Oqibat

[Баходир кушаков]

Сообщение от Nigora Jumaeva

Ғийбат ҳам оддий суҳбат тарзида бўлгани учун баъзан "антивирус" ҳам панд беради.

Ғийбатингни қилиб,сўнгра кулурлар,
Бу нусҳалар тили билан юрурлар,
Яна шундан беғам роҳат қилурлар,
Уқуви паст,субути йўқ малъунлар.

Кўролмасдан,ютуғингдан,ўлурлар,
Сездирмайин яқин дўстинг бўлурлар,
Ўзларининг пасткашлигин билурлар,
Уқуви паст,субути йўқ малъунлар.

Дастурҳонда тўридан жой олурлар,
"Паҳта қўйса,"пойгакда ҳам қолурлар,
Неъматлардан чўнтагига солурлар,
Уқуви паст,субути йўқ малъунлар.

Кимсан ўзинг?Доим ғайр қиласан.
Кимса йўқки сен назарга иласан.
Яҳшиларни душманим деб биласан.
Уқуви паст,субути йўқ малъунлар.

Жавоби бор ҳар нарсани,билинглар.
Тавба қилиб,изтиғфорлар қилинглар.
Гуноҳ ишдан доим ўзни тийинглар,
Уқуви паст,субути йўқ малъунлар.

[Tulqin Eshbekov]

Сообщение от Nigora Jumaeva

Ғийбат ҳам оддий суҳбат тарзида бўлгани учун

Демак, янада ҳушёр бўлишимиз лозим экан!

[Hero]

Сообщение от Tulqin Eshbekov

Қулоғида "антивируси" кучли одамлар ғийбат эшитилгани ҳамоно "удалит" қилиб ташлайверади!!!

Juda yahshi fikr

[Gulchehra Ibragimova]

Шоир Иқбол Мирзонинг мазкур мавзуга оид бир шеърини ўқиб қолдим. Шуни сизларга ҳам илингим, сизларни ҳам ушбу "ғийбатчи"ларга қарата айтилган ашъордан бахраманд этгим келди:

Одамлар

Ичида ит хурган одамлар,
Айбим излаб юрган одамлар.
Сизга ёрдам бергим келади,
Мени ёмон кўрган одамлар.

Кимга ному нишоним ёқмас,
Ё Бағдодим, Қўқоним ёқмас,
Эрта олган унвоним ёқмас,
Мени ёмон кўрган одамлар.

Даврангизга кира олмайман,
Кирсам кўнглим ёра олмайман.
Сизга талант бера олмайман,
Мени ёмон кўрган одамлар.

Осай дейсиз, сиртмоғингиз йўқ,
Урай дейсиз, тўқмоғингиз йўқ,
Ўладиган аҳмоғингиз йўқ,
Мени ёмон кўрган одамлар.

Сизга ука, ака, жўраман,
Дуоингиз қилиб юраман.
Мен сизларни яхши кўраман...
Мени ёмон кўрган одамлар.

Мушук ётар – шер хаёлида,
Кийик тутиб ер хаёлида.
Мен юровдим шеър хаёлида
Мени ёмон кўрган одамлар.

Болангиз юрт учун яшасин,
Душманга ҳам жонин тўшасин,
Фарзандингиз менга ўхшасин,
Мени ёмон кўрган одамлар.

[Баходир кушаков]

Сообщение от Gulchehra Ibragimova

Фарзандингиз менга ўхшасин,
Мени ёмон кўрган одамлар._

Жуда зўр шеър.

[Shokir Dolimov]

Сообщение от Gulchehra Ibragimova

Ўладиган аҳмоғингиз йўқ,
Мени ёмон кўрган одамлар.

Жуда эмас ниҳоятда зўр шеър!

[Баходир кушаков]

Сообщение от Gulchehra Ibragimova

Ўладиган аҳмоғингиз йўқ,
Мени ёмон кўрган одамлар.

Ҳарбийлигингизга борасиз Шокиржон.Гап-сўз йўқ ука.

[Gulchehra Ibragimova]

Ёмонлама

Жа яхшисан ўзинг ҳам,
Ёмонни ёмонлама.
Менга қара эй одам,
Замонни ёмонлама.

Порлаб турар илми ғайб,
Чорлаб турар илми ғайб,
Учолмасанг кимда айб?
Осмонни ёмонлама.

Муздирсан ё чўғдирсан,
Балки билган йўқдирсан.
Отанг отган ўқдирсан,
Камонни ёмонлама.

Ўз-ўзингдан битдингми,
Бирдан кўкка етдингми,
Бошоқ бўлиб кетдингми?
Сомонни ёмонлама.

Илик қоқиб еб бугун
Илигим тўқ деб бугун,
Чўнтаги йўқ деб бугун
Чопонни ёмонлама.

Эй одамзод зурёди,
Тасодифнинг бунёди.
Замон – худонинг оти,
Замонни ёмонлама!

Иқбол Мирзо

[Tulqin Eshbekov]

Сообщение от Gulchehra Ibragimova

Замонни ёмонлама!

Замонаси билан фахрланиб яшаш маънан ютук инсонларга хос фазилатдир. Бу ўз замонасига оқибат кўрсатиш демак!

[Баходир кушаков]

Сообщение от Tulqin Eshbekov

Замонаси билан фахрланиб яшаш маънан ютук инсонларга хос фазилатдир. Бу ўз замонасига оқибат кўрсатиш демак!

Кўрмадим Парвардигорим бандаи мўминдин яҳшилиқ,
Сен бино этган бу жонлар,қилмас ёмондин яҳшилиқ.
Ёмонлик истар кўнгиллар,кун аро кенг саф тортадур,
Берма имкон Сен ёмонга,топсин имкондин яҳшилиқ.

Тингла оҳим эй улуғ Зот,мен қулингни бир нафас,
Бўлмасин иймони бутлар,ёмонликдин ҳору ҳас,
Сен Ўзинг қўлла уларни,дард чекмасин,бўлди бас,
Сенга қул бўлган кўнгиллар,олсин иймондин яҳшилиқ.

Заминни барпо этиб,бандангни шоҳ сайлаган Сен Ўзинг,
Китобинг бериб қўлга,иймондин огоҳ айлаган Сен Ўзинг,
Баҳодир бандангни ҳар дам,э воҳ,қўллаган Сен Ўзинг,
Замонни тинч айла ҳеч йўқ,кўрсин замондин яҳшилиқ.