Bahru-bayt

[Aziza Abdunabiyeva]

Ne qilamiz, har na qilsa qilar taqdir,
Bu dayr aro sayrimiz ham muvaqqatdir.
Ikki beshik boshin tutgan bo'lar nobud,
Birisining ismi beshik, biri tobut.

[Nigora Umarova]

Тонг отмокда, тонг уклар отар,
Тонг отмокда куёш замбарак.
Яраланган ер шари ётар,
Бошларида яшил чамбарак.

Тонг отмокда мана шу тонгга,
Юрагини тутар одамлар,
Шу тонгни деб келган дунёга
Ва шу тонгни деб утар одамлар.

РауФ Парфи

[Shohruh Rahmat]

Рўдакий назмининг равон, шанлигин,
Фирдавсий Золлигин, Таҳамтанлигин,
Аттор дўконининг хушбўйлигин ҳам,
Мавлавий ишқ илмин дилжўйлигин ҳам,
Азал низомидай Низомий сўзин,
Сувайдойи Хисрав Деҳлавий сўзин,
Яссавий иймонин, Нақшбанд меҳрин,
Хайём инжалигин, Саъдийнинг сеҳрин,
Лутфийнинг лутфи-ю, Анварий нурин,
Сўзаний, Атоий, Саккокий Турин,
Мотрудий, Абу Лайс Қуръонхонлигин,
Беруний, Улуғбек нужумдонлигин,
Хожаи Аҳрорнинг ҳақ тарафлигин,
Форобий, Синонинг ҳар тарафлигин,
Дақиқий диққатин, Термизий шомин,
Ҳофиз асрори-ю, Жомийнинг жомин
Ўзида мужассам айлаган доҳий -
Самарқандлик Алишери Навоий.
Беш юз олтмиш олти яшарлик ҳазрат
Ватанга қайтдилар кўп этиб ҳижрат.
Бугун Ватан озод, мамлакат обод
Аҳлан ва саҳлан, марҳабан Устод!

[Nigora Umarova]

Сообщение от Shohruh Rahmat

...Беш юз олтмиш олти яшарлик ҳазрат
Ватанга қайтдилар кўп этиб ҳижрат.
Бугун Ватан озод, мамлакат обод
Аҳлан ва саҳлан, марҳабан Устод!

Shiru shakkar usulida yozilgan yaxshi she'r ekan. Muallifi kim?

[Nigora Umarova]

Do’stlar bir husni be hamtoya oshiq bo’lmisham,
Hur paykar bir malak simoya oshiq bo’lmisham,
Nutqi shirin, la’li ruh afzoya oshiq bo’lmisham,
G’amzasi qotil, ko’zi shahloya oshiq bo’lmisham,
Husn elining shohi bir mirzoya oshiq bo’lmisham.

Ko’rgan ermas uyda bir mahvashni chashmi ro’zg’or,
Xulqi shirin, gulbadan rashki chaman nasrin izor,
Noz oyinu tag’oful pasha, istig’no shior,
Iltifot etmas agar yuz jon topib qilsam nisor,
Bir sitamgar sho’xi beparvoya oshiq bo’lmisham.

Orazin ochqoch quyosh anvorini aylar adam,
Jon g’izolig’a berur vahshiy ko’zi ta’limi ram,
Lablarini oldida qandu asaldur misli sam,
Zulfu qaddu orazidin munfail bog’i eram,
Kishvari husn ichra bir yaktoya oshiq bo’lmisham.

Qoshlari bir-birg’a payvand ikki mushkini hilol,
Ko’zlari yuz marg’uzorig’a ikki vahshiy g’izol,
Qomati bog’I murod ichra yangi bitkan nihol,
Ollo-ollo kim ko’rubdur, bu latofatlu jamol.
Husn aro bir misli nopaydoya oshiq bo’lmisham.

Ushbu hayrat birla ko’rgan naxli qaddi jilvagar,
Bovar etmas gar ulus bersa shahodat, deb basher,
Orazi andoq musaffo kim qilib bo’lmas nazar,
Badri ruxsorin ko’rub, bo’ldi xijolat bu qamar,
Rashki Yusuf bir buti zeboya oshiq bo’lmisham.

