Йўлда кечган ўйлар...

[Pfefferminze]

Сообщение от OmoN

Миллати немисмасми ишқилиб

Mening postlarimga kelganda, Sizda, Dolimov aytganlariday "qurugur yumor" oshib ketadi, menimcha. :-)

Yo'q, oddiy o'zbek bola! :-) O'zbekistonda nemis nima qilsin?! :-)



R

[Shomurodov Shohruh]

Сообщение от Pfefferminze

Yo'q, oddiy o'zbek bola! :-) O'zbekistonda nemis nima qilsin?! :-)

Элчихонада ишласин

[Pfefferminze]

Сообщение от Shomurodov Shohruh

Элчихонада ишласин

na nemisni na o'zbekni tishi o'tmaydi, endi.



uzr, off-top uchun....


hurmat bilan,

R

[OmoN]

Оффтоп:

Сообщение от Pfefferminze

Mening postlarimga kelganda, Sizda, Dolimov aytganlariday "qurugur yumor" oshib ketadi, menimcha. :-)

узр опа, гап келганда айтвордим...

[Shokir Dolimov]

Ҳурматли форумдошлар! Эътиборингизга «Икки штатга саёҳат», деб номланган кундалик ёзувларимнинг ушбу мавзуга тааллуқли қисмини ҳавола этмоқдаман. Унинг ҳаддан ортиқ чўзилиб кетгани учун олдиндан узр сўрайман. Шу ўринда таъкидлаб ўтишим жоизки, мулоҳаза юритилаётган сафар кўп йиллар муқаддам бўлиб ўтган. Унда баён этилган, бугунги ҳаётимизда оддий ҳолатдай кўринган айрим нарсалар ўша кезларда Ўзбекистонда бўлмаган.

