Bahru-bayt

[Nigora Umarova]

Сообщение от Mohlaroy

Менам ўз-ўзимни бутаётибман.

Ҳалима Худойбердиева

Na mulku mol banga charx versa mamnunam,
Na mulku moldan ovora qilsa mahzunam.
Agarchi muflisu pastu muhaqqaru dunam,
Damodam o'yla xayol ayloraki Qorunam.
Ko'ngilda naqdi vafo ganji, lek pinhoni,
Ko'zim xazonai la'lu guhar, vale foni.

Fuzuliy

[pipicron]

Сообщение от Nigora Umarova

Ko'zim xazonai la'lu guhar, vale foni.

"Икки ярим бир бутун" дерлар...
Бу гаплардан хеч кўнглим тўлмас:
Икки бутун юрак жуфтдир, лек
Икки ярим юрак бир бўлмас.

[Gulchehra Ibragimova]

Сообщение от pipicron

Икки ярим юрак бир бўлмас.

Сўрдимки:—Нечун шикаста, нолондирман?
Айди:— Сабабни мен, гули хандондирман.
Сўрдимки:—Нечун кўйингда гирёндирман?
Айдики санам:—Сен тану, мен жондирман...

Абу Али ибн Сино

[Quvonchbek Karimov]

Сообщение от Gulchehra Ibragimova

Айдики санам:—Сен тану, мен жондирман...

Наҳотки, сенсизсик шунчалар ёмон,
Яшамай қўйдимми.... Яшаяпманми...
Ҳеч кимга ўхшамай қоляпман, нега?
Яшаётганмидим..... Яшаяпманми???

Мазмунсиз кунимга очиб саҳифа,
Аламли чизиқлар тортиб бораман.
Ўзимни, ўзлигим юқотяпман-ку...
Ўзимча сени (ўзимча фақат) топиб бораман.

Асли бегонасан, туйғуларимга,
Фақат қондирсан сен томирларимда....
Кузатиб қўярдим “бахт” томон сени...
Кета оласанми кулгуларимдан?

Яшаётганмидим..... Сендан олдин ҳам.....

[Gulchehra Ibragimova]

Сообщение от Quvonchbek Karimov

Яшаётганмидим..... Сендан олдин ҳам.....

Масту аласт, беғам дўсту ёр
Толиқтирар қалбимни маним.
Шунда бирдан бўлади ошкор
Ёлғизлардан ёлғиз эканим.

Деразага ҳўл бағрин босиб,
Кузак туни сурганда хаёл -
Мен энг гўзал шеъримнн ёзиб,
Сизни эслаб йиғлашим аён.

Усмон Азим

[Quvonchbek Karimov]

Сообщение от Gulchehra Ibragimova

Сизни эслаб йиғлашим аён.

Nazokatni qaydan olgan kapalak,
G‘uvillab, nimadan so‘ylaydi kaptar?
Nimaning tasviri, ayting, kamalak?
Sevgi deganlari yo‘q bo‘lsa agar.

Ne bois qizarib ketdi atirgul,
Nasimlar nelardan keltirdi xabar?
Kimning qiynog‘ida to‘lg‘onar sunbul?
Sevgi deganlari yo‘q bo‘lsa agar.

Kimni kutib chatnab ketar harsangtosh,
Momogulduraklar nahot besamar?
Qanday qudrat bilan aylanar quyosh?
Sevgi deganlari yo‘q bo‘lsa agar.

Ilon ham qovushar, garchi zahri bor,
Chayon o‘z juftiga tutadi shakkar.
Ko‘ngilning yurakdan nima farqi bor –
Sevgi deganlari yo‘q bo‘lsa agar.

Iqbol MIRZO

[Aliya]

Rohati xobimni tark aylab, kutarman mujdasin,
Yuz xazor sitoralardin xat yubormoq va'dasin.

Bir xabar kelsunki, zorim, uyqudin kechgancha voz,
Ishqining peshonasiga oyda keltursin qiyos...

[Gulchehra Ibragimova]

Сообщение от Aliya

Ishqining peshonasiga oyda keltursin qiyos...

Севгилим! Ўйланма, кел, интизорман,
Келгин, ғуссанг билан тўлган уйимга.
Ҳали ҳам севгингга содиқман, ёрман,
Шодлик бўлиб қўшил ғамгин куйимга.

Сен жоним, хонамда бўлганда пайдо,
Совуқдан қизарган юзларинг яшнаб,
Ростдан ҳам сенми деб, хаёлми, деб ё,
Ишонмай қўлингни кўрурман ушлаб.

Қўрқмагин, саволлар бермасман, эркам..

Усмон Азим

[Quvonchbek Karimov]

Сообщение от Gulchehra Ibragimova

Қўрқмагин, саволлар бермасман, эркам..

Milyon yilda meni yaratdi hayot,
Meni so‘rab, tog‘lar qator cho‘kdi tiz.
Nahot anglamaysan, bilmaysan nahot,
Axir men bittaman, yagona, yolg‘iz.

Bug‘lanib, qaytadan to‘kiladi suv,
Quyoshdan ishorat – ko‘z yorar ildiz.
Men, axir ularga o‘xshamayman-ku,
Axir men bittaman, yagona, yolg‘iz...

Iqbol MIRZO

[Gulchehra Ibragimova]

Сообщение от Quvonchbek Karimov

Axir men bittaman, yagona, yolg‘iz...

..Зуҳроларки ҳар лаҳза шай ишққа қурбон бўлмоққа,
Улар сўлиш билмай яшар Сизни суйиб, толдириб,
Ҳеч бўлмаса, Зуҳро учун ҳаққингиз йўқ ўлмоққа,
Ўлдирмоққа ҳаққингиз йўқ, ортда тирик қолдириб.

Минг Тоҳир-ку мангу ухлар шуҳратларга кўмилиб,
Минг Зуҳронинг узун умри хазон, гулга термулиб..

Халима Худойбердиева