uzb.orzu.uz - кўнгилочар сайт саводли ўзбек тилида

[Kimsan Birov]

Сообщение от Lutfillo Tursunov

Бунақа хабарлар киритилишининг нима кераги бор? Кийимнинг гавдани қисиб оздиришига ҳечам ишонмайман, айниқса, зарари тегмайди дейилганига. Бу хабардан интернетда кенг тарқалган турли ёлғон рекламаларнинг ҳиди келади: Ўхшаб қолса 100тадан биттасини оздиради ёки йўқ.

Реклама қилиш учун унинг номини кўрсатиш керак, сайтда эса бундан дарак йўқ, шунинг учун буни реклама дейиш нотўғри, аммо гапингизни тушундим. Шунчаки, бир манбада шу мақолага дуч келдим ва сайтда гўзалликни сақлаб қолиш ва саломатлик хусусидаги рукн очилган экан, уни четлаб ўта олмадим. Ахборот воситасининг хизмати маълумот бериш, уларнинг ҳаммасини текширишнинг имкон йўқ-ку ахир.

Сообщение от Lutfillo Tursunov

Сайтда ғализ таржималар ҳам йўқ эмас.

Бу хусусда ўзимни олиб қочиш ниятим йўқ. Янги рўйхатдан ўтган муаллифнинг мақоласини тўлиқ кўриб чиқиш ва таҳрир қилиш учун на вақт, на имконият топа олдим ўшанда. Бироқ менимча сайтда бундай заиф мақолалар бармоқ билан санарли

Сообщение от Lutfillo Tursunov

"Кутубхона" бўлимига кўзим тушиб у ерда ўзбек тилидаги китоблар жой олганми, деган хаёлга бордим. Аммо, Шокир Долимов таржимасидаги "Гарри Поттер ва фалсафий тош"дан бўлак асар топа олмадим.

Ўзбек тилидаги китобларни жойлаштирган сайтлар анчагина, мен эса бу рукнимга ижодий одамларни жалб қилиб, ёзувчи ва шоирларнинг ўзига хос клубини ташкил қилиш ва сайт орқали фикр-мулоҳазалар билдириш, энди қалам тебратишни бошлаган қаламкашлар учун эса ўзига хос полигон, сабоқ олиш майдонини яратиш нияти бор эди. Сайтни таништириш ва фойдаланувчилар сонини кўпайтириш бўйича, кўриб турганингиздек, энди иш бошладим. Шунинг учун умид қиламанки, сиз ва сизга ўхшаган бошқа одамлар ҳам йиғилиб, бу ерда ижодий ишлар билан ўртоқлашади, уларни муҳокама қилади ва натижада тақдим этилган ЯНГИ асарлар ҳам тез кунда кўпаяди.

[Kimsan Birov]

Сообщение от Bekmirzo

Aksincha, uddasidan chiqa olmagansiz. Saytning nomi - "Orzu" ekan. Ijobiy so'z. Ijobiy hissiyot uyg'otadigan so'z. Ammo, saytingizning tashqi ko'rinishi kishida na ijobiy taassurot uyg'otadi (shaxsan menda bunday taassurot uyg'otmadi), na o'zidan optimizm taratadi... Saytning designi uchun tanlangan ranglar "Orzu" so'zining mohiyatiga mos kelmaydi. - Tepadagi rasmdagi yigit va qizning egnidagi kiyimda mavjud och havorangdan hozirgi qora rangning o'rnida foydalanilsa, ancha yaxshiroq bo'lardi. - Linklar va matnlar uchun ishlatilgan qizil rangdan imkon qadar butunlay voz kechish kerak. - Sayt mehmonining saytingizda ko'proq qolishini istasangiz, unda kishining ko'zini toliqtirmaydigan ranglardan va designdan foydalanishingiz kerak.

Сообщение от Bekmirzo

Saytning tuzilishidan tushunishimcha, siz internetdan tayyor shablonni ko'chirib, biroz o'zgartirish kiritgansiz, xolos. Yana biroz harakat qilsangiz, saytni ranglar borasida ancha optimal darajaga keltirib olsangiz bo'ladi

Тайёр шаблондан фойдаланганим рост, лекин уни анчагина ўзгартиришга тўғри келди. Биргина мисол, аввалига у ўзбекча ҳарфларни ҳам кўришни истамасди - ҳатто кодировкасини ўзгартирсангиз ҳам, албатта.
Умуман олганда ҳамма таклифларингизни эътиборга олдим ва маълум вақтдан кейин сайтни уларга яраша тузатишга ҳаракат қиламан. Сизга ва Lutfillo Tursunovга эса самимий миннатдорчилик билдираман.

