Булмасин дер
собитлар.
Жахолатнинг гулханида
Исинади
зобитлар.
Элдан омад кетса
дастлаб
Хамжихатлик йуколгай.
Бунда элни
Сиртмок ташлаб,
Хар боскинчи йиколгай..."

Эркин Вохидов "Рухлар исёни"дан