Dildagi satrlar

[Kavsar]

Ҳар чи гўям

Мушк хоҳам, мушки соро Тустй,
Мулк хоҳам, мулки Доро Тустй.

Ҳар чи гўям, ибтидои номи Туст,
Ҳар кучо бинам, нигоро, Тустй.

Ошкорй, лек пинҳонй зи чашм,
Ноаён, лек ошкоро Тустй.

Дар мусалмонии ман сад куфр ҳаст,
Чун яҳуду ҳам насоро Тустй.

Ман ба зебоии олам ошиқам,
З-он ки ҳусни оламоро Тустй.

Ман Бухороро ба чон мепарварам,
Чунки бо шаҳри Бухоро Тустй..

Жаъфар Муҳаммад

Тошканд, 20 декабрь, 2010.

[Kavsar]

Сообщение от Kavsar

Ҳар чи гўям
Мушк хоҳам, мушки соро Тустй,
Мулк хоҳам, мулки Доро Тустй.

Ҳар не десам...

Мушк истасам, мушки соро Сен эрурсан,
Мулк истасам, мулки Доро Сен эрурсан.

Ҳар не десам, аввали исминг эрур,
Қайга боқсам, нигоро, Сен эрурсан.

Ошкораю, бироқ кўздан ниҳон,
Ноаён, лек ошкора Сен эрурсан.

Мани мусулмонларимда юз куфр бор,
Чун яҳуду ҳам насоро Сен эрурсан.

Мен бу олам чиройига ошиқман,
Унда ҳусни оламоро Сен эрурсан.

Ман Бухоро учун жон фидо этай,
Чунки шаҳри Бухоро ҳам Сен эрурсан...

Оффтоп:

Жаъфар устоз шеърларини қўлдан келганча, тушунганимча таржима қилишга ҳаракат қилдим. Бу ҳали биринчи иш, жузъий хатолар учун узр, келажакда уларни ислоҳ қилишга ҳаракат қиламан.

[albatros]

YURAK

Yurak,sensan mening sozim,
Tilimni nayga jo'r etding.
Ko'zimga oyni berkitding,
Yurak,sensan ishqibozim.

Senga tor keldi bu ko'krak,
Sevinching toshdi qirg'oqdan,
Tilim charchar, ajab,gohi
Seni tarjima qilmoqdan.

Sen, ey sen - o'ynoqi dilbar,
Zafardan izla yoringni.
To'lib qayna, toshib o'yna,
Tirikman, kuyla boringni!

Itoat et!
Agar sendan
Vatan rozi emas bo'lsa,
Yoril,chaqmoqqa aylan sen,
Yoril! Mayli, tamom o'lsam!

Usmon Nosir

[albatros]

Keksa, yosh - hayotga har kimki yetar -
Hammasi izma-iz birma-bir o'tar.
Bu dunyo hech kimga qolmas abady,
Keldilar, ketamiz, kelishar, ketar.

* * *

Bir g'arib ko'nglini qila olsang shod -
Yaxshidir yer yuzin qilgandan obod -
Lutfing-la bir dilni qul qila olsang,
Afzaldir yuz qulni qilmoqdan ozod.

* * *

Tinglang bu abadiy sado bo`ladi,
Gadoning dushmani gado bo`ladi,
Ikkisi bir-birin topishguncha to,
O`rtada bu dunyo ado bo`ladi.

Umar Xayyom

[Nigora Umarova]

To yetim bo'lmay kishi, bilmas atoning qadrini,
Jonu dildan tarbiyat qilg'on anoni qadrini,
Bilmagay hech kim ako birla ukoni qadrini,
Bir necha xeshu taboru aqroboni qadrini,
Ajrag'ay-bilg'ay ako birla ukoni qadrini.

Tandurustlik lazzatin bemor bo'lgonlar bilur,
Ko'p yotub, farzandlarig'a xor bo'lg'onlar bilur,
Boshi yostuqda yotub, abgor bo'lganlar bilur,
Parchaye non qadrini ko'p zor bo'lganlar bilur,
Kimki man-manlikda, bilmaydur g'izoni qadrini.

Do'stu dushman, har kishi, begona, xohi oshno,
Qochmagay boshingga mushkil tushsa sandin bevafo,
San uchun ul bevafo ulfat qilurmi jon fido,
Do'st qadrin bilmag'ay boshiga tushmasdin balo,
Qariyu a'mo bo'lub, bilg'ay asoni qadrini.

Qo'lda moling borida begonalardin yor ko'p,
Davlating ketsa agar dildordin ag'yor ko'p,
Ham qadimiy hamnishinlardin sanga ozor ko'p,
Suhbatingdin ehtiroz aylab yana bezor ko'p,
Mardumi Farg'ona bilg'ay ag'niyoni qadrini.

Bul jahonda ba'zilarni ayladi tirnoqqa zor,
Ba'zilarg'a Xoliqim farzand berdi beshumor,
Ba'zini qildi aziz, bir nechalarni qildi xor,
Harna qilsa Xoliqim, shukr aylagil layli nahor,
Bil, Haziniy, sidq ila shukri Xudoni qadrini.

