Bahru-bayt

[Sirim]

Сообщение от Alisher Asror

Baribir yana "M" xarfi bo`lib qolyapdi... Men bir hazil she`rimni topib oldim, o`qib ko`ringlarchi...

"M" bo'lsa "m" da, keyingi she'ringizni men ham bog'lolmadim
...
Menga bir tabassum hadya et, ey yor
Nur insin lablaring sohillaridan.
O'zing ayt sendayin go'zal qayda bor
Kipriklari uzun kokillaridan.

Iymanib yashama xayol pinjida
Yoyil, yayra jonim, o'rtanma g'amda.
G'iybatlarga chida, g'amlarga chida
Chunki sen bittasan yorug' olamda.

Men esa oshig'ing seni eng g'arib
Tundan so'z qarz olib tongga tutguvchi.
Sening yoningda ham seni axtarib
Seni yoningda ham seni kutguvchi.

Biz baxtli bo'lamiz xudo hohlasa
Xudo hohlamasa uchrasharmidik!

[Nigora Jumaeva]

Кўзингда чақмоққа ўхшаш ўтли нам,
Рангинг синиқиши, лаб титраши сир.
Балки, ҳисни бўғиб, иродангга жим
Ёлворасан, куч бер, бўлмай деб асир?
Кўмиб юбормоқчи сен тул ёшлигинг,
У — фақат яшнашга қодир табиат.
Балки, бахт бекаси атаган кишинг —
Руҳи ҳам истамас хазонинг бевақт?
Билсанг, дарахтни синдирар бўрон,
Ниҳол бўлса, яна ўсар гуркираб.
Балки, йўқ таъналар, андиша, гумон,
Бахтга ҳаққинг ютар, дилинг зирқираб?
Ярим тақдир гўё синиқ кўзгумиш,
Ҳаёт тақозоси бахт бекамликдир.
Балки, тўкқиз гулинг билмасдан сўлиш,
Пок ҳиснинг амрига кирмак керакдир?

Зулфия

[Gulchehra Ibragimova]

Ростин айтсам чарчаб кетдим- "Р" ҳарфидан,
Бошқа ҳарфга навбат йўқдир- "Р" дастидан.
Қофияларни келиштирдим "улай-булай"
Энди "Н"га тутулдим-о, мен афтидан..
(ҳазил)

[Alisher Asror]

Navbahor ochildi gullar, sabza bo`ldi bog`lar,
Suhbat aylaylik kelinglar jo`ralar , o`rtog`lar.

(Muqimiy)

[Gulchehra Ibragimova]

Алишербек атайдан "Р" ҳарфи билан тугуйдиган сатрларни излаяптиларми ёки тасодифми? Бир хислат топганга ўхшайсиз-о, нима бўлган-да ҳам шу ҳарфдан (ҳазил). Майли, мана жавоб -
Фариддидун Аттор ижодидан:


Рафиқлар тўлдирди майсазор боғим,

Май бирла ювилди дилда бор доғим.

Ашкимга чўмилгай гул дардига ер,

Ғиштга айланмайин хоким-тупроғим.

[Masud Mahsudov]

Мени “бевафо”, деб
Айблама, гулим,
“Меҳрингиз қаттиқ”,-деб
Солма юзимга.
Тошга қиёслама
тирик вужудим,
Тўр солма
ҳар куни босган изимга.

Ширин ўйларингни
Қилма дастурхон,
Бу таом туюлар
Мисоли заққум.
Кўзларингга қараб
Эзилади жон,
Сен-ла қололмайман.
Йўқ бунга ҳаққим!

Виждоним йўл қўймас,
Қалбим қийналар.
Дардим қанчалигин
Билмайсан, гулим.
Пичоқсиз сўйилар,
Тиғсиз тирналар,
Ипсиз осилади
Нотавон дилим.

Бўлди.
Кетаяпман.
Умидингни уз!
Бир нарса тўсиқдир
Пок ниятингга:
Кўксимда илк севгим
Яшайди ҳануз.
Мен лойиқ эмасман
Муҳаббатингга.

(с)

[Gulchehra Ibragimova]

Аълосан шубҳасиз беҳуда жондан,

Аълосан шубҳасиз дили бирёндан.

Аълосан шубҳасиз кўзи гирёндан,

Аълосан шубҳасиз жумла инсондан!


Саид Ҳасан Ғазнавий

[Alisher Asror]

Сообщение от Gulchehra Ibragimova

Алишербек атайдан "Р" ҳарфи билан тугуйдиган сатрларни излаяптиларми ёки тасодифми?

Ozroq harf o`yini qilgan edim Bizda raqibni yengish uchun zaif nuqtaga ko`p marta zarba berish kerak, lekin men sizni yengish niyatim yo`q. Sizga yutqazib ham o`zimni g`olib hissoblayman.

Avval o`n ming pul oldi,
So`ng ko`ngilga qo`l soldi,
Qanday? Qanday, bilmadim,
Yurakka kirib qoldi…

Ingragan nima ekan?
Dilga sanchildi tikan…

Yurak, “bo`ldi, ket”, deb ayt,
Osoyish paytingga qayt,
Oyday suluvni maqtab ,
Mayli bit eng go`zal bayt.

Ingragan nima ekan?
Dilga sanchildi tikan…


Qanday kechadi yurak,
Yurakka shu dard kerak,
Bu dardni ko`targani,
Bir devona mard kerak.

Ingragan nima ekan?
Dilga sanchildi tikan…



Alisher Asror

[Sirim]

Nigohimga havotir ko'chgan,
Xayotimdan halovat uchgan,
Qolyapti kundan kun kuchdan
Men otamni nochor ko'rgayman,
Men otamga umr so'rayman.

U.Abduazimova

[Gulchehra Ibragimova]

Алишер Асрордан хабар : "Ozroq harf o`yini qilgan edim Bizda raqibni yengish uchun zaif nuqtaga ko`p marta zarba berish kerak, lekin men sizni yengish niyatim yo`q. Sizga yutqazib ham o`zimni g`olib hissoblayman".


Спортдаги "прием-усул"ларни шеър санъатида ҳам қўллабсиз-да, майли омадингизни берсин. "Чидаганга чиқарган" ижодкорликни ҳам.

На дунё боғи, на гулзори қолар,

На гўзаллар ҳусни, озори қолар.

Омонат даҳри дун - барчаси фоний,

На ёр нозию ошиқ зори қолар.

Амир Хисрав Деҳлавий

"Р"га биздаям топилади! (ҳазил)