Bahru-bayt

[gofurov]

Сообщение от Maryam

qalandar bo’l.

Лола менинг аждодим, гулбоғларга сиғмайди,
Булбуллар макон этган хуш чоғларга сиғмайди.

Мажнунтоллар май ичиб тўлғонади маст-аласт,
Қизғонарми соҳиллар, қирғоқларга сиғмайди?

Кўзларимнинг уфқида унар алвон лолалар,
У ишқ нима билмаган қабоғларга сиғмайди.

Бир куни қуёш ботиб улар оқмоқ истаса,
Бағри кенг дарё керак, ирмоқларга сиғмайди.

Лолаларга айлангум, менга гулу боғлар хайф,
Менинг дардим дол бўлган сўроқларга сиғмайди.

Ў.Холдорова

[Gulchehra Ibragimova]

Сообщение от gofurov

Лолаларга айлангум, менга гулу боғлар хайф,
Менинг дардим дол бўлган сўроқларга сиғмайди.

Ишқингда гар ғамим фаровон бўлгай,

Юз бора, минг бора гар чандон бўлгай,

Минг ғаминг мардона енгарман ёҳуд

Дарди ишқинг аро жон қурбон бўлгай.

Камолиддин Исмойил

[Maryam]

Сообщение от Gulchehra Ibragimova

Ишқингда гар ғамим фаровон бўлгай,

Юз бора, минг бора гар чандон бўлгай,

Минг ғаминг мардона енгарман ёҳуд

Дарди ишқинг аро жон қурбон бўлгай.

Камолиддин Исмойил

Oybekdan

Yig'i kelmaydi sira,
G'azabdan qaqragan ko'z.
Bu yo'llarning yaxidan
Labimda qotipti so'z.

Qoshlar, kipriklar qirov,
Yuraman hushsiz, hayron.
Qornim och, esga kelmas
Xaltamdagi g'ishtdek non.

Kuygan uylarda uvlar
Qish quyuni betinim.
Tanho kezaman.Yig'lar
Yuragimda Vatanim.

[Gulchehra Ibragimova]

Сообщение от Maryam

Yuragimda Vatanim.

Men qachon dedim: "Vafo qilg'il manga" zulm aylading,
Sen qachon deding: "Fido bo'lg'il manga" bo'ldim sanga.

Qay pari paykarga dersen telba bo'ldung bu sifat,
Ey pari paykar, ne qilsang qil manga, bo'ldum sanga.

Ey ko'ngul, tarki nasihat aylading ovora bo'l,
Yuz balo yetmaski, men ham bir balo bo'ldum sanga.

Jomi Jam birla Xizr suyi nasibimdur mudom,
Soqiyo, to tarki joh aylab gado bo'ldum sanga.

G'ussa changidin navoe topmadim ushshoq aro,
To Navoiydek asiru benavo bo'ldum sanga.

[gofurov]

Сообщение от Gulchehra Ibragimova

To Navoiydek asiru benavo bo'ldum sanga.

Арилар ҳам турфадирким, ҳар маҳал
Биттаси заҳру бири йиққай асал.

Икки оҳу бир гиёҳ ер, сарҳисоб:
Биттасидин гўнг, биридин мушки ноб.

Ул қамишлар бир ариқдин сув ичар,
Биттаси бўм-бўш, бирида қанд, шакар.

Боқки, ўхшаш жону жонзот қанчалар,
Ўртада фарқу тафовут мунчалар.

Ж.Румий

[Gulchehra Ibragimova]

Сообщение от gofurov

Боқки, ўхшаш жону жонзот қанчалар,
Ўртада фарқу тафовут мунчалар.

Ranjimoq yo‘qdur muhabbat maslagida — mayni quy,
Har kudurat bo‘lsa qam, topgay safoh ne bo‘lg‘usi?

Ishqbozlikda kerakdir sabru toqat, ey ko‘ngil,
Gar malol kelsa ne bo‘lg‘ay, yo xato, ne bo‘lg‘usi?

Bedavo g‘iybatchilardan turli g‘avg‘o qo‘zg‘alur,
Suhbat ahli qilsa hamki mojaro, ne bo‘lg‘usi?

Xonaqohdan ketdi Hofiz, zohido, ayb etmagil,
Topgusi erkin kishi har qayda jo, ne bo‘lg‘usi?

Hofiz Sheroziy

[Maryam]

I ga Zulfiya ayadan...

Ishqqa maskan yuragim,
Topib ber deb qistaydi.
Nima qilay, berahm-
Ruhim seni istaydi

[мафтун]

Сообщение от Maryam

I ga Zulfiya ayadan...

Ishqqa maskan yuragim,
Topib ber deb qistaydi.
Nima qilay, berahm-
Ruhim seni istaydi

Иложи бўлса, шеърни тўлиқ келтиринг...

[Maryam]

Сообщение от мафтун

Иложи бўлса, шеърни тўлиқ келтиринг...

SEN QAYDASAN YURAGIM
Qalb bo’lganda yiroqda
Iroda ekan ojiz.
Do’stlar ham ko’p atrofda,
Ammo men yakka-yolg’iz...
Birdan qalbim keksarib,
Qon ham qochdi yuzimdan.
Sen, sirdoshni axtarib,
Xayol ketar izingdan.
Qayga ketding, yuragim,
Bitdi bardosh va toqat.
Suhbatingdir tilagim,
Tilda hasratim qat-qat.
Ko’pdir aytajak so’zim,
O’gitlaringga zormen,
Yig’laysan deb do’stlarim
Ta’na qilar. Netay men?
Sovush bermaydi menga
Yoqib ketganing olov.
Netay, yetmayman senga,
O’rtaga tashlangan g’ov.
Ishqqa maskan yuragim,
Topib ber deb qistaydi.
Nima qilay, berahm-
Ruhim seni istaydi

[мафтун]

ИСТАЙСИЗМИ-ЙЎҚМИ

Истайсизми-йўқми, гардун айлана,
Истайсизми-йўқми, қайтиб келаман.
Соғинмаган кўзингиздан айланай,
Истайсизми-йўқми, сизни севаман.

Ой ботади – юлдузларнинг ҳабиби,
Тонг отади, таънаси йўқ самимий.
Табиатнинг қонунидек табиий –
Истайсизми-йўқми, сизни севаман.

Қучоғига яширмайди хиёбон,
Ўртамизда удум отлиғ биёбон.
Сизга нима, куйсам ўзим куяман,
Истайсизми-йўқми, сизни севаман.

Чақмоқ калит бўлди қулфи дилимга,
Тегмаган бир қизнинг зулфи дилимга.
Сиздан ўзга хон йўқ мулки дилимга,
Истайсизми-йўқми, сизни севаман

Бошингизда япроқ бўлиб айтаман,
Пойингизда тупроқ бўлиб айтаман.
Тупроқдаям муштоқ бўлиб айтаман,
Истайсизми-йўқми, сизни севаман.


Иқбол Мирзодан