Замонавий ўзбек журналистикаси. Таълим ва амалиёт

[Tulqin Eshbekov]

Сообщение от Fahrulla

Нега унда купчилик журналистлар "стили "бир-бирига ухшайди, яъни бир куз билан карайдиганга ухшайди?

Балки кўчирмакашлик қилганларнинг мақолаларини кузатгандирсиз...

Сообщение от Fahrulla

Ёки хар бир журналист "халк кахрамони- халк дардини айтади " демокчимисиз?

Юрагида ўти бўлган, ақл қаймоғи билан ёза оладиганлари халқ дилидаги гапларини айта олади ва айтмоқда ҳам!

Сообщение от Fahrulla

Нотугри тушанманг

Сиз ёзаётган тўғри фикрларни нотўғри тушунганларнинг кўнгли тўғри бўлмаслиги мумкин!

Сообщение от Fahrulla

мен факат "одами эрсанг демагил одами -ониким йук халк гамидин гами" демокчиман.

Буюк аждодимиз Мир Алишер Навоийдан то бугунги ёш ижодкорларгача шу руҳ ила қалам тебратишмоқда!
Қаламини бошқа (ғаразли) мақсадда ишга солаётганлар бундан мустасно...

[Nigora Umarova]

Сообщение от barlos

Барча шу соҳага алоқадор инсонларни касб байрамлари билан табриклаб, ижодларига барқарорлик тилайман!

Байрам тадбирлари бугундан бошланди.
Бугун Мирзо Улуғбек номидаги Ўзбекистон Миллий университетида 27 июнь -ОАВлари кунига бағишланган байрам тадбири бўлиб ўтди.

[Tulqin Eshbekov]

27 июнь – Матбуот ва оммавий ахборот воситалари ходимлари куни олдидан республикамиз оммавий ахборот воситалари вакиллари билан давра суҳбати, ижодий учрашувлар ўтказиш Мирзо Улуғбек номидаги Ўзбекистон Миллий университетида ўзига хос анъанага айланган. Шу муносабат билан ЎзМУ Маданият саройида навбатдаги давра суҳбати бўлиб ўтди. Унда Ўзбекистон Республикаси Президенти Девони, Олий Мажлис Қонунчилик палатаси ва Сенати, Вазирлар Маҳкамаси ҳамда қатор вазирлик ва идоралар Матбуот хизматлари, Ўзбекистон Журналистлари ижодий уюшмаси, Ўзбекистон электрон оммавий ахборот воситалари миллий уюшмаси, Зиёнет масъул ходимлари, мамлакатимиз етакчи ОАВ вакиллари, ЎзМУ профессор-ўқитувчилари ва магистр-талабалари иштирок этдилар.
– Юртимиз мустақилликка эришганидан буён мамлакатимизда энг кўп журналистика соҳасини ривожлантиришга, матбуот ва оммавий ахборот воситаларининг ҳуқуқий ҳамда моддий базасини мустаҳкамлашга, соҳада кадрлар тайёрлаш тизимини такомиллаштиришга қаратилган қонунлар, Президент фармонлари, ҳукумат қарорлари қабул қилингани сир эмас,– деди анжуманни кириш сўзи билан очган университет ректори, Олий Мажлис Сенати аъзоси Ғафуржон Муҳамедов.– Ушбу байрам муносабати билан ҳар йили муҳтарам Юртбошимиз Ислом Каримов “Матбуот ва оммавий ахборот воситалари ходимларига” табрик йўллаши соҳа ходимларига кўтаринки руҳ бағишлайди. Чунончи, университетимиз журналистика факультети профессор-ўқитувчилари, талабалари ҳам давлатимиз раҳбарининг бу табригини катта мамнуният билан қабул қилади.
– Айтиш жоизки, журналистика соҳасида кадрлар тайёрлаш тизимини янада такомиллаштириш, журналистика факультети ўқув-методик базасини мустаҳкамлаш, талабаларга ижодий маҳорат сирларини ўргатишда ОАВ таҳририятларида “Маҳорат мактаблари” фаолиятини ривожлантириш борасида қатор вазифалар амалга оширилмоқда,– деди ЎзМУ журналистика факультети декани Маҳлиё Мирсоатова.– Мақсад – етук журналист-кадрлар тайёрлаш экан, бу борада журналистика факультети профессор-ўқитувчилари тажрибали амалиётчи журналистлар билан ҳамкорликни ривожлантириши мақсадга мувофиқдир.
Анжуманда Ўзбекистон Журналистлари ижодий уюшмаси раиси Шерзод Ғуломовнинг “Мамлакатимизда ОАВ вакиллари учун яратилаётган имкониятлар ва шароитлар”, “Ўзбекистон овози” газетаси бош муҳаррири Сафар Остоновнинг “Дунёда рўй бераётган воқеалар, ахборот маконидаги вазият ва замонавий журналистларга қўйиладиган талаблар” мавзуидаги маърузалари катта қизиқиш билан тингланди.
Ушбу масалалар юзасидан сўзга чиққан “Ўзбекистон матбуоти” журнали бош муҳаррири Бахтиёр Ризо, “Ишонч” газетаси бош муҳаррири Абдухолиқ Абдураззоқов, радиожурналист Ҳулкар Ҳамроева, Зиёнет тармоғида “Uforum” супермодератори Нигора Умарова, ЎзМУ журналистика факультети профессори Мухтор Худойқулов, доцент Аҳмаджон Мелибоев ва бошқалар бўлғуси журналистларнинг ўз билим ҳамда малакаларини оширишлари, халқаро майдонда информация соҳасида эришилган ютуқларни пухта ўзлаштиришлари, замонавий медиа техника ва технологияларни, Интернет тизимида қўлланадиган тилларни пухта эгаллашлари лозимлигини алоҳида қайд этдилар.
Ўзбекистон Республикаси Олий ва ўрта махсус таълим вазирлиги, Мирзо Улуғбек номидаги Ўзбекистон Миллий университети томонидан ташкил этилган мазкур анжуманда таҳририятларда ва ахборот хизматларида талабалар учун “Маҳорат мактаби”ни намунали йўлга қўяётган бир гуруҳ журналистлар “Диплом” ва қимматбаҳо эсдалик совғалари билан тақдирландилар.

