Gap haqida gaplar

[Tulqin Eshbekov]

Сообщение от Pfefferminze

U dunyoda ham gapdan qutulmas ekanmiz. Munkarnakir bilan savol-javob bo`lar emish...

Ушбу жумла шундай таҳрир қилинди:

У дунёга равона бўлиб, қабрга кирганда ҳам гапдан қутулмас эканмиз. Мункар ва Накир билан савол-жавоб бўлар эмиш...

[Tulqin Eshbekov]

Qitiqlaydigan gaplar

Turkum
(Boshi o`tgan sahifalarda)

Kutilgan gap bo`lmagach, magnitafon, videoning qulog`ini buraymiz. Undan keyin o`zimizga o`zimiz gapirib o`tiramiz. Ochlikka chidash mumkin, ammo gapsiz yashay olmaymiz. Hamma narsadan nafsimiz qonadi, biroq gapga to`ymaymiz! “To`ydim” deydiganlar ham boshqa gaplarga tashna!
Odamzod yaralib, tili chiqqanidan buyon aytilgan gaplarni to`plashning imkoni bo`lganida galaktikamiz torlik qilib qolarmidi?!
Buyuk shoir Bedil yozganidek:

Bu dunyoda har dam yangilik havas,
Eskirib chiqadi har yangi nafas.
Shu suhbatdan qiziq dunyo bozori,
Aql qulog`in tut, olam gapdir, bas.

(Davomi bor)

[Nigora Umarova]

Domla!

Mavzu(turkum)ning nomlanishiga boshqacha nom bersangiz bo'lmaydimi?
"Qitiqlaydigan gaplar" sal g'alizroq tuyulmoqda. Bundan tashqari "salbiy-trspressiv bo'yoqqa ega so'z birikmasi" bo'lib qolmaganmi& Nomlanishida so'zlar bir-biriga "yopishmagan".

Оффтоп:

Noto'g'ri talqin qilayotgan bo'lsam ma'zur tutasiz.

[Masud Mahsudov]

Сообщение от Tulqin Eshbekov

Ушбу жумла шундай таҳрир қилинди:

У дунёга равона бўлиб, қабрга кирганда ҳам гапдан қутулмас эканмиз. Мункар ва Накир билан савол-жавоб бўлар эмиш...

Оффтоп:

Domla, yuqorida Sizga aytildi, savol-javob qabrda bo'ladi. Munkar va Nakir savol-javob qilmaydilar. Diniy mavzuda unaqa qo'pol xatolar qilish yaxshi emas...

[Pfefferminze]

Сообщение от Tulqin Eshbekov

Тадқиқот учун жуда яхши мавзу! Ташаккур. Бу фикрларингизнинг илмий асосини яна бир бор ўрганиб кўраман. Ҳозирча эса, фоний дунёдан кетганимиздан кейин ҳам Гап деган мўъжиза давом этиши ҳақидаги фикрни илгари сурмоқчи эдим. Қолаверса, ўтиб кетганлар ҳақида (айниқса, даҳолар ҳақида!) асрлар оша гап-сўз тугамаскан. Буям эътиборга молик гап, шундай эмасми? Қаранг, ҳар бир Гап тагида яна қанча маънолар мужассам!
Мана шундай таҳлилий фикрларингизни кутиб қоламан.

Uzr, lekin har bir narsani oldin o'rganib keyin yozish ma'qul emasmi? Aks holda, hammayoq xatolarga to'lib ketadi...
Qolaversa, yozayotgan narsalaringizda sira yangilik yo'q..hamma biladigan oddiy gaplar...Yozishingizga qarshi emasman, ammo yozganda, odam o'qiydigan hamda shundan o'ziga bir yangilik deb topadigan fikr bo'lsa, yaxshi bo'lar edi, menimcha.

[Tulqin Eshbekov]

Qitiqlaydigan gaplar

Turkum
(Boshi o`tgan sahifalarda)

Ba’zilar sergap odamni nega yoqtirishmaydi? Chunki uzundan-uzun gapi ado bo`lguncha o`zining ichi gapga to`lib ketadi-da. Biror narsada navbat tegmasa asabiylashamiz-ku, hangoma bobida ham shu-da.
Goho ustozini kutayotgan ba’zi talabalar shu qadar chug`urlashadiki, qay biri tinglayotganini anglay olmay, kulging qistaydi. Bu gaplar nechog`li ma’no-mazmun kasb etishi esa ularning salmog`iga bog`liq. Til – dil kaliti, degan gapni izohlashga hojat yo`q.
O`ta kamgapni pismiqqa chiqarishadi... Ilondan seskangandek hamma undan o`zini olib qochadi. Indamasdan qo`rq, deganlari shu bo`lsa kerak.Goho gap ko`tara olmay qiynalamiz. Shunda ham ko`p gap ichimizda qolib ketadi...

(Davomi bor)

[Tulqin Eshbekov]

Сообщение от Masud Mahsudov

Diniy mavzuda unaqa qo'pol xatolar qilish yaxshi emas...

Фикрингизни қандоқ исботлайсиз? Мункар ва Накир нима қилади сизнингча?

[Tulqin Eshbekov]

Сообщение от Pfefferminze

yozayotgan narsalaringizda sira yangilik yo'q..

Сизга ва сиздек фикрлайдиган икки-уч форумдошга шундоқ туюлишини тўғри тушунаман. Шундоқ кўз билан қаралса, деарли бирор асардаги бирор мавзуни "янгилик эмасга" чиқариш ҳам қийинмас. Муаллиф сифатида янгилик яратдим, демоқчи ҳам эмасман. Бу шундоқ ижод майдони. Сабрингиз чидаса ўқинг, айрим фикрларингиздан мамнун бўлиб жавоб қайтардим. Яна ўзингиз биласиз...

[Tulqin Eshbekov]

Сообщение от Nigora Umarova

Mavzu(turkum)ning nomlanishiga boshqacha nom bersangiz bo'lmaydimi?

Юқоридаги ном устоз шоирлардан бири Тўра Мирзонинг таклифи билан қўйилган эди!
Сизнинг таклифингиз ҳам жуда жўялидир. Келинг, бу борада бир ҳамкорлик қилсак.
Масалан: "Ҳазил-ҳузул гаплар", "Дилдаги гаплар", "Турфа гаплар", "Ҳаммага маълум гаплар"...
Азиз Нигорахон! Юқоридаги номлардан қай бири маъқул бўлса, (балки, яна бошқачароқ ном таклиф қиларсиз!) туркум номини ўзгартириб қўйишга ёрдам берсангиз мамнун бўлардим.

[Masud Mahsudov]

Сообщение от Tulqin Eshbekov

Фикрингизни қандоқ исботлайсиз? Мункар ва Накир нима қилади сизнингча?

Оффтоп:

Domla, ba'za narsalar bo'ladiki ular isbot talab qilmaydi... Muqaddas kitolarimizda yozilgan narsani muhokama qilishga haqqimiz ham, huquqimiz ham yo'q... Shundaymi, demak, shunga ishonamiz, imon keltiramiz va shunday qabul qilamiz. Yuqoridagi bema'ni savolingiz esa, bu dunyodan o'tib ketgan odamga berilgandek bo'libdi, sal yozishdan oldin o'ylab yozing.

Umuman olganda, odatda, men yozmoqchi bo'lgan narsamni obdon o'rganishga, yaxshilab bilgandan so'ng, o'sha narsa haqida yozishga kirishaman...