ИККИ ШТАТГА САЁҲАТ

... Белгиланган вақтда Франкфуртга учадиган йўловчилар-у, уларнинг юклари рўйхатдан ўтказила бошланди. Ушбу жараён, декларация бланкларини расмийлаштириш, юк топшириш билан бошланиб, қўл юкини кўрикдан ўтказиш ва самолётга жойлашиш билан якунланди. Юкимнинг умумий вазни 10 кг га етмаганлиги боис, қўл юки сифатида қайд этилди. Нос захирасига нисбатан берилган савол инобатга олинмаса, кўрик муаммосиз ўтди.
Самолёт салонига киргач, чиптада кўрсатилган жойимни эгалладим. Делегация аъзоларига жойлар тарқоқ тақсимланган бўлиб, юртимизнинг икки нафар хорижлик меҳмони ўртасида гўё соқовдек ўтириб кетдим. Табиатан мулоқотга мойил бўлганим сабабли мажбурий гунгликдан сал бўлмаса портлаб кетгудай бўлиб қолдим. Яхши ҳам-ки видеофильмлар кетма-кет намойиш этиб борилди, йўқса...
Шу тариқа, олис сафаримиз йўналишининг қўниб ўтиш манзилларидан бири Германиянинг Франкфурт шаҳрига, қалбимда Ватанга бўлган илиқ туйғулар ва оилам билан хайрлаша олмаганимдан бир оз ачиниш ҳисси ила учиб кетдим. Жисмоний ҳаракат чекланганлиги, мулоқот деярли йўқлигидан самолётда кечган йўл таассуротлари у қадар бой бўлмади. Шу ўринда икки ҳолатни айтиб ўтишим мумкин:
самолётда берилган егуликлар орасида чиройли қадоқланган хориж маҳсулотлари бўлиб, уларнинг барчаси билан таниш бўлмаганлигим сабабли, баъзиларини очишга очиб кўрдим-у, татиб кўришга таваккал қилмадим. Риштоннинг аччиқ қалампири ва ўзимизнинг 95- навли кўк чойимизни олиш ёдимдан кўтарилгани боис, Ватанга қайтиб келгунга қадар бутун сафар давомида ўларча эзилиб юрдим;
иккинчи ҳолат эса бундан баттар (фақат илтимос, ўзбекнинг устидан кулманглар). Стюардессанинг Франкфуртга етиб келганимиз ҳақидаги эълонини эшитиб беҳад қувониб кетдим. Гап шундаки, бир неча соат давом этган парвоз, мени нос чекиш имкониятидан маҳрум қилиб қўйган эди. Очиғини айтсам, хорижлик ҳамроҳлар олдида нос қовоғимни очиб, «хушбўй» нос ташлаб олишни ўзимга эп кўрмай ўтирган эдим. Шунинг учун, самолёт ерга қўниб, ҳамма ўзи билан ўзи овора бўлиб қолганида, мен, аэропорт биносидаги бирорта ҳожатхонага кириб, туфлаб ташлайман, деган хаёлда бир чеким «тотли» носимни шартда ташлаб олдим-да, самолётдан чиқишга отландим. Кейин билсам, чучварани хом санаган эканман... Йўловчиларни самолётдан тўғридан-тўғри бинога олиб кириш қурилмаси, аэропорт бинонинг тузилиши, жиҳозланиш савияси, ходимларнинг йўловчиларга хизмат кўрсатиш маданияти, яратилган қулайликлар, озодалик ва тартиб, одам гавжум бўлишига қарамай ҳукм сурган сокинлик кишини ҳайратга солади. Франкфуртдан Вашингтонга учадиган йўловчиларнинг рўйхатдан ўтказилиши аллақачон бошлангани боис, белгиланган жойга югура кетдик. Қисқаси, оғзимга ташлаб олган носдан Вашингтонга қараб учган самолётимиз зарурий баландликка кўтарилгандагина, халос бўла олдим...
Бу гал ҳам жой тақсимоти мени делегация аъзоларидан ажратиб қўйди. Яна икки нафар ўзбек бўлмаган йўловчилар исканжасида қолдим. Орқа ўриндиқдаги ватандошларим билан бир қаторда, иллюминатор ёнига астойдил жойлашиб олган мистер билан жойимизни алмаштириш ҳақида ярим ўзбекча, ярим русча ва ҳатто инглиз сўзларидан бир-иккитасини аралаштириб, таклиф мулоқотини ўтказиб кўрдим. Буни қаранг-ки, у мени жуда яхши тушунди ва таклиф қилинаётган жойни кўриб, янада тушунарли имо ила, ўрта ўриндиқда ўн соатдан ортиқ яшай олмаслигини тушунтирди қўйди. Мен ундан хафа бўлмадим, аксинча, бошқа миллат вакили билан муваффақиятли мулоқот қила олиш «қобилиятим» борлигидан қаноатланиб, қисматга шукрона айтиб, тақдирга тан берганча, чиптамда кўрсатилган жойни эгалладим.

[Shokir Dolimov]

