[Без оффтопа] Шеър азиз олам аро...

[Aliya]

Сообщение от Bekmirzo

* * * * *

Derazamning yonida atir
Turar hidin taratib bir gul.

Gul, hidingdan simiray to'yib,
Kel, olamni yayratib bir kul.

Kel, bazmga cho'maylik birga,
Borliqlarni unutib butkul.


Kaminaning 2005 yildagi ijodidan, Kulmaysizlar endi

Yarim yo'lda tashlab ketish yaxshi emas. Boshqa she'rlaringiz ham bormi?

[Bekmirzo]

Сообщение от Shaxnoza Eshmirzayeva

Yarim yo'lda tashlab ketish yaxshi emas. Boshqa she'rlaringiz ham bormi?

Shoir emasman-ku, ijodni yarim yo'lda tashlab ketsam...

************
Momomga bag'ishlov

Momom mening pari edi, hur edi,
Har bir so'zi gavhar edi, dur edi.
Diydoriga to'yolmadim, yetmadim,
Mehribonim yuzi to'la nur edi.

Ish o'ngidan kelar - erta tur, derdi,
Ol kitobing, maktab tomon sur, derdi.
Aytganlarin aslo kanda etmadim,
Aqlli bo'l, odobli bo'p yur, derdi.

Talabalik - yurdim uydan yiroqda,
Dil sog'inchdan to'nin bichdi firoqda.
Bir tun ingrab turdim, bag'rim tig'ladim,
Ko'zim tikib qoldim so'ngan chiroqqa...

...Endi momom yotibdilar qabrida,
Alvongina qizg'aldoqlar bag'rida.
Tuprog'ini ko'zga surtib yig'ladim,
Rahmat etsin - iltijom shul Tangridan.

[Aliya]

Сообщение от Bekmirzo

Shoir emasman-ku, ijodni yarim yo'lda tashlab ketsam...

************

Ish o'ngidan kelar - erta tur, derdi,
Ol kitobing, maktab tomon sur, derdi.
Aytganlarin aslo kanda etmadim,
Aqlli bo'l, odobli bo'p yur, derdi.

Hamma buvilar shunday kuyinchak bo'lishadi. She'ringiz juda yaxshi chiqqan ekan!

[Aliya]

Bag'ringga ol, samo...

Samo, sarhadingga singib ketaman,
Bag'ringga ol meni...
Yerda yo'q havo...
Jon qadar mehrini mendan ayagan
O'gay tuyg'ulardan panoh ber, samo...

Suyanaman sening bardoshlaringga,
Zero, ko'ngling kabi keng saltanat yo'q...
Hijron shamollari xazon singari
Ermak qilar qalbni...
Tanda toqat yo'q...

Panoh ber, najot ber xasta jonimga,
Toki davo topsin bu o'ksik dilim.
Bag'ringda asragan gavharingmidi -
Bitta yulduzingga yetmadi qo'lim...

Nuridan hayotim zulmatga cho'mdi,
Bu yorug' dunyodan sovidi ko'zim.
Bag'ringdan panoh ber...
Va bir kun kelib -
Yulduzga aylanib qolay men o'zim...

O'gay tuyg'ulardan panoh ber, samo,
Mitti yulduzingga aylanib qolay...

[Alisher Asror]

Кипригинг қоқиб қарама,
Чақмоғинг чақиб қарама,
Бунчалар ёқиб қарама,
Бору-йўқ битта жоним бор...

Қўлингда жарнгдор созинг,
Бунчалар майин оввозинг,
Ишвами , латофат – нозинг !?
Бору-йўқ битта жоним бор...

Ишқ – юмуш , сен ҳазил дема,
Ўйнашга ҳам арзир дема,
Тўфонга учради кема,
Бору-йўқ битта жоним бор...


(C)

[Alisher Asror]

Мен бир ўзим боғларни кездим,
Пешвоз чиқди менга йўлаклар.
Ҳар бир дарахт нигоҳин сездим,
Айтгандайин яхши тилаклар.

Менга бу ер жуда ҳам таниш,
Ҳар гўшаси жуда қадрдон...
Ўриндиқлар, жарангдор кулиш,
Интизорлик, айрилиш... армон.

Суянаман бўйчан чинорга,
Суянаман ўйчан, чинорга,
Бир дақиқа кўзимни юмиб,
Эрк бераман телба хуморга...

Қирқ беш йиллик кашандадайин,
Аччиқ тутун ичига ютган,
Ёлғиз келиб мен ҳам атайин,
Ўтишингиз кутганим кутган.

Ҳаёл олиб юрар узоқда,
Фильмдайин ўтади бир-бир.
Хотиралар ҳукмдор боғда,
Тентиб юрар "эски дард" – басир.


(С)

[albatros]

Boshimga tushganda malomat damlar,
Hayotim mazmuni bo'lganda g'amlar.
Yolg'iz suyanchig'im, o'qigan she'rim,
Sizlarga ming rahmat SHOIR odamlar !

[Aliya]

Сообщение от albatros

Sizlarga ming rahmat SHOIR odamlar !

O'zingizga ham RAHMATmi? ;-)

[Aliya]

Tong

Nurli tongda uyg'ot meni oq gullar og'ushida,
So'ngra qoldir, mayli Ishqdek og'ular og'ushida...

Hayotimning qora tuni o`tsin shirin tush bilan,
Va uyg`onay tonglarimda orzular og`ushida...

Orom olsin ro'yo ichra qayg'u ila dardlarim,
Tonglarimning oppoq rangi kulgular og'ushida...

Ko'zlarimni yumib asta, hayotligim unutsam,
Baxt tonglari kutar nurli tuyg'ular og'ushida....

Tun dardida bedorlikda yig'lamoqdan afzaldir
Yorug' tongga yetmoq - shirin uyqular og'ushida.

Qanday go'zal ro'yolarda xotiralar aro sayr -
Ko'ngil degan sayd-u sayyod, ohular og'ushida...

Ertaklarda qolib ketsam, ranjlaringdan olisda,
Baxt izlasam mo'jizalar, jodular og'ushida:

"Nurli tongda uyg'ot meni orzular og'ushida,
So'ngra qoldir, mayli Ishqdek og'ular og'ushida..."

[Tulqin Eshbekov]

Сообщение от Alisher Asror

Энди , шоир, юракни шиша деб, орқасидан нимага юрак синди деб айта олмайди?

Кўнгилни шишага менгзаш мумкин. Шул боис, "кўнгил шишаси синди" деган ибора бор! Энди, кимнингдир юрагидан суяк ўсиб чиққан бўлса (худо сақласин!) у ҳам шиша каби "чирс" этиб синишига шубҳа қилмаймиз. Аммо, тўғри маънода ҳам, кўчма маънода ҳам юрак синмайди, синмасин ҳам!