[Kimsan Birov]

Сообщение от Lutfillo Tursunov

Умуман олганда, ушбу сайтнинг мақсади нимадан иборат? Қайси аудиторияга мўлжалланган? Сайтни танқидий баҳоламоқчи эмасман, лекин негадир унинг аниқ йўналишини топа олмадим.

Сообщение от Bekmirzo

Keyin, yuqorida Lutfillo Tursunov aytganidek, saytning yo'nalishi umuman noma'lum. Xulosa: saytning nomi na uning designi, na undagi maqolalarning mazmunida uyg'unlashgan...

Сайтни очиш патидаги мақсад ҳозир ўзбеклар орасида катта қизиқиш билан ўқилаётган қатор «сариқ» матбуот нашрларининг электрон нусхасини яратиш эди. Мавзуда ҳам буни алоҳида кўрсатиб ўтганман. Аввалига фақат шоу-бизнес (ҳозирча хорижий, хусусан, ҳинд киноси олами), спорт, авто янгиликлари, аёллар ташриф буюриши учун гўзаллик ва саломатликни сақлаш, инсон психологияси каби йўналишларда мақолалар бериб борилди. Лекин вақт ўтгач одамлар ижодига урғу беришга ҳаракат қила бошладим. Бунда фақат адабиёт эмас, балки тасвирий ва бошқа ўзига хос услубларда ишлайдиган санъаткорлар билан яқиндан таништиришга ҳаракат қилдим. Кўриб турганингиздек, кейинги пайтларда на спорт (Роналду фарзандининг туғилиши билан боғлиқ шов-шувларни айтмаганда, лекин бу спорт эмас, менимча), на авто (охиргиси БМВ ҳақидаги мақола эди, шекилли), на бошқа баъзи йўналишларда мақолалар берилди.

[Kimsan Birov]

Юқоридаги фикрларни инобатга олиб дизайнни ўзгартирганимда, ортиқча рукнлардан ҳам халос бўлишга ҳаракат қилиб кўраман. Кейинчалик ўзбек тилидаги ижодкорлар доирасини "Кутубхона" рукнида (эҳтимол, бу рукн мақолалари бош саҳифага ҳам чиқмас, натижада янги асарлар билан танишмоқчи бўлганлар бош саҳифани очиб ўтиришига ҳам ҳожат бўлмайди, аммо буни яхшилаб ўйлаб кўриш керак), гўзаллик ва саломатлик, руҳият ва психология ҳақидаги мақолаларни "Чимилдиқ" рукнида (ёшларимизда турли саволлар туғилиши мумкинки, уларни на яқинлари, на бошқалардан сўрай олади. Шунда улар бемалол сайтга ҳақиқий исмини кўрсатмай мурожаат қилишлари ва тегишли жавоб олишлари мумкин. Зеро, тегишли врачлар билан танишлигим бор), хорижий шоу-бизнес, хусусан, ҳинд киноолами, ўзбек шоу-бизнеси янгиликлари ва шов-шувлари оламини «Шоу-бизнес» рукнида сақланиб қолиниши мумкин. Бундан ташқари турфа бошқа ўзига хос йўналишда ишлайдиган санъаткорлар ва уларнинг асарлари ҳақида алоҳида рукн очишни мўлжаллаганман.

Турфа мавзуларни яна қамраб олишга интиляпсиз, дейишингиз мумкин, лекин ҳар бир йўналиш учун алоҳида сайт ёки ўзгача кўринишдаги субдомен очишга ниятим йўқ, чунки бир соҳага қаратилган сайтга, афсуски, жуда кам одам киради.

Умид қиламанки, сайт фойдаланувчилари Бош саҳифада эмас, ҳар бир рукнда ўзлари учун қизиқарли алоҳида йўналишни топиб олишади ва кейинчалик ҳам аралаш жойга эмас, айнан шу рукннинг ўзига киришади. Шунда улар бемалол сайт орқали ўз фикрлари билан ўртоқлаша оладилар.

Ҳамма фикр билдирганлар ва кейинчалик яна билдирадиганларга раҳмат. Бошқаларнинг ҳам фикр-мулоҳазаларини кутиб қоламан.

[Ska4ka]

Сообщение от akow

sayt to'risida fikrim ijobiy, qiziqarli malumotla va maqolala borakan. Undan tashqari, sayt o'zbe tilida bo'ganiyam odammi qaysidir tarafdan hursand qiladi.

