Тўйлар муборак!

[Nigora Umarova]

Сообщение от OmoN

Оффтоп:

Маэстро ака, Нигора опа сизни дахо эмас деди...

Оффтоп:

Жанжалсиз туй туй эмас деб, яхши ниятда очилган мавзуни жанжалга айлантирмокчимисиз.

[unforgiving]

Сообщение от Maestro

Билиб қўйган яхши:
ЭНГ КЎП «БИРРОВ” ХИЗМАТИГА ТАЛАБГОР ХОНАНДАЛАР:
Райхон (800 – 1000 доллар)
Сардор Рахимхон (600 доллар)
Манзура (600 доллар)
“Божалар” (600 доллар)
Зиёда (500 доллар)
Ойбек ва Нигора (300 доллар)
Хизматлар лицензияланган ;-)

Вот эти не дорого поют. Еще бы узнать что поют и как?

[Maestro]

Оффтоп:

Сообщение от unforgiving

Вот эти не дорого поют. Еще бы узнать что поют и как?

Вай, а Вас никогда на узбекские свадьбы не приглашали что ли? ;-)
Или там пели те, "кому за 1000 бакинских" ;-)

[Husen]

Хўш, фалон пулга олиб келинган қўшиқчининг тўйда айтаётган қўшиғи-чи? Талабга, тўйнинг руҳиятига жавоб берадими-йўқми? Шу бахонада мана шу масалани муҳокома қилинишига қарши эмасмисизлар? Бир пайтлар қоралаб қўйган баъзи фикрларимни ўртоқлашсам...

“Агар қўшиқчилар, қўшиқ айтишдан, баҳслашишга ўтишса,
улар маддоҳга ва қўшиқ кушандасига айланишади”
Ч.Айтматов