Оффтоп:

Ehtiroz- saqlanish
Beshumor-sanoqsiz, hisobsiz.
Layli nahor-kechayu kunduz

[Kavsar]

* * *

Холиқо, кам айладим кўйи амал,
Яхшилардек юрмадим сўйи амал.
Сан карам бирла Қиёмат даштида,
Айлагил оғир тарозуйи амал.

Холиқо, дийдамга ашк зори бер,
Кўнглума доим муҳаббат ёри бер.
Оби Кавсардин мани сероб этиб,
Ҳам манга кўфрук ўртада ёри бер.

Холиқо, умр айладим фоний билан,
Эмди банданг зор айлар жони билан.
Гарчи Оллоёр эрур зору забун,
Жонни ол нури иймони билан.

"Саботул ожизин"

[Nigora Umarova]

Talabga yetkurib man xastani dilshod qil, yo Rab,
Qolibman hajr zindoni aro, ozod qil, yo Rab.

Azaldin g'ussa birla o'tti umrim, jonda rohat yo'q,
Mane, mahzun qulingning, ko'nglini obod qil, yo Rab.

Livoyi hamd ostida turar Mahshar kuni Hazrat,
Shafoat vaqtida biz osiylarni yod qil, yo Rab!

Qilur Ahmad bizningdek osiyg'a fayzi inoyat,
Tilar ummatlarini, mustaqimda bod qil, yo Rab.

Borurmiz Mustafoning oldiga bizlar shafoat deb,
Degay: "bu osiylarga yaxshilik ijod qil, yo Rab!"

"Jamolingni ko'rarmiz" deb, o'shal kun yig'lashib tursak,
Karam aylab, iloho, bizlara ko'rsotqil, yo Rab!

Urarmiz lofi ummatlikni doim, aylamay toat,
Ibodat nuri birlan qalbimiz mir'ot qil, yo Rab!

Xarob o'lgon dilimga bir nazar qil fayzi rahmatdin,
Qatori yaxshilarla sohibi irshod qil, yo Rab!

Umidim shul erur, Qur'ondakim "Lo taqnatu" debsan,
Vafo aylab, o'zing aytgon so'zingni yod qil, yo Rab!

Namozu ro'zasi, hajju zakoti yo'q Haziniyning,
Gunohin avf etib, san joyini jannat qil, yo Rab!

Оффтоп:

Livoyi hamd - hamd bayrog'i
Mir'ot - ko'zgu, oyna.
Lo taqnatu ( lo taqnatu min rahmatulloh) - Alloh rahmatidin noumid bo'lmanglar (Qur'oni karim, "Zumar" surasining 53-oyatidan)

[Gulchehra Ibragimova]

***
Bu dunyoning armonlari ko`p ekan,
Kеtar bo`lsang,tomonlari ko`p ekan,
Chеchagidan somonlari ko`p ekan,
Xayr dеma,xayr dеma,sеvgilim.

Yarmi qora,yarmi oqdir dunyoning,
Yarmi sahro,yarmi bog'dir dunyoning,
Yarmi visol,yarmi dog'dir dunyoning,
Xayr dеma,xayr dеma,sеvgilim.

Sеn istasang gullar ro`yi jahonim,
Yana bo`yin taratadi rayhonim,
Chamanlarga aylanadi sayxonim,
Xayr dеma,xayr dеma,sеvgilim.

Xayr dеsang,bu dunyoda nеtaman,
Sеn bo`lmasang, bu ro`yoda nеtaman.
Sеni izlab bo`zlab-bo`zlab o`taman,
Xayr dеma,xayr dеma,sеvgilim.

Xurshid Davron

[Nigora Umarova]

Siz uni ko'klarga ko'tarmang buncha,
nima ham qilasiz gunohga botib?
sabri chidamayin uchguncha,
istashib parvozni,
uchaman do-o-od, deb,
Zaminga qaytolmay yurganlar ozmi?

Faxriyor

[Gulchehra Ibragimova]

Ko'zimni oqi yanglig' mehribonimdan ayirdilar.
Meni jon mulkida oromi jonimdan ayirdilar.
Boshim ustida turgan soyabonimdan ayirdilar.
Tilib bag'rimni oxir ustixonimdan ayirdilar.
Dilimda yuz jarohat bor bermoqqa davo kelsin.

O'zini bilmaganlar aytadilar " O'zga yor axtar"
"Ko'ngilni bevafoga bermagin, bir g'amgusor axtar"
"Agarchi dilraboni topmasang, digar diyor axtar"
"Ko'ngilning muddaosin bilgudek bir dilfigor axtar"
Men aytarman "Ko'zimni o'ysa o'ysin oshino kelsin.

O'shal vaqtiki unga ahd qildim, asli hamdamdir.
U mendan ko'ngil uzsa to tirikman ko'ngil uzmamdir.
O'zga yor axtarib men, dashtu-sahrolarni kezmamdir.
Qiyomat subhi otguncha bu paymonamni buzmamdir.
Charog'i dilni ravshan qilg'ali nuri safo kelsin! ..

Mashrab