Йўлда кечган ўйлар...

[Tulqin Eshbekov]

Кўчадаги гап уйга тўғри келмайди, деган гап бор. Аслида, кўчадаги айрим гаплар кўчанинг ўзига ҳам тўғри келмайди...

[Биллур]

Сообщение от Tulqin Eshbekov

Аслида, кўчадаги айрим гаплар кўчанинг ўзига ҳам тўғри келмайди

Тўғрику-я, лекин, ҳар биримизнинг табиатимизда нимадир борки, агар уни очиқ айтадиган бўлсак, атрофдагиларга ёқмаган бўларди...

[Tulqin Eshbekov]

Сообщение от Биллур

атрофдагиларга ёқмаган бўларди...

Кўча-кўйда яхши гапга нисбатан ёмон хабар негадир жуда тез тарқалади... Нега шундай?

[pipicron]

Андижон йўллари... Авваллари йўлда хаёл суришга имкон бор эди. Энди қурилишлар якунига етмагунча йўлда хаёл суриш имкониятдан махрум бўлганмиз. Хечқиси йўқ, чидаймиз. Яна 10-15 йил... Эх йўлдаги хаёлларим.....

- Ака, бу йўллар қурилиши қачон тугаркин?
- Билмадим. Режасиз бошланган ишнинг якуни хам режасиз бўлади. Истасалар бугун тугатиб қўйишлари мумкин.
- Ха. Ўтган йили йўлни бузамиз деб одамларни қиш келаётганига қарамай уйларидан қувиб чиқариб бахоргача хеч қандай ўзгариш бўлмаганди. Бахоргача сабр қилишса бўлардику, барибир йўлни кенгайтирмаганларидан кейин?
- Бизнинг махаллада хам пиёз экамиз деб дехқонлар юришибди... Уларда хам йўллар қуриляпти экан.

Яна бир йўловчи мавзуга луқма ташлайди. Нима деб жавоб беришни билмай яна 1-2 километр сукут сақлайман. Автомобил ойнасидан қурилиш лавхалари, харобалар ва бузилаётган уйлар лавхадек кўринади.

- Дўппини деса бошни олиб боришга одатланган ўзбек халқи. Менимча юқоридан йўлларни кенгайтириш режасини ишлаб чиқиш буюрилган бўлса керак.
- Аха. Бизникилар режалаштиришдан олдин бузиб олиб кейин ўйлашяпти. Биттасини кўчириб юборишганди. Энди маълум бўлишича, уйи бузилмас эмиш.
- Биз томонда бекор юрганлар шу махаллаларда уй бузишиб яхшигина пул топиб кетишяпти. Қурилишни бўлгани яхши экан.
- Мажбурликдан бузишяпти ака. Кимга зарур, қиш яқинлашганда уй бузиш? Бечоралар қариндош уруғлариникида туришибди.
- Ха, халққа қийин бўлди. Айниқса кексалар билан гўдакларга...
- Бизда хам газ йўқ. Шунга ўтин қилиб, кўмир олиб қишдан чиқдик. Худога шукр, кунлар исиб қолди.

Ўртага яна сукунат чўмди... Яхши хам сухбатни белига тепиб турадиганлар бор. Акс холда мавзуда қизишиб кетиб, жахл чиқиб ақл кетиши хеч нарса эмас бу йўлларда...

Бир оз йўл юргач биринчи сухбатдошим манзилида тушиб қолди. Биз эса яна анчагача сухбатлашиб кетдик: Қурилишлар хақида, чорва хақида, автомобиллар хақида, медицина хақида, бозордаги нархлар хақида, олийгохлар хақида ва яна бошқа нарсалар хақида.

[Tulqin Eshbekov]

Зиёлилар кўп юрган йўлларда чинакам зиёни ҳис этиб, дилингиз равшан тортади!

[pipicron]

Сообщение от Tulqin Eshbekov

Зиёлилар кўп юрган йўлларда чинакам зиёни ҳис этиб, дилингиз равшан тортади!

Форум йўлкасида борар эканман, таралаётган зиёга соя тушаётганини хис қилдим. Сабаби, андижон йўлларида учратган 3-йўловчини яна бир бор учратдим. Бу худди тўйда аза тутаётган ёки азада рақс тушаётган инсон холатидек менга қоронғу эди: зиё бору нур йўқ, талпинасизу саробга ўхшайди, ишонасизу, ишончингизни оқламайди, унутасизу, бир ярақлаб нур сочиб кўзингизни қамаштиради. Мана шу бир ярақлаши учун уни тутаб ёнишини кузатишга мажбурдекмиз.

