Dildagi satrlar

[Nigora Umarova]

Ezilib-ezilib yomg'irlar yog'di,
Ezilib-ezilib ado bo'ldi jon.
Kechani gohida chaqmoqlaryoqdi,
Gohida "oh" urding-o'rtandi jahon.

Umring qorong'u ko'chalarida
Muhabbatu nafrat horg'in kezindi.
Bahorning yomg'irli kechalarida
Ezildi... ezildi... yurak ezildi.

Taqdirning beomon shiddat yomg'iri
Aytar vidomizni aytdi tonggacha.
Endi bu yomg'irning yo'qdir oxiri-
Ezilib yig'laydi so'nggi ongacha.

Soz kimga keradir? Lab ochmagin! Jim.
Taqdir so'zga loyiq qoldirmadi sir-
Men ham yomg'ir kabi bir yog'ib o'tdim,
Sen ham yomg'ir kabi yig'lab o'tding bir...

Usmon Azim

[olim]

QAYDASAN SEN

Yomg'ir yogib chiqdi tun bo'yi,
Tong oqardi, tinmadi yomg'ir.
Buzilgandek osmon uyi -
Yerga qarab yig'laydi og'ir.

Men xonamga kirgayman alhol,
Yuragimda ko'hna anduhlar.
Derazamga urilar shamol,
Qaydasan sen? Qayda ul ruhlar?


Rauf Parfi

[Nigora Umarova]

Yomg'ir yog'ar, shig'illab yog'ar,
Har satrga, har bir so'zimga.
Yomg'ir yog'ar shig'illab yog'ar,
Ham qayg'umga, ham quvonchimga.
Yomg'ir yog'ar , shig'illab yog'ar,
Asta unutaman yomg'irni,
Yomg'ir yog'ar, shig'illab yog'ar,
Yog'a boshlar qog'ozga ko'ngil.

Rauf Parfi

[Umida Shodiyeva]

Yomg'ir
Yog'ding ,yog'ding hech tin bilmasdan,
Toma-toma ko'lmak ham bo'lding .
Chak-chak tomib gohi sen,
Ohangi zo'r kuyni kashf etding,
Xuddi bilgandek o'zing,har onda ham keraging.

Sharros quyib o'tgin mayliga,
Dil torlarin chertgil mayliga.
Dalalarga obi-hayotni yana qaytib baxsh et mayliga,
Lekin yana yog'gil , shunda aytgum "tinsang mayliga".
Umida

[olim]

XAYRLI KECH

Tilak qadrin bilar odamlar,
Yaxshi niyat qilar odamlar.
Do`stga tungi orom oldidan
Xayrli kech tilar odamlar.
Xayrli kech — hikmatli istak,
Bu istakni buyurmish yurak.
Xayrli kech — farahli tuning
Osoyishta, tinch bo`lsin, demak.
Yer yuzida yashagan inson
Mayliga, u qayerlik bo`lsin,
Tinch mehnatda kunlari shodon,
Kechalari xayrli bo`lsin.

Erkin Vohidov

[Nigora Umarova]

Тирик кунгироклар

Хаво истаб тишга чикмиш бор жонзод,
Бор хавою бор наво Навруздадир.

Хайрон булма, жаннат иси кайдан деб,
Жаннат иси онанг кийган буздадир.

Тузук излаб, турт тарафга улокма,
Асл тузук бобонг тузган туздадир.

Кетган онанг, отанг кайтиб келибди,
Синчков кара, улар угил-киздадир.

Фасли Навруз хар дил кайта кукласин,
Хар дил айтсин, "маним кунглим сиздадир".

Умр нима-ёниб битар аланга,
Маним умрим- ёниб борар СУЗдадир.

Комил дуст, бахойинг баланд, адл бул,
Не истасанг узингдадир, уздадир.

Бизни химоя этганлар- утдилар,
Бугун химоя этмоклик биздадир.

Биз улмасдан Дунё улмайди, демак,
Тирик кунгироклар Узимиздадир.

Халима Худойбердиева

[Nigora Umarova]

Hafsalam pir qildi dov, daranglari,
Ko'nglimni yer qildi ko'r, garanglari.
Qancha ehtiyotkor bo'lib yurmayin,
Xirqamni kir qildi davron changlari.

[Narzullayeva Yulduz]

Matmusaning qalpog’i. Erkin Vohidov.

Qalpoq oldi Matmusa,
Qalpoq desa – qalpoqday.
Uni kiyib Matmusa ,
Yigit bo’ldi chaqmoqday .

O’nta qo’yga arziydi ,
Yaraqlashi bir jahon.
Bir qarasang – suvsardek ,
Bir qarasang – olmaxon .

Qalpoq emas – ertak u ,
Qalpoq emas – tilla toj !
Qo’ying-chi , restoranda
Yuvmasa hech yo’q iloj.

Kirdilar , o’tirdilar ,
Buyurdilar aroqni .
Dono Matmusa uchun
Ichdilar bosh qadahni .

Qalpoqqa teri bergan
Suvsar uchun ichdilar.
Shunday qalpoqni sotgan
Ovsar uchun ichdilar.

Eslanmagan qishloqning
Itigacha qolmadi .
Maqtalmagan qalpoqning
Ipigacha qolmadi .

Xo’p ichdilar o’ylamay
Hisob-kitob qilmoqni .
Oxirida pul yetmay ,
Topshirdilar qalpoqni .

[olim]

Оффтоп:

Hurmatli forumdoshlar. Sizlarning hukmingizga Mirzo Ulug’bek nomidagi O`zbekiston Milliy universiteti Iqtisodiyot fakulteti 2 kurs talabasi havaskor shoir Abduvohid Hofizovning ijodidan namunani havola etaman. Abduvohid Hofizovning o'qish va ishlariga omad tilab qolaman.

SOG’INMADINGMU?

Men seni so’gindim sog’inmasang xam,
Tunlari yig’latsang yig’lamasang xam.
Sog’inma desang xam sog’indi yurak,
Men seni so’gindim sog’inmasang xam.

Kutaman tunlari yulduzdan so’rab,
Kutaman sevgimiz nurlarga o’rab.
Kutaman tong’lari tunlardan so’rab,
Men seni so’gindim sog’inmasang xam.

Bu hijron o’rtadi dilimni yomon,
Men seni sog’inib kutaman xamon.
Sog’indim men seni sog’indim yomon,
Men seni so’gindim sog’inmasang xam.

Menku yashayman so’ginib yig’lab,
Gohida qiynalsam yurakni tig’lab.
Bir kuni kelarsan kimlardan so’rab,
Men seni so’gindim sog’inmasang xam.

Abduvohid Hofizov

[Nigora Umarova]

Сообщение от olim

Hurmatli forumdoshlar. Sizlarning hukmingizga Mirzo Ulug’bek nomidagi O`zbekiston Milliy universiteti Iqtisodiyot fakulteti 2 kurs talabasi havaskor shoir Abduvohid Hofizovning ijodidan namunani havola etaman. Abduvohid Hofizovning o'qish va ishlariga omad tilab qolaman.

Olimbek!
Ushbu ijodkorni forumimizga a'zo qilsasangiz bo'lmaydimi?