[Без оффтопа] Шеър азиз олам аро...

[Akhmad Kodirov]

Million yilda meni yaratdi hayot,
Meni so'rab qator tog'lar cho'kdi tiz.
Nahot anglamaysan, bilmaysan nahot,
Axir men bittaman, yagona-yolg'iz.

Bug'lanib qaytadan to'kiladi suv,
Quyoshdan ishorat, ko'z yorar ildiz.
Men axir ularga o'xshamaymanku,
Axir men bittaman, yagona-yolgґiz.

Har elat o'zicha atar shamolni,
Mingta ism bilan yashaydi yulduz.
Sen qaydan topasan boshqa iqbolni,
Axir men bittaman, yagona-yolgґiz.

[Aliya]

Ўтинч.

Кунлар кунга шунчаки ўхшаш,
Қуёш ботар – ой чиқар доим.
Баҳор – ёзга, ёз – кузга туташ...
Ҳаётимга ранг бер, Худойим!

Умр йўлин узун кўрмадим,
“Ялт” этган бир учқун кўрмадим,
Бир рўшнолик, бир кун кўрмадим –
Тунларимга тонг бер, Худойим!

Ғанимларим – синов қарзинг-да,
Ҳар қадамим сўров аршингда.
Юзим ёруғ бўлсин қаршингда –
Адолатли жанг бер, Худойим!

Ўтинганим икки мисра бахт...

[Aliya]

Бахт тилаб...

Мен кетяпман сиздан абадий,
Тилаганим – бахт-у саодат.
Қайга кетсам – тутаман махфий,
Чунки, сизни унутмоғим шарт!

Мен кетяпман унутмоқ учун.
Йўлим тўсманг, севмайсиз мени!
Шундай экан, қайтармоқ – нечун?
Сизга қандай нафи бор буни?

Мен кетяпман чўл саробидек
Бу армонлар мамлакатидан.
Ҳеч тотмадим ишқ шаробидек
Ҳуш шаробни кўнгил қатидан.

Мен кетяпман, азиз севгилим,
Ўтмишимда қолдириб сизни.
Муҳаббатдан пора бу дилим
Унутмоқда кўзларингизни...

[Aliya]

Çok geç

Uyan sonsuz rüyalardan uyan
Çok geç artık çok geç...
Dayan ruhum
Bu acıya dayan
Caresizim cok gec...
Bir günüm daha gecermi sensiz darmadagin
Yapayanlızım
Sigindigim limandi bu ask
Nolur kalbine bir bak ah
Ben oradayim...
Beklemekle dinermi sızı
Sessizligimin yok ilacı
Gün be gün kanarken
Aşk acisi – Savurur yikar gecer zamani...
Uyan sonsuz rüyalardan uyan
Çok geç artık çok geç...
Dayan ruhum
Bu aciya dayan
Caresizim çok geç...
Bir günüm daha gecermi sensiz darmadagin
Yapayanlizim...
Sigindigim limandi bu ask
Ni olur kalbine bir bak ah
Ben oradayim...

Juda kech… (Turk tilidan she`riy tarjima)

Uyg`on so`ngsiz tushlardan uyg`on,
Endi juda kechdir, juda kech...
Tinchlan, ruhim, azobga chida,
Chorasizman, endi juda kech...

Bir kunim ham o`tarmi sensiz,
Yuksaklarda yongan yulduzman...
Yashayapman – sendan olisda,
Ishqqa zorman…
Juda yolg`izman...

Bu ishq men-chun yetolmas armon,
Men armonli yuragingdaman…
Yuragingga bir boq, o`tinchim,
Men hayotman…
Men qalbingdaman...

Kutgan bilan tugarmi og`riq,
Sassizligim yo`qdir chorasi...
Kundan-kunga bag`rim qon etar
Ishq azobi...
Yurak yarasi…

Azoblar vaqt o`tgani sari
Hayotimni yelga sovurar…
Bardoshimni sindirar kunlar,
Boshim egar...
Ko`z yoshim tugar…

Uyg`on so`ngsiz tushlardan uyg`on,
Endi juda kechdir, juda kech...
Tinchlan, ruhim, azobga chida,
Chorasizman, endi juda kech...

Bir kunim ham o`tarmi sensiz,
Yuksaklarda yongan yulduzman...
Yashayapman – sendan olisda,
Ishqqa zorman…
Juda yolg`izman...

Bu ishq men-chun yetolmas armon,
Men armonli yuragingdaman…
Yuragingga bir boq, o`tinchim,
Men hayotman…
Men qalbingdaman...

[Aliya]

Afsus...

Mahzun yuragingdan titrab uchdi oh,
Nigohim qalbingdan bir zum ketmadi.
So'nggi so'z. Jimjitlik. Yolg'izlik... Evoh -
Nahot bir lahzaga sabrim yetmadi?!

Kunda ming dardimni tinglagan surat,
Men unga havodek muhtojligim ayt!
Qaytib so'z qotmoqqa endi yo'q jur'at,
Axir bir lahzaga sabrim yetmadi...

Meni bir zum yolg'iz qo'ygil, yolg'izlik,
Jonimda qolgani bir - dil, yolg'izlik...
Menga jazo berding - ming yil yolg'izlik,
Chunki, bir lahzaga sabrim yetmadi...

Ne qilay - ko'nmasam bo'lmas taqdirga,
(Sababchi o'zimman - Kulmas Taqdirga...)
Kutsam...
Balki, abad bo'lardik birga...
Mening bir lahzaga sabrim yetmadi...

