Oqibat

[Tulqin Eshbekov]

Инсонларнинг ўзаро меҳр ришталаридан бири - оқибат деган тушунча билан боғлиқ. "Ўзбек тилининг изоҳли луғати"да унга шундай таъриф берилган: "ОҚИБАТ (а) Қадрдонлик, дўстлик туйғуси, меҳр, муҳаббат ва шундан келиб чиқадиган яхши муносабат; мурувват".
Одамлар орасида юрарканман, гоҳида қулоққа "оқибат қолмаган..." деган гап чалинганида негадир дилим ғаш бўлиб, кўнглим ўксийди.
Бу борада мухтасар фикрларимни баён этишдан илгари доно форумдошларимнинг оқилона фикрлари билан танишиш истаги пайдо бўлди.
Сизнингча, чиндан ҳам оқибат қолмаганми?
Оқибат деганлари қачон ўзининг нурли чўққисига чиққан?
Келгусида оқибат қай даражада бўлиши мумкин?

[AbuMuslim]

Оффтоп:

Ассалому алайкум... ака... мавзуни янги бўлимда очангиз бўлар эди : ))

Умуман олганда ZiyoNET бўлимида анча мунча мавзуларни энди янги бўлимга кўчириб кўйилса, яхши бўлади... яъни ZiyoNET умумий таълимга оид бўлиб қолса...


Хурматли Нигорахон, сизда кўчириш имконияти бор... Таклифларимни инобатга оласиз деган умиддаман...

[Tulqin Eshbekov]

Сообщение от AbuMuslim

умумий таълимга оид бўлиб қолса

Таълимни тарбиядан ажратиб бўладими? Таълим-тарбия эгизак тушунчалар-ку. Оқибат туйғуси миллий тарбиямиз жараёнида шаклланишини изоҳлашга ҳожат бўлмаса керак. Оқибат тўғрисида кўплаб шарқ донишмандларининг ҳикматга бой китобларида ҳам битиклар ўқиганмиз. Демак, у таълимга ҳам дахлдор, дейишга ҳақлимиз.

Сообщение от AbuMuslim

Хурматли Нигорахон, сизда кўчириш имконияти

Тажрибали педагог Нигорахонда оқилона хулоса чиқариш имконияти ҳам бор!!
Менимча, масаланинг моҳиятидан келиб чиқиб фикр алмашсак мақсадга мувофиқ бўлур эди...

[AbuMuslim]

Таълимни тарбиядан ажратиб бўладими?

Ажратса бўлади, албатта... : )
Таълим (образования) билан таълим (воспитания) - икки хил нарса... яъни бир-бирига яқин бўлсада аммо улар икки хил нарса...

Сообщение от Tulqin Eshbekov

Тажрибали педагог Нигорахонда оқилона хулоса чиқариш имконияти ҳам бор!!

Ҳеч ким Нигорахонимни тажрибасиз деётгани йўқ, балки бу холис таклиф... нокамтарлик бўлсада : ) аммо камина - "тажрибали" интернетчи тарафида айтилган...
Мақсад эса - ҳамма нарсани ўз жойида кўришга таклиф...

[Tulqin Eshbekov]

Сообщение от AbuMuslim

бир-бирига яқин бўлсада аммо улар икки хил нарса

Масаланинг моҳиятига яқинроқ мавзуда сўз юритсангиз яхши бўларди. Гап таълимнинг турлари, бир-биридан фарқлари ҳақида эмас, бугун одамлар орасидаги оқибат қай даражада эканлиги тўғрисида бораётганини англаб турибсиз-ку.
Сизни анча-мунча ҳикматга бой китоблар ўқиган зиёли сифатида ҳурмат қиламан. Оқибат ҳақида ўқиган ҳикматларингиз билан ўртоқлашсангиз хурсанд бўлардик.

[AbuMuslim]

Сообщение от Tulqin Eshbekov

Оқибат ҳақида ўқиган ҳикматларингиз билан ўртоқлашсангиз хурсанд бўлардик.

Майли мана : )

Ҳақиқий оқибатни Исломдан ўрганиш керак... Ислом йўқ жойда оқибат ҳам бўлмайди, балки мажбуриятлар бўлади...
демак "ҳақиқий оқибат" бўлиши учун... динимизни ўрганишимиз керак...

[AbuMuslim]

Қуйидагича ўқилсин...

Оффтоп:

Таълим (образования) билан тарбия (воспитания) - икки хил нарса... яъни бир-бирига яқин бўлсада аммо улар икки хил нарса...

[AbuMuslim]

Ҳурматли Тўлқин ака, Махмуд акалар гапларингизни тасдиқлаш учун фактларни ҳам келтириб ўтсангизлар ёмон бўлмасди...

[Mahmud Jurat]

Сообщение от AbuMuslim

гапларингизни тасдиқлаш учун фактларни ҳам келтириб ўтсангизлар ёмон бўлмасди...

Инсон дунёга келганидан буён бошқаларга, ҳайвону жонзотларга меҳр оқибат кўрсатиб яшаб келаяпти. У шундай қилмаганида инсон сифатида унинг ўзи ҳам йўқ бўлиб кетар эди. Биргина мисол: инсоният бундан беш, олти минг йиллар илгари ёзиб қолдирилган сопол тахтачаларни сақлаб келмоқда. Ушбу тахтачаларда бутун инсониятга тааллуқли, унинг ҳамма муқаддас китобларида кейинчалик қайд этилган ривояту ақидалар келтирилган. Муқаддас китобларнинг салкам ҳаммасида сўзма сўз такрорланадиган ўн васиятлар ўша сопол тахтачаларда бор. Мана сизга мисол ва тасдиқ. Демак, инсоният ўз ақлини билганидан буён оқибатлилик қилиб келаяпти. Ахир исломгача бўлган динларнинг ҳаммасида ушбу динларнинг асосий талаб ва истаклари инсонларни оқибатли бўлишга чақиришдир. Бунинг ҳаммаси балким Одам атонинг ўз биринчи хотини Лилитни оқибатга чақиришидан бошлангандир. Яна ким билади, дейсиз. Оқибатли бўлайлик. Тарихни унутмасликнинг ўзи оқибат. Исломгача ҳам тарих ва тарихимиз бор эди. Миллат тарихи ва дин тарихини аралаштирмаслик керак. Қабул қилинган дин деб миллат тарихни унутмаслик керак, бу ҳам бир оқибат. Ҳар қандай дин, ишонч, иймон ўз онглилиги билан кучли ва қадрлидир, бу эса оқибатнинг энг юқори нуқтасидир балким.

[AbuMuslim]

Сообщение от Mahmud Jurat

Исломгача ҳам тарих ва тарихимиз бор эди. Миллат тарихи ва дин тарихини аралаштирмаслик керак. Қабул қилинган дин деб миллат тарихни унутмаслик керак, бу ҳам бир оқибат. Ҳар қандай дин, ишонч, иймон ўз онглилиги билан кучли ва қадрлидир, бу эса оқибатнинг энг юқори нуқтасидир балким.

Ислом дини 7 асрда "пайдо" бўлмаган... Аллоҳ таоло одам отани яратганидан то Мухаммад алайхиссалом даврларигача Ислом бўлган, пайғамабарлар бўлган...