Bahru-bayt

[Gulchehra Ibragimova]

Сообщение от Alisher Asror

....Topolmadim deyish bitta chora-da.


Alisher Asror

Аё дўст, жон десанг, берай минг бир жон,

Ҳар не азиз, айлай йўлингда қурбон.

Кофири бераҳм, бирга бўлсанг бас,

Белга зуннор боғлаб, бахш этгум иймон.


Паҳлавон Маҳмуд

[Alisher Asror]

...Nazar qilmazsan ahli dard go`zdan oqizan sela,
Yamonlikdur ishing ushshoq-la, yaxshimidir so`yla,
Kel Allohi sevarsang oshiqa javr etma , lutf ayla,
Go`zim, jonim, afandim, sevdigim, davlatlu sultonim!


Fuzuliy

[Gulchehra Ibragimova]

Сообщение от Alisher Asror

...
..Go`zim, jonim, afandim, sevdigim, davlatlu sultonim!


Fuzuliy

Маҳшарда йиғилгай барча бир ерда,

Ажр хавотири аёлу эрда.

Қўшқўллаб узатгум оташин ишқим,

Менга: "Қани ҳадянг?" - деган тақдирда.



Абусаид АБДУЛХАЙР

[Alisher Asror]

Aniqlik bu mehnat, hammaga ayon,
Umumlik safsata, har yerda ziyon.
Qoshimdagi bitta safsatabozdan,
Ayt do`stim qaylarga qochayin , qayon!?

(C)

[Gulchehra Ibragimova]

Сообщение от Alisher Asror

Ayt do`stim qaylarga qochayin , qayon!?

(C)

***





Не боис бошимда балойи ҳижрон?

Кулиб жавоб берди жонажон жонон:

Кўзингман, не ажаб кўрмасанг асло,

Жонингман, кўринмас жон ҳам, эй нодон!"



Абусаид АБДУЛХАЙР

[Alisher Asror]

...Neki bor jahonda unutgay bashar,
Faqat koru-hayru , faqat she`r yashar.


Firdavsiy

[Gulchehra Ibragimova]

Сообщение от Alisher Asror

...Neki bor jahonda unutgay bashar,
Faqat koru-hayru , faqat she`r yashar.


Firdavsiy

Шоир ака, бу "майдонда "ўзи биздан бошқа беллашадиганлар қолмади шекил? Шунча ишдан кейин лирик чекиниш яхши натижа беради.. Навбат яна "Р"гами?.Узр сўраб, шеърнинг ўртасидан, "Р" бор жойидан бошлайман:

..Рафиқамга рақибман,
боламга бегонаман,
Дўстларимга душманман,
хешларимга ет ёт,
Сенга маҳлиё бўлган
оламга бегонаман,
Қарамасдан сен томон
кўзимга зулм этдим,
Зулм қилсам ҳар қачон
ўзимга зулм этдим.

Иқбол Мирзо

[Alisher Asror]

Сообщение от Gulchehra Ibragimova

Шоир ака, бу "майдонда" ўзи биздан бошқа беллашадиганлар қолмади шекил?

Menga qolsa ko`pchilik yaxshi edi, lekin ikkimiz ham eplayapmiz chamamda


May , oqshom, qizil libos...
Yurakni olding behos.
O`tib ketding yonimdan,
Bandingman qilgil xalos.

Hush bo`ying ildi sabo,
Hush ro`ying bildi sabo.
Shamolcha qadrim yo`qmi,
Otib ketding beparvo.

O`tib ketding men hanuz,
Turibman essiz , yolg`iz.
Qancha vaqt, qaysi makon,
Qishmi, bahormi yo kuz?

May, oqshom , qizil libos,
Bandingman qilgil xalos.


Alisher Asror

[Gulchehra Ibragimova]

СЕН ЖАҲОНГА ТЎЛУҚСЕН,
ЖАҲОН СЕНДАН БЕХАБАР
Сенсан оройиши жон, бу жон Сендан бехабар,
Сен жаҳонга тўлуғсен, жаҳон Сендан бехабар.
Андиша дарёсинда сирим сафийнасини
Юз тарафга суздирдим, сайрон Сендан бехабар
Гар десалар куфр ўлар: ашё Сендан холидир,
Манзил Сендан мустағрақ, макон Сендан бехабар.
Замин, осмон, ғарбу шарқ партавингда гардондир,
Замонига Сен гардон, замон Сендан бехабар.
Истар Сени денгизлар, тўлқинланиб шавқингдан,
Сен улар ичра маълум, уммон Сендан бехабар.
Замин тилар осмонда, осмон тилар заминда,
Бир-бирига гумонда, гумон Сендан бехабар.
Махтумқули, кўр энди, ашёлар не ишдадир,
Йўқ эмиш бу ашёда, ҳамон Сендан бехабар.

Махтумқули

[Alisher Asror]

Raqiblarning kishtidan himoya, qo`rg`on qurdim,

Yomon gap-so`zlarini atay yaxshiga burdim,

Shunda dilim gulzori yashnab ochilaverdi,

Payt kelganda ot o`ynab, keyin filimni surdim.


Alisher Asror