Endi yuragimda alam va afsus...

[Alisher Asror]

Кўнглимдаги ...

Йўлиз тушмас балки биз тамон,
Биз тамонга келмассиз ҳеч ҳам,
Кўришиш ҳам балки даргумон,
Умидим бор, лекин жуда кам...

Мен билмайман қайёқлардасиз,
Манзилингиз қайси чаманда:
Олмондами , Амриқо ёки
Шарқда Хитой, ғарбда Яманда?

Ҳоразмда балки яшарсиз,
Балки Қарши, ёки Сурҳонда,
Самарқанду, Бухоро , Тошкент,
Фарғонами ё Намангонда...?

Балки яшаб ўтгансиз аввал,
Аввал балки мен келдим билмай,
Ё бўлмаса бир дам наридан ,
Ўтиб кетдим кўзимга илмай.

Тақдир деймиз, қисмат атаймиз,
Икки дилниг йўқдир достони,
Севги уйи қурилмади ҳам,
Бузилмади, йўқ қабристони.

Оловланиб ёниб бир ўзим...
Сўниқ гулҳан каби чўкяпман.
“Қайлардасан , қайдасан гулим...”
Кўзларимдан денгиз тўкяпман.


(C)

[Aliya]

Seni sevsam...

Gul bargidan shabnam uchib ketgunicha
Umrim bo'lsa - Seni sevsam bitgunicha...

Gul bargiga qo'ngan nozik kapalaklar
Izhorimni Senga olib yetgunicha...

Gul bargini joynamoz deb, qilsam duo,
Kelmasmisan, Olloh ro'yob etgunicha?!

Gul bargiga yozsam maktub, yetsa senga
Javob bergin arzirli so'z ketgunicha...

Gul bargidan ol rang olgan yonoqlarim
Sarg'ayarmi shabnam umri o'tgunicha?!

Gul bargidan shabnam uchib ketgunicha
Umrim bo'lsa - Seni sevsam bitgunicha...

[Aliya]

Uyg'ongingiz kelmasmi sira?

Uyg'ongingiz kelmasmi sira
Meni ko'rib tushlaringizda...
Ro'yodagi shirin xotira
Hayolimi xushlaringizda?!

Bog'larimda Eramdan kelgan
Iforli ishq gullarimidi?
Yoki baxtdan poyandoz solgan
Jannatlarning hurlarimidi?!

Yoki meni sog'inib shunday
O'ngdan topa olmadingizmi?
Diydorlarni o'tinib tundan,
Tushlarida chorlagan - sizmi?!

Ishqim o'ngda kelar, deb, - malol,
Ro'yo kabi yashab o'tarsiz...
O'sha shirin tushda ehtimol
Qo'llarimdan mahkam tutarsiz...

Tushlaringiz kelsa o'ngidan,
Balki, mendek quvonarmisiz?
Ro'yolar o'ng kelgan ushbu dam
Kutmoqdaman...
Uyg'onarmisiz...?

Men tushdamas, o'ngingizdaman -
Siz sog'ingan shirin xotira...
Axir, mana, yoningizdaman -
Uyg'ongingiz kelmasmi sira?!

[Tulqin Eshbekov]

Сообщение от Masud Mahsudov

Sassizlik o’ymoqda tilingan jonim.

Сас - овоз, товуш, нидо деган маъноларни билдириши "Ўзбек тилининг изоҳли луғати" китобида ёзиб қўйилган. Сассиз деган сўзни ҳам тушуниш мумкин. Энди "бодрингкорлар", "натижакорлик" деган беўхшов сўзлар ёнига ҳаваскор шоир "сассизлик" деган сўзни ҳам қўшибдими?!
Шунинг ўрнига "сукунат" сўзини қўллаганида мантиқлироқ, маънолироқ чиқармиди!!
Ҳаётда ҳам, кўчма маънода ҳам "юрак тилиниши" мумкин. Бироқ, жон тилинмайди! У суф этиб танадан чиқиб кетиши мумкин (худо сақласин!)
Биров бировнинг жонини "тилиб" ташлаганини кўрганмисиз, и-би?!

[Bekmirzo]

Сообщение от Tulqin Eshbekov

Сас - овоз, товуш, нидо деган маъноларни билдириши "Ўзбек тилининг изоҳли луғати" китобида ёзиб қўйилган. Сассиз деган сўзни ҳам тушуниш мумкин. Энди "бодрингкорлар", "натижакорлик" деган беўхшов сўзлар ёнига ҳаваскор шоир "сассизлик" деган сўзни ҳам қўшибдими?!
Шунинг ўрнига "сукунат" сўзини қўллаганида мантиқлироқ, маънолироқ чиқармиди!!

"Sassizlik" degan so'zda hech qanday beo'xshovlik yo'qligi, turkiy tillarda bu so'z mavjudligi va uni Masud o'ylab topmaganligini anglash uchun ko'zning ortidagi miyani ham ishlatganingizda, hasadga to'la savolingizga o'rin qolmasdi...

Сообщение от Tulqin Eshbekov

Ҳаётда ҳам, кўчма маънода ҳам "юрак тилиниши" мумкин. Бироқ, жон тилинмайди! У суф этиб танадан чиқиб кетиши мумкин (худо сақласин!)
Биров бировнинг жонини "тилиб" ташлаганини кўрганмисиз, и-би?!

To'lqin domla,
"jon og'rishi" degan iborani yuqoridagi mantig'ingiz asosida tahlil qilib bera olasizmi?