[Husen]

Яхши от кейин чопади деганларидек, божхона соҳасига ихтисослашган, тизимдаги янгиликларни ёритишда жонбозлик курсатиб келаётган бир гуруҳ журналистларни Давлат божхона қўмитасида тақдирлаш маросими эртага бўлиб ўтади.

[Tulqin Eshbekov]

Сообщение от Husen

божхона

Бу ташкилот аввал обдан текшириб, аниқлаб, кейин хулоса чиқаради-да!
Жумладан,

Сообщение от Husen

жонбозлик курсатиб келаётган бир гуруҳ журналистларни

ҳам обдан ўрганишган бўлсалар керак!

[Informator]

Матубот ходимлари хақида ўз фикримни билдириб ўтсам. Биринчи новбатда, журналист бу ким? Бу саволга куйидагича жавоб берган булар эдим - жамиятда ва халқаро майдонларда бўлиб ўтаётган воқея, ходисаларни кузатиб борадиган ва бу ходисаларга ўз фикрларини оммага тақдим этадиган одам. Журналист таёрлаган мақола, лавха унинг фикр доираси ва маънавий етуклигини белгиловчи асосий омил деб ўйлайман. Ўзбекистон журналистларининг ижод махсулини тахлил қиладиган бўлсам, фақат бир нарса айтиш мункин "гап йўқ!!!". Барча мақолалар (бу газеталарга тегишли) ЖУДА саёз тарзада ёзилган. Бундай мақолаларни ўқигандан кейин бош мухаррир ва мақолани ёзган одам хақида қандай фикрлар (Буларни ўз фикр мулохазаси йўқми) уйгонади? Телевидение эса жойида қотиб қолган. Бу соха вакиллари ижод қилишни хохлашмайди...ми? Хабарларда кўрган лавхангизни 3 кундан кейин хам кўришингиз мункин. "Таёрлаган" кўрсатувлари эса чет давлатлар кўрсатувларига пародиядан бошқа нарса эмас. Жамиятдаги долзар мавзулар, муаммолар ва бошқа қийин вазиятлар умуман эфирга берилмайди. Истемолчи (бу биз) учун қизиқарли, керакли ва долзарб мавзулар кам (умуман йўқ десак хам бўлади). Реал факт ва маълумотлар деярли берилмайди, олиб қочиш ва керак эмас гаплар эса тўлиб кетган. Бунда кимнинг айби бор, яхши мақола (лавха) ёза олмаган журналистми ёки яхши мақолани чоп этишни хохламаган мухаррирними?

