Йўлда кечган ўйлар...

[Nigora Umarova]

Сообщение от JasurBek Urinboev

Оффтоп:

Интернетим секин ишлаганлиги боис, чап тарафдаги профилингиз тўлиқ кўринмасдан, постни ўқиб Тўлқин домлами деб ўйлабман!

Оффтоп:

Bu hammasi imzoyimni yaxshi bilmasligingizning alomatidir.

[Shokir Dolimov]

Шу кунларда водийлик бир гуруҳ кекса кишилар микроавтобусда сафарга чиқиб, вилоятларимиз ҳудудидаги тарихий обидалар, зиёратгоҳ жойларга ташриф буюришни ният қилишган. Сафар йўналишини пухта тузиб олиш учун юртимиздаги танишларига (шу жумладан, менга) қўнғироқ қилиб чиқишмоқда. Тошкент вилоятининг бундай жойларини уларга санаб беришга ёрдамлашиб юборинг, илтимос. Агар қолган вилоятлардаги объектлар ҳам санаб ўтилса, эҳтимол уларга анча ёрдам берган бўлар эдик

[JUS]

Сообщение от Dolimov

Шу кунларда водийлик бир гуруҳ кекса кишилар микроавтобусда сафарга чиқиб,

Санаб ўтишгаку ўтамиз, лекин микроавтобус бу томонларга кела олмайдику, йўловчиси билан. Таксилар қимматга тушиб кетмасмикан? Устига-устак кекса ёшдаги одамлар енгил автомобилларда қийналиб қолишлари мумкин, айниқса бундай ҳавода...

[Gulchehra Ibragimova]

Сообщение от Dolimov

Тошкент вилоятининг бундай жойларини уларга санаб беришга ёрдамлашиб юборинг, илтимос. Агар қолган вилоятлардаги объектлар ҳам санаб ўтилса, эҳтимол уларга анча ёрдам берган бўлар эдик

"Ўзбекистоннинг 7 мўъжизаси" акцияси мавзуси менимча Сизга ёрдам берса керак..

Ушбу мавзуда барча вилоятларнинг табаррук қадамжойлари ва зиёратгоҳлари келтириб ўтилган.

[Tulqin Eshbekov]

Журналистика факультети доценти Зоир Тоҳиров билан 3 кун мобайнида Самарқандга ижодий сафарга бориб келдик. Мақсад - факультетимизни тамомлаган журналист-кадрларнинг маҳаллий ОАВда қай даражада фаолият кўрсатаётганини ўрганиш эди. Анча қониқиш ҳосил қилиб келдик. "Афросиёб" поезди юртимизнинг яна бир мўъжизаси бўлибди!!

[Nigora Umarova]

Ba'zan avtobus haydovchilari kim o'zarga poyga o'ynashadi-yu, alaloqibatda jabrini yo'lovchilar ko'rishadi.

[Tulqin Eshbekov]

Яқинда Самарқандга чиройли "Нексия"да кетдим. Мовий далалар, қад ростлаб турган дарахтлар, хуллас она табиатнинг фусункор манзараларини анча соғинганимни ҳис этдим. Бир пайтлар таксида фақат бойваччалар юрарди. Ҳозир олис-олис йўлларимизда бир-биридан чиройли енгил машиналар турнақатор бўлиб кетишмоқда. Ҳаммаси тўла йўловчи! Демак, таксида юрадиганлар кўпайиб кетибмиз, худога шукр!!
Такси ҳайдовчисига истиқлол берган бебаҳо неъматлар ҳақида ғурурланиб гапирдим. Унинг негадир пешонаси тиришди. Равон йўлларда учиб кетаётганимизда дами ичида бўлган ҳайдовчи Жиззах вилояти ҳудудида бироз таъмирталаб, ўйдим-чуқур йўлларда атай машинасини (албатта, ичида мени ҳам!) усталик билан "сакратди". Сўнг, ҳолинг қалай дегандек ғалати қараб:
- Мақтаганингиз шуми?- деса бўладими?!
- Бу гуруч орасида учрайган курмак каби мингта яхши ишларимиз орасида учраган битта-яримта муаммодир, дедим.
- Нега шуна гапирмайсиз? Қўрқасизда-а?- Ғалати ишшайди у.- Мақтовни оширишга устасизлару, камчиликни ёзмайсиз, чурқ этиб гапирмайсиз... Ҳақиқат борми ўзи?
- Кимдан, нега қўрқар эканман? Ундан кўра уни ҳал қилишни ўргатиб қўйсам майлими?
- Хўш?
- Жиззах вилоят йўл қурилиши мутасаддиларига икки энлик ёзма мурожаат қилинг, оламгулистон!
- Фойдаси бўлармикин?
- Ҳар қалай ғийбатдан фақат зарар кўришингизни биламан. Бунақа муаммоларни телевизорда кўрсатиб туришади-ку. Инсоннинг оғзи ботир бўлмаслиги керак! Сиз қонуний мурожаат қилинг, у ёғига қонунларимиз Кафилдир!
Бу менинг холис фикрим эди!
Сиз нима дейсиз, азиз форумдош?

