Dildagi satrlar

[Nigora Umarova]

Sofoklning "Shoh Edip"ini har safar o'qiganimda ko' z oldimda aktyor Shukur Burhonov gavdalanaveradi. Shoir Asqad Muxtor fojiani mohirlik bilan o'zbek tiliga o'girgan.

Molu dunyo! Hukmronlik! Hayhot,
Hayot janglarida sizdan zo'ri yo'q!
Sehri joduingiz shunday kuchliki,
Kreont, o'tmishda sodiq qardoshim,
Ilonday qo'ynimga sirg'alib kirib,
Menga ixtiyoriy xalq bergan taxtni
Tortib olmoq uchun belin bog'labdi.
Foydadan boshqasin ko'rmagan bu ko'r-
Yolg'onchi va ayyor bu avliyoni
Mening huzurimga yo'llabdi bugun.
Menga qara, xalqni ajdaho qushdan
Sehrli so'z bilan qutqazoldingmi?
Uning jumboqlarini yecholmaganda
Sendan kutmovdimi shahring najotni?
Ammo sen folingni ishga solmading,
Quloqqa ilmading tangrining amrin,
Shunda men keldimu, men, Edip-nodon,
Jumbog'ini yechib ajdaho qushning,
Abadiy yo'q qildim mash'um ofatni!
Mana endi bo'lsa Kreont taxtiga
Yaqinroq bo'lay deb, qora niyatda
Jonimning qasdiga tushibsan, ayyor!

Sofokl, "Shoh Edip"tragediyasidan

[Aliya]

Men endi ketsam ham g`olib ketaman,
Shirin hayollarda qolib ketaman.
Qo`llarim bo`sh ketar dunyodan,
Lekin -
Seni yuragimda olib ketaman...

[Aliya]

****

Sir saqlama dilda boringni,
Sukut bilan qalbim o`rtama...
Dunyo mendan kechdi...
Hech yo`q Sen
Hayotingdan meni haydama...

****

Orzu sarobiga aldandim,
Anglaganda armonligingni.
Ko`ngling bekatidan haydaldim...
Bilmagandim mehmonligimni...

****

Eng go`zal ertak ham topar intiho,
Baxtning cho`qqisida yetar xotima.
Sen baxtga yetmasang - kuyinma aslo,
Axir, tugamadi hali hech nima...

****

Sensiz yashash - jonga qasd qilmoq,
Sensiz hayot - jonsiz tug`ilmoq...
Sensiz yashash - shunchalar og`ir...
Sensiz hayot?!
O`limdan gapir...

[Nigora Umarova]

Ҳар юмушнинг бордир ўз вақти,
Ҳар нарсага лозим риоя,
Борми-йўқ деб ўтирмас нақди,
Бир хоҳишга йўқдир ниҳоя!

Яъни хотин концерт, кинога
Бормоқликни истайди, лек эр:
- «Уят, ахир қўшни бинода
ҳатто битта радио йўқ, -дер.

- Мана, тайёр ойнаи жаҳон,
Кўрса бўлар концерт, кинони,
Қойиллатиб етмагани он
Чалиб бергум пианинони.»

Бошқа кун-чи хотин дабдуруст
Кабобхўрлик ҳақда очар гап.
Эр: «Қўшнимиз неча ойки гўшт
Емас, ҳатто чиқар нон сўраб.

Ана, сенга қанча гўшт-лаҳм,
Котлетми ё бошқа гўшт таом
Тайёрлагин, бўлма бефаҳм,
Қўшнига-да чиқар, вассалом!»

Бошқа бир кун хоҳлайди хотин
Ўқимоққа ҳайдовчиликка.
- «Йўқ нарсага бўлма кўп бетин,
Ўзни ҳадеб қўйма кўрикка!»

Хуллас, яна қанча машмаша,
Балки тўғри, балки хатодир.
Ёш боладай қилиб хархаша,
Истаб-истаб ўтиб кетодир.

Балки эрда йўқ дерсиз хоҳиш,
Лекин асли бунда эмас гап.
Эр тутади ақл билан иш
Мўътадиллик турилар сақлаб.

