Oqibat

[Мухаммад Сохиб]

У пайтлар ақлимни унча танимасдим. Уйимизга кун ора бир аёл чиқарди. Онамлар билан қуюққина салом алик қилиб бўлгач, акаларим, синглим ва мени ҳам алоҳида эркалаб қўярди. Акаларим "хола"лаб сўрашганига мен ҳам у аёл холам бўлса керак деб юрардим. Орадан вақтлар ўтиб, ўша аёл билан кўпинча бирга кириб келадиган, биз уларникига ўйнаб борсак, бошимиздан силаб кутиб оладиган киши "холам"нинг эрлари, дадамнинг эса акалари эканлигини билиб қолдим. Бизга ўз боласидай меҳр кўрсатадиган, ҳар келганда қўли қуруқ келмай топганини кўтариб келадиган аёл онамнинг овсинлари экан Бирортамиз бирор марта у муҳтарам аёлни "келинойи" деганимизни билмайман. Уйда нон ёпилса ҳам, онам дарров "ке ўғлим манавини тез Ҳабиба ҳолангникига бериб чиқ" дейдилар. Ёшликда онамизнинг қўлларидан нонни олиб холам берадиган қандга тезроқ эришишни ўйлаб шошган бўлсак, эндиликда соғинганимиз сабаб, меҳрларини туймоқ учун улар томон қадам босамиз. 5 йил аввал отамизни акалари, холамнинг устунлари омонатларини бердилар. Бу хол ҳаммамизни бирдек қайғуга солди. Аммо, начоро! Буни умр дейдилар.
"Бу аёл эри борлиги учун укасининг оиласига ўзини яқин қилиб кўрсатади" дейдиганлар ҳам бор эди. Баъзан гарчи холамнинг самимиятларини сезсамда, менинг ҳам ҳаёлимга шайтон қутқу соларди. Энди эса, ундай ёмон хаёл менда йўқ. Хатто, шундай хаёлга борганимга ўзимдан хижолат чекаман. Ҳозир ҳам ёшлари анча катталашиб қолганига қарамай кун ора саҳарлаб қўлларида қатиқ, қаймоқ билан чиқадилар. "Болаларим яхшилаб нонушта қилиб кетинглар ишингларга" деб.
Ўз навбатида, у киши бизникига келган кун уйда ким бўлса, ҳамма бир бир саломлашиб, дуо ва суҳбатларини олиб, бошқа ишини қилади. Ҳаётимда бўлаётган ушбу манзараларни "ОҚИБАТ"дан бошқа ном билан атай олмадим.
Ўйлайман-ки, атрофимизда бундайлар жуда кўп.

[Hero]

Сообщение от Мухаммад Сохиб

Ҳаётимда бўлаётган ушбу манзараларни "ОҚИБАТ"дан бошқа ном билан атай олмадим.
Ўйлайман-ки, атрофимизда бундайлар жуда кўп.

Albatta bunday insonlar yoq emas lekin o'z yaqinlaringdan ko'ra begonalar o'qibatliroq bo'ladi manimcha yana bilmadim. To'lqin aka va Sohib aka siz bu fikrimga nima diysizlar.

[Tulqin Eshbekov]

Сообщение от Hero

o'z yaqinlaringdan ko'ra begonalar o'qibatliroq bo'ladi

Баъзи ҳолларда ўз исботини топган ҳол бу. Туғишгандан тутинган афзал, деган мақол замирида ҳам оламча маъно бор. Бироқ, бу билан туғишганлар ўртасидаги оқибат ҳам камситилмайди.

[Hero]

Сообщение от Tulqin Eshbekov

Баъзи ҳолларда ўз исботини топган ҳол бу. Туғишгандан тутинган афзал, деган мақол замирида ҳам оламча маъно бор. Бироқ, бу билан туғишганлар ўртасидаги оқибат ҳам камситилмайди.

To'gri aytasiz To'lqin aka. Ayrim oilalar aka-ukalar o'rtasida qil ham o'tmaydi ayrim oilalar pichoq shunaqngi chuqir iz qoldirib o'tadiki

[Мухаммад Сохиб]

Сообщение от Hero

Albatta bunday insonlar yoq emas lekin o'z yaqinlaringdan ko'ra begonalar o'qibatliroq bo'ladi manimcha yana bilmadim. To'lqin aka va Sohib aka siz bu fikrimga nima diysizlar.

