Bahru-bayt

[Alisher Asror]

Сообщение от Nigora Umarova

Bizning vazifamiz ko'nikmoq beun,
Bizning vazifamiz unutmoq faqat.

Toqat keldi uyimga oxir…
Bezovtalik yillarin tashlab,
Qo’y, chida, - der, aldashga mohir…
Qo’y, chida, - der, ko’zimni yoshlab.

Oyoqlarim, qadamim og’ir,
Sher zanjiri kishanlaganday,
Yuragimda begona sabr,
G’alabasin nishonlaganday.

Baland parvoz orzusi qoldi,
Osmonlarga ko`zim tushar kam,
Tiriklikning da’vosi soldi,
Mijjalarga xalqa-xalqa nam.

Dil uyini bosganday sukut…
(Yo men uni tinglamay qo`ydim,)
Deyishadi: shoshilmagin, kut,
Ufff…, to`g`risi shu gapdan to`ydim.


Toqat tashlab langar siljimas,
Ko’z yoshimning daryolaridan.


(C)

[Nigora Umarova]

Сообщение от Alisher Asror

Toqat tashlab langar siljimas,
Ko’z yoshimning daryolaridan.
(C)

Necha bu falak solg'usi g'urbatqa meni,
Har lahza tugangusiz mashaqqatsiz meni,
Ne chora qilay, netayki, tengri go'yo,
Mehnatni manga yor ettti, mehnatga meni.

Zahiriddin Muhammad Bobur

Оффтоп:

"Mehnat" so'zining ikkinchi ma'nosi "azob"ni bildiradi.

[Alisher Asror]

Илкингдан мактуб келди, ишққа иштиёқ тегди,
Ҳаста, зада юракка мисоли гиёҳ тегди,
Муҳаббатингла парвоз айлаб осмон - фалакка,
Сўнг ҳажрингда куйганда, достонга сиёҳ тегди.


(C)

[albatros]

Сообщение от Alisher Asror

Сўнг ҳажрингда куйганда, достонга сиёҳ тегди.

Ism boshqa xolos, jismu jon bitta,
Bir-biriga zimdan qarashar ekan,
Ba’zisida yurak, oshqozon bitta,
Shular ham goh ovqat talashar ekan.

Iqbol Mirzo

[Nigora Umarova]

Сообщение от albatros

Shular ham goh ovqat talashar ekan.

Iqbol Mirzo

Ниҳоний урса тун-кун юз туман печ,
Агар номуси борди борчаси ҳеч.
Бағоят мушкул иш эрмиш, бағоят,
Ки ошиқ мангу ном этгай риоят.
Учурса оҳи етти кўк ниқобин,
Юзин очмагай бурқаъ ҳижобин.
Демон мендин сенинг дардинг эрур кам,
Сенинг ҳам кўптурур дардинг, менинг ҳам.
Вале юз мунча дарди тоза бирла,
Ғами андуҳи андоза бирла...

Алишер Навоийнинг "Фарҳод ва Ширин" достонидан, Ширин мактуби

[albatros]

Сообщение от Nigora Umarova

Ғами андуҳи андоза бирла...

Avval: «Kel-ey, quchog‘imga to‘l, balq», dedilar,
Unamading, ayol o‘zi ters «xalq», dedilar,
Icholmagach yuz o‘girib, sho‘r, talx, dedilar,
Sen baribir muqaddassan,
Muqaddas Ayol!

Halima Xudoyberdieva

[Nigora Umarova]

Сообщение от albatros

Muqaddas Ayol!

Halima Xudoyberdieva

...Lov-lov yongan gulxan emas, tanim bo'ldi,
Yerlar bilan bitta shavqim, sha'nim bo'ldi.
Poymollar-ku, xazonlar-ku manim bo'ldi,
Osmonlarga tenglariga tushunmadim.

Qurtlar hali ko'pdir, elni kemirarlar,
Yemirarlar, ildizidan yemirarlar.
Taxtga yaqin borarlarmu, semirarlar,
Bo'ylariga, enlariga tushunmadim.

Yog'iy shunday, qayga borsa zo'rlab borar,
Qaram xalqni gunglab borar, ko'rlab borar,
O'zbek qizin borgan sari o'rlab borar,
Etaklari, yenglariga tushunmadim.

Fasli xazon... nechun bu bog' gulgun, chaman,
Yuz o'q otar, bir nishonni urmas kamon,
Dunyosiga tushunmasdan o'tmoqdaman,
Dunyosida shu gap - tushunganim bo'ldi.

Halima Xudoyberdiyeva

[Masud Mahsudov]

...Ичингиз хижиллик тортмасин,
Рашк юкин эгнига ортмасин.
Ва узоқ тикилиб кўзимга,
Инонмай айтажак сўзимга,
Ранжиманг.
Кўрмайин чашмингиз ёшини,
Майдаланг хавотир тошини,
Зулматга ботмасин дилингиз,
Нигоҳлар сотмасин дилингиз,
Ўртанманг,
Ўксинманг, ёрижон,
Талпинар бир дил Сиз сори жон,
Истара, чиройга бойимсиз,
Кўкда ўн беш кунлик ойимсиз
Ранжиманг
Сиз менга жудаям кераксиз,
Кўксимни бутловчи юраксиз,
Ўтиниб худодан сўраган
Тилагим – Сиз ўша малаксиз,
Ранжиманг,
Илтимос, ранжиманг...

(с)

[Nigora Umarova]

Сообщение от Masud Mahsudov

.
Илтимос, ранжиманг...

(с)

Guldan ko'nlim qolg'onini men mohga aytdim,
Vazirlarning yolg'onini podshohga aytdim,
Kungay yoqqa qiyshanglab o'sgan butoqni
Yo'lni egri olg'onini men shoxga aytdim.

Tongga aytdim, qorong'ulik, tun o'rlaganda,
Toqqa aytdim bog' bir-birin sensiraganda,
Zebunniso ilonlardan sut so'raganday,
Ajdahodan shikoyatim timsohga aytdim...

Halima Xudoyberdiyeva

[Sherzod Nortojiev]

Сообщение от Nigora Umarova

Ajdahodan shikoyatim timsohga aytdim

Men ham yigit dedim, men ham mard dedim,
Yuragim, ko’zingni darrov art, dedim.
Bizning qadrimizga yetmadi bu qiz,
Shaharga ketamiz, endi hayt, dedim.

Hali izlab borar ortimizdan u,
Shaharda tentirab ovora bo’lsin.
Kim ko’zga ilardi, qishloqi qizni,
Undan-da go’zallar borligin bilsin.

Qirq yonda qirq pari ikkovimizni,
Qo’ltiqlab yurganin yig’lab kuzatsin.
Jahldor otasi uni bizgamas,
O’zidek to’pori erga uzatsin...