Балки бордир сизда зўр имкон,
Ҳар истакни этмакка бажо.
Лек унутманг қилмоқни эҳсон
Ҳам эл учун бўлмоққа фидо.

Ҳар юмушнинг бордир ўз вақти,
Ҳар нарсага лозим риоя,
Хоҳишни деб бой берманг бахтни,
Ахир унга йўқдир ниҳоя!

Аъзам Обид

[Баходир кушаков]

Икки кўз кўр бўлса бўлсин,қалб кўзинг кўр бўлмасин.
Тилда болинг бўлса бўлсин,тилда заҳринг бўлмасин.
Кўзда нуқсон бўлса айтмас,кўз ҳаёсиз бўлмасин.
Молу мулк йўқ бўлса бўлсин,танда дардинг бўлмасин.

Ёрсиз ўтса,ўтсин умринг,бевфо ёрдан кўра.
Душманинг доно бўлсин,дўсти нодондан кўра.
Кўзи тўқ мискин ғанидур,кўзи оч бойдан кўра.
Гавда калта бўлса бўлсин,ақли калта бўлмасин.

Тинчи бор бир кулба яҳши,ғалвали кошонадан.
Бурда нонинг яҳшироқ,миннати бор ошдан.
Етти ёт бегона яҳши,оқибатсиз қариндошдан.
Юзда доғинг бўлса бўлсин,дилда доғинг бўлмасин.

Миллатин севгандан фойда,миллатин сотган зарар.
Илми бор фосиҳдан фойда,илми йўқ жоҳил зарар.
Дини бор ғайридан фойда,дини йўқ кофир зарар.
Аввалинг ҳор бўлса бўлсин,оҳиринг ҳор бўлмасин.

Аҳрор Усмонов қўшиғи.Муаллифини билмадим.

[Баходир кушаков]

Бизга баҳор бегонадир борган сари,
Кўнглимиз ҳам вайронадир борган сари.
Шодон елиб юрар эдик авваллари,
Энди умр ғамҳонадир борган сари.

Толибдими яшамоқдан жисму жоним,
Тан ичра дард пинҳонадир борган сари.
Шифо сўраб борсам манзил маконларга,
Топар жойим ҳилҳонадир борган сари.

Дўсти ёр ҳам йироқлашиб секин,секин,
Адоватлар ҳуфёнадир борган сари.
Изланаман,йиғланаман руҳим куяр,
Ёлғиз Ҳудо ҳамҳонадир борган сари.

Шошдан кетар бўлса Чоршамб борган ери,
Буҳорою фарғондир борган сари.
Бизга баҳор бегонадир борган сари,
Кўнглимиз ҳам вайронадир борган сари.

[Nigora Umarova]

Қалбга зардоб бўлиб тўлганинг алам,
Гоҳи очилмасдан сўлганинг алам,
Муҳаббат, муҳаббат ҳаммасидан ҳам,
Сочга оқ тушганда келганинг алам.
Келсанг, кетгин дебон айтолмаганим,
Ортга қайтай десанг, қайтолмаганинг,
Армонинг ҳеч кимга айтолмаганинг,
Буни битта ўзинг билганинг алам.
Гоҳ хотир, гоҳида хаёлни ёллаб,
Гоҳ юлдуз, гоҳида ой каби порлаб,
Ширин жилмайишлар ёнига чорлаб,
Олисдан ғамзалар қилганинг алам...

"Танҳо юлдуз" спектаклидаги Умиданинг монологидан

[Баходир кушаков]

Сообщение от Nigora Umarova

Умиданинг монологидан

Жуда чиройли шеър экан.

[Nigora Umarova]

Сообщение от Баходир кушаков

Жуда чиройли шеър экан.

"Танҳо юлдузгинам"да Гавҳар опа Зокирова уни шундай таъсирчан ўқидиларки, одам кўзида ёш билан тинглади. Балки шунинг учун ёдимда қолгандир...

[Masud Mahsudov]

Сообщение от Баходир кушаков

Жуда чиройли шеър экан.

Раҳматли Муҳаммад Юсуф ижодларидан...