Mahvashi hurliqo, gulgun qabo, gul pirahan,
Qoshi istig’no hiloli, g’amzasi lashkar shikan,
G’unchai xandondur og’zi, tishlari durri Adan,
Bo’lmadi bir dam jamolidin yorug’ baytulhazan,
Toki ul mohi jahon peroya oshiq bo’lmisham.

Ey mani Mahzun musofirg’a malomat be sabab,
Tutmasam farmonini mardud etib aylar g’azab,
Juz riziyi do’st, ishq ahlig’a ne bo’lg’ay talab,
Chiqqali islomdin zunnor bog’lab yo’q ajab,
Menki bir din ofati tarsoya oshiq bo’lmisham.

Mahzuna

[Aziza Abdunabiyeva]

Meni chorlayverdi yovvoyi kenglik,
Jayronlar ko'zidan ko'zim qamashdi.
Senga gullagan bog' yarashganidek,
Menga sargardonlik gashti yarashdi...

Iqbol Mirzo

[Nigora Umarova]

Ildiz yer oralab ummonga yetdi,
Maysa o’sa-o’sa osmonga yetdi.
Men senga yetmadim,
Qazoga ko’ndim.

Ildiz to’lg’og’idan tug’ildi nihol,
Maysaning qonidan chashmayi zilol.
Men esa jim ketdim.
Sazoga ko’ndim.

Sen nega ko’nmaysan,
Nega ko’nmaysan.
Maysaning qonida yugurgan sezgi?
Daraxtga dard bergan, baxt bergan. Mening
Yuragimni itga yedirgan sevgi?!

Zebo Mirzo

[Akhmad Kodirov]

Imkon qo'ldan ketdi - tugadi fursat,
Yaqinlar yiroqdan qaraydi dilgir.
Ko'zani sindirib jo'nadi ulfat,
Do'stlar unutdilar bizlarni bir-bir.

Xayollar qo'ymadi o'z holimizga -
Lo'livachchalardek yopishqoq, kir-chir.
Qanotlar bog'lovchi iqbolimizga
Hislar unutdilar bizlarni bir-bir.

Ey, dil, og'rimaysiz, chekmaysiz alam,
Yerdan uzilganning jazoyi shuldir.
Endi qaytolmaysiz Farg'onaga ham,
Izlar unutdilar bizlarni bir-bir.

Qismat muhabbatni bizga ko'p ko'rgan...
Yig'lamang, dunyo ham bevafo, axir.
Ming va'dalar bergan, hatto o'ptirgan
Qizlar unutdilar bizlarni bir-bir.

Iqbol Mirzo

[Nigora Umarova]

Royalning jonida toqati qancha?-
Goh sekin yig'laydi, goh bo'zlar giryon-
Chapga yuguradi-chayon-besh panja,
O'ngda nish uradi-besh panja-chayon.

San'at qichqiriqdir-jon achchig'ida-
Hayotning o'limdan cho'zilgan qo'li.
Yurakni tozalab dun balchig'idan,
Qismatning dor sari eltguvchi yo'li.

San'atkordan so'ra-qancha yashadi,
Qatl changalida kun ko'rdi qancha?
Chap qo'l besh panjani yonga tashladi,
Azoblab to'xtadi o'ngda besh panja...

Usmon Azim

[Masud Mahsudov]

Аввал тонг ўз кўркини пайсалга солиб,
Симириб олди-ку, томчи шабнамни.
Сўнгра қуёш кўкдан буткул йўқолиб,
Мавҳумликка ботиб, тирнар ярамни...

Кўзларим сўнётган юлдуз мисоли,
Қовжираб бормоқда юрак томирим
Саробга айланди кўклам висоли,
Саратон бир жойда қотиб қолди жим...

Сочилган хаёлим тўпламай туриб,
Ҳушимга келишлик вақтин кутмасдан.
Ҳаётимга келдинг чақмоқдек уриб,
Ва... кетдинг бирорта сўзинг айтмасдан...

Охирги қарашинг эслаганда зум,
Умрнинг тақвими тинмайин ёнди...
Тоғлардек сервиқор юксалган қалбим,
Мунғайиб...
муштумдек тош бўлиб қолди

©