Dildagi satrlar

[Hero]

Сообщение от Mahmud Jurat

Бу сўзнинг маъноси нима?
Балким бирор шевамизда у бирор маънони англатар.

"go'hsang" bu siz ma'nosi biron kishini eslab aytiladi

[Masud Mahsudov]

Сообщение от Hero

"go'hsang" bu siz ma'nosi biron kishini eslab aytiladi

Бўлмаган гап, унақа феъл йўқ ўзбек тилида... У сўз аслида гўшанг (go'shang) бўлиши керак эди, ш харфининг белгиларидаги ўрни алмашиб қолган. ( s ва h ўрни)

[Gulchehra Ibragimova]

CHOPAR

O’tirginu egarga tezda,
Ey mahramim, bo‘sh qo‘y yuganni,
O’tib qiru o‘rmonu tuzdan,
Qasriga bor qirol Dunkanning.

Otxonaga otni bog‘larkan,
Bolalardan bilgin sirini:
«Uzatmoqda qiblagoh Dunkan
Qizlaridan qaysi birini?»

«Qo‘ng‘ir sochni!» — desa bolalar
O’qday uchgin ortingga darhol.
«Zarkokilni!» — desa bolalar
Yo‘lga chiqqin shoshmay, bemalol.

Yo‘l-yo‘lakay dam ber bedovga,
Do‘kondordan sotib ol arqon.
Bir og‘iz so‘z aytmay birovga,
Hovliqmasdan qaytgin men tomon.

HAYNRIX HAYNE

[Gulchehra Ibragimova]

YARADOR JO’MARD

Qadim naql yodimda doim,
Yangrab turar ul g‘amgin navo:
Jo‘mard yigit ahdida qoim,
Mahbubasi, lekin, bevafo.

U ne qilsin! Nopok dildorga
Majbur boqar nafratli ko‘zi,
U chidolmas alamga, orga,
O’z ishqidan uyalar o‘zi.

Lekin tayyor zarba bermoqqa,
Raqiblarni bo‘yagay qonga:
«Sevgilimni nopok demoqqa
Azm etganlar chiqsin maydonga!»

U hammani jim qilar, yo rab,
O’z dardiga yetmaydi kuchi;
Yuragini teshgay shu sabab
Nayzasining charxlangan uchi.

HAYNRIX HAYNE

[Gulchehra Ibragimova]

Kim ko’rubtur, ey ko’ngul, ahli jahondin yaxshilig’,
Kimki ondin yaxshi yo’q, ko’z tutma ondin yaxshilig’.

Bu zamonni naf’i qilsam ayb qilma, ey rafiq,
Ko’rmadim hargiz, netayin, bu zamondin yaxshilig’.
Dilrabolardin yomonliq keldi mahzun ko’ngluma,
Kelmadi jonimg’a hech oromi jondin yaxshilig’.
Ey ko’ngul, chun yaxshidin ko’rdung yomonlig’ asru ko’p,
Emdi ko’z tutmoq ne ya’ni har yomondin yaxshilig’.
Bori elga yaxhshilig’ qilg’ilki, mundin yaxshi yo’q
Kim, degaylar dahr aro qoldi falondin yaxshilig’.
Yaxshilig’ ahli jahonda istama Bobur kibi,
Kim ko’rubtur, ey ko’ngul, ahli jahondin yaxshilig’.

[Gulchehra Ibragimova]

Xasta ko'nglumdin xayoling bir zamon ketmas,begim,
Nechakim,vasling etakiga qo'lum yetmas,begim.

Netayin,darmonda bo'ldum men bu ko'nglum ilkida,
Sensizin hech yerda bir lahza qaror etmas,begim.

Garchi sen dashnom etarsen,men duochiman senga,
Oshiqi sodiq jafodin elini chetmas,begim.

Sen meni ta'zim etib qulllar soninda tutmag'il,
Itlaring xaylinda bo'lsam,ne manga yetmas,begim?!

