[Без оффтопа] Шеър азиз олам аро...

[Aliya]

Siz bilmaysiz...

Siz bilmaysiz - muhabbatning olovlari
Ko'z yoshlardan ummonlarni ko'targaydir.
Nima bo'pti ayriliqning azoblari,
Nozik yelkam osmonlarni ko'targaydir...

Jilg'alarning shivirlagan siriman men,
Sho'x yellarning yig'lagan ohlariman men,
Siz bilmaysiz - malaklarning biriman men,
Erkaligim jahonlarni ko'targaydir...

Silamangiz - sochlarimda dorlar qancha,
Nigohlarim olovida qorlar qancha...
Bitta shirin arazimga zorlar qancha,
Tabassumim gumonlarni ko'targaydir...

Sel yog'dirib yurakdagi toshingizga
Kelmagayman boshim egib qoshingizga,
Yomon bo'lar gar qulatsam boshingizga -
Nozik yelkam Osmonlarni ko'targaydir!

Siz bilmaysiz...

[Gulchehra Ibragimova]

Сизсиз

Кутаман мен эртами, ё кеч

Сиз қайтасиз пушаймон бўлиб,

Билмам, балки ортга қайтмай ҳеч,

Ўтажаксиз, андармон бўлиб.


Менинг эса бу қалбим Сизсиз -

Баҳори йўқ, хувиллаган куз.

Балки ишқим кетса-да, изсиз,

Бу дунёда ахир сиз борсиз.


Балки Сиздан топганим армон,

Кўзим тўла қолгани ёшдир.

Сизсиз мағлуб, Сизсиз бедармон –

Қолсам ҳамки, иродам тошдир.


Чунки Сиз ҳам мени қачондир,

Ўйлагансиз девоналардек.

Билмам нечун айирди тақдир,

Учрашамиз бегоналардек.


Ахир Сиз ҳам мени қачондир,

Севганингиз афсона эмас,

Сизсиз ғариб юрак ҳам қондир,

Ўзга ёрни баҳорим демас!

[Gulchehra Ibragimova]

Келмадингиз

Келмадингиз, кундузим қаро бўлди,

Васлингиз истагида бир кўнгил яро бўлди.

Шубҳалар панжасида умидим адо бўлди,

Келмадингиз, сиз нечун?


Келмадингиз, мағрур юрак тиз чўкди.

Чақмоқ бўлиб сўзларим ашкнинг чокини сўкди,

Музлар ёғди, нажот йўқ, чўлпон кўзлар дур тўкди,

Келмадингиз, сиз нечун?


Келмадингиз, қуёшим ботди қайга,

Дардларимни топширдим ҳазин навога, найга,

Кўнглимни тошга урдим қарамайин “ҳай-ҳай”га,

Билмадингиз сиз нечун?!.

* * *

Тун қаро, йўл қаро, қошлар қоп-қаро,

Қарашлар жабридан кўнгиллар яро,

Чанқасам, муҳаббат чашмаси яқин,

Ва лекин жонимга кирмагай аро.


Ўнгда тош, сўлда тош, юракларда тош,

Тошларнинг зарбига ким беролар дош?

Умр ёш, гўдак ёш, кўзлар тўла ёш,

Минг бир ўй комида чатнаб кетар бош...

[Alisher Asror]

Ўғлимга айтганим

Иш тескари бўлиб кетдими?
Кўксингга дард тўлиб кетдими?
Тайёр қилган ошингни кимдир,
Чангал солиб юлиб кетдими?

Тўрт тараф ҳам тескари чунон,
Кўзингда ёш, бағринг бўлса қон,
Бу кунлар ҳам ўтиб кетар де,
Ҳаёт ҳали олдинда – инон .

Бўш келмасдан отга қамчи бос,
Ўзинг билан сўзлаш рўйи-рост.
Қаердадир хатоларинг бор,
Курашдингми ғолибларга ҳос!?

Балки омад юз бурди сендан,
Балки бироз кучинг етмади...
Сўнмасин ҳеч дилингда олов,
Ишонч , Ишонч, Ишонч, кетмасин!


