Тулкин Эшбек ижодидан

[Tulqin Eshbekov]

ТЎҒРИ ГАПНИНГ ТЎҚМОҒИ
ёхуд дил дафтаридаги битиклар
(Давоми. Боши ўтган саҳифаларда)

* * *
Лўлидан ботир чиқса чодирига ўзи ўт қўйгани каби бу “ёзувчи” миллий адабиётимизга мунча тош отмаса?!

* * *
Ичиқора, ёвуз кимса яхши одам қандоқ бўлиши мумкинлигини тасаввур эта олмайди. Мабодо у ёзувчи бўлиб қолса, яхши образ яратишга ярамайди. Яхши, ибратли образлар яратмоқ учун аввало ижодкорнинг ўзи яхши одам бўлиши, яхшилик неъматини дилдан ҳис эта олиши лозим.

[Tulqin Eshbekov]

QUVNOQ GAPLAR (Davomi. Boshi oldingi sahifalarda)

BIR-BIRIGA ZID GAP
Bechorani ayblama,
Bormi o`zi uyating?
Bir-biriga zid gap-ku,
Chalg`itishmi niyating?

BIR-IKKI GAP
Bir-ikki gap aytgan edim,
Bo`ldi biroz tasalli.
Shifokorga dardin aytsa,
Tuzaladi kasali.

[Tulqin Eshbekov]

ТЎҒРИ ГАПНИНГ ТЎҚМОҒИ
ёхуд дил дафтаридаги битиклар
(Давоми. Боши ўтган саҳифаларда)

* * *
Душманларим ғийбат қилишлари учун доимо имкон қолдириб юраман, йўқса, улар бошқа кир қидирадилар, ҳеч тополмаса, нимадир уюштиришлари мумкин. Бу ҳаммасидан ошиб тушмайди, деб ким кафолат беради?..

* * *
Шер кўрсичқон ва каламушлар билан олишмайди!
Олишса нима бўлади? Шернинг обрўсига путур етиб, ўша кўрсичқон ва каламушларнинг (кимсан – Шер билан олишгани учун!) нуфузи ортиб кетиши турган гап!
Шул боис уларнинг бемаъни чийиллашларига эътибор бермайман!

[Tulqin Eshbekov]

QUVNOQ GAPLAR (Davomi. Boshi oldingi sahifalarda)

BIRINChI GAP
Birinchi gap, deb boshlar,
Bukkancha bosh barmog`in.
Ha deb “ma`qul” deyversang,
Tashlab ko`rar qarmog`in…

BIROR GAP
Biror gap bo`ldimi, deb,
Xavotirda turamiz.
Bo`lmasa-da hech bir gap,
Jon hovuchlab yuramiz.

[Tulqin Eshbekov]

ТЎҒРИ ГАПНИНГ ТЎҚМОҒИ
ёхуд дил дафтаридаги битиклар
(Давоми. Боши ўтган саҳифаларда)

* * *
Яхшига кун йўқ, деган гап бежиз айтилмаганини энди тушундим. Яхши ишлаган сарим ёмонотлиқ қилишга чиранишади-я...

* * *
Иссиқ жон иссиқ меҳр истайди.

[Tulqin Eshbekov]

QUVNOQ GAPLAR (Davomi. Boshi oldingi sahifalarda)

BIROR BIR GAP
Har bir gapning tagida,
Nimkosasi doim bor.
Biror bir gap eshitsang,
Qilgil albat e’tibor.

BIRORTA GAP
Qadamingni bilib bos,
Aytib qo`ydim o`zingga.
Birorta gap eshitsam,
Ko`rsataman ko`zingga.

[Husen]

Сообщение от Tulqin Eshbekov

Яхшига кун йўқ, деган гап бежиз айтилмаганини энди тушундим. Яхши ишлаган сарим ёмонотлиқ қилишга чиранишади-я...

Сообщение от Tulqin Eshbekov

Шер кўрсичқон ва каламушлар билан олишмайди! Олишса нима бўлади? Шернинг обрўсига путур етиб, ўша кўрсичқон ва каламушларнинг (кимсан – Шер билан олишгани учун!) нуфузи ортиб кетиши турган гап! Шул боис уларнинг бемаъни чийиллашларига эътибор бермайман!

Битикларингизнинг бирида яхшига дўнасиз, бирида шерга айланасиз! Сиз ҳам мумтоз адабиётдаги фахрия усулидан фойдаланасиз, шекилли? Ўз даврида Навоий бобомиз ҳам бу усулдан фойдаланган, "қаламим билан Хитойдан Хуросонгача забт этдим" каби оҳангда!
Аммо, ижодингиз фақатгина ўзингизга таърифдан иборат бўлиб қолмаса яхшийди! Зеро, айтгансиз-ку,

Сообщение от Tulqin Eshbekov

Баҳслашаётган одам ўз ҳақиқати учун курашади. Фақат, у ҳақ бўлса бас! Унинг қанчалик ҳақлигини холис кузатувчилар холис баҳолаши мумкин!

Демак, ижодкор баҳони ўзидан эмас, холис кузатувчилардан кутгани маъқул!

[Oygul Rasulova]

Сообщение от Ulugbeck

Циркач гап (цирк артистини гапига ўхшаган) Циркул гап.. Цилиндрсимон гап.. Центер гап (ботмон гап дегандай) Циклли гап (даврий гап) Циан гап (заҳар гап) Цемент гап .....

Бунака гапларнинг бирортасини одамлар огзидан эшитмаганмиз. Домла энг оммабоп гапларнигина каламга олган шекилли?
Ё сиз томонларда шунака "циркул гап"га ухшаган мантиксиз гаплар айтиладими? У канака гап экан? Мабодо, муаллифнинг максадини тушунмаётган булсангиз, олдинги сахифалардан бирида ёзган "Гап фалсафаси" маколасини укиб чикишингизни маслахат берардим.
Агар масхара килаётган булсангиз узингиз биласиз...

Мехр кузи билан кузатиб бораётган форумдошларга бир хушхабар: илгари "Кувнок гаплар"дан "Огох", "Узбекистон адабиёти ва санъати" газеталари парчалар эълон килганини маълум килгандим. 2010 йил 11 февралдан эътиборан "Чархпалак" газетаси Тулкин Эшбекнинг "Кувнок гаплар" туркумини давомли тарзда тулик ёритишга карор килибди!

[Oygul Rasulova]

Сообщение от Tulqin Eshbekov

Шер кўрсичқон ва каламушлар билан олишмайди! Олишса нима бўлади? Шернинг обрўсига путур етиб, ўша кўрсичқон ва каламушларнинг (кимсан – Шер билан олишгани учун!) нуфузи ортиб кетиши турган гап! Шул боис уларнинг бемаъни чийиллашларига эътибор бермайман!

Шер уз обрусини уйлаб индамай юраверса, курсичкон ва каламушлар хаммаёкни вайрон килмайдими?

[Tulqin Eshbekov]

QUVNOQ GAPLAR (Davomi. Boshi oldingi sahifalarda)

BITADIGAN GAP
Bitadigan gapmi shu,
Issig`ida bitirgin.
Ishing bitgach jimgina,
Tilni tiyib o`tirgin.

BITMAYDIGAN GAP
Bitmaydigan gap bo`lsa,
Ne qilasan urinib?
Yomon ko`rib qolishsa,
So`ng ketasan surinib…