[Без оффтопа] Шеър азиз олам аро...

[barlos]

КЕТАВЕР…

Кетавер, кўнглимдан олислаб, майли,
Яна азобларга ташлаб кет, яна…
Сени ўйламайман. Шундоқ ҳам Лайли-
Мажнун бўлолмадик. Ҳақиқат мана.
Ёлғиз сузиб кетди ишқнинг кемаси,
Соҳилда сену мен. Икки томонга
Кетмоқдамиз жим. Оҳ, бу нимаси?
Қўл ҳам силтамадик бу талх уммонга.
Денгиз чайқалар. Оққуш қанотида
Кўтарилар осмонга булут. Ёмғир
Ўтмишни эслатар. Соғинч отида –
Дил қотди, тил қотди. Унутиш оғир.
Ёнмоқда оловда севги хатлари,
Кўнгил кўприклари ёнмоқда соҳир.
На сўзга, на кўзга сиғмас ҳадлари.
Узилди интизор ришталар охир.
Юксак чўққидаман. Қорми ёки тош
Ёғмоқда бошимга. Илиқ на совуқ.
Сенга талпинаман мен эса – қуёш,
Йўқ, бу ёлғизликда яшамайман, йўқ!
©

[barlos]

ҚЎЙ, КЎНГЛИМ

Бахт каби дилларни бўйлатолмадим,
Ўзим-чун ўзгани ўйлатолмадим,
Соғинч булбулларин куйлатолмадим,
Қўй, кўнглим мен бирла ёнавермагин,
Ҳузур-ҳаловатдан тонавермагин.

Азалдан азобга дучор ошиқлар,
Кечолмай дардидан ночор ошиқлар,
Умрбод ҳижрондан қочар ошиқлар,
Қўй, кўнглим мен бирла ёнавермагин,
Ҳузур-ҳаловатдан тонавермагин.

Минг йил-ки, мен ёниб топмадим нажот,
Ҳеч ким парво қилмас айласам фарёд,
Овунч йўқ, малҳам йўқ, оҳ урсам ҳайҳот,
Қўй, кўнглим мен бирла ёнавермагин,
Ҳузур-ҳаловатдан тонавермагин.

Қароғим муҳаббат – манзили қайғу,
Гўё-ки етганим, ичганим оғу…
Мен сенга таъкидлаб айтар сўзим шу:
Қўй, кўнглим мен бирла ёнавермагин,
Ҳузур-ҳаловатдан тонавермагин.

©

[Sparc]

Сообщение от barlos

ҚЎЙ, КЎНГЛИМ

Бахт каби дилларни бўйлатолмадим,
Ўзим-чун ўзгани ўйлатолмадим,
Соғинч булбулларин куйлатолмадим,
Қўй, кўнглим мен бирла ёнавермагин,
Ҳузур-ҳаловатдан тонавермагин.

Азалдан азобга дучор ошиқлар,
Кечолмай дардидан ночор ошиқлар,
Умрбод ҳижрондан қочар ошиқлар,
Қўй, кўнглим мен бирла ёнавермагин,
Ҳузур-ҳаловатдан тонавермагин.

Минг йил-ки, мен ёниб топмадим нажот,
Ҳеч ким парво қилмас айласам фарёд,
Овунч йўқ, малҳам йўқ, оҳ урсам ҳайҳот,
Қўй, кўнглим мен бирла ёнавермагин,
Ҳузур-ҳаловатдан тонавермагин.

Қароғим муҳаббат – манзили қайғу,
Гўё-ки етганим, ичганим оғу…
Мен сенга таъкидлаб айтар сўзим шу:
Қўй, кўнглим мен бирла ёнавермагин,
Ҳузур-ҳаловатдан тонавермагин.

©

Ҳазил ўхшатиш

Қўй кўнглим, ҳадеб шеър ёзавермагин,
Танқидчи оромин бузавермагин.

[Nigora Umarova]

She'riyat haqidagi ochiq dars-leksiya: "Hozirgi adabiy jarayonda poezziyaning o'rni va ahamiyati".

[Nigora Umarova]

Сообщение от Sparc

Ҳазил ўхшатиш
Қўй кўнглим, ҳадеб шеър ёзавермагин,
Танқидчи оромин бузавермагин.