(C)

[Gulchehra Ibragimova]

Сообщение от Alisher Asror

Ўғлимга айтганим


(C)

Алишер Асрорнинг юқоридаги ушбу шеъри мени ҳам бир вақтлар ўғлимга ёзган қуйидаги шеъримни ёдга солди..Ҳа, ота-оналар ҳамиша фарзандлари учун қайғурадилар ва ҳақиқий бахтлардан бири ҳам шу менимча..

Ҳаётдан сабоқ

(... Оғзинг тўла қон бўлса-да
Душманинг олдида тупурма)
Амир Темур

(Ўғлим Юсуфжонга)

Сендан саҳоватин аяса ҳаёт
Аллоҳдан ўтингин ирода, сабот.
Бошингга иш тушса йиғлама бот-бот,
Йиғидан кушойиш топилмас, хайҳот!

Йиқилма, устингдан ўтарлар тепиб,
Дўст деб билганларинг сурадилар от.
Курашгин, йўлинг топ, қолмагин депсиб,
Эгилма, уч кўкка чиқариб қанот.

...Инсон бир йўловчи, узоқдир манзил,
Етгунча учрайди қанча ғов-довлар.
Турмушнинг юки зил, оғир шуни бил,
Чекинсанг атрофда кўпаяр ёвлар.

Мағрур бўл, яшасанг бургутдек яша!
Қарға “минг йил” яшаб фақат гўнг ковлар.
Насибанг топилар ризққа яраша,
Шер бўлсанг тулки ҳам мушукдек “мовлар”.

Баъзан номард юриб, мардлар ўлгуси,
Дард чексанг яқининг юзини товлар.
Бу кураш майдонда нелар бўлғуси –
Ёки бир муттаҳам қалбингни овлар.

Чидасанг бўлгани, барига фақат,
Гоҳо кутмаганинг изингни пойлар.
Тоълеинг кулгуси бир кун қатма-қат,
От изин босади албатта тойлар.

Сен талпин чўққига, эзгулик деб ён,
Машаққатсиз ҳаёт – номардга сийлов!
Ҳушёр бўл, ағёрнинг ҳолидир аён –
“Яхшилик қилсанг-да, ниш урар чаён”!

Узоқни кўра бил, эгилмасанг бас,
Қуёшим, Сен борар йўлинг олдинда.
Олға кет, йўлингни тўсмасин ҳеч кас,
Иймони бут бўлмоқ сабоқдир динда!

Ва сўнгги Гулчеҳра сўзим ушбудир: -
Ҳунарни эгалла, бўлмагайсан хор.
Доимо маърифат йўлини қидир
Омадинг от чопсин, толъей бўлсин ёр!

(С)

[Tulqin Eshbekov]

Сообщение от Shaxnoza Eshmirzayeva

“гўзаллар киприк ўқидан камон қошларида пайкон тортиб, алп-баҳодирларнинг ЭС-ҲУШИНИ ўғирлаши” ҳам сиз учун беъмани фалсафа бўлиб туюлар?!

Бу бутунлай бошқа гап, гўзал ташбеҳ-ку! Менга нима қандай туюлиши ҳақида ҳукм чиқарманг-да. Синиши мумкин нарсанигина - синади, дейиш оддий ўзбекча гапдир! Киприкни камонга қиёс қилиб, у кимнингдир кўксига санчилиши мумкин, дея таърифласангиз ҳам гўзал ўхшатиш бўлаверади. Бироқ, "кипригим биқирлаб қайнар, сувларни майдалаб чайнар, ичаги, юраги синар" каби беўхшов, телба-тескари гапларни фалончи устоз шоир ҳам ёзган-ку деб ҳар қанча ишонтиришга ҳаракат қилманг, адабиётга зиён етказишдан бошқа нарса бўлмайди...

[Bekmirzo]

Сообщение от Tulqin Eshbekov

Бу бутунлай бошқа гап, гўзал ташбеҳ-ку! Менга нима қандай туюлиши ҳақида ҳукм чиқарманг-да. Синиши мумкин нарсанигина - синади, дейиш оддий ўзбекча гапдир! Киприкни камонга қиёс қилиб, у кимнингдир кўксига санчилиши мумкин, дея таърифласангиз ҳам гўзал ўхшатиш бўлаверади. Бироқ, "кипригим биқирлаб қайнар, сувларни майдалаб чайнар, ичаги, юраги синар" каби беўхшов, телба-тескари гапларни фалончи устоз шоир ҳам ёзган-ку деб ҳар қанча ишонтиришга ҳаракат қилманг, адабиётга зиён етказишдан бошқа нарса бўлмайди...

