Kino va tomоshabin o'rtasidagi masofa yaqinmi yoki uzoq?!

[starter]

Сообщение от Kavsar

"Telba" - o'ziga xos film, yaxshi. (D. Kubaevaning rol ijro etish mahoratiga o'shanda tan berganman)

"Telba" degan kartinani ko'rib bu film haqiqiy telbalar (idiotlar) uchun mo'ljallangan kino degan xulosaga keldim. Film hayotdan juda uzoq, mazmuni juda axmoqona, ko'rgan odam bir gramm ham foyda olmaydi. O'zi sevgi haqidagi filmlarning hammasi shunaqa.

Сообщение от Kavsar

Menimcha, bizda hozir eng zo'r ishlangan filmlardan biri: "Shaytanat".

"Shaytanat" -- kriminal, mafiyalar haqidagi oldi-qochdi film. Bunaqa filmlarning bozori chaqqon bo'ladi. Ko'pgina umrida tayinli badiiy asar o'qimagan odamlar "Shaytanat" ning kitobini o'qigan. "Shaytanat" ni o'qiydigan odamlarni asarning tarbiyaviy mazmuni aslo qiziqtirmaydi. Asardagi Qur'ondan keltirib sharhlangan nasihatomuz fikrlar, ma'joziy misollar, asar qahramonlarining ichki kechinmalari tasvirlangan "zerikarli" betlarni kop'chilik o'qimasdan tashlab ketadi. "Shaytanat" filmini "Brigada" seriali bilan o'xshash tomonlari bor deb o'ylayman.

[Fayzbek]

Сообщение от Kavsar

Haqiqatan, "Tangen" filmichalik bironta koreys seriallari (keyingi chiqqanlari) meni qoniqtirmadi. Vaqt o'tkazish uchun ko'rsa bo'ladi. Lekin bir narsaga hayronman, o'zbek ijodkorlari nega hech bo'lmasa shu koreys seriallaridek film ishlashmayapti ekan? Koreys tarixiy filmlarini ko'rib o'zimizning buyuk tarixiy shaxslarimiz yodimga tushadi:
Tangen - bu bizning Ibn Sino;
Jumong/Joyong - Jaloliddin Manguberdi;
So'nggi qirolicha/Imperator ayol - To'maris va hk.

A. Temur haqidagi filmni aytmasa ham bo'ladi...

Сообщение от Kavsar

Nima bizda yo'qmi film qilishga arzigulik shaxslar, faktlar, manbalar... Albatta, bor.
Men "O'tov" bilan "Vatan"ni ham ko'rgan edim.... "O'tov"ga tushunmaganman, menga "Vatan" yoqqan.

"Yo'l bo'lsin " filmini tamosha qilganmisiz? menga shu film ko'proq yoqqan.

Сообщение от Kavsar

(Faqat shu rolda o'sha aktyor mos tushmaydi, demoqchiman).

Bu gapingizga 101% qo'shilaman.

[Kavsar]

Сообщение от Fayzbek

A. Temur haqidagi filmni aytmasa ham bo'ladi...

qo'shilaman, A. Temur haqida umuman zo'r kino qilish mumkin edi. Jang tasvirlari o'xshamay qolgan, menimcha.

Сообщение от Fayzbek

"Yo'l bo'lsin " filmini tamosha qilganmisiz?

Yo'q bu filmni hali ko'rmagan ekanman.

Menga yana o'zbek filmlaridan Sh. Abbosov (rejissori bo'lsa kerak) "Otamdan qolgan dalalar" yoqadi.

[Kavsar]

Сообщение от starter

"Telba" degan kartinani ko'rib bu film haqiqiy telbalar (idiotlar) uchun mo'ljallangan kino degan xulosaga keldim. Film hayotdan juda uzoq, mazmuni juda axmoqona, ko'rgan odam bir gramm ham foyda olmaydi. O'zi sevgi haqidagi filmlarning hammasi shunaqa.

To'g'risini aytsam, "Telba"ni 2 marta ham faqat yarmidan ko'rib qolganman. Balki siz to'g'ri baho bergandirsiz, lekin boshqa tijoriy filmlaridan farq qilgani uchun, keyin bosh qahramonlari D. Kubayeva, (U. Qodirov bo'lsa kerak, aniq esimda yo'q ismi) juda yaxshi rol ijro etganlarini ko'rib, o'zbek zamonaviy filmlari endi izlanishyapti deb o'ylagandim.