Ta'nadin qovmas Atoiyni eshikindin raqib,
Hech gadoy it ursa eshikni qo'yub ketmas,begim.

Аtoyi

[Gulchehra Ibragimova]

HECH KIMA MA’LUM EMAS

Hech kima ma’lum emas holi parishonim mening,
Osmonni tiyra qildi ohu afg’onim mening.

Men nechun shod etmayin bul xasta ko’nlumni bugun,
Keldi xolimni so’rab ul sho’x jononim mening.

Ey sitamgar, kelgilu emdi shahid etkil meni,
Mavj ursun Karbalo dashtida bu qonim mening.

Chun Surayyo bormusan, aflokdin bolomusan,
Bu falakda ko’rmadim, ey ko’zi cho’lponim mening.

Nozu istig’no bila ketgil, meni holimni so’r,
Termulib doim yo’lungda chashmi giryonim mening.

Tobakay jabru sitam birla yurursan, ey rafiq,
Chiqti, Mashrab, ushbu g’amdin bu aziz jonim mening.

[Feruza Xodjayeva]

ОНАМ СОҒИНЧИ

Шукур этсам – бугун сабаб мўл,
Китобларим, мисол, қўлма-қўл.
Мижжаларим аммо жиққа ҳўл –
Онамни зор соғинганим бор.

Кимдир отлиқ, кимдир пиёда –
Бахтли одам кўпдир дунёда.
Лек онаси борлар зиёда –
Онамни зор соғинганим бор.

Дам йўқ экан бола пайтдайин,
У дамларга қандай қайтайин?
Дардим кимга қандай айтайин –
Онамни зор соғинганим бор.

Она зоти борки элимда,
Бари онам, мадҳи тилимда.
Меҳри бисёр жону дилимда –
Онамни зор соғинганим бор.

Камдир ғамгин нолам дейману,
Меники кенг олам дейману,
Қизларимни “онам” дейману –
Онамни зор соғинганим бор.

Яшаб орзу ўйларида ҳам,
Кезиб ҳавас кўйларида ҳам.
Жигарларим тўйларида ҳам –
Онамни зор соғинганим бор...

Бобур Бобомурод

[Feruza Xodjayeva]

ГЎЗАЛЛАР ҲАМ ЙИҒЛАР ЭКАНЛАР

Қайси гаплар келдилар малол,
Озор берди қандай тиканлар.
Мени солди ҳайратга бир ҳол –
Гўзаллар ҳам йиғлар эканлар...

(Аввал ёзилган шеърдан)

Қошларига тортилган ўсма,
Сочларининг учлари кесма.
Дарёнинг, о, йўлларин тўсма –
Гўзаллар ҳам йиғлар эканлар.

Аразданми, нозданмикин ё,
Кўнгилданми, розданмикин ё.
Ёлғонданми, ростданмикин ё –
Гўзаллар ҳам йиғлар эканлар.

Гоҳ арзимас бир гард дастидан,
Гоҳ дилдаги зўр дард дастидан.
Ё бетайин номард дастидан –
Гўзаллар ҳам йиғлар эканлар.

Ўтиб борар ҳафтаю, ой, йил,
Кўнгил ҳануз меҳрга мойил.
Дунё, сенга қолмадим қойил –
Гўзаллар ҳам йиғлар эканлар.

Ярашса ҳам уларга кўзёш,
Аёлга бер, Оллоҳим, бардош.
Ожизлиги бахтдан бўлсин фош –
Гўзаллар ҳам йиғлар эканлар...


Б.Бобомурод

[Aliya]

Beayb parvardigor, deydilar, biroq,
Sizni ayblamasman, siz-ku - begunoh.
Biroq, guldan og`ir, boldan taxirroq
So`z aytmagan bo`lsam, menda ne gunoh?

Baribir adoqsiz afsusga to`ldim,
Uzrga chidamas yuzim, bilaman,
Sizdan o`tgan bo`lsa, kechirib bo`ldim,
O`zimdan o`tganin...
O`zim bilaman...

/Rustam Jabborov./