Мактабларда пул йиғилиши тўғрими?

[Хаджи]

Сообщение от Fayzbek

Солиҳ амал деганни ўзи тушинасизми?

Пичинг килманг илтимос. Хеч канака диний муассасини тугатганим йук. Динни билиш маънавиятга киради менимча. Лекин дин номидан мен эмас сиз гапиряпсизку. Солих амални маънавиятли хар бир одам килиши мумкин.

[Хаджи]

Сообщение от abdurahmonaka

Бу муаммони йўқотиш учун кимда қандай таклиф бўлса айтсин зора ҳал бўлса!!!

Ота-оналар мажлисига борганда шуни мактаб рахбариятига айтиш керак эди. Жамаот назорати зарур.

[Nigora Umarova]

Сообщение от Fayzbek

Тушинмаётган бўлсангиз, биз мавзуда қўйилган саволга диний, дунёвий, маънавий ва маърифий жавоблар қидиряпмиз. Бирор фикрингиз бўлса айтинг ё суҳбатга фақат бурун тиқмоқчи бўлсангиз. Грипп бурнингизни бу жойга тиқманг маслаҳатим.

[MOD]Qo'pol tarzda bahslashmanglar!!![/MOD]

[Fayzbek]

Сообщение от Хаджи

Динни билиш маънавиятга киради менимча.

Мени сизга бераётган маслаҳатим ва тўғрилашларимни бошқача тушиняпсизми дедим. Фақатгина дини билиш билан инсон маънавиятли бўлиб қолмайди + тўғри эътиқодга ҳам эга бўлиши керак. Нақонуний пул йиғиш, кимнидир ҳаққига ҳиёнат қилиш, таълим муассасидаги низомларга амал қилмаслик қонунан нотўғри эканини билади, дин ҳам буни оқламайди лекин буни қилишяпти. Бу тўғри эътиқод йўқлигидан.

Сообщение от Хаджи

Солих амални маънавиятли хар бир одам килиши мумкин.

Ҳар бир хақийқатда маънавиятли инсон солиҳ амалларни албатта қилади. Ўзи учун, жамият учун, келажак учун фарзандлари учун қилади албатта. Пешона тери бн топилганлари ҳалоли бўлсин, лекин кимдир қонуний иш қилмаса албатта унга тўсиқ бўлиш керак.

[myu]

Узим укиган совет даврида хам мактабларда пул йиғиш иллати бор эди. Маркага, ремонтга, "тинчлик фондига".... деб. Пул йигиш бу - ИЛЛАТ!

[Shahodat]

Сообщение от Fayzbek

Мен ҳайрон бўлдим шунча ўқувчи ҳаққини Аллоҳдан ва қонундан қўрқмасдан ким ўзлаштирди экан?

Сообщение от Fayzbek

Бизлар ўқиган

Сизлар ўқиган экансиз, нима энди бошқалардан сўраяпсиз?

[Shokir Dolimov]

Сообщение от abdurahmonaka

Бу муаммони йўқотиш учун кимда қандай таклиф бўлса айтсин

Айтайлик ўқитувчи ўқувчи орқали «Фалон сўм бериб юборинг» деб тайинлади.
Бошладик:
1. Биринчи навбатда мактабга ташриф буюриб, тегишли ўқитувчи (одатда, синф раҳбари) ҳузурига кирилади ва нима сабабдан пул сўрагани аниқланади.
Дейлик у:
- ўқувчиларга Наврўз байрамига бағишланган расмлар чиздириш учун ватман қоғоз оламан;
- синф хонаси ва жиҳозларини ўрта таъмирдан чиқараман;
- тунги навбатчиликда туришга имконим йўқ. Бинобарин, йиғилган пулни директорга киритиб бераман, ўрнимга бошқа бировни қоровул сифатида ёлласин;
- мактаб, шу жумладан, синф зиммасига қора ва рангли металл чиқиндиларини топшириш вазифаси юкланган. Пулни директорга киритиб бераман, у эса тегишли жойдан мактаб металл чиқиндиларининг тайинланган миқдорини топширганлигини тасдиқловчи сохта маълумотнома сотиб олиб, ҳисобот беради каби минг бир баҳоналардан бирини келтирди.
2. Тегишли масала кун тартибига чиқарилган, синф раҳбари иштирок этган ота-оналар мажлиси ўтказилиб, мажлис баённомаси белгиланган тартибда расмийлаштирилади. Ушбу баённомага ота-оналар қўмитасининг раиси ва котибидан ташқари, синф раҳбари ҳам имзо чекади (изоҳ: айрим «крутой» ота-оналар бундай «арзимас» ишларга аралашишни истамай, тайинланган пулни бериб қутулишни афзал билади ва одатда, уларнинг фарзандлари аълочи бўлади ёки ўқув материалини талаб даражасида ўзлаштириши учун ўқитувчи томонидан нисбатан кўпроқ эътибор қаратилади).
3. Ота-оналар қўмитаси ёки ота-оналарнинг барчаси мактаб директорининг номига расман мурожаат йўллайди. Ушбу мурожаатга мажлис баённомасининг кўчирмаси илова қилинади. Мурожаатда синф раҳбарининг хатти-ҳаракатлари, яъни тегишли муаммони ҳал этиш учун ота-оналардан пул йиғаётгани қонуний асосга эга ёки эга эмаслиги ҳақида тушунтиришлар бериши сўралади (изоҳ: мурожаат икки нусхада расмийлаштирилади. Негаки, аксарият ҳолларда ўхшаш мурожаатлар жавобсиз қолади, иш юритиш бўлимида қайд этилмайди).
4. Фараз қилинг, мактаб директори мурожаатга расман жавоб берди ёки ота-оналар мажлисини уюштириб, синф раҳбари берган тушунтиришлардан кўп фарқ қилмайдиган тушунтиришлар берди. Булар ҳам мажлис баённомаси сифатида расмийлаштирилади.