Мусиқа руҳнинг табибидир деган эди машойихлардан бири. Эътибор беряпсизми, руҳнинг меъмори, таянчи ва яна ўнлаб таърифлар қолиб, соддагина “табиб” таърифи ишлатилмоқда.
Табиб малакали, билимли, тажрибали бўлса бемор осонгина шифо топади. Модомики, тескариси бўлса, беморнинг дарди оғирлашиб, сўнгида ўлимнинг қаршисидан чиқиши мумкин. Хўш, мусиқа деб аталмиш табиб ҳам бачкана ва саёз бўлса, у ҳолда РУҲнинг аҳволини тасаввур қилиш учун кўзга кўзойнак, бўйинга галстук тақиш шарт эмас.
“Сенга керелигим англей”, “Севгилисига битган мактубда тахминан шунақа сўзлар бор эди”, “Кечагина туғилган эдим, бугун эса 20 да ёшим. Ёлғизликдан қийналди жоним” қабилидаги болалаган “қўшиқ”ларни тингловчига етгунига қадар хизмати сингган ҳар бир инсонда наҳотки АҚЛ бўлмаса дегинг келади?!! Йўқ, ҳаммаси меъёрида. Шунчаки, ақл бироз чеккага чиқиб, ўрнини ПУЛ га бўшатган, холос!
Қўшиқчилик ботқоққа ботмоқда деб жар соламиз, муаммонинг сабабларини, ечимларини излаймиз, Ортиқча таҳлилу муҳокомаларга не ҳожат?! Муаммонинг сабаби битта – ПУЛ. Шу ўринда, машҳур латифани эсласак. Бир бемор шифокор ҳузурига борибди. Албатта, шифокор унинг бирон касалингини кашф этибди. Чунки, унинг ҳам рўзғори бор. Бемор ёзиб берилган дорилар рўйхатини олиб дорихонага борибди. Дориларни олмаса бўлмайди. Дорихоначининг ҳам тирикчилиги шундан-да, ахир. Аммо, бу дориларни ича кўрманг деб маслаҳат беришса, ўртадан бир одам чиқиб “Мени ҳам тирикчилигм бор!” деган экан. Кимлигини дарров англадингиз-а? Ҳозирча буни эслаб қолинг.
Қўшиқчи бўламан деган хаваскор ҳам аввало шеър излайди. Шеър қўшиқнинг асоси, мақсади, ғояси бўлмоғи лозим. Мусиқа эса айни шу ғояни яна-да таъсирчан етказиш учун иккиламчи воситадир, холос! Бугун эса шеър қолиб, мусиқа – аниқроғи, шовқин-суронга урғу бераётган “ижодкор”ларни қўшиқдан олинадиган руҳий тарбия эмас, аксинча қўшиқни тинглаш баробарида юзага келадиган жазава, ёввойи эҳтирос кўпроқ қизиқтирадиган кўринади. Бундайлар ҳақида ўз даврида файласуф Арасту қуйидаги фикрларини қолдирганди.
“Табиат инсонни қўлига интелектуал ва аҳлоқий кучни берган, аммо у, бу қуролдан тескари томонга ҳам фойдаланиши мумкин. Шунинг учун аҳлоқий кафолатларсиз бўлган инсон энг муртад ва ёввойи мавжудотдир”
Нима ҳақида гапираётгандик? Ҳа, шеър хусусида. Халқимиз назмда битмас-туганмас хазинага эга! Қўшиқбоп шеърларни мумтоз адабиётимиздан тортиб замонавий шеъриятимиздан ҳам исталганча топиш мумкин. Аммо,.... аммо, бунга амал қилинса, кейинги йилларда шаклланиб қолган замонавий тоифа “қўшиқчи шоир”ларнинг тирикчилиги катта сўроқ остида қолади-да. Уларнинг нархи 50 доллардан бошланадиган шеърларидан сўнг дунёга келган қўшиқларнинг баъзиларини боя санаб ўтдик. Буёғда эса қўшиқчи “шоир”ларнинг чўнтаги қаппаймоқда. Омадини берсин!
Буюртма шеър ҳам топилди, дейлик. Энди унга мос мусиқа ёзиш керак. Мусиқа шеърнинг мазмунига мос келиши - энг муҳим масала. Аммо, бунга кераклича эътибор берилганида эди, бугун айрилиқ, ҳижрон ҳақида шўх қўшиқ айтиб, тинимсиз “дикирлайдиган” ва аксинча ҳаётни, атрофдагиларни севишга ундайдиган руҳиятнинг энг юқори пардаларида битилган шеърларни оғирдан оғир мотамсаро мусиқаларга солиб, “изтироб” чекаётган қўшиқчилар етишиб чиқмаган бўлармиди.
“Ўзингни унут-у, Ўзини севгин!” Нақадар фаласафий, бироз сўфиёноа сатрлар. Аммо, хонанда бу шеър шўрликни шўх куйга солиб, тўйма-тўй диконглаб юрибди... Бир ҳисобдан, қўшиқчи зоти бу мавзуда чуқур мушоҳада қилмагани ҳам дуруст. Акс ҳолда, соатига пул олиб, алмойи-жалмойи қўшиқларга куй басталаётган “бастакорлар”нинг оиласи қаёққа борсин?
Бир амаллаб қўшиқ яратдик ҳам дейлик. Клип ишламасак, клипмайкерларнинг иқтисодий аҳволи танглашади. Эфирга бермасак, радио ва телеканалдагиларга нисбатан молиявий адолатсизлик қиламиз. Ҳа-я, унгача бўлган яна бир босқич бор – Бадиий Кенгаш! Аммо, оғиз уларда йўқ эмас дейсизми?!
Энди қўшиқ айтиб, танилиб қолгандан кейин, кунда бўлмаса-да кунора газета-журналларда чиқиб туриш керак. Интервью беришган нўноқ хонандалар қайғурмаса ҳам бўлади. Саволларга уларнинг номидан баъзи “журналистча”ларнинг ўзлари жавобни дўндириб беришида-ки, хонандани бир зумда салкам даҳо, чарақлаган юлдуз деб ўйлайсиз. Чунки, таҳририятдаги хамкасбларимизнинг ҳам тирикчилиги бор. Шу боис, қўшиқчига ҳам осон тутманг. Унинг “ижоди” орқасидан нон егувчилари кўп.
Ана энди юқоридаги бошлаб қўйган латифамизга қайтиб, ундаги табибни қўшиққа, беморни эса РУҲ га қиёс этинг! “Мени ҳам тирикчилигм бор!” дея ўртадан чиққан сўнгги одам оч қолмаяпти, тўғрими?
Сиз нима дейсиз?

[Tohir Malik]

Журж

Ашула бозори кайда?