Ҳамроҳларимдан бири мен билан тенгқур йигит, иккинчиси эса хушрўйгина, қомати тўлишган, мендан ёшроқ, истараси илиққина жувон экан. Иккаласи хам жуда чиқишимли, меҳрибон кишилар экан.
Меҳрибон деганимнинг боиси, улар ярим соқов тилим ва нўноқ имо-ишораларим орқали билдирган фикримни эътиборга олишар, шунга қараб, менга қандай егулик ёки ичимлик кераклигини стюардессалардан сўраб олишга ёрдам беришар, мен учун ўзбек тилида бўлмаса ҳам, ҳеч йўқ рус тилида бирор-бир адабиёт ёки даврий нашр излаб кўришларини сўрашар, бу масалада омад чопмагач, инглиз ва немис тилларида чоп этилган мавжуд журналлар ва реклама буклетларининг маъносини тушунтириб кетишар эди. Йигит ҳатто, менга тушунарлироқ бўлиши учун бир амалий мисол хам кўрсатди:
Гап шундаки, баъзан, самолёт салони йўлакларидан икки нафар ходим, чиройлигина аравача тортганча, ўтиб қолишар эди. Улардан бири баланд кўтариб олган қўлида бизнинг қўлимиздаги журнал сонини ушлаб олган. Ёнимиздан ўтишар экан ҳамроҳим уларни тўхтатди-да, аллақандай буюртма берди. Қўлида журнали бор ходим журнални варақлаб, керакли саҳифада тўхтади-да, ҳамкасабасига буюрилган мол ҳақида маълумот берди шекилли, шериги дарҳол аравачанинг пастки эшикчасини очиб, бир зумда керакли нарсани топиб, ҳамроҳимга алланима деди. Ҳамроҳим, киссасидан пластик карточкасини чиқариб, қути ушлаб турган кишига узатди. У, ўз навбатида, аравача устида турган кичик ўлчамли кўчма касса аппаратида керакли амални бажарди-да, аппарат ичидан чиққан икки нусхадаги чекни, карточка билан бирга ҳамроҳимга узатди. Йигит, ушбу чекларнинг бирига имзо чекиб, ходимга қайтиб берди. Шундан сўнггина, ҳамроҳим, қутининг ҳақиқий соҳиби бўлди чамаси, сотувчи қутини йигитга топширар экан, табассум-ла миннатдорлик билдириб, шериги билан йўлини давом эттирди.
Тадбирни диққат билан кузатиб ўтирганимни кўриб турган иккинчи ҳамроҳим, чекнинг иккинчи нусхасини олди-да, менга кўрсатиб, астагина тушунтира бошлади. Ҳар қалай, бу чек 55 долларга сотиб олинган ручка эканлигини тушундим. Бу орада йигит, картон қутини очиб, ичидан яна бир чиройли ишланган қутини чиқарди-да, уни ҳам очиб, ичидан алвон ва бронза тусли ажойиб нақш-ла безалган ручка ва кафолат коғозчасини чиқариб, менга узатди. Жувон эса ручкани кўздан кечириб турганимни кўриб, қўлимга бояги журнални тутқазди-да, ручкага ишора қилиб, чиройли кулганча, «излаб топ» дегандек бўлди. Журнални варақлаб, ручка тасвири, ёнида кўрсатилган нархга ишора қилиб, ҳақиқатан ҳам ручка 55 доллар эканлигини кўрсатдим. Иккаласи назарий ва амалий машғулот зое кетмаганидан мамнун бўлиб, жилмайиб қўйишди.
Бу жилмайиш ва ним соқовча суҳбатимиз давомида, уларнинг устимдан кулишлари ёки қандайдир тарзда устувор эканликларини намойиш қилмоқчи бўлаётганликларини сезмадим, аксинча, улар мени ўзларига тенг кўришиб, фикрларимни диққат ва бардош ила тушунишга ҳаракат қилиб боришди.
Парвозимиз шу тариқа ўтган суҳбатлар билан якунига етгач, улар ўринларидан туришдан олдин, навбат билан менга нималардир дейишди. Гарчи мен уларнинг гапларини тушунмаган бўлсам-да, бир неча бор такрорланган Ўзбекистон ва Америка сўзларини яхши эшитдим. Ишончим комилки, бу сўзлар икки буюк халқнинг бўлажак ҳамкорлиги ҳақида билдирилган ниҳоятда илиқ, чиройли ва самимий фикрлар эди. Мен бу фикрни, уларнинг аниқ ва равшан нигоҳларида уқиб олгандай бўлдим. Ўз навбатида мен хам қисқагина нутқ ўқиб, уларга қизиқарли ўтган соатлар учун миннатдорлик билдириб, Ўзбекистонга таклиф қилаётганимни имкон кадар тушунтиришга ҳаракат қилдим. Улар самимий жилмайиши-да, юкларини олиб, ташқарига йўл олишди. Мен хам чиқиш томон ҳаракат бошладим.
Вашингтон аэропорти, Франкфурт аэропортининг юқорида баён этилган тавсифидан сира фарқ қилмайди. Ягона фарқи, назаримда, турли ирқ, миллат ва халқларга мансуб одамларнинг кўплиги ва миллий кийимларининг ранг-баранглиги кўзга ташланиб, шу жиҳати эътиборимни ўзига жалб этди. Ажиб, гўзал манзара. Бунақасини ҳаётда кўриш кишига ўзгача ҳис бағишлар экан. Бу ердаги ҳар бир инсон ўзга олам вакилидек кўринди менга.

