[Без оффтопа] Шеър азиз олам аро...

[Aliya]

Оффтоп:

Сообщение от Tulqin Eshbekov

бўлмайди...

Domla, sho`xligingiz ham bor bo`lsin!

Сообщение от Tulqin Eshbekov

"кипригим биқирлаб қайнар, сувларни майдалаб чайнар, ичаги, юраги синар" каби беўхшов, телба-тескари гапларни фалончи устоз шоир ҳам ёзган-ку...

Aytgancha, domla, yana takror aytishni lozim topdim: o`sha MENSIZLIKlar, SENSIZLIKlar, SASSIZLIKlar o`ylab topilgan so`z emas, aksincha ayni turkiy lug`atlarda, adabiyotlarda, san`atda uchraydigan so`zlardir. Agar bunga shubha qilayotgan bo`lsangiz, marhamat qilib, shaxsiy lug`atingizdan HURMATSIZLIK, ADOLATSIZLIK, TENSIZLIK, HAQSIZLIK so`zlarini o`chirib tashlashga so`z bera olgan bo`larmidingiz?! Hatto, HAQSIZLIK iborasi dinimizning muqaddas kitobi QUR`ONI KARIMning izohida ham uchraydi.

Agarda, bu so`zlarning turk tilidan kelib qo`shilishi jinoyat ekan, unda O`zbekiston Qahramoni Abdulla Oripovni ushbu satrlari uchun sudga berib yubormasangiz edi:

«BISYOR bo`lsa agar – bol ham beqadr,
Takror aytilganda rangsizdir kalom»

“Bisyor” forscha so`z axir!

Shaxsiy hayotingizga daxl qilish niyatidan yiroqman, ammo, siz men qatori bo`lgan paytlaringizda, balki, yurak sinishiga birov ishonmagandir, bizning davrimizga kelib esa, Mustaqillik shamollari esgani ko`nglimizdan o`tganlarini yaqqol namoyish etish uchun minbar yaratib berganidir.
She`riyatga bergan “qaynoq” ta`rifingizdan tushunib yetdimki, siz muhabbatning ko`chasidan anchayin yiroqlashib ulgurgan ko`rinasiz. Agarda, qalb ko`zlaringizni kattaroq ochib qarasangiz, singan, sindirilayotgan yuraklarni faqatgina she`rlarda emas, atrofingizda nafas olayotgan, bedor tunlar ichida hayot kechirib kelayotgan yuzlab, hatto, minglab insonlarda ham ko`rishingiz mumkin!
Yana shuni aytishni burchim deb bildimki, siz so`zning ko`chma va o`z ma`nosi o`rtasidagi farqni qorishtirib yuboryapsiz! Chunki, she`riyatda shoh va gadolik bor, ammo pul va moddiy boylik yo`q, yurak va qalb bor, ammo, ICHAK YO`Q! Yurak sinmas ekan, unda ko`zning qayeri ochiq tomir bilan tutashgan ekanki, undan yosh o`rniga ASHK oqsa?! So`zni o`z o`rnida qo`llash ustida avvalo, o`zingiz yaxshilab bosh qotiring!!!

Bahs mikrofonini yana sizga tutqizar ekanman, ushbu forumni kuzatib borayotgan foydalanuvchilar e`tiboriga – javob o`rnida Navoiyni ham mot qiladigan darajada sehrli va go`zal so`zlari o`z o`rnida ishlatilgan ijod namunalaringizdan birini havola etishingizni so`rab qolaman.

Hurmatsizlik qilgan bo`lsam, uzr so`rashdan uyalmayman! Zero, bahslarda HAQIQAT tug`ilajak!!!

[Tulqin Eshbekov]

Сообщение от Shaxnoza Eshmirzayeva

uchraydigan so`zlardir.

Бир пайтлар қайсидир "ижодкор"лар ўйламай-нетмай ёзганлар-да... Ҳатто, бугун биз эъзозлаган устоз шоираларнинг шеърларида ҳам шундай мантиқсизликлар учрайди ва Сиз каби ёшларни УЛАРДАН ИБРАТ ОЛМАСЛИККА чақирмоқчиман. "Юрак синиқ", "менсизлик, сенсизлик" каби мутлақо беўхшов сўзларни айнан устозлик мақомидаги шоира қўллагани учун унга "эргашган"лар маломатга қолиб юрибди...