Yuqoridagi beo'xshov gaplaringiz sizning ham "suvlarni maydalab chaynash"ingizdan dalolat bermayaptimi, domla. Lekin, hech qisi yo'q, ko'nikib qolganmiz.

Kamonga kiprik emas, aksincha, qosh qiyos qilinadi. Bunday xato qilmang, domla. Uyat bo'ladi.

[Gulchehra Ibragimova]

Сообщение от Bekmirzo

Domla, sizga bitta savol: kelajakda To'lqin Eshbekni ham "manba", yo'g'e, dastak qilib ko'rsatadigan "ijodkorlar" yetishib chiqishiga ishonasizmi-yo'qmi?

Савол ҳануз жавобсиз қолибди..ми ёки ўзи "жавоби йўқ" саволмикан ? Вариантлар йўқми мабодо?

[Gulchehra Ibragimova]

Сообщение от Bekmirzo

Yuqoridagi beo'xshov gaplaringiz sizning ham "suvlarni maydalab chaynash"ingizdan dalolat bermayaptimi, domla. Lekin, hech qisi yo'q, ko'nikib qolganmiz.

Kamonga kiprik emas, aksincha, qosh qiyos qilinadi. Bunday xato qilmang, domla. Uyat bo'ladi.

Ҳурматли Бекмирзо, Масъудбек! Шаҳноза синглим! Шоирлар, ижодкорлар томонидан "юрак синиши", "ичдаги тугунлар", "менсизлик", "Сенсизлик", "сассизлик" каби ибора ва ташбеҳларни ишлатиш қандайдир "адабиётни ўқиб қўйган билағонлар" учун оғир ботар, бу каби сўзларни ишлатиш улар наздида "адабиётга таъсир этиш" туюлар..балки.. Бу каби сўзларни ишлатиш, хато қилиш ижодкорларга мумкин эмас, аммо "олим" акамизга мумкин, яъни киприкни "найза" эмас, "камон"га ўхшатиш.., "камондек санчилиш?!"
Адабиётни "ҳимоячиси" бўлган фидойи "олим" домламиздан илтимос қилардик: Мана Сиз Форум ижодкорларига тўхтовсиз тош отиб, бўлар-бўлмас баъзи бир гапларингизни ёзиб, кўпчиликни дилини ранжитиб келяпсиз..Ҳурмат қилиб, яна билмадим орият туфайлими, гоҳида "портлаб" кетмасдан чидаб, эшитиб келяпмиз..Илтимосимиз шу эдики, юқорида келтирган "киприкни камонга" ўхшатган бирон бир шоирнинг хоҳ классика (мумтоз адабиёт)да, хоҳ лирика ёки ҳозирги адабиётимизда айтилган бўлса, шундан исбот далили билан келтирсангиз..ки, биз "нўноқ" ижодкорлар ундан бахраманд бўлсак ва Сизга таҳсинлар айтсак?! УЗР..

[Aliya]

Сообщение от Tulqin Eshbekov

Синиши мумкин нарсанигина - синади, дейиш оддий ўзбекча гапдир! Киприкни камонга қиёс қилиб, у кимнингдир кўксига санчилиши мумкин, дея таърифласангиз ҳам гўзал ўхшатиш бўлаверади. Бироқ, "кипригим биқирлаб қайнар, сувларни майдалаб чайнар, ичаги, юраги синар" каби беўхшов, телба-тескари гапларни фалончи устоз шоир ҳам ёзган-ку деб ҳар қанча ишонтиришга ҳаракат қилманг, адабиётга зиён етказишдан бошқа нарса бўлмайди...

Сообщение от Shaxnoza Eshmirzayeva

Меn - sinuq, ko'nglim - sinuq, sabrim uyi xud yerga past,
Bilmagay holim shikastin, ko'rmagan muncha shikast.

"Domla" adabiyotning Navoiyni ham tan olmas darajada yuksak cho`qqisiga ko`tarilgan ekanlar, tortishib o`tirishdan nima naf?!