[Shokir Dolimov]

Юк қабул қилиш бўлимига келдик. Гарчи делегация аъзоларининг юклари Тошкентдан Лоузвиллгача расмийлаштирилган бўлса хам, ушбу юкларни қўлга олиш ва белгиланган жойда қайтадан топшириш керак экан. Лоузвилл шаҳрига учадиган самолётлар, маҳаллий йўналишлар авиакомпаниясига тегишли бўлиб, аэропорт ҳудудининг бошқа четида жойлашган ва у ерга махсус автобусларда борилар экан. Лекин биз бир оз ушланиб қолишга мажбур бўлдик. Делегациямиз аъзоларининг деярли барчаси ўз юкини олган-у, бир шеригимизнинг юки ҳамон кўринмайди. Кутдик. Ярим соат ўтди, юкдан хабар йўқ. Аэропорт хизматчиларидан бири келиб, қандай ёрдам кераклигини сўради. Биз унга вазиятни тушунтирдик. Ходим «окей» деди-да, бизни ўз ҳолимизга қўйди. Яна тахминан ярим соат ўтди чамаси, юкдан эса ҳанузгача хабар йўқ. Бу орада ёнимизда турган юкларимизни, гўзал бир аёл қўлида хизмат қилаётган, бўйи ердан бир қаричга аранг кўтарилган, махсус хизмат либосчасини кийиб олган кучукча бир неча бор ҳидлаб ўтди. Франкфуртдан келган йўловчилар, ўз юкларини олиб, аллақачон ҳар томон тарқаб ҳам бўлишди, лекин шеригимизнинг юкидан дарак йўқ. Таржимонимиз бир неча бор аэропорт хизматига мурожаат қилиб кўрди. Натижа чиқмади. Охири бир хизматчи келиб, юк Вашингтонга келмаганини маълум қилди. Йўлимизда давом этишимизни маслаҳат бериб, юк келиши билан манзилга етказилишини ваъда қилди. Ҳақиқатан ҳам юк уч кундан кейин, ўз эгасини топди.
Автобусга ўтириб, маҳаллий йўналишлар аэропортига етиб бордик. Йигирма дақиқадан сўнг, Лоузвилл самолётига чиқадиган йўловчилар рўйхатдан ўтказила бошлангани ҳақида эълон берилди. Йўловчилар ичида биринчи бўлиб рўйхатдан ўтиб, самолёт томон йўл олдим. Вашингтонгача баҳайбат Боинг самолётларида келиб Лоуизвиллга учадиган самолётни менга кўрсатишганида кулгим қистади. Ичкарида мени хушбичимгина, жуда гўзал қора танли стюардесса кутиб олди. Жойимни осонгина топиб олдим. Самолёт салонининг бир томони икки қатор, иккинчи томони эса бир қатор ўриндиқлар билан жиҳозланган бўлиб, саккизгача санаб, 8- А жойни топиш унчалик қийин кечмади. Самолёт аста секин йўловчиларга тўла бошлади. Улар орасида икки нафар кичкинтой ўғилчаси билан чиққан эркак, ўз полапонларини базўр эплаб ўтирибди. Бино ичида кўзимга ниҳоятда жиддий кўринган одамлар, болаларнинг шўхлигини томоша қилишар экан, чексиз қувониб кулишар, улар ҳам болаларга қўшилиб шўх қилиқлар қилишдан ўзларини базўр тутиб туришаётгандек туюлар эди.
Самолёт тўлиб, эшик ёпилди, моторлар ишга туширилди, стюардесса микрофон орқали эндигина салом беришга улгурган эдики, болалардан бири шўхлигидан курсидан думбалоқ ошиб, юзи билан самолёт палубасининг қиррасига қулаб тушди. Боланинг лаби андак йиртилиб, жароҳат қонади. Ҳозиргина болалар билан тенг кулиб ўтирган одамлар, энди улар билан баб-баробар йиғлаб юборишди. Дарҳол кема командирига хабар берилди. Моторлар ўчирилди, эшик очилиб, бир зумда қаердандир доктор етиб келди. Кема командири, токи қон тўхтатилиб, бола тамомила юпанмагунича, унинг олдидан жилмади. Ажойиб, беғубор халқ!
Ниҳоят самолёт ердан узилиб, Лоузвилл сари қанот қоқди. Толиқибман шекилли, уйқуга кетиб қолибман. Бир соат-у, 40 дақиқадан сўнг қўндик. Ихчамгина аэропорт мен кўрган аэропортлардан ҳеч хам қолишмайди...