Бурини бир юмалаб кузичокга айланганига ишонасиз-ку, тунда уйкуга берилмиш бакколнинг тонгда ёзувчи келбатида уйгонмогига нечун ишонмайсиз, садаганг кетай? Тушимга Жулкунбой хазратлари кирсалар айб кимда булур? Бакколикдан топгон-тутгоним «тирикчилик» деб аталмиш шалок аробани юргизиб тургон эди. Субхи козибда уйгониб, ёзувчиликни касб этарман, деб уйламаган хам эдим. Гапнинг пускалласи шуки, аковси жонидан, бир туш курдим, тушимда бозорда утиргон эмишман. Ул зот келдилар-да: «Мен- Жулкунбоймкан»,-дедилар. «Ассалому алайкум, тогажон!-демайманми! Ул зот дедиларки: «Тугри айтдинг, агар бир озгина угайлигим эътиборга олинмаса, мен сенга ун олтинчи ёки ун еттинчи бугинларда тога буламан. Сенинг томирингда, бола пакир, ёзгувчиларнинг кони окади, билиб куй. Бу кони бекорга исроф килма. Оч, огзингни!» Мен огзимни очдим, Жулкунбой тогам тупурдилар. Уйгонсамки, нак ёзгувчининг узгинасиман. Аммо нимани ёзаман? Сизга ёлгон, эгасига чин, узбак ёзувидаги харфларнинг ярмидан купрогини биламан. Пирингидан акагинанг айлансун, ёзгувчи булишга шу етарлидир, а, лаббай?
Шаклу шамойил масъаласида узгалардан камчилигимиз йук. Онам рахматли кад-коматимга караб, «Сендан бир бало чикиши аник», дердилар. Буйим Вали масхара, эним Шукрулло масхарага якин. Шуларга караб каминага кийим бичаверасизлар. Ёшимни асти сураманг. Бошпуртдагиси гирт ёлгон. Пенсага вохли чикай, деб ёздирганман. Отам рахматлининг айтишларича, Толиб бедарвозанинг ханги эшагини трамвай уриб кетган йили тугилган эканман. Ойма-ойига хисоблаганда уттиз иккинчи апрелга тугри келади.
Кушнимиз Абдумалик аканинг угли у-бу ёзиб юради, деганлари кулогимга чалинувди. Шу боланинг буйи бекорга узунмасдиров, деб маслахатга чикувдим, барака топкур, «билган харфларингиз билан дунёни забт этарга кодирсиз»,-деди. Ана! Худойим менга бериб куйган экан-ку, илмимни хор килиб юрган эканман-да. «Буйларингга аканг карагай, нимани ёзай?»-деб суровдим, «Ашула бозоридан рипортаж ёзинг»,-деди. «Рипортажинг недир, оковси?»-дедим. «Ашула бозорини узунасига хам, кундалангига хам кезиб чикиб, мактовини келиштирасиз»,-деди. «Халолидан булсин, рипортажингга уч-турт кило гушт берадими?»-дедим. «Максад гушт булса, ашула ёза колинг. Хозир ашуланинг бозори чаккон»,-деди. «Маслахатинг дуруст булди. Мендай одамга бита рипортаж чикора?» Ашуланинг пулига гушт олсам, рипортажникига пиёз-миёз оларман. Энди… узингдан колар гап йук, исмимни биласан, жаранги тайинсизрок. Бошка исм куя коламизми?-дедим. «Ёзгувчилар тахаллус куядилар, сиз энди «Журж» буласиз»,-деди. «Журжинг нимаси, мен немисманми?»-дедим. «Журж» немисча эмас, «Жулкунбойнинг Угай Рамакижон Жияни» дегани»,-деди. Буниси менга маъкул булди-ю, баколлик дуконини ёпиб, ёзгувчилик супермаркетини очдим-у, рипортаж ёзмокка белни махкам боглаб, «Ашула бозори кайда? Эшак аробани хайда!»- деб йулга тушдим.
Ашула бозори бизнинг бозордан бошкачарок экан. Биз бозоримизда сара мева, сара молларни сотамиз. Худойим лакма харидорларни йуликтирса, пачокларини аралаштириб юбормаган – номард. Алдов булмаса бозор-бозорми?! Ашула бозордачи, ха, болагинангдан айланай, менинг пойи кадамими ёкибдими, нукул гурлар йигилибди-я! Аммо дабдаба катта:
Келди гойибдан бир садо
Ашула бозорига мархабо!
Овозларингдан акагинанг айлансин, бунда битта хам пачок ашулачи йук булса-чи! Биттаси Куёшу, биттаси Зухро! Простойлари йук хисоб. Дилбузорго чикгонда тузук карамаган эканман, бир бачо тушмагур сахнодо кора марожний ялаяптими, десам, ёнидаги уккикуз дакки бердики, кулидаги марожний эмас, микрафун. Фахмим етган шу булдики, бу бачолар микрафунни кулдан куймас эконлар. Уйладимки, чакалок эканларида киндик кесилгану тугри уша микрафунга улангандир. Уларнинг шиорларига беш кетдум: «Жон кетса кетсун, микрофун кетмасун!»
Анна тамоша-ю, мана тамоша! Буйгунангдан аканг карагай айлансун, дейман. Йигит булса шунчалик булар. Турган жойидан жилмайди-ю, аммо ерни елпугучдай уйнатаверади. Отам замонидаги майда кадамлар хам бунчалар майин-майиз булмаганов. Юришларига хам беш кетдим, деяйин, десам, юрмаса. Хомкаллам айтдики, бу бачолар юрмайдургон сортидан, сахнага чикгану панжаларидан тахтага михланган. Йуг-а, хомкаллам алдабди. Маладес-е, михланмаган экан! Юриб-юриб чикиб кетди. Сунгида бир париваш чяикдики, куйлагининг ярмини хаптобус эшиги кисиб, йиртиб колганов дедим. Ажабтовурким, хушим учиб, ашуласи кулогимга кирмади. Оммо чирмандакашига рашким кетди. Куп каради гаркуз. Агар била кетса, бир нарса буларов дейман. Паривашлардан бириси шим кийиб чикди-ю, кунглим алагда булиб кетди. Куфрингдан кетай! Шим деганнинг болдирди таранг тортиб тургани майли, оммо париваш деганларининг киндигига кузим тушмаганига куп йиллар булдиёв…
Дунёдаги куйганларнинг бариси шу ашула бозорида экан. Бириси «Кетаман», -деб куйдиради, бириси «Тегаман!» деб куркитади, яна бириси «новвот чой килиб бераман ичсангиз, юрагимдан жой бераман келсангиз»,- деб нолиш килсами! О, шуринг кургур, хушторининг совуги ошиб кетган эканми, новвот чой килиб, аввал иситиб олса. Шолим беданавоз дердики, «бедананинг эркаги сайрайди!» Ашула бозорига беш кетдим, эркак-мода аралаш сайрайверар экан.
Кутара савдо, чакана савдо кайда буларкин, деб бошимни кашиб турганидим, ким ошди савдо бошланиб кетди:
Хаёлимни олди сулим,
Эшакка урдим туким,
Кушним суйибди суким,
Таралла бедод ялла.
Ана бозору, мана бозор! Ким ошмади, ким тошмади. Ким улокни олди. Ким пулни чунтакка солди. Вей, Жулкунбой угай тогам огзимга бекор тупурмагандир, деб мен хам бита ашулани тукиб юбормайманми, бозорга солмайманми?
Ачом-ачом киласиз,
Офати жон суясиз.
Бемаза ковун уругини
Энди пачом киласиз?
Ана савдо-ю, мана савдо! Бир шоирнинг рипортажини эшитгандай булувдим. Нима эди? Ха: «Ашулани саклабон нетгумдир охир, бозорга чикориб сотгумдир охир!» Йигирма уч йил бакколликда юриб бунчалик савдо килмовдим. Илхомим жушуб кетуб: «Ошкозонга ош керак, ашула ёзишга бош керак!»- деб юбормайманми! Анна карсак, анна дабдаба! Абдумалик аканинг угли билиб айтибди, билган ун бешта харфим билан шунча мартабага етибман, хама харфларни билсамми!.. Дунёни олмогим тугрига ухшаброк турибди, кузгинангдан аканг карагай!
Бугунча етар дейманов. Хозирча ашула бозоридан олгоним рипортаж шугинадир. Газнитдан оладигоним пулгинадир. Ашулага етмайдигони-тузгинадир.