Оффтоп:

Ўхшатишга яна ўхшатиш

Ҳаваскор қаламин тортиб олмангиз,
Туйғуларин аросатга солмангиз.
Майли, сўзларин у сатрга тизсин,
Назм денгизида калом кемадек сузсин..,

[Sparc]

Сообщение от Nigora Umarova

Оффтоп:

Ўхшатишга яна ўхшатиш

Ҳаваскор қаламин тортиб олмангиз,
Туйғуларин аросатга солмангиз.
Майли, сўзларин у сатрга тизсин,
Назм денгизида калом кемадек сузсин..,

Ўхшатишга ҳазил.

Назм денгизининг мавжлари баланд,
Аросат кемалар ютилади нақд.

[Nigora Umarova]

Сообщение от Sparc

Ўхшатишга ҳазил.
Назм денгизининг мавжлари баланд,
Аросат кемалар ютилади нақд.

Сузган калом кемасига илҳомдир - елкан,
Балки шунинг-чундир, фикрлар елган?..

[barlos]

Сообщение от Nigora Umarova

Сузган калом кемасига илҳомдир - елкан,
Балки шунинг-чундир, фикрлар елган?..

Келмай қолса гоҳида илҳом,
Дейман: –Денгиз қолдими қуриб?
Назм дурин теролмас мудом,
Навоийни ўқимай туриб.

Шеър-ку майли, бир санъат аммо,
Яшаш асли – завқланмоқ кўриб.
Ечилмагай ҳеч бир муаммо,
Навоийни ўқимай туриб.

Этмоқ бўлсанг чин дўстларни жаъм,
Ишқда ўзинг ўтларга уриб.
Ниятларинг кўрилмас баҳам,
Навоийни ўқимай туриб.

Кезсанг олам хитоблар беҳад,
Қайд этмоққа чоғлан ўлтириб.
Юз очмайди орзулар қат-қат,
Навоийни ўқимай туриб.

[Nigora Umarova]

Сообщение от barlos

...Кезсанг олам хитоблар беҳад,
Қайд этмоққа чоғлан ўлтириб.
Юз очмайди орзулар қат-қат,
Навоийни ўқимай туриб.

O'zbek Navoiyni o'qimay qo'ysa,
Oltin boshning kalla bo'lgani shudir.
Bedil qolib Demyan Bedniyni suysa,
Qora sochning malla bo'lgani shudir.

O'zbek Navoiyni o'qimay qo'ysa,
Dod demoqqa palla bo'lgani shudir.
Ma'rifatdan ayri o'ynasa, kulsa,
Aza chog'i yalla bo'lgani shudir.

O'zbek Navoiyni o'qimay qo'ysa,
Aldangani, alla bo'lgani shudir.
Yulg'ich aziz bo'lib, bilgich xor bo'lsa,
Paytavaning salla bo'lgani shudir.

El komil bo'lmasa, yurt emas ulug',
Beqadr mahalla bo'lgani shudir.
Qalb to'la nur xalqning rizqi ham to'lig',
Ombor to'la g'alla bo'lgani shudir.

O'zbek o'zligini anglasa bekam,
Uning "Barakalla" bo'lgani shudir.
Olamga Navoiy nasliman degan
Ovozi baralla bo'lgani shudir.

1971-2000-yillar
Erkin Vohidov

[barlos]

РУҲСОРИНИ ШАМЪ НАСИБ...

Руҳсорини шамъ насиб парвонага айлармиш,
Тонг қадар шамъ ёнмас дам, парвоналар найлармиш.

Кезиб саҳро жунуни етмоқ-чун ёр васлига,
Ишқ дардига берса дош, унингда шоҳ сайлармиш.

Оҳ, пари кўйида куй, битсин муғанний бир куй,
Лабга тегиб жон лаби куйда куйган найлармиш.

Бўстонда ким гар гулни эзмаса оғир товонлаб,
Сиротда енгил қадам Кавсар кечар пайлармиш.

Ўзидан этмиш жудо, нодонни чорлаб ўзга,
Мастона айлаб хароб, адо айлар майлармиш.

Айтдик, бор манзил – маъво, номма-ном ҳам сўзма-сўз,
Ошиқлар йўл солмаган, қолган макон қайлармиш?

Эй, фалак, тун-кун халак ошиқларнинг бир хили,
Қувиб дунё ортидан етолмас токайлармиш.

Сайраса “боғ”им дея, какликлар тоғ чўққидан,
Ҳуркитиб Барлосни ҳам ортидан “ҳай-ҳай”лармиш.
(с)