Jargon haqidagi saytning adminiman deb o'zbek tilini unutmang. To'g'ri yozishga harakat qiling do'stim!

[Ustoz]

Asslomu alaykum hurmatli forumdoshlar!
Men saytga kirdim, u menga yoqdi, hozir bu yerdagi tanqidiy fikrlarni o`qib o`zim shu narsalarni (ayniqsa disaynni) tushunmasligimni tan oldim, ammo ba`zibir juda qo`pol ravishda (to`g`ri bo`lsa ham) bildirilgan fikrlardan sal ko`nglim g`ah bo`ldi. Kimsan Birov bu tanqidlardan to`g`i hulosa chiqarar degan umiddaman.
Mening qo`limda "Mathematical Miracle in Lexical Harmony" ("So`z uyg`unligidagi matematik mo`jiza") degan kitobning parchasi bor, men uni tarjima qilishni boshlab keyin tashlab qo`ygandim, endi yana davom ettirmoqchiman.
Mening taklifim: mana shu kitobni ingliz tilidagisini saytingizga joylashtirsangiz-da, keyin yonida tarjimasini berib borsak, tushunadiganlar tarjima haqida fikrini bildirib borsa (loy chaplab emas, hozir bu forumda bu narsa odatiy hol bo`lib qoldi). Bu kitobni internetda shu nomni kiritib topish qiyin emas. E`tiboringiz uchun rahmat.

[Kimsan Birov]

Сообщение от Ustoz

Mening taklifim: mana shu kitobni ingliz tilidagisini saytingizga joylashtirsangiz-da, keyin yonida tarjimasini berib borsak, tushunadiganlar tarjima haqida fikrini bildirib borsa (loy chaplab emas, hozir bu forumda bu narsa odatiy hol bo`lib qoldi). Bu kitobni internetda shu nomni kiritib topish qiyin emas. E`tiboringiz uchun rahmat.

Мен сайтимда буни бемалол уддалашим мумкин. Мақола бошида инглизча матнни кўчириб олиш учун ҳавола (ссылка) кўринишида бериб, ўзбек тилидаги таржимасини чоп этиб боришим мумкин. Лекин ўзингиз сайтимга кириб таржимангизни чоп қилишни амалга оширсангиз нур устига аъло нур. Сўкиниш ёки беадаб шарҳлар чоп этилмаслигига ишонтиришим мумкин. Лекин танқидий фикрларни беришга мажбурман, акс ҳолда шарҳларнинг кераги бўлмай қолади. Фақат кирилча бериш эсдан чиқмасин, лотинча мақолалар нисбатан секин чоп этилади. Лотинчада афсуски кирилчага қараганда анча секин ўқийман, ўқимай нашр этишга ҳали эрта

[Abror Qodirov]

Сообщение от Kimsan Birov

бир соҳага қаратилган сайтга, афсуски, жуда кам одам киради

Оффтоп:

uff.uz saytiga bir kunda 9-10ming atrofida odam kiradi, lekin bu sayt faqat futbol haqida. Fikrimcha, saytga tashrif buyuruvchilar soni uning qamrab olgan sohalari soniga u qadar bo'g'liq emas. Unda berilayotgan maqola-yu, xabarlar va ularning tezkorligiga qarab tashrif buyuradiganlar soni ortib borsa kerak (manimcha).

[Ustoz]

Сообщение от Kimsan Birov

Лотинчада афсуски кирилчага қараганда анча секин ўқийман, ўқимай нашр этишга ҳали эрта

Menda esa aksi

[Kimsan Birov]

Сообщение от Abror Qodirov

uff.uz saytiga bir kunda 9-10ming atrofida odam kiradi, lekin bu sayt faqat futbol haqida. Fikrimcha, saytga tashrif buyuruvchilar soni uning qamrab olgan sohalari soniga u qadar bo'g'liq emas. Unda berilayotgan maqola-yu, xabarlar va ularning tezkorligiga qarab tashrif buyuradiganlar soni ortib borsa kerak (manimcha).

Ҳозир қарашимча, бу сайтга 9-10 минг эмас атиги 3 минг одам кирар экан. Кўнгилочар сайтларга ҳам кўпида шунча одам киради. Агар сайт йўналишини торайтирсам, одамлар кириш эҳтимоли янада камаяди. Бунинг устига 3000 ҳам нисбатан кам. Ниятим камида 5-10 минг кишигача чиқариш (яхши ният ёрти мол)