[Nigora Umarova]

Сообщение от pipicron

Форум йўлкасида борар эканман, таралаётган зиёга соя тушаётганини хис қилдим. Сабаби, андижон йўлларида учратган 3-йўловчини яна бир бор учратдим. Бу худди тўйда аза тутаётган ёки азада рақс тушаётган инсон холатидек менга қоронғу эди: зиё бору нур йўқ, талпинасизу саробга ўхшайди, ишонасизу, ишончингизни оқламайди, унутасизу, бир ярақлаб нур сочиб кўзингизни қамаштиради. Мана шу бир ярақлаши учун уни тутаб ёнишини кузатишга мажбурдекмиз.

Оффтоп:

Пессимистик кайфиятда экансиз, нима қиласиз ҳаммага буни юқтириб?

Ҳар ким ўзи танлаган йўлидан юради. Йўлнинг қинғир-қийшиқлиги ёқмаган одам ёки ундаги қинғир-қийшиқликни бартараф этиши керак, ёки бўлмаса ўзига бошқа йўл топиши даркор бўлади. Йўлнинг ноқулайлигини айтавергандан, биров келиб йўлдаги тошни олиб ташламайди. Кўр-кўрона одимлагандан ва ё зулматдан норизо бўлгандан фойда йўқ. Қўлингга машъала тутингки, инсонлар шу машъаланинг ортидан эргашишсин.

[Tulqin Eshbekov]

Сообщение от Nigora Umarova

машъала тутингки, инсонлар шу машъаланинг ортидан эргашишсин.

Бундай маънавий машъалани ҳаммавақт зиёлилар (қадимда алломалар) тутганлар ва замондошларини илғор фикрли бўлишга, эзгу ишлар қилишга ундаганлар!

[pipicron]

- Медицина коллежига ташлаб қўясиз.
- Албатта. Коллежда ишлайсизми?
- Йўқ. Қизимни жойлаштирмоқчи эдим. Бали етмади.
- Хаа. Болаларда билим даражаси тушиб кетди.
- Қанақа билим, ўйлаб гапиряпсизми? Камбағаллик қурсин денг.
- Камбағаллик бахона эмас опажон, узр...
- Қўшнимнинг қизи кирдику? Хар доим мени қизимдан кўчирган. Хатто репититорга хам бормади. Ўтиб кетди. 500 берибди.
- Адашмасам бу йил медицина коллежини яхшигина титкилашди. Хатто рахбари қамалибди деб хам эшитдим.
- Бекор гап, мендан хам 400 сўрашяпти. Бугун олиб бориб берсам қизим ўқишга киради. Ўксимасин дейман.
- Арз қилсангиз бўладику?
- Қизимни бир умр бадном бўлишини, бир умр ўксиб ўтишини истамайман. Ушласам биттаси ушланади. Қолгани бир умр ғажиб ўтади. Билмагандек гапирасиз-а...
- Ха энди, балл етмагандан кейин бошқа илож қидирасизлар. Хафа бўлмангу опа, агар қизингиз билимига ишонганингизда керакли жойга бориб тўполон қилардингиз.
- Тўполон қилиб нима топдим? Ўғлим олтин медалга тугатган. Институтга кира олмаган. Ўшанда энамни кўрганман арз қилиб бориб. Институтга киргизиб 1 ойда хайдашган. Хозир киракашлик қилаяпти сизга ўхшаб...
- Хуш келибсиз. Тиббиёт коллежига чапга кўчага кириб кетасиз.
- Рахмат.

Мен хам олтин медалга тугатганман. Мен хам институтга кира олмадим. Мен хам хеч кимга индамадим. Киракашлик айб эмаску?

[OmoN]

Оффтоп:

Шу мавзуга фақат пипикроннинг постларини ўқиш учун кираман десам ҳам бўлади. Таътилга борганимда бир кўришиб "Чўнтак"да ош ейишни ният қилгандим. Қаёқда, таътилим ҳам бетон қуйиш-у том ёпиш билан кўз очиб юмгунча ўтиб кетди