Teatr - ma'naviy tarbiya maskani

[Gulnora Voisova]

Сообщение от Nigora Umarova

Ko'rganlar darmonda, ko'rmaganlar armonda yoki pushaymonda... :-)

Кечаги учрашувдан репортажни, сабрсизлик билан кутиб ётибмиз...

[Nigora Umarova]

Сообщение от Kumushoy

Кечаги учрашувдан репортажни, сабрсизлик билан кутиб ётибмиз...

Кеча театрга мен ва Сайёра опа бордик. Қолганларнинг муҳим ишлари чиқиб олганлиги учун кела олишмади. :-( (Модератор сифатида буни албатта, ҳисобга олиб қўяман. ;-) )
Театрни мириқиб кўрганимдан фоторепортаж тайёрлаш ёдимдан кўтарилибди. :-)
Ватан ҳимоячилари куни бўлганигами зал тўла одам. Томошабинларнинг спектакль бўлаётган жараёндаги кулгуси, қаҳқаҳаси...
Маданияти юксак одамлар даврасида бўлганимиз боис уяли алоқа воситаларининг овози умуман эшитилмади, одамлар уяли алоқа воситасидан фойдаланишмади. Бу томошабиннинг юксак савиясидан далолат беради( Bekmirzo акага ҳисобот :-) ).

[Umid Mirzayev]

Teatrni ham adabiyot kabi jamiyat hayotining ko'zgusi deyishadi. Unda jamiyat hayotidagi tarixiy va bugungi kundagi voqealar yaqqol aks etadi.
Teatrga borib turasizmi? Sizga qaysi ko'rinishdagi spektakllar (drama, komediya, tragediya) yoqadi? Nima uchun teatr ma'naviy tarbiya maskani sanaladi, sizningcha?
Firingizga qo'shilaman teatr biz yoshlar uchun juda foydali tomonlari ko'p chunki shu teatrda bo'layotgan spektakllardan biz o'rne olamiz deb o'ylayman!

[Gulhayo Qobilova]

Hurmatli forumdoshlar, oralaringizda haqiqiy ma'naviy zavq olishni , ko'rishga chindan arziydigan spektakl tomosha qilmoqchi bo'lganlar bo'lsa ,Lola Eltoyeva va Dilbar Ikromovalar ijrosidagi "O'zbekcha raqs" spektaklini tavsiya qilaman.O'tgan hafta o'zim buni tomosha qildim va yana bir bor onamning borliklariga xursand bo'ldim , va ularning mehri har qanday e'tibordan afzalligiga yana bir bor amin bo'ldim.Faqat bir narsaga xafa bo'ldim,menga shuncha narsani yana bir marta yodimga solgan,bor mahoratini ishga solib rol ijro etgan aktrisalarga,ayniqsa yig'lashga majbur qilgan D.Ikromovaga, spektakl oxirida berish uchun gul olib bormabman.Juda xijolat bo'ldim,vijdonim qiynaldi.
Ularga faqat tasanno va rahmat deyish mumkin.

[Majnuntol]

Сообщение от Gulhayo Qobilova

Lola Eltoyeva va Dilbar Ikromovalar ijrosidagi "O'zbekcha raqs" spektaklini tavsiya qilaman

Bu spektaklga tushganimga ancha bo'p qoldi, avvalo uni raqs haqida bo'lsa kerak deb o'ylagandim, spektakl so'ngida tushunib oldim nega aynan "O'zbekcha raqs" deb nomlanganiga

Сообщение от Gulhayo Qobilova

Ularga faqat tasanno va rahmat deyish mumkin.

Spektakl boshida Lola Eltoyevani tanimadim xatto, rus aktrisasi deb o'yladim, juda mahorat bilan ijro etilgan... qoyil qoldim

[Shavkat Homidjonov]

Сообщение от Gulhayo Qobilova

Hurmatli forumdoshlar, oralaringizda haqiqiy ma'naviy zavq olishni , ko'rishga chindan arziydigan spektakl tomosha qilmoqchi bo'lganlar bo'lsa ,Lola Eltoyeva va Dilbar Ikromovalar ijrosidagi "O'zbekcha raqs" spektaklini tavsiya qilaman...

Ha, haqiqatan ham juda ajoib spektakl ekan. O`zbek teatri haqidagi tasavvurlarim juda ham kengayti. Ijrochilar mahorati meni juda lol qoldirdi, ayniqsa, asar falsafasi, sahna dekoratsiyasi. Kursdoshlarimga tavfsiya etgandim ular ham bu spektaklni ko`rish ishdiyoqidalar.

[OmoN]

Кеча Муқимий театрига бордим. "Суперқайнона-2"ни қўйишаётган экан. Актёр ва актрисаларининг ижро маҳоратига, овозига тан берсанг арзийди. Лекин баъзи бир эшшакмия, аҳмоқ, бефаросат томошабинларни деб актёрлар ижро этган қўшиқлар ўрнига бировнинг телефондаги суҳбатини эшитишга мажбур бўлдим. Театрда ўтириб Фалончихоннинг ўғлини кимга унаштирилганини сўрашга бало борми? Телефонни ўчириш эсингдан чиққан экан биринчи жиринглаши билан ўчириб қўйса бўлади-ку. Йўқ, гаплашиш шарт. Биринчи пардадан кейин назоратчи опаларга шикоят қилишга мажбур бўлдим. Хуллас, спектакл давомида телефон ишлатганларга қарши жиддийроқ чора кўрилмаса бўлмайди.
Фоторепортаж:
Театр гумбази. Уруш вақтида қурилганига қарамасдан чиройли чиққан.