Айтиб турувчи ЖУРЖ (Жулкунбойнинг Угай Рамакижон Жияни)
Харфларни кучиргувчи Абдумалик угли Тохир.

[Lutfillo Tursunov]

Оффтоп:

Қўшиқ айтишку энди қўлдан келмайди, продюсерликка бир уриниб кўрсакмикан-а

[OmoN]

Оффтоп:

Сообщение от Lutfillo Tursunov

Қўшиқ айтишку энди қўлдан келмайди,

Нега энди келмас экан? Келади. Сиздан яхши рэппер чикади. Журналистсиз. Тез гапира оласиз. Факат гапираётганда оёк-кулингизни силкитиб турсангиз булди. Гапирган гапингизни биров тушунишиям шарт эмас. Бошингизга битта кийик боглаб кепкани кийшайтириб кийвосангиз борми... Битта сахнабоп ном уйлаб топамиз.
ПС: Рэппер булганингиздан кейин форумга кириб юрманг.

[Lutfillo Tursunov]

Оффтоп:

Сообщение от OmoN

Оффтоп:

Нега энди келмас экан? Келади. Сиздан яхши рэппер чикади. Журналистсиз. Тез гапира оласиз. Факат гапираётганда оёк-кулингизни силкитиб турсангиз булди. Гапирган гапингизни биров тушунишиям шарт эмас. Бошингизга битта кийик боглаб кепкани кийшайтириб кийвосангиз борми... Битта сахнабоп ном уйлаб топамиз.
ПС: Рэппер булганингиздан кейин форумга кириб юрманг.

Айтганларингиздан фақат биттаси бор менда: қийшиқ кепка.

[Abror Qodirov]

Сообщение от OmoN

Битта сахнабоп ном уйлаб топамиз.

Оффтоп:

Masalan: Fillo yoki LT (Lutfillo Tursunov)ga o'xhsagan a? ;-)

[Dilya Hasanova]

Хе-хе яхшиям биттасиниям чакирмаганимиз.