Сообщение от Shaxnoza Eshmirzayeva

turk tilidan kelib qo`shilishi jinoyat ekan

Туркий тиллардаги ҳамма сўзлар ўзбек тилида ё ўзбекча сўзларимиз бошқа туркий тилларда бир хил маъно бера олмайди. Масалан, САЙҚАЛ деган ажойиб сўзимиз қозоқ тилида қандай маънони англатишини қозоқлардан сўраб кўринг...

Сообщение от Shaxnoza Eshmirzayeva

O`zbekiston Qahramoni Abdulla Oripovni ushbu satrlari uchun sudga berib yubormasangiz edi:

«BISYOR bo`lsa agar – bol ham beqadr,
Takror aytilganda rangsizdir kalom»

“Bisyor” forscha so`z axir!

Бу бутунлай бошқа мавзу. Ўзингиздан катталар ҳақида бунақа ҳақоратомуз гаплар ёзманг. Асли шу гапингиз жиноят...

Сообщение от Shaxnoza Eshmirzayeva

Shaxsiy hayotingizga daxl qilish niyatidan yiroqman

Илтимос, шахсиятимга бу "усул"да тегманг!

Сообщение от Shaxnoza Eshmirzayeva

men qatori bo`lgan paytlaringizda, balki, yurak sinishiga birov ishonmagandir

Бу гапингиз қанчалик мантиқсизлигини мен қатори муаллимларингиздан сўраб кўрсангиз хатоингизни англаб оласиз.

Сообщение от Shaxnoza Eshmirzayeva

Mustaqillik shamollari esgani ko`nglimizdan o`tganlarini yaqqol namoyish etish uchun minbar yaratib berganidir.

Бу минбарда мантиқсиз "юрак синиши"ни эмас, юрак қанчалик малҳам топганини ёза олсангиз мақсадга мувофиқ бўларди!

Сообщение от Shaxnoza Eshmirzayeva

Bahs mikrofonini yana sizga tutqizar ekanman

Мирафонни бир дам йиғиштириб қўйиб, кутубхонага киришингизга, ҳали кўп китоблар ўқишингизга ва мазмунли, мантиқли асарлар ёзишни ўрганишингизга тилакдошман.

[Alisher Asror]

Сообщение от Tulqin Eshbekov

Бир пайтлар қайсидир "ижодкор"лар ўйламай-нетмай ёзганлар-да... Ҳатто, бугун биз эъзозлаган устоз шоираларнинг шеърларида ҳам шундай мантиқсизликлар учрайди ва Сиз каби ёшларни УЛАРДАН ИБРАТ ОЛМАСЛИККА чақирмоқчиман. "Юрак синиқ", "менсизлик, сенсизлик" каби мутлақо беўхшов сўзларни айнан устозлик мақомидаги шоира қўллагани учун унга "эргашган"лар маломатга қолиб юрибди...

Домла бир нарсани Сизга эслатиб ўтмоқчиман:шеърият реал ҳаётдан ўзга дунё, у шоирнинг орзуси , эзгу ниятлари , қалб кечинмалари дунёси. Ўзининг дунёсида шоир ўлса , "биргина авача сўздан тирилиши " (Р. Ҳамзатов) мумкин, қорни ердан осмонга ёғдириши (У. Азим), ёрини баҳорга кийинтириб, юлдузларни қорга ўраши (Ҳ. Олимжон), гул баргидан кафанда ётиши (А.Навоий), қуёшнинг ботишидан фарёд чекиши (Г. Гейне)... мумкин

[Aliya]

Сообщение от Tulqin Eshbekov

мантиқсизликлар учрайди

Domla, sizdan biz o`ylab topgan "SIZLIK" qo`shimchasi qatnashgan MANTIQSIZLIK so`zini qanday tushunishimiz haqida "tushuncha" berishingizni so`rayman.

Turkcha so`zlarga kelsak, (Qozoq tilida qanday so`z qanaqa tarjima qilinadi, bilmadim-u!) lekin, ushbu so`zlar o`z ma`nosida tarjima qilinadi!

Сообщение от Shaxnoza Eshmirzayeva

Bahs mikrofonini yana sizga tutqizar ekanman...

Сообщение от Tulqin Eshbekov

Микрафонни бир дам йиғиштириб қўйиб, кутубхонага киришингизга, ҳали кўп китоблар ўқишингизга ва мазмунли, мантиқли асарлар ёзишни ўрганишингизга тилакдошман.

Nega endi dalil-isbotsiz gaplaringizga ishonib, bahsni to`xtatib qo`yishimiz kerak ekan?! Siz bilan butun bo`lim bahsga kirishgan ekan, aytib o`tganim Navoiy bobomizning ham ijodi shuhratiga soya soladigan darajadagi ijod namunalaringiz bilan o`rtoqlashishingizni TALAB QILAMAN!!!

