Dildagi satrlar

[Masud Mahsudov]

Шу ўринда айрим ракамларни келтириб ўтмокчимиз. Баъзи хисоб-китобларга караганда, дунёдаги мавжуд 6 минг 700 тилнинг ярмидан кўпи йўколиб кетиш хавфи остида. Чунки Франция Фанлар Академияси замонавий инсоният 3000 та тилда мулокотда бўлишини хисоблаб чиккан.
Ўртача хар ўн беш кунда битта тил муомаладан чикиб кетади. Мавжуд тилларнинг 96 % ида куррамизда истикомат килаётган одамларнинг атиги 4 % гина сўзлашади.
Мавжуд тилларни мухофаза килишнинг энг самарали йўли мактабларда шу тилда таълим беришдир. Масалан, Хиндистонда турли даражадаги мактаб таълимида 80 га якин тилдан фойдаланилади. Хинд мактабларида хатто кичик элатлар тилида хам дарс ўтилади. Европада эса таълим ишлари Европа Иттифокига аъзо давлатлар тиллари билан чекланиб колган.
Энди Бангладешга келсак, у ерда истикомат киладиган ахолининг 98 % и бангла тилида мулокот килади. Ахолининг колган 2 % и чакма, сантали, марма, трипура, гаро, танчангья, мронг каби элатлар вакилларидир.
Айни дамда ер куррасида хитой тили 1 млрд. 113 млн киши учун она тили хисобланади. Бу инглиз тилини ўз она тили деб билувчилар (372 млн) сонидан уч марта кўп. Америка олимларининг хисоб-китобларига караганда, 2050 йилда дунёда хитой тилида сўзлашувчилар сони 1 млрд. 384 млн. бўлади. Хинд ва урду тилларини ўз она тили деб билувчилар сони эса 556 млн. га етади. Бу вактга келиб, инглиз тилининг она тили сифатидаги ўрни учинчи погонада бўлиб, 508 млн. кишини ташкил килади. Испан ва араб тилларининг доираси хам кенгайиб боради. Чунки 2050 йилга келиб испан тилида 486 млн., араб тилида эса 482 млн. киши сўзлашади, деган тахминлар бор.
XXI аср янги технологиялар асри деб аталгандан буён яна бошка бир хавф пайдо бўлди. У хам бўлса, кам сонли миллатлар тилининг тан олиниши мушкуллигидир. Чунки хаммага таниш, илмий адабиётларда кайд этилган ва барча тан олган технологик атамалар кенг таркалган, халкаро мулокотдаги тилларга оид сўзлардир. Интернетда танилмаган тил замонавий дунё учун гўё йўк, мутахассислар тили билан айтганда “мавжуд эмас”. Чунки “Бутунжахон ўргимчак тўри” да бир хусусият борки, у хам бўлса, электрон мулокот соддалиги ва электрон рейтинг тушунчаларидир. Масалан, инглиз тилидаги интернет-нашр билан, дейлик, Бангладешдаги трипура элати тилида таркалаётган электрон нашр орасидаги рейтинг фарки канча эканини тасаввур килиш кийин эмас. Ёки худди шу тилда фильм суратга олиш ва уни намойиш этиш, ёхуд жахон поп ёки рок кўшиклар хит-парадида шу тилдаги кўшик билан иштирок этиш имконияти… Хозирги глобаллашув шароитида бу каби имкониятлар деярли йўкка чикиб, имконлар имконсиз бўлиб бормокда.
Шу сабабли хам 2001 йилда ЮНЕСКО «Маданий хилма-хиллик тўгрисидаги Умумжахон декларацияси» ни кабул килди. Бу хужжат тиллар турли-туманлигини «инсониятнинг умумий бойлиги» деб атади ва тилларни инсоният кадр-киммати билан баробар турувчи ахлокий кадрият сифатида мухофаза этишни лозим деб топди.
Халкаро она тили куни хар йили бирон вокеага багишланади. Масалан, 2006 йилда бу сана Африка Иттифоки ташаббуси билан Африка тилларига багишланган. Чунки бу китъада 2 минг 11 та тил мавжуд бўлса-да, таълим асосан, собик истилочи давлатлар тиллари – инглиз, француз, испан ва португал тилларида олиб борилади. Шу боис бу китъада Африка тиллари академияси таъсис этилди. Академия китъанинг йўколиб кетиш хавфи остида колган тилларини ўрганиб, уларни тиклаш имконини излаш, яъни бу тилларда таълим бериш, халк огзаки ижодини ёзиб олиш ишлари билан шугулланади.
