Йўлда кечган ўйлар...

[Nigora Umarova]

[MOD] Hurmatli Asqar Xalilov!
Forum qonun-qoidalariga muvofiq xabaringizni qoldiring. Avvalgi ilk xabaringiz qoidaga muvofiq kelmaganligi uchun olib tashlandi. [/MOD]

[Colorado]

Сообщение от Nigora Umarova

[MOD] Hurmatli Asqar Xalilov!
Forum qonun-qoidalariga muvofiq xabaringizni qoldiring. Avvalgi ilk xabaringiz qoidaga muvofiq kelmaganligi uchun olib tashlandi. [/MOD]

Оффтоп:

ламерларга иктибос берилсамикин, яна зарда қилиб юрмасин,бону
Аскаржон, форумда новичок булганимда жуда кўп штрафлашарди. Нигора хоним эса учиришни ёқтираллар. қоидага риоя қилсангиз бас )))

[pipicron]

- Шу ерга тўхта! Тушиб қоламан.
- Остановкада тўхтайман.
- Киракашмисан, пулингни оляпсанми, айтган жойимда тўхташинг керак!
- Тўхташ мумкин эмас. Четроққа чиқиб олай. "ГАИ" бор...
- "ГАИ"га жавоб!
- Хўп. Ёнимдаги машина ўтиб кетсин. Бир минут.
- Шу ерда тўхтат! Тушиб қоламан.

Эшикка ёпишган йўловчини ўйладимми, жахлим чиқдими, лекин машинани шарт буриб йул четига тўхтадим. Машина тўхташга улгурмай йўловчи ҳам сакраб тушдида, чўнтагини ковлаштира бошлади. "Ўзингни бос!, Тирикчилик шунақа бўлади!" Ўзимга ўзим тасалли берган бўламан. Йўлкирани олиб чуқур нафас оламан. "Шошилма... Қолганларни ўйла! Уларга жавобгарсан!" Аста машинани ўрнидан силжитаман.

- Опалар, сизлар қаерда тушасизлар?
- Астанопкадан сал ўтиб тўхтаб қўясиз. Жахлиз чиқмасин ука. Босар тусарини билмай қопти.
- Ха энди...
- Мана шу жойда, шу жойда тўхтаб қўйинг.... И-и-и-и, ўтиб кетиб қолдиз...

Йўқ, тормоз панд бермади. Орқадан келаётган киракашни ўйлаб сал ўтиб тўхтадим. Ортимдаги киракаш ҳам машинам орқасига тираб тўхтадида, 2 сония ўтар ўтмас сигнални босди... Опалардан йўлкирани олар эканман юзимга табассум югурди:
- Хуш келибсиз!!!

[Nigora Umarova]

Айрим ҳайдовчиларга шаҳар бедарвозами ёки "андишанинг оти қўрқоқми"?

Эрталаб ҳар доимгидек ишга йўл олдим. Гарчи автобус шоҳбнкати бўлмаса-да, Қўйлиқ бозоридан 1-автосаройга қарашли 93-машрут йўналишдаги автобуслар 3-4 талаб қалашиб ётишади. Шулардан бирига чиқиб олдим. Автобус 15 дақиқа бозорда турди. Ҳеч ким ҳайдовчига "ҳой, юр" демайди. Соат 7.00дан то 7.15 гача автобус ичида димиқиб ўтирдик. Ниҳоят автобус қўзғолди. "Қўйлиқ ота" бекатига боргач яна 10 дақиқа турди. "Юрмайсизларми", -деган мурожаатга, "Ҳали вақт бўлгани йўқ"-деган тегишли жавобни олдик. Автобус юришга бошлади. Қурғур шундай "тез" юради-ки, эшак аравада ёки пиёда юрсангиз, манзилингизга тезроқ етиб борасиз. Бунинг устига тиқилинч бўлишига қарамай, кондуктор "ўртаси бўм-бўш" деб одамларни автобусга "тахлаб ташлайди". Одамлар 4-5 қатор бўлиб автобуснинг ичида бир оёқлаб туришибди. Ҳеч ким лом-лим демайди, гўё ҳамма эрталабдан нонуштага толқон тановвул қилгандек. Автобуснинг ичи дим. Нафас олишга ҳавр етишмайди. Майли, ҳайдовчиларга ҳам қийин, 500 минг сўмлик план(ҳайдовчининг ўзини айтишга қараганда) топширишнинг ўзи бўлмайди деб, одам бирор гап гапиришга андиша қилади. Буни устига ҳар бекатда ҳайдовчилар "қаерга етиб боришганлиги" ҳақида бир-бирлиги билан "ахборот алмашинишади".
Ҳар қандай сабрнинг ҳам чегараси бўларкан. Ҳайдовчи баланд овозда, шанғиллатиб аввал Бобомурод Ҳамдамовнинг қўшиғини, кейин қандайдир хорижий мусиқани қўйди. Буни устига мусиқа кишининг асабига тегадиган даражада ғишиллаган овозда келарди. "Ҳой, укам, мусиқани пастлаб қўйишнинг иложи борми?" деганимни биламан, "Келинойи, автобус меники, ҳоҳлаганимча қўяман" деб мусиқани янада баландлатиб, аввал кишини асабига тегадиган даражада қўйган бўлса, бу сафар қулоқни тешиб юборадиган даражада қўйди. Қизиқ, бу ҳолатга ҳеч ким индамади. Наҳот одамлар шу даражада бепарво бўлиб қолишган бўлса...
Ҳайдовчиларнинг автобус қатновини текширадиган, йўловчилар билан муомаласини текширадиган идора йўқ бўлса...
Тўғри, ҳайдовчи ҳам ўз оиласини боқиши керак. Бироқ йўловчиларни ҳам ҳурмат қилиши даркор эмасми?
Ҳа, бугунги кун мана шундай "ажойиб, макроқли суҳбат-репортаж"дан бошланди.
Асабингизни тарангламоқчи бўлсангиз қуйидаги автобусга чиқинг ва ҳайдовчи Эрматов Баҳодир ҳамда унинг кондуктори билан "мароқли суҳбат" қуринг.

