Азиз Устозлар, байрамингиз кутлуг булсин!

[Feruza Xodjayeva]

Muhtaram o'qituvchi va murabbiylar, aziz ustozlar!
Barchangizni ayyom bilan qutlash sharafiga muyassar bo'lganimdan mamnunman. Sizlarning sermashaqqat, ayni damda sharafli kasbingiz tahsinga loyiq. Shu bois, ilmu hunar o'rgatgan har bir ustoz va murabbiy doimo el ardog'idadir. Ilm-ma'rifat ziyosini taratuvchi qalblaringiz beg'uborligi yanada ziyoda bo'lsin!
Sizlarga uzoq umr, baxt-saodat, xonadoningizga fayzu-barakot, barkamol avlodni voyaga yetkazishdagi ezgu ishingizda ulkan zafarlar tilayman!

[Nigora Tursunova]

Muhtaram ustoz va murabbiylar!
Sizlarni 1-oktabr - "O‘qituvchilar va murabbiylar kuni" umumxalq bilan chin dildan qutlayman. Sizlarga sihat-salomatlik va sharafli ishlaringizda faqat zafarlar tilab qolaman.

[Behzod Sulaymonov]

Men ham shu munosabatdan foydalanib, "1-oktyabr ustozlar va murabbiylar kuni" bilan barcha ustoz va murabbiylarni tabrikliman. Ustozlar va murabbiylar umringiz doimo boqiy bo'lsin...

[Ra`noxon Xo`jaeva]

1-октябрь –Ўқитувчи ва мураббийлар куни . Бу кутлуг кунни биз доимо зўр хаяжон билан, хар биримизга сабок берган, хаёт илмини ўргатган фидоий муаллим ва мурабийларимизга чексиз ҳурмат – эхтиром туйғулари билан нишонлаймиз. Шу фурсатдан фойдаланиб, юртимиздаги барча ўқитувчи ва мураббийларни бу улуғ айём билан муборакбод этаман. Сизларга бошимиз ерга теккунга кадар таъзимдамиз. Сизларга Аллоҳдан узок умр ва сиҳат- саломатлик тилаб қоламан!

[Husen]

Ҳар йили устозлар куни арафасида дилимда ажойиб тилаклар гулдастасини тайёрлаб юраман-у, севимли ўқитувчиларимга уларни юзма-юз етказа олмай қолавераман. Чунки, улар олисда... айримларини фақатгина телефонда табриклайман. Газетада, форумда уларга тилаклар қолдиришнинг имкони бор, аммо бу тилакларни ўқийдиларми-йўқми деб хафсалам бўлмайди.

Аммо, устозларимизга етказа оламизми-йўқми барибир ич-ичимизда уларга нисбатан Меҳрнинг, Соғинчнинг борлигини ўзи катта БАХТ!

1 октябр аслида ана шу БАХТ нишонланадиган кун, менимча. Устозларга нисбатан қалбимизда йил ўтган сайин сайқал топиб борадиган хотиралар, соғинчлар ва албатта меҳр мажмуи ҳаётимизга ҳамиша зеб бераверсин!

Байрамингиз билан, азизлар !!!

[Nigora Umarova]

Ҳаёт -устоз, ҳаёт-муаллим дейишади. Кизик, бу сўзларнинг мазмунида ҳаётни нега муаллимга, устозга менгзашади. Инсон дунёга келган кунидан бошлаб ҳрганишни бошлайди. Балки бу унинг табиий эҳтиёжидир. Муқаддас шарифи каломда "Иқро! Иқро! Иқро!", дея бекорга хитоб келмагандир...

Хурматли ва заҳматкаш устозларим, меҳрибон ҳамкасабаларим!

Шарафли ва машаққатли касбда фаолият олиб борар эканмиз, авваламбор касбимизнинг улкан масъулиятини ҳис этайлик. Шогирдларимизнинг меҳрли кўзлари, ота-оналарнинг бизга бўлган ишончларини ҳис қилсаккина касбимизнинг заҳму заҳматини енгишимиз енгилроқ булади.

Барчангизга мустаҳкам соғлиқ, метиндек ирода, оилавий тинчлик-хотиржамлик тилаб қоламан.
Айёмингиз қутлуғ бўлсин!!!

[Nigora Umarova]

Фан боғининг боғбонисан, муаллим,
Миллион диллар достонисан, муаллим.

Сен ургатдинг маърифатдан зўр китоб,
Бул китобки, нур сочишда зўр офтоб.

Хазинасан, калбинг меҳр дарёси,
Унда порлар улуҳларнинг зиёси.

Дустлик, мардлик, садоқатдан дарс бердинг,
Аклу, идрок, фаросатдан дарс бердинг.

Бутун умринг жонинг фидо фарзандга,
Етаклайсан доим олий максадга.

Бахту, икбол доим Сенга ёр булсин,
Ватанимиз шону шухратга тулсин!!!

Акмал Пулат

[Lutfillo Tursunov]

Мактабимиздаги биология синфи шкафи ойнасини синдирган, рус тили синфидаги проекторни бузган, меҳнат дарсида токар станогини бесўров ишлатган ва яна бир қанча шўхлик деймизми, безориликми, хуллас шундай кўнгилсизликлар кетириб чиқарган бўлсам-да, ўқитувчилар доим мени кечиришган. Яхши баҳолар қўйишган ва вақти-вақти мақтаб ҳам туришган.
Синф раҳбаримизнинг бир гапи ҳеч эсимдан чиқмайди: "Турсунов сен ҳаракат қилсанг чўп устида пиёлани айлантира оласан". Ўша пайти бу мақтовни бир мазмунда тушунган бўлсам-да, роса хурсанд бўлгандим. Синфдошларим эса менга шунчалар ҳавас қилишганки бу мақтов учун. Ҳатто баъзилари яширинча пиёла айлантиришни ўрганаман деб тўрт-бештасини чил-чил ҳам қилишган қилган. Мақтов менга қаратилгани учун ғурурлари қитиқлаган бўлса керак-да
Нима демоқчиман, биз қанчалик ташвиш келтирсакда барибир ота-онамизга қадрлимиз, уларнинг оқу-қорасимиз. Ўқитувчи ва мураббийлар ҳам худди шунақа - қанчалик шўхлик қилмайлик, барибир бизга қайишади, келгусида яхши инсон бўлишимиз учун бор гиналарни унутиб, қўлидан келган барча яхшиликларни қилади. Бу ғамхўрликни биз ҳар доим ҳам илғай олмаслигимиз ҳам мумкин, лекин устозлар кўнглидаги меҳр шогирдлари учун туганмас. Шогирдлари қанчалик кўпаяверса, уларнинг меҳри шунчалик ортаверади...
Юзингиздан, қалбингиздан меҳр нури таралаверсин, азиз устозлар!

[Davron Axmedov]

[OmoN]

Мен ҳам ҳама устозларни касб байрамлари билан табриклайман.