Лотин Иттифоки эса Лотин Америкаси ерли ахолиси тилларини асраб колиш йўлида мехнат киляпти. Чунки Лотин Америкасида хам миллий тиллардаги мактаблар жуда оз бўлиб, болалар асосан испан, француз ва португал тилларида савод чикарадилар.
Олимларнинг айтишларича, тил яшаб колиши учун унда камида 100 минг киши мунтазам равишда мулокот килиши керак экан. Бизнинг мамлакатимизда эса 20 миллионга якин киши ўзбек тилини ўз она тилиси деб билади. Бу йил 21 октябрда бизнинг она тилимизга давлат тили макоми берилганига 20 йил тўлади. Ўзбекистонда Давлат тили тўгрисидаги Конуннинг кабул килиниши бизнинг мустакиллигимиз дебочаси бўлган эди, десак, муболага бўлмайди.
Ажаб хикмат, мамлакат мустакиллиги аввало она тилининг кадр топиши учун курашдан бошланар экан. Бунга Халкаро она тили байрамининг тарихи гувох бўла олади.
Маълумки, миллий давлатчилигига эга бўлган хар бир халк давлат тилига эга, у хукукий даражада ўз тилининг ривожланиши тўгрисида кайгуради. Ва шу билан бирга хар бир демократик давлат ўз худудида яшаётган ва шу мамлакатни ўз Ватани деб билган миллатлар, халклар ва элатларнинг она тилисини хурматлашни ўзи учун бурч деб билади. Бугунги кунда Ўзбекистон мактабларида ўзбек тилидан ташкари, рус, тожик, туркман, козок, киргиз, коракалпок, уйгур ва бошка шу каби тилларда болаларга таълим берилади. Ўзбекистонда биргина туркман тилида таълим бериладиган мактабларнинг сони 60 га якинлиги фикримизнинг яккол тасдигидир. Мутахассисларнинг айтишларича, у ёки бу жамиятда болаларнинг 30 % и ўз тилини ўрганмай кўйса, она тили йўколиш хавфи остида колар экан.
Тўгри, инсоният яратгандан бери тиллар дунёга келган, вакт ўтиб, улар хеч кандай из колдирмай йўколиб хам кетган. Дунёда бир тилли мулокотга интилиш хам бўлган. Бунга сунъий равишда яратилган эсперанто тилини мисол килиб келтириш мумкин.
1954 йилда БМТ Бош конференцияси эсперанто тили халкаро интеллектуал алмашинув борасида ЮНЕСКО максадларига мос келадиган ютукларни кўлга киритганини тан олган. Шундан кейин ЮНЕСКО ва Жахон Эсперанто Асоциацияси (UEA) ўртасида маслахат муносабатлари хам ўрнатилди. 1985 йилда ЮНЕСКО халкаро ташкилотлар ва иштирокчи давлатларга мурожаат килиб, эсперанто тилини мактабларда ўрганиш ва бу тилдан халкаро хамкорликда фойдаланишни таклиф килди. UEA шунингдек, ЭКОСОС (БМТ Иктисодий ва Ижтимоий Кенгаши), ЮНИСЕФ (БМТ Болалар фонди), Европа кенгаши, Америка давлатлари ташкилоти ва Стандартлаштириш бўйича Халкаро ташкилот (ISO) хузурида хам маслахат макомига эга. Айтиш керакки, эсперанто хам факат она тили воситасидагина маданий ва ижтимоий тараккиётга эришиш мумкинлигини тан олади. Чунки поляк олими Людвик Заменгоф эсперантони ихтиро килишда тилларнинг асосий грамматик принципларидан фойдаланган. Ва бу тил факат халкаро мулокотлар учун ёрдамчи тил бўлиб олиши мумкинлигини эътироф этган.
Демак, маколамиз бошида эслаган шеъримиздаги охирги мисрани биз хам бемалол айта оламиз. Бизнинг она тилимизда ўлмас “Хамса”лар, “Бобурнома”лар ёзилган эканми, 20 миллион киши учун алла ўзбек тилида айтилар эканми, у ўлмайди!