[albatros]

Сообщение от Nigora Umarova

Ҳар қандай сабрнинг ҳам чегараси бўларкан. Ҳайдовчи баланд овозда, шанғиллатиб аввал Бобомурод Ҳамдамовнинг қўшиғини, кейин қандайдир хорижий мусиқани қўйди. Буни устига мусиқа кишининг асабига тегадиган даражада ғишиллаган овозда келарди. "Ҳой, укам, мусиқани пастлаб қўйишнинг иложи борми?" деганимни биламан, "Келинойи, автобус меники, ҳоҳлаганимча қўяман" деб мусиқани янада баландлатиб, аввал кишини асабига тегадиган даражада қўйган бўлса, бу сафар қулоқни тешиб юборадиган даражада қўйди. Қизиқ, бу ҳолатга ҳеч ким индамади. Наҳот одамлар шу даражада бепарво бўлиб қолишган бўлса...

To'g'ri aytasiz Nigora opa! Ba'zida bundanda insonni ranjitadigan holatlarni guvohi bo'lamiz. Yozning issiq kunlarida avtobusda yurishning mashaqqatini aytmasa ham bo'ladi. O'zim ham ayanchli holatlarni ko'p bora guvohi bo'lganman. Bir safar ana shunday issiq kunlarning birida to'la avtobus, "toshbaqa yurish" bilan harakatlanardi. Shunda bir yoshi kattaroq onaxon, o'zini yomon his qila boshladi va "bolam, tezroq hayday qol, sog'lig'im yomonlashayapdi" deya haydovchiga iltimos qildi. Shunda haligi "ko'pni ko'rgan(o'zini aytishi bo'yicha)" haydovchi akamiz baqirib berdilar: "Sog'lig'ingiz yomon bo'lsa nega minasiz avtobusga. Qanday haydashni esa o'zim hal qilaman. Shofyor bo'lsangiz, mana haydang". Shunda haligi onamiz ko'zlariga yosh oldi. Jim bo'lgancha deraza oynasidan tashqariga qarab, yig'ladi, sezdirmasdan yig'ladi. Bu holatni ko'rib :" Ey inson, seni ham onang bordir, kim seni dunyoga keltirib, mana shu kunlarga yetkazib qo'ydi" deb baqirging keladi. Bechora onaxon yo'lning yarmiga tushib qolishga majbur bo'ldi...

Nahotki pul, biz insonlar uchun hamma narsadan ulug' bo'lsa... Pulni deb iymondan, mehr-oqibatdan yuz o'girsak. Pulni deb bir-birimizdan voz kechsak. "Bir kam dunyo" deb shuni aytsalar kerakda...

[Nigora Umarova]

Сообщение от albatros

Nahotki pul, biz insonlar uchun hamma narsadan ulug' bo'lsa... Pulni deb iymondan, mehr-oqibatdan yuz o'girsak. Pulni deb bir-birimizdan voz kechsak. "Bir kam dunyo" deb shuni aytsalar kerakda...

