Kino va tomоshabin o'rtasidagi masofa yaqinmi yoki uzoq?!

[Gulnora Voisova]

Сообщение от ElyorTB

Agarda e'tibor bergan bo'lsangiz bu kino haqida Alisher Uzoqov so'nggi interyularidan birida: "Bu kinoni 2 yil avval mazza qilib tomosha qilsa bo'ladi" deb o'tganlar. Hulosa o'zingizdan.

Нима у кинотанқидчими? Шухрат Аббосов, Мелис Абзалов ёки Зулфиқор Мусоқовни фикрини келтирсангиз бундай дейишингиз ўринли. Бировнинг фикридан хулоса чиқариш учун камида ўша одамни таниш керак. Шахсан мен Алишер Узоқовни танимайман. Ким у?

[Gulnora Voisova]

Сообщение от JasurBek Urinboev

"Сиз мен учун айтиб бўлинган қўшиқсиз" га ўхшаганми...?

Оффтоп:

Ха ха ха... Яхшиям "еб бўлинган ошсиз", демабди.

Демак, замонавий фильмларни битта қолдирмай кўрасиз.

[JUS]

Сообщение от Kumushoy

Оффтоп:

Ха ха ха... Яхшиям "еб бўлинган ошсиз", демабди.

Демак, замонавий фильмларни битта қолдирмай кўрасиз.

Ҳа йўқ, қайсидир қўшиқда қулоғимга чалинганди. (Ўша фильмга олинган саунтрекда)

[Lutfillo Tursunov]

Сообщение от JasurBek Urinboev

Ҳа йўқ, қайсидир қўшиқда қулоғимга чалинганди. (Ўша фильмга олинган саунтрекда)

Мен бўлсам, қўлимга тушган ҳар бир янги чиқаётган ўзбекча киноларни кўришга ҳаракат қиламан. Айримлари шунақанги бемазаки, кинотеатрга бориб қўрган одам мазаси қочиб йиқилса керак. Мен дискда шунақа киноларниям тишимни-тишга қўйиб бўлсаям кўраман. Охирги кўрганларим ичида "Улфатлар-2" ёқмади, биринчиси дурустгина комедия чиққаниди. Буниси ҳаддан зиёд бачканалашиб кетибди. Кейин яна бир кино кўрганидим, "шедевр" ўзиям - номи аниқ эсимда йўқ, лекин ўша биз ҳамон севиб томоша қиладиган - "Парвона" спектаклини кино шаклида олишган. Э, бу кинодан тўйларда олинадиган видеоларни ўлса ўлиги ортиқ. Кинони олган режиссёр ва сценарийчини яхшилаб тепишга рози бўлиб кетгандим, тепгандан кейин майиб бўлиб қолсаям виждоним қийналмасиди.

[OmoN]

Сообщение от Lutfillo Tursunov

Мен бўлсам, қўлимга тушган ҳар бир янги чиқаётган ўзбекча киноларни кўришга ҳаракат қиламан.

Қойил-э. Журналистларнинг асаби шунчалик мустаҳкам бўладими?
Мен маза-бемаза янги ўзбекфильмларни кўргандан кўра голливуднинг тупой блокбастерларини кўришни афзал кўраман. Ҳар ҳолда спецэффектлар маромига етказиб ишланган.

Сообщение от Lutfillo Tursunov

Кейин яна бир кино кўрганидим, "шедевр" ўзиям - номи аниқ эсимда йўқ, лекин ўша биз ҳамон севиб томоша қиладиган - "Парвона" спектаклини кино шаклида олишган

Адашмасам бу кино ҳам "Парвона" деб аталса керак. Ўткурий образининг сочи узунмиди? 5 йил аввал шунақа вариантини кўрувдим.

[Gulnora Voisova]

Сообщение от Lutfillo Tursunov

Айримлари шунақанги бемазаки, кинотеатрга бориб қўрган одам мазаси қочиб йиқилса керак.

Мурод Ражабов, Ражаб Адашев, каби моҳир актёрларимиз қандай рози бўляпти бундай киноларда тушишга деб ҳайрон қоламан. Гоҳида уларни гипноз қилишмаяптими деган шубҳага ҳам бориб қоламан

[Husen]

2009 йил давомида киноижодкорларимиз томонидан 34 та фильм томошабинларга тақдим қилинган. Бу ҳар ойда 3 та кино дегани... Аммо, улар орасида ёрқин эсда қоладиган борми?
"Жаноб Ҳеч ким" йилнинг энг яхши фильми деб топилди. Кўрганман, аммо реал ҳаётдан жуда узоқда! Бир оилада 3-4 та қиз яшайди-да, уларга эрталабки нонуштани девдек йигит тайёрлаб берармиш.. Пулга кўмилиб кетганидан қатъи назар ўзбек оиласида қиз фарзандларнинг ётоғига бегона йигитнинг нонушта олиб киришига йўл қўйилмаслиги аниқ!

[Lutfillo Tursunov]

Сообщение от OmoN

Қойил-э. Журналистларнинг асаби шунчалик мустаҳкам бўладими? Мен маза-бемаза янги ўзбекфильмларни кўргандан кўра голливуднинг тупой блокбастерларини кўришни афзал кўраман. Ҳар ҳолда спецэффектлар маромига етказиб ишланган.

Голливуднинг бир тийинга қиммат кинолари кўп, бизникини ҳам. Мен ўзимизнинг арзир-арзимас филмларини кўришимга сабаб - ўсиш бўлаяптими йўқми, янгиликлар кузатиляптими йўқми, сценарийлар ва режиссёр иши яхшиланяптими йўқми... шуларни қидираман. Афсуски, ўзгариш кам.

Сообщение от OmoN

Ўткурий образининг сочи узунмиди?

Ҳа, шу образ. Обид Юнусов кўриб йиғлаворган бўлса керак, образни шунчалар дабдаласини чиқарибди деб.

[Lutfillo Tursunov]

Сообщение от Husen Tangriyev

Пулга кўмилиб кетганидан қатъи назар ўзбек оиласида қиз фарзандларнинг ётоғига бегона йигитнинг нонушта олиб киришига йўл қўйилмаслиги аниқ!

Бу анъаналар йўқолиб кетаётган бўлишиям мумкин, ахир бир мавзу кўтарилганидию - бизда ҳам "Зодагон"лар тоифаси шаклланяпти.

[Husen]

Бугун ҳалкаро Кино куни экан.