Ҳикматли сўзлар

[Kavsar]

Bir lahza nodon suhbatida bo'lmoqdan ellik yil zindonda turmoq afzal.

[Shokir Dolimov]

Юракда талпинса ғолиблик қони,
Душманинг жасади бошида туриб,
Хаётинг йўлига тўғаноқ бўлган
Мағлуб рақибнинг аҳволин кўриб,
Билгинки, эй банда, бу улуғ неъмат !
Оллоҳнинг кўрсатган сенга карами,
Идрокинг бўлмасин асло разолат
Адолат ёзгандир Ҳадис қалами

Д

[Bobir Samadov]

Сообщение от Kavsar

She'r o'zingiznikimi? Yaxshi chiqibdi. Zamonga mos hikmat ekan.

Шеър узимники эмас, Аммо ута долзарблиги учун хам ёздим )

[OmoN]

Бир куни машҳур бастакорга бир манман мусиқачи ўзининг янги асарини олиб келиб кўриб чиқишини сўрабди. Бастакор мусиқачига "Асарингизда жуда кўп гўзалликлар ва янгиликлар бор" дебди. Мусиқачи хурсанд бўлиб "Асаримга шундай юксак баҳо бердингизми" деса бастакор "Ҳа. Лекин асарингиздаги янгиликлар гўзал эмас, гўзалликлар янгилик эмас" деб жавоб берган экан.

[Bobir Samadov]

Не жалуйтесь на судьбу. Ей, может быть, с вами тоже не очень приятно.

[Kavsar]

Yaralmishlarni sevish orqali Yaratuvchiga boriladigan muhabbatdan, Yaratuvchini sevish orqali yaralmishlarga muhabbat ming chandon ulug' va haqiqiy ishqdir.

[Kavsar]

Zamonni yomonlamang, zamonning egasi Haqdir.

[Nigora Umarova]

Танингда филнинг кучи, чумолининг ғайрати бўлсин.

****
Ғунча гулдан ҳам гўзалроқ. Чунки унинг бағрида икки ҳаёт-ўз ҳаёти ва яна гул ҳаёти бор.

Абдулла Қаҳҳор
(Бугун 17 сентябрь ёзувчи Абдулла Қаҳҳор туғилган кун)

[Kavsar]

* * *
Qo'rqoq bo'lib yashagandan ko'ra mardona o'lim afzal.

* * *

Insonning mardligi bilagida kuchi borligi bilan emas, g'azab kelganda ichga yutib sukut qila olgani bilan o'lchanadi.

[Kavsar]

* * *
Mard insonning alomati uning og'irroq bo'la olishida ko'rinadi.

* * *
Gul qancha sirli bo'lsa, u shuncha yoqimlidir.

* * *
Birovga aytgan shirin so'zing ham ehson. Sen ehsonni insonlarning qalbiga qilishdan boshla.

* * *
Shohning o'n dinor qilgan ehsonidan, gadoning 1 tanga qilgan ehsoni ulug'roq turadi. Chunki shoh davlatidan atigi o'n dinorini sarf etgan bo'lsa, gado bisotidagi jamiiyki boyligi bo'lgan shu 1 tangani sarf etgandir. Shu sabab gadoniki bu o'rinda ulug'roq.

* * *
Qo'lingdan ish kelishini gapda emas, amalda isbot qil. Amaling bo'lmasa gapirib o'tirma, foydasi yo'q. Chunki amalsiz aytilgan gap ta'sir kuchiga ega emas.

* * *
Hazil qilsang ham, rost gapni topib hazil qil, osmondan olma.

* * *
Dardlaringni shu dunyoda qoldirib ket. Hamma bilan shu dunyoda hisob-kitob qilib ol. U dunyoga yuk ko'tarib yurma, og'irlik qiladi.

* * *
Hikmat izlasang, hamma narsada (hatto bir yomonda ham) hikmat ko'rasan. Illat izlasang, yaxshida ham illat ko'raverasan.

* * *
Mo'min mo'minning ko'zgusidir. Sen ko'zgudan o'pkalama.

* * *
Birov seni ranjitsa, og'rinma, Xudodan gunohini so'rab ol, zora insof bersa. Senga savob yoziladi, undan esa, senga mehr tushadi.

* * *
Yuragingda kek saqlama, g'aming ortadi.

* * *
Gunohning kattasi ham, kichigi ham gunohdir. Xoh uni tilda bajarding, xoh amalda, farqi yo'q.

* * *
Har bir ezgu ishni xolis Rabbing yo'lida bajar, shunda riyodan yiroq bo'lishingga umid qilsa bo'lar.

* * *
Xayrli ishning yaxshisi, uning pinhona, beminnat va riyo uchun emas, Alloh yo'lida qilinganidir.

* * *
Qilgan ehsoningni qabul bo'lish bo'lmasligi sen berayotgan ehsonning halol yoki haromligiga borib taqaladi. Shunday ekan, halolidan ber.

* * *
Sen bir bandani najotkor deb bilma, chunki u ham sendek yaralmishdir. Najotkoring esa Yaratuvchidir. Sen faqat O'zidan so'ra, chunki sabablarni u hosil qiladi. Bandasi bir sabab bo'ladi, Sababchi (Sababni yaratuvchi, bir bandasiga yordam berishi uchun boshqa bir bandasining ko'nglini yumshatuvchi, uni bunga duch qildirib qo'yuvchi) esa Allohdir.

* * *
Oila bu - to oxiratga qadar ahdlashilgan, Alloh rizoligi yo'lida hosil bo'lgan do'stlikdir. Sen oilani farovon hayot deb bilma. Unda turli yo'llar uchraydi, muhimi ulardan adashmay, do'stlikka xiyonat qilmay manzilga yetib borishingdadir.

* * *
Agar do'stliging Alloh yo'lida bo'lmasa, unday do'stlikning keragi yo'q.

* * *
Molu davlatni Alloh suygan va suymagan bandalariga ham beraverarkan, lekin dinni (go'zal xulq va iymon-e'tiqod, ixlosni) esa faqat suygan bandalariga berarkan.

* * *
Sening kimliging, Alloh oldidagi darajang, xulqu-odobing bilan o'lchanadi.

* * *
Bu hayotda hammaga ham yoqavermaysan, shuning uchun sen odamlarga emas, O'zigagina yoqimli bo'lishga intil.

Kavsarning o'qiganlari, eshitganlari va ko'rganlari asosida chiqargan arzimas xulosalari. Hikmat deb atashga da'vosi yo'q.