www.talaba.zn.uz сайтидан олинди

[Nigora Umarova]

Baland ketma, deyishdi menga,
Past ketma, dedim, o'zimga o'zim.

A'zam O'ktam

[Nigora Umarova]

Endi kelmas jahonga sendek buyuk zot,
G'amguzorim, munisim, ey shahsuvorim.
Muxlisingga barchasi endi go'yo yot,
Endi qishga joy berdi fayzli bahorim.

O. sen hayot bo'lsayding, cho'zar eding qo'l,
Botqoqlikdan chiqardim yuksak cho'qqiga.
Raqiblarim lol qolib bo'shatardi yo'l,
Hammasi ham uchrardi qahring o'qiga!

O, sen hayot bo'lsayding, mondi lochin
Qanotingga olarding-ko'rmasdim jabr.
Yozmas edi haqsizlik yovuz qulochin,
Chin so'z uchun qarshimda turmasdi qabr.

Asqar Qosim

[Nigora Umarova]

Ust-boshimga ag'anagan katta tog'lar, alvido!
Men ketarman hasratlanib, ruhi sog'lar, alvido!
Bu dunyoning sho'rishiga navnihollar tebraning,
Esliroq bog'boni yo'q qoldi bog'lar, alvido!
Sayr vaqti bosh egmangiz go'r ustimga jarrohdek,
Yuragimni yorgan bilan unda dog'lar, alvido!
Siz kelguncha peshrov qilib ikki yuzlik umrini,
Jigarimni cho'qib ketdi qora zog'lar , alvido!
Ey, shoira, yorug' kunlar hayotingda oz ekan,
To o'lguncha unutmaymiz, g'amli chog'lar, ALVIDO!!!!....

Asqar Qosim

[Bobir Samadov]

Соқий каби пиёлани тўлдириб қуйса,
Хиёнатни жуда ҳам орзиқиб кутса,
Аёлинга суқланиб қараса дўстинг,
Ўйлаб кўрчи, у душманми-дўстинг...

[albatros]

KUZ

Kunduz. Osmon yuzin burkadi bulut,
Go‘yo chiroq yongach, tushirildi parda.
Ko‘cha tuprogidan ko‘tarar quyun,
Shamol tabiatga qilgandek zarda.

Terak uchlariga qo‘nmoqchi bo‘lib,
Osmonu falakda qushlar chiyillar.
Yo‘lidan chalg‘itib, shoxlarni silkib,
Oltin yaproqlarin to‘zg‘itar yellar.

Yomg‘ir shivaladi, bir to‘p bolalar,
«Uy-uyiga», deya tarqalib ketdi.
Tolzorlarni kezgan ko‘m-ko‘k anhorning
Yomg‘ir qamchisidan qabardi beti.

Ko‘priklarga boqib kutgan do‘stlarim
Shunda yetib keldi ko‘p qilmay mushtoq.
Samovar navosi, tarnov sharrosi,
Ulfatlar bazmiga aytilgan mashshoq.

Shukrullo

[gofurov]

Ўғил-қизда беш-ўнта бола
Бобо-буви бўлдик, минг шукр.
Ўн беш кунда бир келишмаса
Кўзимиздан ўтади бир-бир.

Юрагимиз “оқиб” кетади,
Бир кўриниш бермаса улар,
Соғинганда тонгдан шомгача
Ўшаларнинг сухбати бўлар:

“Каттасини қара, ақлли,
Кичигини тиллари бийрон,
Ўғилчаси сакраб чарчамас,
Қизалоғи асал қақажон.

-Қўнғироқ қил, - дейдилар чолим,
Гилосимиз пишди келишсин.
Ўраб қўйдим икки шохини,
Қўли билан узиб ейишсин.

Туришсаку тез-тез жўнатиб,
Жа, қаттиқда, қудаларинг ҳам,
Набиралар бизгаям ширин
Соғинаркан кўрмаса одам.

Ва нихоят, кириб келишди,
Бола билан тўлди ховлимиз.
Мушук қочиб чиқволди томга
Зумда бозор бўлди ховлимиз.

Чолим деди: “Болаларимни
Келганларин байрам қиламиз,
Бир куркамни босдим қозонга
Еганларин байрам қиламиз”.

Набиралар бошлашиб байрам,
Ховлини чайишди бир пастда,
Чилобчинни отлиб томга
Сопсиз қолди шўрлик обдаста.