Afsuskim, pul hamma narsadan azizi bo'lib qolmoqda: pul - birlamchi, inson qadr-qiymati - ikkilamchi.
Buni haydovchining "500 ming so'm plan topshirishim kerak" degan so'zlaridan ham bilib olish mumkin.

[Doktor]

Bizni shaharda avtobuslar vaqtida yuradi, haydovchi ortiqcha kishi oladi unda ham ko'pi bilan 8-10 kishi turib ketishadi, chunki nazorat DAN hodimlari tomonidan yaxshi o'rnatilgan, qonunni aholi ham yaxshi bilandi, avtobus grafi, necha kishini mindirishi mumkin. Boshqa shaharlarda borganimda siz aytganday nazorat sust, bunga mahalliy hokimiyatlar ham aybdor.
DAN hodimlari nazoratni kuchaytirishsa, bunday qanunbuzar haydovchilarni, yo'lovchilar yo'lagidan tez o'tib ketayotgan, sevitaforga biror marta ham qaramagan haydovchilarga tegishli choralar ko'rilsa, haydovchilik guvohnamasidan 5-8 yil mahrum etilsa, qonunbuzar qolmasdi.

[pipicron]

- Ака, шу ўртада тўхтатиб юборинг!
- Четроққа ўтиб тўхтасам бўладими?
- Вах-ха-ха-ха... Хожибой бўбкетинг-э..... Шу атрофга чекага тўхтаб қўйинг....

Кулишиб машинани четга оламан. Бекатгача эса хали узоқ. Шахар эса кичкина. Одамлар эса юришни исташмайди....


- Яхши хам ГАИлар камайиб қолди шахарда....
- Нима қилади шахар ўртасида? 50 қўйган билан хамма киракашлар 30 дан оша олмайди барибир. Сал тезлашса чуқурга қаттиқроқ тушади.
- Тўғри. Дамасни орқасига чиққим келмайди.
- Илож қанча. Чуқурга тушмай иложи йўқ. Дамасни ғилдираги туртта. Агар битта бўлганда барибир чуқурга тушарди.

Гап билан бўлиб қарамай қолибман. Ўрта қатор ўриндиғида ўтирган опахон "Сал секинроқ тушинг" деб қўйди...

[pipicron]

Асака шахар дехкон бозори ёнидаги чоррахага келиб қизил чироқда тўхтайман. Икки томонда ички ишлар ходимлари назоратни кучайтиришган. ДАН автомашинаси овоз кучайтиргичлар ёрдамида харакатни назоратга солиб туришибди.

"Қизил чироқ ёнганда автомобиллар тўхтайди. Пиёдалар шунда чоррахани кесиб ўтадилар!"
"Сариқ чироқ ёнганда харакатни тўхтатамиз. Тезроқ ўтинглар, тез тез. Харакатни тўхтатамиз. Опа, тез-тез ўтинг!"
"Дамас. Машинани четга олинг. Чоррахани бўшатинг! Ол машинани!"
"Қизил ёнди. Қизил ёнди. Пиёдаларни ўтказиб юборинг. Тез тез ўтказинглар!".
"Эхтиёт бўламиз. Фақат қизил чироқда ўтамиз! Яшилда ўтмаймиз."
"Светофорга қаранглар."

Бу хол бир неча хафта, асосан якшанба кунлари кузатилади. Лекин хали хануз одамлар чоррахани истаган жойидан истаган вақтида кесиб ўтишади. Худди хайдовчилар каби. Хайдовчи гувохнамасини олдириб қўйишдан чўчийди. Лекин пиёда чўчимайди. Уларга жарима солишдан фойда йўқ. Бир киши жарма тўлагунча юзлаб пиёда қоидани бузади.

Инсонлар бу қадар шошқалоқ бўлишмаса....

Ортимдаги автомобил қаттиқ сигнал чалишни бошлаганда хаёлларим тарқади. Шошиб светофорга қарадим. Яшил чироқ ўчиб ёна бошлаган, сариқ чироқ қарашим биланоқ ёнди. Тезда машинани жойидан силжитишга уриндим. Яшил чироқ ёнганда ортимдаги барча машиналар узлуксиз сигнал бериб мени "огохлантиришарди"....

"Ўзинг эзмасан!" деб қуяман ичимда.....

[Tulqin Eshbekov]

Иши кўп одам учун яхши фикрларни ўйлаб олишга энг қулай вақт ва жой - йўлда юрган пайтлар бўлиб қолади баъзан.