Кун мавзуси

[barlos]

Мадҳиямиз соғинди Лондон…

Рутубатли ҳаво ёқмади бизга,
Тўйиб ўсганмиз-да, қуёшга обдон.
Иложим йўқ баҳона тўқишдан ўзга,
Мадҳиямиз ахир соғинди Лондон...

Футболдан безиган, футболдан тўйган,
Ўзбек мухлисида яна бир ташвиш.
Наҳот, давомчисин йўқотиб қўйган
Муҳаммадқодирлар бошлаб кетган иш?!

Хитой, қозоқ кўксида медаллар тўла,
Ўзбеклар боши хам, қуйи солинган.
Суриштирсанг ўша олтинлар, жўра,
Асли бизнинг тупроқдан қазиб олинган.

Юрт номидан чиққан бунга қарагин,
Саралашдан қолиб, юрибди аранг,
Курашларда ўсган йигит курагин,
Бугун ерга босса қандайдир фаранг?!

Шижоат туйғуси оққан қонлардан,
Ножоиз моддалар топилиб турса...
“Ўзбекистон” деган жарангдор бир ном,
Охиридан бошлаб биринчи юрса...

Етар энди, Вадим, эшкакни эшгин!
Муштингдан бинолар титрасин, Аббос!
Элшод, рақибингни силтаб ур кескин,
Майдонда ўзинг тут ғолибларга хос!

Кўз тикиб турибди бутун бир миллат,
Олдингга ҳеч қандай шарт қўймайди эл.
Қандай қатнашсанг ҳам, қатнашгин, фақат -
Лондондан бошингни тик кўтариб кел!

Forward777

[barlos]

200-сонли хабаримиз Лондондаги Олимпиячиларимизга бағишланди... Менимча, кун мавзусига арзийди!

Оффтоп:

Ўзбек халқи(миз) сабр-тоқатли халқ, шубҳасиз. Лекин, сабрнинг ҳам чегараси бор. Сабр таги сариқ олтин бўлса, ё насиб олтин медалларни олиш вақти келди, назаримда

[Nigora Umarova]

Буюк Тутун сари...
(Лондон олимпиадасига)

Юрагимдан кўчдинг, вулқон туйғулар
Азмидан руҳимни тутоласанми?
Аллалаб, йўлланма берса уйқулар
Буюк Тутун сари кетоласанми?
Минг йиллик Қуббаси бизга интизор,
Тегизиб ўтса, дер қанотларини.
Меҳримиз ҳар ённи этиб ихтиёр
Нурлатса милёнлар ҳаётларини.
Киприк қоқмай боқса Лондон Қароғи,
Мезбондай бағрини очса Альберт Ҳолл.
Чекинурми озроқ қутлуғ азобинг,
Бирпас бўлурмисан масруру хушҳол?
Эби кўчасида ёнур чироқлар
Ёзги Ўйинларга сени чорласа,
Ифорин таратган гулу гиёҳлар
Пойингга тўшалиб бахтиёрласа.
Қалбинг сирин очсам бўлиб Шерлок Ҳолмс,
Қайта жон берсанг эт-суякларимга,
Абадий қўноққа этибон қиёс
Қайтиб қўнармисан юракларимга?

Аъзам Обидов

[Husen]

Сообщение от barlos

Шижоат туйғуси оққан қонлардан, Ножоиз моддалар топилиб турса...

Модомики, мағлубият аламидан юртимиз спортида жиддий ислоҳотлар бошлангудек бўлса, мен бундай мағлубиятга мингдан минг розиман!

[OmoN]

Бугун Вадим Менков олтин ололмади Адашмасам ё тўртинчи, ё бешинчи бўлиб етиб келди. Шунисигаям шукур...

[Bahrom]

Vadim Menkov 4-da keldi, afsus juda yaxshi imkoniyatga ega edi.
Boks va kurashga umid qilib qolamiz.
Kun emas, hafta, oyning asosiy mavzularidan bo'lib qoldi bu mag'lubiyatlar...

[Husen]

Сообщение от OmoN

Бугун Вадим Менков олтин ололмади

Ўзи финал босқичига зўрға илинганди. Тағин, матбуотимизда финалга чиққани тўғрисида уялмасдан дабдабали тарзда бонг уришди. Камига, бу хабарларга Президентимизнинг ҳам номини қўшишни унутишмади. Президент тушунчасини ҳам қадрлаш керак-ку, ахир!

[Bahrom]

Сообщение от Husen

Ўзи финал босқичига зўрға илинганди. Тағин, матбуотимизда финалга чиққани тўғрисида уялмасдан дабдабали тарзда бонг уришди.

Vadim Menkovga e'tirozingiz o'rnsiz, unda hali yana imkon bor.
Keyin boshqa sportchilarimiz nimani qotirib qo'yishyapti?
Men futbolchilarni yomon ko'rib qoldim aslida, 20 yildan beri final bosqichga chiqamiz deydi, lekin hech baloni eplolmaydi.
O'sha futbolchilarga ketgan mablag'lar boks,kurashga va boshqa yakka kurashlarga qaratilganda natija umuman boshqacha bo'lar edi!
Sportchilar bor "aylanish"ga borib kelishyapti.

[Bahrom]

Kerak bo'lsa boksdan 2 ta, kurashdan(hamma turlaridan) 6 ta oltin olish imkoniyati bor edi, kamida 2 yil oldin jiddiy e'tibor berilganda!

[Bahrom]

EDI degan so'zni ham yomon ko'rib qoldim