[Nigora Umarova]

[MOD]Informator, o'qituvchi bo'lib faoliyat olib borar ekansiz. Imkoni bo'lsa qoldirayotgan xabaringizdagi imloviy xatolarga jiddiy e'tibor bersangiz. E'tiborliroq bo'lib xabar qoldiring![/MOD]

[Sanjar Rustamov]

Gapirsa gap ko'p. Men jurnalistlar mahoratiga ishonaman. Chunki bir paytlar bizning gazetalar millionlab nusxada chop etilgan, ularni odamlar navbat turib sotib olib, qiziqish bilan o'qishgan. Demak, bu yerda boshqa gap bor. Hozirgi gazetalarda qariyb birorta jurnalistning o'z uslubi, pozitsiyasi yo'q. Faqat redaktor, zamredaktorning tili, uslubi bor. Bir xil sho'va kimga kerak?! Bunaqa yurish bilan matbuotga yuklatilgan vazifalarni bajarish imkonsiz.
Har yili matbuot va ommaviy axborot vositalari xodimlari kuni arafasida Prezidentimiz tabrik emas, tanqid va takliflardan iborat murojaatnoma yo'llaydi. Demak, bu sohaga e'tibor ham, munosabat ham o'zgarishi kerak!

[Tulqin Eshbekov]

Сообщение от Sanjar Rustamov

Demak, bu sohaga e'tibor ham, munosabat ham o'zgarishi kerak!

Бу вазифа Ўзбекистон Журналистлари ижодий уюшмаси зиммасига юклатилгани айни муддао бўлибди!

[Masud Mahsudov]

Сообщение от Sanjar Rustamov

Gapirsa gap ko'p. Men jurnalistlar mahoratiga ishonaman. Chunki bir paytlar bizning gazetalar millionlab nusxada chop etilgan, ularni odamlar navbat turib sotib olib, qiziqish bilan o'qishgan. Demak, bu yerda boshqa gap bor. Hozirgi gazetalarda qariyb birorta jurnalistning o'z uslubi, pozitsiyasi yo'q. Faqat redaktor, zamredaktorning tili, uslubi bor. Bir xil sho'va kimga kerak?! Bunaqa yurish bilan matbuotga yuklatilgan vazifalarni bajarish imkonsiz.
Har yili matbuot va ommaviy axborot vositalari xodimlari kuni arafasida Prezidentimiz tabrik emas, tanqid va takliflardan iborat murojaatnoma yo'llaydi. Demak, bu sohaga e'tibor ham, munosabat ham o'zgarishi kerak!

Gazetangiz millionlab nusxada yana chiqishi uchun odamlar dilidagi gaplarni yozishingiz kerak bo'ladi. Qolaversa, tirajning bu darajada ko'paymasligiga boshqa bir sabab - internetning ommalashotgani. Masalan, shaxsan men, gazeta olib o'qishdan ko'ra, qiziqarli saytlardan o'zimga kerakli maqolalarni (qaysi tilda bo'lsa ham) o'qib qo'yaveraman. Ham arzon, ham qulay, shu bilan birga, ayrim gazetalardagi maqolalar kabi bir yoqlamalikdan yiroq, batafsil maqolalar bisyor...