Қолгани спектаклдан лавҳалар (аниқроғи нўноқ бир фотографнинг ўйинчоқ фотоаппаратда олган суратлари):

Оффтоп:

Сообщение от Gulhayo Qobilova

spektakl oxirida berish uchun gul olib bormabman.Juda xijolat bo'ldim,vijdonim qiynaldi.

Гул олиб кирмаганимга мен ҳам аттанг қилдим. Лекин, виждоним қийналмади. Ўрганиб кетган

[Nigora Umarova]

"Тафаккур" журналининг жорий йил №-3 сонида адабиётшунос олим Шуҳрат Ризаевнинг театрга оид қуйидаги долзарб фикрлари берилган экан:

Одам борки, истеъмол эҳтиёжи бўлган ва бўлади, демакки, истеъмолчилик психологияс мудом урчийверади. Бироқ бу ҳол жайронни кимдир гўзаллик, эрк, бокиралик тимсоли, боқа биров эса эти ширин, териси майин жонзот деб билганидек гап. Театр ана шу икки тушунчанинг нисбатига яшайди. Бугун иккинчи тушунча ҳамма жойда зўрайгандан зўрайиб боряпти. Бозор экан-да, рақобат, кимўзар деб нималар қилмаяпти санъат атрофидаги шоввозлар?! Дарвоқе, тил зўрға келишадиган номлари ҳам бор уларнинг: продюсер, менежер, имижиейкер, шоумен ва ҳоказо. Том маънодаги санъат оломон хоҳишларига мосланиб, силлиқланиб, шу каслардан бино бўлган улкан юҳонинг гоҳ улгуржи, гоҳо донабай-чакана луқмасига айланиб кетяпти. Ана шуниси хавфли, ана шуниси қўрққулик. Сиз айтмоқчи, юксак маданиятни оломон маданияти даражасига тушиб қолишдан сақлаш ўта долзарб вазифага айланиб бормоқда. Мана сизга яққол бир мисол: Москванинг дунёга машҳур "Большой театр"га ёш режиссёр ишга таклиф этилибди. У мазкур театрнинг классик тартибларини бузишга астойидил киришиб, унинг анъаналарига бир қадар ёт асар- Иоганн Штрауснинг "Летучая мышь"("Кўршапалак") опереттасини саҳналаштирибди. Бунга-ку чидаш мумкиндир, аммо енгил ишқ можароси шўхчан оҳангларда ифода этилган спектаклни қарийб яланғоч либосу ошкора шаҳвоний муносабатлар намойишига айлантирибди. Норози бўлганларни эса, ё маданий қолоқликда, ё санъатни тушунмасликда айблаб, четга сурибди. Буниси ҳам майли, ўша навқирон "валад"нинг фикрича, бугун айни "Отелло"ни қўйиш мавриди бўлиб, уни тўғри талқин қилиш керак эмиш. Яъни Отелло билан Яго бир-бирини севади, Дездемона эса уларга ҳалақит беради. Шунинг учун уни йўқотиш чоралари изланади. Ана сизга асарнинг энг "замонавий" талқини!
Худога шукур, биз бундай васвасалардан холимиз. Аммо эрта бир кун бизга ҳам мана шу балойи офат ёпирилмайди деб ким кафолат бера олади? Ахир, глобаллашув замони, том устида интернет, антенна, "тарелка" деганлари беадоқ бўлса...
Театр бугун ҳам илк даврдаги каби жамиятни етакловчи куч бўлмоғи, одамларни фикрлашга, ҳеч бир ҳодисага бефарқ бўлмасликка даъват этмоғи керак.

[starter]

Mana shu teatr, spektakllarning nimasi qiziq hech tushunmayman. Bog'cha, maktabda majburlab oborishgan. O'zim chiptani tekinga berishsa ham bormayman. Undan ko'ra qiziqarli filmlar yaxshimasmi?
Opera, balet, sirkning ham nimasi qiziqligini hech tushunmayman.
Bitta men emas, hatto Turkmanboshi ham shu fikrda bo'lgan ekan.

В 2001 году Туркменбаши упразднил балет, а также оперу, цирк, Национальный ансамбль народного танца, киностудию «Туркменфильм». «Я не понимаю балет, — заметил он. — Зачем он мне? …Нельзя привить туркменам любовь к балету, если у них в крови его нет». «Я как-то ходил с женой в Ленинграде на оперу „Князь Игорь“ и ничего не понял».

[OmoN]

Сообщение от starter

Mana shu teatr, spektakllarning nimasi qiziq hech tushunmayman. Bog'cha, maktabda majburlab oborishgan. O'zim chiptani tekinga berishsa ham bormayman. Undan ko'ra qiziqarli filmlar yaxshimasmi?
Opera, balet, sirkning ham nimasi qiziqligini hech tushunmayman.

Опера ва балетни мен ҳам тушунмайман (тушунганларга ҳеч қандай даъвоим йўқ). Лекин театр билан фильмларнинг фарқи осмон билан ердай.