Гилосларнинг шохлари синди,
Пайхон бўлди гулмиди, лола.
Бир шўхлиги ўнта бўларкан,
Бир-бирига қўшилса бола.

“Хой-хой”ингга қарамай юрар,
Бири томда, бири дарахтда.
Байрамни ҳам унутиб чолим,
Хайратидан бўп қолди “тахта”.

Бир бобони олти набира
Суробини қўйди тўғрилаб,
Чолим деди: “Зап ҳам буларга
Қудаларинг яшаркан чидаб.

Бирисини қўли шилинган,
Битталари йиртган кўйлагин,
Бўлди, энди байрам тугади,
Қачон кетишаркан, сўрагин.

Бошим оғриб қолдику менинг
Эшигимни ёпиб қўй зичроқ,
Берадиганингни бергину
Уйларига жўнатвор тезроқ”.

-Вой, ўзингиз чақирдингиз-ку
“Соғиндим”, деб қўймай холига.
-Товба қилдим, энди уч-тўрт ой
Келмай туришса хам майлига.

Кечга яқин кетишди қизлар
Мен ҳам чарчаб, бир бўлди холим,
“Тинчлик қандай бахт!” – дея секин,
Уйдан чиқиб келдилар чолим.

-Бир соатга зўрға ярадим,
Вой-вой, бир-ку ховли-хонаси
Асли, ўша қудаларингга
Орден бериш керак, онаси.

Ва кулдилар: Жонлар роҳатга
Етишганин байрам қиламиз,
Кел онаси, чой дамла битта,
Кетишганин байрам қиламиз.

Мархабо Каримова

[Masud Mahsudov]

ФАРИШТАЛИ...

Чолу кампир
шошилмай салкам
бир асрни ҳам яшаб қўйишди.
Кунжарага, зоғора, патир,
томошага роса тўйишди.
Кампирини эшитмайди чол,
эшитмайди чолни кампири.
Бир-бирига суяниб қолган,
бири кетса,
йиқилар бири.
Лек кўзлари ҳамон кулади,
юзларида айланар зиё.
Бузилади дунё тасвири
чолу кампир бўлмаса гўё.
Ҳар нарсага қодир табиат
асрамагин бундай қаришдан!
Иккисининг кифтидан кетмас,
саксон йилдир
икки фаришта.

(c) Шавкат Раҳмон

[bekww]

***

Эй тан, бас айла ғамни, қиш ўтса баҳор бўлур,
Саҳро юзи бинафша билан лолазор бўлур.

Булбул чаманда нола қилур бесабаб эмас,
Гул очилганча қанча тиконға дучор ўлур.

Хар кимсаники ҳулқи хуш, толеи хуш эрса
Хар жойда хар маконда унга эътибор ўлур.

Роҳат-машаққат остингдадур ақл эрур гувоҳ,
Олтин-кумуш ҳам ўтга тушуб беғубор ўлур.

Афсусларки қолмади на ёру, на рафиқ
Деб қабзиятдан Оразий девонавор ўлур.

[Nigora Umarova]

Оффтоп:

Eng yaxshi ko'rgan g'azalim

Qo'ydi ham ko'ksim aro yuz ming jafolarni firoq,
Ajratib bizdin yana ko'p oshnolarni firoq.

Vo darig'o, hasrato, ketti hamma ahboblar,
Ham judo etti yana xesh aqrabolarni firoq.

Lof urub: "Olam manim mulkum!" degan shahlar qani?!
Qo'ymagay oxir, biling, shohu gadolarni firoq.

Dardiga topmay davo, ketti Falotundek hakim,
Oldi yer qo'yniga ko'p aqli rasolarni firoq.

Ahmadi muxtor ketdilar jahondin, do'stlar,
Yuz yigirma ming ham anbiyolarni firoq.

Shoh bo'l, xohi gado, dunyo vafo qilmas sanga,
Barchamizni qo'ymagay ham rahnamolarni firoq.

Ey yoronlar, bilsangiz, dunyo erur ko'hna rabot,
Xotun-erkak, qo'ymagay ham yosh balolarni firoq.

Xonaqoda o'lturib zikr aylagan shayxlar qani?!
Jonini oldi, biling, ko'p avliyolarni firoq.

Naqdi umrungni dilingga olguncha toatda bo'l,
Ey Haziniy, aytasan zikru sanolarni, firoq.

Оффтоп:

"Balolar"ni so'zi "go'dak-bola" ma'nosida kelgan