Юқорида қайсидир ўринда айтилди. "Бу Оқибат қалб иши" дея. Гар шундай экан, инсоннинг оқибатлик бўлишида асосан қалбнинг холати аҳамият касб этади. Қалбида самимиятни, меҳрни, мурувватни, халиймликни ва яна шунга ўхшаш бир қанча хислатларни жо қила олган инсон ўз яқинларидан бошқаларга ҳам оқибат кўрсата олади. Албатта, қалбда бундай эзгу туйғулар ўз ўзидан пайдо бўлиб қолмайди. Ёшликдан олинган таълим-тарбиянинг аҳамияти ўта катта. Мен доим ўзбек ва мусулмон миллатига мансублигимизга жуда жуда қувонаман. Сабаби, бизнинг миллат вакилларини ўзи ёшликдан оқибат хақида бонг уради. Боласи биров билан уришса, уришмасликка ўргатади. Таом пиширса кўшнисига ҳам беради. Отаси, онасини сизлаб гапиради. Керак пайтда ака уканинг, опа сингилнинг қўпол қилиб айтганда тагликларини ҳам алмаштиради. Одобнома дарсларида ўзидан катталарга салом бериш, йўл ёқасидаги қарияларни нариги бетга ўтишига кўмаклашиш, каттага ҳурмат, кичикка иззат кўрсатишга ўргатилади. Ана шуларни жамланса, бизда ёшликдан болаларни оқибатлик бўлишга ўргатиб борилади. Валлоҳу аълам.
Энди ана шу ўргатилиш жараёнларида ким қанча олса, шунга яраша атрофга таъсир қилади. Хох у акаси бўлсин хох қўшниси, хох нотанишга!

[Colorado]

Сообщение от Мухаммад Сохиб

ўзидан катталарга салом бериш, каттага ҳурмат, кичикка иззат кўрсатишга ўргатилади. Ана шуларни жамланса, бизда ёшликдан болаларни оқибатлик бўлишга ўргатиб борилади. Валлоҳу аълам.

Оффтоп:

"Аввал узинга бок,кейин ногора кок" (с) Валлоху аълам.

[Hero]

Сообщение от Colorado

"Аввал узинга бок,кейин ногора кок" (с) Валлоху аълам.

Оффтоп:

Nima ma'noda aytiz

[Tulqin Eshbekov]

Сообщение от Мухаммад Сохиб

Одобнома дарсларида ўзидан катталарга салом бериш, йўл ёқасидаги қарияларни нариги бетга ўтишига кўмаклашиш, каттага ҳурмат, кичикка иззат кўрсатишга ўргатилади. Ана шуларни жамланса, бизда ёшликдан болаларни оқибатлик бўлишга ўргатиб борилади.

Демак, оқибат пойдевори илмий асослар ила мустаҳкамланмоқда!

[Tulqin Eshbekov]

Оқибатсизликнинг оқибатини қаранг: кеча 82-автобусда кетаётиб, Юнусобод атрофида ғалати воқеанинг шоҳиди бўлдим. Давангирдек йигит бир мўйсафидга дўқ урди, бўлмағур сўзлар билан ҳақорат қилганча бекатда тушиб қолди. Отахон бир ҳолда ўтираверди. Безорини инсофга чақиришга улгуролмадик. Секин отахоннинг ёнига ўтириб ҳол сўрадим. У кишининг жавоби ғалати бўлди: "мен ҳам отамни худди шундай хафа қилгандим, қайтар дунё экан..."

[Hero]

Куни кеча бир иш билан сафарга бориб келдим. Кечқурин таксилар бўлмайди хар замон бир автобус қатнайди. Йўлга чиқдим қарасам автобус кутуб ўтирган екан. Бир бало қилиб етишиб олдим ва миндим. Кейин бир онахон билан бирга хамсухбат бўлиб кетдик унга кўп ёшларнинг характерлари кундан кунга ўзгариб кетяпти. Момуласи эътибор бермайди. Бизларнинг вақтида "Ота-оналар кўзларига қарашга кўрқайдик. Ўзимиздан катта одамларга салом берайдик. Жуда қўп қийинчиликлар кўрганмиз. Ўзимиз айтган ишни қилолмасдик. Бир мисол қилиб пахта даврини айтсам. Қорларнинг остида пахта тирардик. декабр ойлари хаво савуқ бўларди. Хозир эсимда йўқ лекин адашмасам 1965-1969 йиллар бир қаттиқ савуқ қиш келди бизлар талаба эдик. Кейин сентябр ойининг ўрталарида пахта бошланди. Сентябр октябр ноябр ва декабр ойларида пахта тердик. Шунақа савуқ эди кўраклар музлаб қолганди. Лекин барчамиз чидаб келгандик" Хозир мустақиллигимиз муносабати билан 2 ойга қолмай пахта териб олмоқдалар. Хозирги замонга ёшларга хамма эхтиёжларни қолдиришни иложи бор. Лекин биргина қамчилик ўзларини хурмат қилишни ўрганишни хохлашмайди. Кейин мен манзилимга етиб келдим. Онахон Тошкентга кетаётган еканлар эваралари кўриб келишга. Мен эса Самарқанд шахрида қолдим. Шу мавзудаги сухбатимиздан кейин ўзимга керакли хулоса олдим ўйлайман.