[Nigora Umarova]

«E'tirozli savol javob olishga va yana o'zingizga tinimsiz savol berishga majbur qiladi». Bu mening kecha yo'lda kashf qilgan falsafam.
Kuni kecha bo'lgan bir voqea. Ishdan ba'zi bir sabablarga ko'ra kech qaytayotgan edim. Aksiga olib men kutgan avtobusni 30 daqiqa kutib qoldim. Nihoyat men kutgan transport keldi. Konduktor «Oylik yo'l chiptalari o'tmaydi» — deb, oylik yo'l chiptalari bor talabalardan ham pul yig'ib ola boshladi. Men bu holatga chiday olmay, «Bu davlat transporti bo'lsa, oylik yo'l chiptalari soat 21.00dan keyin o'tmasligi qayerda yozib qo'yilgan?»-deb so'radim.
Yo'l nazoratchisi, «Bizda ham plan bor, buni dispetcherdan so'raysiz!!!»- deb menga javob qaytardi. Nozimxonaga ham bormoqchi edim-ku, biroq uyga yana-da kechroq kirib borishimligini o'yladim.
Nahotki, shunchalik «qo'ydek yuvosh» bo'lsak…
To'g'ri, haydovchida ham, yo'l nazoratchisida ham oila bor, oilasini boqishi kerak, biroq insonning ham o'z haq-huquqlari mavjud-ku… Yoki men andishasizlik qildimmikan… O'zimga-o'zim savollar berib, tinimsiz savollar girdobida qoldim.
Shularni o'ylab, yodimga bir rivoyat keldi: Bir donishmanddan so'rashibdi:
— Nima uchun it ko'p bolalasa-da, uning zoti juda kam? Qo'y esa bittadan bolalaydi-yu, doim poda-poda bo'lib yuradi.
— Qo'yning o'tlashiga hech ahamiyat berganmisan? Bir-ikki o'tni chimdiydi-yu, ketidan kelayotgan qo'yni o'ylaydi. It esa bir-biri bilan suyak talashgani- talashgan"…
Balki boyagi insonlar ham yuqorida ta'kidlaganimdek, o'zlarini emas balki boyaqish haydovchi va yo'l nazoratchisini o'ylashgandir. Biroq nega haydovchi va yo'l nazoratchisi o'z manfaatini o'yladi-yu, avtobusdagi yo'lochilar manfaatlarini o'ylashmadi, savob ish qilish kerakligini o'ylashmadi.
Bu yerda tartib-intizom me'yori buzilmadimikan…
Ozchilik ko'pchilikka bo'ysunadi, biroq… biroq… men yo'l nazoratchisiga e'tiroz bildirib nimaga erishdim?!..
Erishganim — «Men oqim bilan birga emas, oqimga qarshi suzishimni namoyon qildim», xolos.

[Nigora Umarova]

Yangi odamlar bilan eski yo'ldan yurguncha, eski odamlar bilan yangi yo'ldan yurish afzal.

****
To'ppa-to'g'ri yo'ldan ham turli yo'nalish topish mumkin.

[JUS]

Сообщение от Nigora Umarova

Yangi odamlar bilan eski yo'ldan yurguncha, eski odamlar bilan yangi yo'ldan yurish afzal.

****
To'ppa-to'g'ri yo'ldan ham turli yo'nalish topish mumkin.

Оффтоп:

Интернетим секин ишлаганлиги боис, чап тарафдаги профилингиз тўлиқ кўринмасдан, постни ўқиб Тўлқин домлами деб ўйлабман!