Tijoriy filmlarni yoqlamoqchi emasman, lekin ular orasida "Telba" yomon film emas nazarimda. Filmda faqatgina ikki yoshning munosabatiga emas, boshqa jihatlariga ham e'tibor berib ko'ring. Bolaning g'arib ahvoli, Onasini ko'rgani kelganida: "G'ururimni sotdim" deydi. Pul topish uchun g'ururini sotishga majbur bo'lishi, tirikchilik uchun egri yo'lda yurmasdan, faqat "xonim" (taom) sotib kun ko'rishi, singlisiga bo'lgan akalarcha mehri. Qizning muhabbatini suiste'mol qilmay, yaqinlariga qaytarib bera olishi, nahot bema'nigarchilik bo'lib ko'rinsa... (Lekin bu xulosalarni faqatgina filmning oxiridan ko'rib qolgan holda aytyapman)

Har qanday be'mani filmdan ham foyda topaman degan kishi foyda topadi. U har qancha ibratli kino bo'lmasin, o'ziga bir narsa olishni istamagan kishi esa hech narsa ola olmaydi deb o'ylayman.

<"Shaytanat" -- kriminal, mafiyalar haqidagi oldi-qochdi film. Bunaqa filmlarning bozori chaqqon bo'ladi. Ko'pgina umrida tayinli badiiy asar o'qimagan odamlar "Shaytanat" ning kitobini o'qigan. "Shaytanat" ni o'qiydigan odamlarni asarning tarbiyaviy mazmuni aslo qiziqtirmaydi. Asardagi Qur'ondan keltirib sharhlangan nasihatomuz fikrlar, ma'joziy misollar, asar qahramonlarining ichki kechinmalari tasvirlangan "zerikarli" betlarni kop'chilik o'qimasdan tashlab ketadi. "Shaytanat" filmini "Brigada" seriali bilan o'xshash tomonlari bor deb o'ylayman.>

"Shaytanat"ni ruslar tarjima qilib Ort1 TV da berganlarini ko'rganmisiz? Yoqmaganida uni boshqa tilga tarjima qilib qo'yisharmidi? "Shaytanat"ni ham, "Brigada"ni ham faqat 1-2 seriya ko'ra oldim. U yerda o'xshaydigan tomon shuki (meni bilganim) "Brigada"dagi bosh qahramon, "Shaytanat"dagi Asadbekka ko'proq taqlid qilgan ko'rinadi. (Uzr, filmlarni qaysi biri qachon oldin ishlanganligini bilmayman, lekin)

Talabalar bilan Y. Sa'diyev o'rtasida uchrashuv bo'lgan edi. Shunda u kishi shunday degan edilar: "Filmda oddiy kasb egalaridan (ya'ni kino aktyor bo'lmagan) ham rol ijro etganligini ko'rasiz. Hatto bitta qahramonga mos odam topilguncha hamma joyni izlab chiqqanmiz. Keyin film TV da berilayotganda oylab cho'ntagimda reklamalar yurdi, lekin ularni film orasida qo'yishlariga rozi bo'lmadim. Chunki, Asadbek Hosilni to'pponcha bilan otyapti-da, bu yerda odamlarni e'tiborini sindirib reklama chiqib tursa. Tomoshabin bahalovat filmni ko'rishini istadim. Film tomoshabin uchun yaratiladi, bir savobli ishni qilgandan keyin, oxirigacha qilish kerak..." (so'zlarini aynan esimda qolganlarini iqtibos sifatida keltirdim).

Y. Sa'diyev ham rejissor, ham aktyor sifatida e'tiborga molik deb qarayman. "Shogirdlarimga aytaman, hadeb filmga tushavermagin, odamlarni o'zingdan sovutib qo'yasan. Bitta rolni o'ynasang ham yaxshi filmda ishtirok et deyman..." (Y. Sa'diyev)

Tohir Malik domla aytgan edilar: " "Shaytanat"dagi Asadbek aslida salbiy obraz"; lekin filmda bu rolni Y. Sa'diyev ijro etgani uchun hammaga ijobiydek ko'rinadi.

"Shaytanat" menimcha oldi-qochdi film ham, asar ham emas. Unda tarixda bo'lgan real faktlar ham berilgan (agar e'tibor bergan bo'lsangiz), tarixiy shaxslarning ismi ham keltirilgan ba'zi o'rinda. Hamma obrazlari to'qima emas deb o'ylayman.

Tohir Malik domla shunday yozuvchiki, qalamlarini behuda narsaga tebratavermaydilar. Agar o'sha asar kerak bo'lmaganida yozmay qo'ya qolgan bo'lar edilar, janob Starter!

