Bahru-bayt

[Gulchehra Ibragimova]

Олам сир-асрори ечилмас ҳамон,
Дури сир тешилиб-сочилмас ҳамон.
Бисёр гар минг талқин, минг битта таъбир,
Ва лекин моҳият очилмас ҳамон.

Абусаид АБДУЛХАЙР

[Баходир кушаков]

Сообщение от Gulchehra Ibragimova

Ва лекин моҳият очилмас ҳамон.

Неча бор уринсин,олам асрорин,
Очмоғи инсоннинг эмишдир гумон.
Туҳумдан очилиб товуқ бечора,
Туҳумни мен туғдим,деярмиш ҳамон.

Баҳодир.

[Nigora Umarova]

[MOD]Texnik xatolar borligi uchun 12 ta xabar olib tashlandi. [/MOD]

[Gulchehra Ibragimova]

Сообщение от Nigora Umarova

[MOD]Texnik xatolar borligi uchun 12 ta xabar olib tashlandi. [/MOD]

Раҳмат, Нигорабону!

Назокат Сендадир, латофат бисёр,
Дейсан-ки, кўнгуллар топмасин озор.
Биз каби "хатокор" дўстлар бахтига
Дейман-ки, азизам "ЯХШИЯМ СЕН БОР"!

Боризга шукр!

[Mahmud Jurat]

Сообщение от Gulchehra Ibragimova

Дейман-ки, азизам "ЯХШИЯМ СЕН БОР"!

Рикобингизда манга салтанат ато бўлди,
Бу йўл қисқалиги жонима бало бўлди.

Ҳамул замонки қошинг тоқи бўлди меҳробе,
Кўнгил муродию жон ҳожати раво бўлди.

Сабо келтурмади ул турранинг шамомасини,
Магарки мен жилойин анда мубтало бўлди.

Не хуш чирой бўлур, ё раб, ул таолололлоҳ,
Ки ёди бирла кўнгул мазҳари сафо бўлди.

Сочинг салосили Лутфийни чекти ҳақ сори,
Мажоз уланди ҳақиқатқа, мунтаҳо бўлди.

[Gulchehra Ibragimova]

Сообщение от Mahmud Jurat

Сочинг салосили Лутфийни чекти ҳақ сори,
Мажоз уланди ҳақиқатқа, мунтаҳо бўлди.

Ишқ журмиға мени, эй дўстлар, ёзғурмангиз,
Бегунаҳ мен худ куярмен, сиз дағи куйдурмангиз.

Ҳар замон чун ёғдурур бедод ўқин жонимға дўст,
Сиз дағи таъну маломат тошини ёғдурмангиз.

..Ишқ оламдин суруб солди Навоийдек мени,
Кўйига, эй ашк хайли, сиз ҳам ондин сурмангиз.

[Баходир кушаков]

Сообщение от Gulchehra Ibragimova

Кўйига, эй ашк хайли, сиз ҳам ондин сурмангиз.

Зор этди париваш васлиға,келмайин қошимға ушбу кун,
Билмади ҳижронда не бало,тушғанин бошимға ушбу кун.
Эй Баҳодир айла фарёд,нозила ёр,ҳолинг афгор айласа,
Келурму тупроқдин уй қурсалар,бўлғуси лошимға ушбу кун.

[Gulchehra Ibragimova]

Сообщение от Баходир кушаков

ушбу кун.

На қувонч, на қайғу текинга тушди,
Бор ғусса, бор алам чекимга тушди.
Менда ғам, унда ғам, айтгил Аллоҳим,
Ўзи "БАХТЛИ" деган чек - кимга тушди?

Халима Худойбердиева

[Баходир кушаков]

Сообщение от Gulchehra Ibragimova

тушди?

Инсонга бахт,ғамни Яратган берар,
Мақсади синамоқ, бўлса не ажаб.
Ҳар банда бахтини ҳотиржам кутиб,
Қайғуга ботганда, кулса не ажаб.

Баҳодир.

[Mohlaroy]

Сообщение от Баходир кушаков

Инсонга бахт,ғамни Яратган берар, Мақсади синамоқ, бўлса не ажаб. Ҳар банда бахтини ҳотиржам кутиб, Қайғуга ботганда, кулса не ажаб. Баҳодир.

Qayg'uga botganda kulmoqlik uchun,
Baxtingni hotirjam kutmoqlik uchun,
Sinovlarga bardosh bermoqlik uchun,
Ayting? qancha sabr qilmoqlik kerak,
Ayting? uni qaydan olmoqlik kerak?
M.