[Shokir Dolimov]

5. Ота-оналар қўмитаси ёки ота-оналарнинг барчаси туман (шаҳар) халқ таълими бўлимига расман мурожаат йўллайди. Ушбу мурожаатга мажлис баённомаларининг кўчирмалари илова қилинади. Мурожаатда мактаб маъмуриятининг хатти-ҳаракатлари, яъни тегишли муаммони ҳал этиш учун ота-оналардан пул йиғилаётгани қонуний асосга эга ёки эга эмаслиги ҳақида тушунтиришлар бериш сўралади (изоҳ: ҳар эҳтимолга қарши ушбу мурожаат ҳам икки нусхада расмийлаштирилади).
6. Яна бир бор фараз қилинг, туман (шаҳар) халқ таълими бўлими мурожаатга расман жавоб берди ёки бўлим вакили мактабга ташриф буюриб ота-оналар мажлисини уюштирган тарзда мактаб маъмурияти берган тушунтиришлардан кўп фарқ қилмайдиган тушунтиришлар берди. Буларни ҳам мажлис баённомаси сифатида расмийлаштирамиз.
7. Пул йиғилиши қонуний эканлигига ишонч ҳосил қилмаган ота-оналар қўмитаси ёки ота-оналарнинг барчаси вилоят халқ таълими бошқармасига расман мурожаат йўллайди. Ушбу мурожаатга мажлис баённомаларининг кўчирмалари илова қилинади. Мурожаатда мактаб маъмурияти ва туман (шаҳар) халқ таълими бўлимининг хатти-ҳаракатлари, яъни тегишли муаммони ҳал этиш учун ота-оналардан пул йиғаётгани қонуний асосга эга ёки эга эмаслиги ҳақида тушунтиришлар бериши сўралади (изоҳ: ҳар эҳтимолга қарши ушбу мурожаат ҳам икки нусхада расмийлаштирилади).
8. Яна ўша аҳвол.
9. Синфнинг тиниб-тинчимаган ота-оналар қўмитаси ёки ота-оналарнинг барчаси Ўзбекистон Республикаси Халқ таълими вазирлигига расман мурожаат йўллайди. Ушбу мурожаатга мажлис баённомаларининг кўчирмалари илова қилинади. Мурожаатда мактаб маъмурияти, туман (шаҳар) халқ таълими бўлими ва вилоят халқ таълими бошқармасининг хатти-ҳаракатлари, яъни:
- ўқувчиларга Наврўз байрамига бағишланган расмлар чиздириш учун ватман қоғоз харид қилиш;
- синф хонаси ва жиҳозларини ўрта таъмирдан чиқариш;
- ўқитувчи тунги навбатчиликда турмаслиги учун қоровул ёллаш;
- мактаб, шу жумладан, синф зиммасига қора ва рангли металл чиқиндиларини топшириш вазифасини сохта маълумотнома харид қилган тарзда ҳал этиш каби минг бир мақсадда ота-оналардан пул йиғилаётгани қонуний асосга эга ёки эга эмаслиги ҳақида тушунтиришлар бериш сўралади.

Ишончим комилки, юқорида санаб ўтилган поғоналардан бири ота-оналардан пул йиғиш амалиётини албатта тўхтатади, акс ҳолда, расмийлаштирилган барча материалларнинг асл нусхалари прокуратура органларига тақдим этилади.

[Tulqin Eshbekov]

Сообщение от Fayzbek

200 мактабнинг маълумотига эга одам қинғир ишларга ҳам қарши туришга имконият топади.

Фақат бу борада ақл билан иш кўрса бас!

[Хаджи]

Сообщение от Shokir Dolimov

Ишончим комилки, юқорида санаб ўтилган поғоналардан бири ота-оналардан пул йиғиш амалиётини албатта тўхтатади, акс ҳолда, расмийлаштирилган барча материалларнинг асл нусхалари прокуратура органларига тақдим этилади.

"Пул йиғиш амалиёти" деб тус берманг илтимос. Мактаблар учун зарур нарсалар жуда кўп. Шуни назарда тутиб хомийлик хакида айтинг. Фикрингиз кандай. Сиз молия вазирлигида ишлайсиз. Укитувчиларнинг хафталик саотларни камайтириш хакида нима фикрингиз бор.