Hali uni yomonlasak, hali buni yomonlasak, adabiyotimizda nima qoladi, o'zi? Keling, yaxshisi siz yoza qoling hammaga ma'qul keladigan asarlarni. Detektiv asarlarga uncha qiziqmayman, lekin bu bilan bu xil asarlarni kerakmas deb hisoblamayman. Chunki bizga kerak bo'lmasa, yurist talabalarga kerak. Ular bundan juda unumli foydalanishni bilishadi.

Y. Sa'diyevni yana bir gaplarini keltiraman : "Yaxshimizmi, yomonmizmi, baribir siznikimiz. Biz xalq ichida, xalq bilan birgamiz".

T. Malik domlani hamma asarlari menga yoqadi, ayniqsa pand-nasihat tarzidagilari.. Agar shu gaplarni real hayotga bir yozuvchi olib chiqayotgan ekan, ayting-chi qanday quvonmasligimiz mumkin?

"Asardagi Qur'ondan keltirib sharhlangan nasihatomuz fikrlar, ma'joziy misollar, asar qahramonlarining ichki kechinmalari tasvirlangan "zerikarli" betlarni kop'chilik o'qimasdan tashlab ketadi"

Balki kimdir haqiqatan tashlab ketar, lekin men tashlab ketmaganman. Chunki o'sha sahifalar, tunda miltillab tursa-da, yulduzlar borligini; inson har qancha yovuzlashmasin, qalbining bir chetida yorug'lik shu'la qilishini aytmoqchi bo'lganlar. Bu real haqiqat.

[Kavsar]

Umuman, kino yoki musiqa bilan inson qalbiga tez yo'l topish mumkin. Chunki bu ularning his-tuyg'ulariga ta'sir etadi. Shunday ekan, san'at olamiga befarq bo'lmasak yaxshiroq bo'lardi. Insonni yo'ldan ozdiruvchi emas, balki to'g'ri yo'lga boshlovchi filmlar ishlansagina (ya'ni har bir filmning bosh maqsadi shu g'oya bo'lsa) maqsadga muvofiq bo'lar edi.

To'g'ri, bitta kinoni suratga olishning o'zi bo'lmaydi, lekin shuncha mehnat, mablag' sarflanayotgan ekan, bu mehnatni ma'naviy jihatdan yuqori bo'lgan, yaxshi ssenariylarga bag'ishlash kerak bo'ladi.

[OmoN]

"Сув ёқалаб" фильмни кўришни тавсия қиламан. Менга жуда ёққан. Болта Мардон ролини Эркин Комилов "синдириб қўйган".

[Lutfillo Tursunov]

Сообщение от Kavsar

To'g'ri, bitta kinoni suratga olishning o'zi bo'lmaydi, lekin shuncha mehnat, mablag' sarflanayotgan ekan, bu mehnatni ma'naviy jihatdan yuqori bo'lgan, yaxshi ssenariylarga bag'ishlash kerak bo'ladi.

Экранларга чиқаётган янги филмларнинг лоф бўлсаям 50 фоиз сценарийси Шоира Ғиёсовага тегишли.
Аммо қойил қоламан, қандай улгуряпти?! Ҳар ой 4-5та кино чиқса, шундан камида иккитаси Ғиёсова сценарийси асосида... Демак, бир ҳафтада битта сценарий ес!

[Lutfillo Tursunov]

Оффтоп:

Сообщение от Kavsar

"Otamdan qolgan dalalar" yoqadi.

Шу филм дискини тополмаяпманда.

[Kavsar]

Сообщение от Lutfillo Tursunov

Оффтоп:

Шу филм дискини тополмаяпманда.

Men uni katta ekranda ko'rgan edim. Qayta ko'rishga arziydigan kino. O'zbeklarning hayoti... Asarni o'zi ham yaxshi yozilgan-da shunga balki film ham chiroyli chiqqan. Lekin ko'p o'rinda baribir rejissor mahoratiga bog'liq filmning qanday chiqishi..

[Kavsar]

Сообщение от OmoN

Болта Мардон ролини Эркин Комилов "синдириб қўйган".

O'zi E. Komilov mahoratli aktyor. Rollari o'ziga yarashadi. G. Jamilova ham menga yoqadi aktrisa sifatida. "O'tgan kunlar"ning yangi filmida Kumush rolini bu aktrisadek o'ynay olishmadi. Menga eski filmi yoqardi. Bitta filmni yangi talqinini qilgan yaxshi, faqat oldingisidan o'tkaza olsagina. Agar, oldingisiga o'xshamay qolsa, bu tomoshabinni e'tiboriga tushmaydi menimcha.