[Bekmirzo]

Сообщение от Tulqin Eshbekov

...
Такси ҳайдовчисига истиқлол берган бебаҳо неъматлар ҳақида ғурурланиб гапирдим. Унинг негадир пешонаси тиришди. Равон йўлларда учиб кетаётганимизда дами ичида бўлган ҳайдовчи Жиззах вилояти ҳудудида бироз таъмирталаб, ўйдим-чуқур йўлларда атай машинасини (албатта, ичида мени ҳам!) усталик билан "сакратди".

Ehhh, domla! Agar shu taksi haydovchisi, uning boshqa yuzlab hamkasblari va minglab boshqa yo'lovchilarning peshonalari viloyatlararo yo'llarda, ayniqsa, Jizzax avtotrassasida yurayotganlarida har kuni peshonalari tirishishini bilganingizda, bunaqa kesatiq gapni yozmagan bo'larmidingiz... Siz yuqorida aytgan yo'llar biroz tamirtalab emas, aksincha, rasvosi chiqib yotibdi... Taksi haydovchilari o'z mashinasini o'ydim-chuqur joylarda atay "sakratib" oladigan darajada aqlsiz emas. Dunyoning eng mohir avtohaydovchilaridan biri bo'lgan Shumaxerni olib kelib, Jizzax avtotrassasidan qo'yvorsangiz, hattoki u ham mashinasi bilan kamida 100 marta "sakrab" oladi.

Сўнг, ҳолинг қалай дегандек ғалати қараб:
- Мақтаганингиз шуми?- деса бўладими?!
- Бу гуруч орасида учрайган курмак каби мингта яхши ишларимиз орасида учраган битта-яримта муаммодир, дедим.

Siz oddiy yo'lovchi sifatida nima uchun yo'l qurilishi mutasaddilarining tarafini olib, taksichini bunaqa tanqid qilayotganligingizni tushunish qiyin.
Toshkentdan Samarqandgacha bo'lgan masofa 300 km, deb hisoblaymiz. Jizzax viloyati hududidan o'tadigan yo'l necha km.ni tashkil etadi, deb o'ylaysiz? Bemalol 100 km.dan ortsa kerak? Uchdan bir qismni kurmak yoki bitta-yarimta, deb bo'lmaydi, domla.
Siz uzoqqa bormang. Poytaxtimiz Toshkent ko'chalarini biiir aylanib chiqing. Markaziy ko'chalardan boshqa hamma yoq judayam ta'mirtalab bo'lib yotibdi... Aniqroq manzil kerakmi? Masalan, Yunusobod bozori yonidagi aylanaga yo'lga boring, Ahmad Donish bozori yoniga boring...
Istiqlol degan buyuk so'zni har joyda ishlataverib, qadrsizlantirmasdan, mavjud muammolarni boricha ko'rib, anglab, tan olish kerak. Va shu muammolarni bartaraf etishga erishish kerak.
Aks holda, yuqoridagidek gaplaringiz quruq gap bo'lib qolaveradi...

Domla, aytmoqchi, Samarqandga ketguningizcha, yo'lda chet ellik turistlar ketayotgan birorta bir avtobusga duch keldingizmi?

[Tulqin Eshbekov]

Сообщение от Bekmirzo

rasvosi chiqib yotibdi...

Юзлаб километр йўлларимиз теп-текислигидан ҳам кўз юмманг-да! Кичкина муаммони бунча бўрттирасиз? Пашшадан Фил ясашга не ҳожат? Ундан кўра ўша муаммони тезроқ ижобий ҳал этиш учун тегишли қурилиш ташкилотларига мурожаат қилиш керак, вассалом!

Сообщение от Bekmirzo

chuqur joylarda atay "sakratib" oladigan darajada aqlsiz emas.

Менинг гапларимга ғаши келганини шу тариқа намойиш этганини сездим... У шу ўринда ўзича ақл билан иш тутиб, журналистга "кўрсатиб" қўйди...

Сообщение от Bekmirzo

Dunyoning eng mohir avtohaydovchilaridan biri bo'lgan Shumaxerni olib kelib, Jizzax avtotrassasidan qo'yvorsangiz, hattoki u ham mashinasi bilan kamida 100 marta "sakrab" oladi.

Таниб қолсам, ўша ҳайдовчининг ҳам машинасига минмай қўяқоламан...

