Bahru-bayt

[Gulchehra Ibragimova]

Сообщение от barlos

..лекин барибир "айб" Гулчеҳра опамизда, лирик чекинишга мажбур қилдилар

Майли, Ҳазратнинг шундай шоҳ байтларини айтиб, "айбдор" бўлсам бўла қолай, розиман.

[Gulchehra Ibragimova]

Сообщение от Minglar

"Bir kun ko`rib qolarmiz Sizni..."

Имкон кутиш энди ортиқча,
Ўзим излаб бораман сизни
Кўнгил дерлар сирли "сандиқча",
Токай тушлар кўрасиз бизни?!..

[Masud Mahsudov]

...Илҳақман,
Илинжим йўқолмас бир зумга,
Шамоллар қулоғин тутади арзимга.
Тўлқиндек гупирар юрагим,
Сабрни супирар юрагим,
Бардошга қадрдон тутиниб,
Васлингни тилайман ўтиниб
Худодан,
Дарагинг сўроқлаб ҳар касдан;
Шоҳдану, гадодан,
Исингни келтирган сабодан –
Соғиндим...

(с)

[Minglar]

Сообщение от Masud Mahsudov

Соғиндим...

Meni qulatolmas tog'lar zalvori,
Yiqitolmas xatto osmon uzulsa,
Yonimda bo'l, jonim, jonimda bo'lgin,
Biz-chi bo'linmaylik dunyo buzilsa.

(C)

[Masud Mahsudov]

Аламга тўлганда кунларим,
Чорасиз қолганим онимда,
Чин бахтдан умидвор тунларим,
Яхшиям, Сиз борсиз ёнимда.

Кўзингиз ҳеч кимга ўхшамас,
Сўзингиз ҳеч кимга ўхшамас,
Шукрким, бошқамас, ўзгамас,
Яхшиям, Сиз борсиз ёнимда.

Иқболни мисқоллаб тергани,
Умр йўлин мустаҳкам қургани,
Сўнг унда бирликда юргани,
Яхшиям, Сиз борсиз ёнимда.

Аразлаб, рашкини сочгувчим,
Тик боқмас, нигоҳи қочгувчим,
Дардлашиб, кўнглимни очгувчим –
Яхшиям, Сиз борсиз ёнимда.

Тез-секин ҳаёт карвонимда,
Ишқ оқар томирда қонимда,
Сиз менинг қалбимда, жонимда,
Яхшиям, Сиз борсиз ёнимда.

(c)

[Gulchehra Ibragimova]

Англагувчи бўлса яхши кўнгил сирин,
Ҳаё ёнган нигоҳларда дил яширин.
Айрилиқдан безиб кетган ошиқ юрак,
Садо берар, дийдор ширин.

Фарзанд йўлин қараб қолган оналардан,
Баҳорини кутиб ётган лолалардан,
Ёрни дея юрак бағри поралардан,
Сўранг, дейди:“дийдор ширин”.

Тупроқ аро пинхон ётар қанча инсон,
Ҳаёт асли ғаниматдир, эй тирик жон,
Чин висолдан умидвордир аҳли иймон,
Хабар келар-"дийдор ширин".

Рислқой Хотамова

[Баходир кушаков]

Сообщение от Gulchehra Ibragimova

Хабар келар-"дийдор ширин"

Не ажабким севдим сени,севгингга ҳеч етолмасман,
Умидим бор,кет десанг ҳам,ташлаб сени кетолмасман.
Оҳ,бу тилим тўҳтасайди,сенинг исминг қайтаришдан,
Лекин юрак тўҳтамас ҳеч,шу чиғриқдан ўтолмасман.
(С)

[pipicron]

Сообщение от Баходир кушаков

Лекин юрак тўҳтамас ҳеч,шу чиғриқдан ўтолмасман.

Нетай, кўнгил сирин билган синдирмас дил,
Дилда борин айтмай тишга ғамбода тил.
Балки шарти туш туш кўрмоқнинг ширин дийдор:
Кўнглим билдинг, дилим билдинг, ўзингни бил.
(Ал Мехр)

[Биллур]

Сообщение от pipicron

Кўнглим билдинг, дилим билдинг, ўзингни бил.

Лол қоламан сўзингдан,
Шамчироқдек кўзингдан,
Оби новвот томчилар,
"Дадў" деган сўзингдан.
Қалам-қалам қошингдан,
Қаландарлар айлансин,
Хумор-хумор кўзингдан,
Хуморалар ўргилсин...
Хозир даданг келади,
Ойни олиб келади,
Қизалоғимга деб-о,
Қўйнига солиб келади...

[Баходир кушаков]

Сообщение от Биллур

Қўйнига солиб келади...

Ибодат инсонга берилган имкон,
Рўза шу имконнинг энг зўр бир тури.
Имконингиз доимо иложга тўлсин,
Ҳайит аёмингиз муборак бўлсин!.......Азиз форумдошлар!