Dildagi satrlar

[Биллур]

Ҳавойи гаплардан кимга нима наф,
Бефойда сўз - сўлиб битган гул.
Топа олдиммикин? Қайси бир тараф
Сен тўғри деб кўрсатаётган йўл.

Дунё - гавжум бозор, нархлари баланд,
Қачон юришади савдоим?
Менга ўзинг кутиб турган йўл билан,
Сўлмайдиган гул бер, Худойим...

[Баходир кушаков]

Омондир севгилим,аста юрганда,
Оҳулар овланар,пастда турганда.
Овда ғафлат бўлар,овчида ҳавас,
Мен шу ҳавасда эдим,ёрга борганда.

Ошиққа ҳар ҳато,сўзидан келар,
Булбулга асирлик,сасидан келар.
Жайронга ҳар бало кўзидан келар,
Олиб қочма кўзингни,кўзга тушганда.

Ошиқнинг ҳар фасли,сенсан ҳаётда,
Гоҳ чўғида ёндим,гоҳ ёндим ўтда.
Бу севги олови ўчмайди ҳатто,
Ёшимиз тўқсондан,юздан ўтганда.

(қўшиқдан)

[Gulinoz]

Ona...

Kimdir savol berdi:-Aytgil, Muhammad,
Yolg‘iz sen Rasulsan butkul olamga.
Kimga ko‘p yaxshilik aylay, o‘zing ayt,
Ota-onamgami? Yoxud bolamga?

Rasul javob qildi: - Tingla birodar,
Gapimni uch bora quloqqa ilgil.
Imkon topa olsang dunyoda agar
Eng avval onangga yaxshilik qilgil.

Bu hikmat sharhini o‘yladim uzoq,
Rostdan ona erur qiblai olam.
Garchi barchamiz ham padarmiz, biroq
Onadan tug‘ilgan payg‘ambarlar ham.

Abdulla Oripov

[Биллур]

Деразамни очдим, бошланди ҳаёт,
Хонамдан кузата бошладим дарров.
Ё раб, кўз ўнгимда шамоллар жаллод,
Баргларнинг бошини олар беаёв.

Тағин куз келибди, фироқ ҳукмрон,
Висоллар устидан ҳижронлар ғолиб.
Шамол увиллайди йиғлагансимон,
Дарахтнинг бўйнига осилиб олиб.

Ғайратдан тек қотиб турсам, ҳамалнинг
Оҳлари юракни чимчилаб олди.
Шартта деразамни ёпдим, шамолнинг
Рангсиз кўйлаклари қимчилиб қолди.

[Gulinoz]

Yashasang dunyoda ...

Yashasang dunyoda yorug’ yuz bilan,
Hurmat ko’rguzsang va bo’lsa izzating!
Ketsang, eslasalar shirin so’z bilan,
Yaxshi noming qolsa, qolsa xizmating.

Ga’nim nafratingga kelolmasa bas,
Kulsang, sidqidildan yayrab kulolsang.
Dilda g’ashlik bo’lmay yashasang, xullas,
Baxtli odamlarday baxtli bo’lolsang.

Abdulla Oripov 1983 yil.

[Gulinoz]

SOG'INCH

Parchagina bulut,
Cheksiz osmon,
Adir ortidagi yolg'iz oyoq yo'l.
Barch tashvishlarni unutib, shodon,
Qaytgim kelayotir qoshingga butkul.
Qismat mayin ichdim - achchiq va taxir,
Tuydim ehtirosning samoviy kuchin.
Dunyoda odamzod yashamas, axir,
Faqat irodasin sinamoq uchun.

Parchagina bulut,
Cheksiz osmon,
Adir ortidagi yolg'iz oyoq yo'l.
Barcha tashvishlarni unutib, shodon,
Qayta olsam edi qoshingga butkul.

Abdulla Oripov

[Gulinoz]

Meni olib keting O'z Diyorimga...

Tinch edi hamma yoq,tinch edi har yon,
Titradi go'yoki yer bilan osmon.
Bohimga xastalik tushdi nogahon,
Meni olib keting o'z diyorimga!

Issiq jon,deydilar,jon bo'lsa bo'lar,
Payt kelsa chechak ham sarg'ayar,so'lar.
Kim bilar paymonang qay yerda to'lar,
Meni olib keting o'z diyorimga!

Ginam bor bu yurtning na havosidan,
Mehribon doktorning na davosidan.
Qaytarmang xastaning muddaosidan,
Meni olib keting o'z diyorimga.

Sha'nimga g'ayurlar bir so'z demasin,
Har kim o'zi tortar umr kemasin.
Hech kimni mushtoqlik dardi yemasin,
Meni olib keting o'z diyorimga!

Talpingan diyorim,u-O'zbekiston!
Sehrini aytishga bormi hech imkon!
Yo'q,o'zga yurtlarda berolmasman jon,
Meni olib keting o'z diyorimga!

Abdulla Oripov 1981 yil Moskva shahri

[Kavsar]

Sog'inch

Osmon bering tiniq, beg'ubor,
Qavat-qavat bulutday suzay.
Yomg'ir bering, shaffof, betakror,
Tuproq bo'lib ko'ksimni yozay.

Qanot bering, parvoz etgani,
Oqqushlar misoli olamni kezay.
Yor uyiga tezroq yetgani,
Gulday jonim man nisor etay.

Gar ilkiga olsa yaprog'im,
Ya'qub kabi Yusufim sezay...
Suv istabon kelsa firuzim,
Kavsar bo'lib yo'lida sizay...

(c) 2012\26\08 Toshkand

[Nigora Umarova]

Сообщение от Kavsar

Sog'inch

Osmon bering tiniq, beg'ubor,
Qavat-qavat bulutday suzay...

(c) 2012\26\08 Toshkand

Kavsarning betakror "Dildagi satrlar"ini sog'ingandim...

[Billur]

Mendan hech kim so'ramas shundayin deb :
- Qiz bolaga qay sepni ko'rasiz ep?
So'rasa der edimki, kerak unga
Bu dunyoli hamda u dunyoli sep.

Ro'zg'or buyum, ashqol-dashqol, liboslar -
Bular bari qizga bu dunyoli sep:
Kundalik turmushda bari asqotar,
Faqat aytolmayman baxtli qilar dep.

Go'zal axloq, kitob unga sep bo'lsin -
Yo'qdir bundan ortiqroq baholi sep.
Hunar, imon, iffat, uyat, saxovat,
Bular bari ikkala dunyoli sep...