Сообщение от Bekmirzo

yo'l qurilishi mutasaddilarining tarafini olib, taksichini bunaqa tanqid qilayotganligingizni tushunish qiyin.

Ҳеч кимнинг тарафини олганим ҳам, таксичини танқид ҳам қилганим йўқ. Унга муаммони ҳал этиш йўлини кўрсатдим, холос.
Барибир, йўлларимизнинг сифатли, текис қисми учун тасанно ҳам айтсак, ҳа деган туяга мадад бўладими, дейман-да...

Сообщение от Bekmirzo

Jizzax viloyati hududidan o'tadigan yo'l necha km.ni tashkil etadi, deb o'ylaysiz? Bemalol 100 km.dan ortsa kerak? Uchdan bir qismni kurmak yoki bitta-yarimta, deb bo'lmaydi

Равон йўлларимиз юзлаб чақирим! Таъмирталаб жойлари нари борса 20 километрча келади-ёв. Вилоят қурувчилари учун уни созлаб қўйиш катта муаммо бўлмаса керак...

Сообщение от Bekmirzo

Yunusobod bozori yonidagi

Марҳамат, бу ҳақда тегишли идораларга мурожаат қилинг, савобга қоласиз!!

Сообщение от Bekmirzo

Istiqlol degan buyuk so'zni har joyda ishlataverib

Сизга ёқса-ёқмаса буюк истиқлолим билан фахрланавераман, фахр туйғуларимни жўшиб ёзавераман! Бу билан у ҳечам

Сообщение от Bekmirzo

qadrsiz

бўлиб қолмайди!

Сообщение от Bekmirzo

mavjud muammolarni boricha ko'rib, anglab, tan olish kerak. Va shu muammolarni bartaraf etishga erishish kerak.

Айрим муаммоларни ҳам босиқлик билан ёзяпмиз-ку! Имкон қадар топиб гапиришга ҳаракат қиляпмиз. Қопиб гапириш билан иш битмайди, иним!

Сообщение от Bekmirzo

yo'lda chet ellik turistlar ketayotgan birorta bir avtobusga duch keldingizmi?

Кўрдим-у, ўзлари билан кўриша олмадим...

[Bekmirzo]

Domla,
siz bir narsani tushunmayapsiz yoki tushunishni istamayapsiz...
Nega endi biz oddiy yo'lning sifati uchun tasanno aytishimiz kerak? Qachongacha biz yangi asfaltlangan yo'lni ko'rsak, Istiqlolga shukrona aytamiz? Axir, bu yo'l yuz yil oldin ham bo'lgan, xudo xohlasa, yuz yil keyin ham bo'ladi-ku! Nega endi sifati a'lo darajadagi, ravon yo'llar biz uchun odatiy hol bo'lmasligi kerak?
Shaxsan men kundalik turmushimizda oynadek silliq va ravon yo'ldan yurish O'zbek xalqi uchun eng odatiy va oddiy holatlardan biri bo'lishi kerak, deb hisoblayman. Afsuski, yo'llarimizning umumiy sifati hali bunday deyishga imkon bermaydi...
Aynan shu nuqtai nazardan ham, sizdan farqli ravishda, yo'llarning holati haqida gapirganda Istiqlolni aralashtiravermagan bo'lardim. Toshkentdan to Sirdaryoning Baxt tumani atrofigacha yo'l haqiqatda yaxshi holatda. Sirdaryodan to Samarqandgacha esa yo'lning AKSARIYAT qismi ta'mirtalab bo'lib qolgan... Buni bilib va ko'rib turib, inkor qilishingiz qiziq... (har holda, siz yo'lning o'sha 20 km.lik masofasida uyg'oq bo'lib, qolgan qismida uxlab ketganligingizga ishonmayman...)
Bu hali O'zbekiston avtotrassalarining bir bo'lagi, xolos...
Buni anglash uchun, balki shu kunlarda (yo'llardagi o'ydim-chuqur joylarni yamab qo'ymaslaridan oldin) Samarqand-Buxoro yo'nalishida yoki Samarqand-Qarshi yo'nalishida ham bir safar qilib ko'rarsiz?
Arz, shikoyat qilish kerak, deysiz. Shundoq ham har kuni o'nlab odamlar bu borada tegishli joylarga murojaat qilib kelishyapti...
Mana, qish o'tdi, deyishadi. Endi ta'mirlaymiz, deyishadi. Ta'mirlashadi. Faqat ta'mirlangan joyning sifati keyingi qishning ilk 1 oyiga ham chidamaydi...
Bu holat har yili takrorlanadi...
Qopib gapirish, deb qiziq gapiribsiz, domla. Ha bu, maddohlikka berilmasdan gapirish qopib gapirish hisoblanmaydi, domla...