Alisher Navoiy ijodini inkor qiladigan o`zbek ijodkorining fikrlarini inobatga olish haqida o`ylab ko`rishning o`zi aqlga zid, menimcha!

[Aliya]

Сообщение от Tulqin Eshbekov

Сиз каби ёшларни УЛАРДАН ИБРАТ ОЛМАСЛИККА чақирмоқчиман. "Юрак синиқ", "менсизлик, сенсизлик" каби мутлақо беўхшов сўзларни айнан устозлик мақомидаги шоира қўллагани учун унга "эргашган"лар маломатга қолиб юрибди...

Domla, tortishishdan foyda yo`q.
Vodorod bombasini kashf etgan insonlar uyali telefonni ham, televizor-u avtomobillarni ham kashf etishgan. Har bir kashfiyot, har bir yangilik yo ezgulik, yo yomonlik yo`lida xizmat qiladi.
Siz kashfiyot deb hisoblagan, aslida esa, allaqachonlar lug`atimizda mavjud bo`lgan o`sha so`zlar ma`nosi tushunarli va boy tasavvur bera oladi.
Sizning kashf etgan so`zlaringiz "QICHCHI PICHAKLAR" qanday ma`no bera oladi?!

Xullas, bahslashishdan foyda yo`q.
Sizga esa, menga bergan maslahatlaringiz va izlanishga majbur qilgan bahs davrasi yaratib berganingiz uchun minnatdorchiligimni izhor etaman!
Biz yosh va HAVASKOR ijodkorlarning boshida turib, to`g`ri yo`lga boshlashga harakat qilganingiz va kuyunchakligingizni qadrlayman!

[Aliya]

Сенсизликда.

Сенсизликнинг ҳар лаҳзаси асрга тенг,
Сенсизликнинг ҳар лаҳзаси ўлим қадар.
Ҳар дақиқа минг бор ўлиб соғинчингда
Ва ҳаётга қайтмоқликка руҳим чидар...

Дийдорларинг ваъдасими ширин тушлар –
Саробларга тўкиласан...
Уйғонаман...
Сенсизликнинг ҳар лаҳзаси Сендек азиз,
Гарчи Сенсиз азобларда тўлғонаман...!

Сендан кўра, Сенсизлигинг менга ҳамдард,
Сенинг каби зор йиғлатмас ёлғизликда.
Дийдоринг ҳам ғаним бўлди маҳшаргача,
Сени севиб қолдим ахир Сенсизликда...

Сенсизликнинг ҳаёллари Сендай азиз,
Сенсизликда СЕН деган бир азоб ҳис бор...
Сенсизликда Сени севиб йиғлаётган
Ўтмишингда қолиб кетган пари қиз бор...

Сени севиб қолдим охир Сенсизликда...

[Nigora Umarova]

Сообщение от Shaxnoza Eshmirzayeva

Сени севиб қолдим охир Сенсизликда...

"Сенинг бахтинг шундаки, сен сенсизлик нима эканлигини билмайсан..."- деб куйланган эди бир қўшиқда.

[Maestro]

Оффтоп:

"Критиковать - значит объяснять автору, что он делает не так, как делал бы я, если бы умел." (с) Карел Чанек

"Критика требует куда больше культуры, чем творчество." (с) Оскар Уайльд

[Masud Mahsudov]

Сообщение от Maestro

Оффтоп:

Оффтоп:

Карел Чапек, эди, адашмасам... Шунақа номли адибнинг асарларини ўқигандим...

[Aliya]

Faryod.

Osmon, senga yetarman, deb qanotlarim qayrildi,
Senga to'yib o'larmidim - boshginamga qulasang?!
Umid menga qanot edi, yetmay turib, ayrildim,
Bermasmidim diydor uchun hayotimni so'rasang?!

Ming yillarning g`avg`osini boshim uzra yog`dirding,
Qizg`andingmi tushlarimda va`da qilgan Baxtni ham?!
Ko`klam chog`i Orzugulim qor ostida qoldirding,
Ko`zlarimga ravo ko`rib ashk qayg`usi ichra nam...

Qalbim vayron, taqdirdagi yozug`imga ko`ndim men,
Qachon o`shal Baxt manziling sog`inchimni taniydi?!
Yetib bo`lmas sohillaring ko`zga qiyos qildim men,
Va ularga termulgancha ko`z yumsam ham qaniydi...?

Osmon, senga yetarman, deb qanotlarim qayrildi...