Исмлар жилоси

[MAK]

Туғилганлик хақида гувохнома (метрика) даги исм, фамилия ёки отасининг исмидаги "жон" қўшимчасини олиб ташлаш мумкинми? Масалан, Адҳамжонов -> Адҳамов

ФХДЁ бўлимида метрика олишда менинг юқоридаги муаммо бўйича оғзаки сўровимга рад жавоби беришди. Бу қонунийми?

[Tulqin Eshbekov]

Сообщение от MAK

Бу қонунийми?

Сиз у қадар катта муаммо кўтармабсиз. Фамилиядан "жон" қўшимчасини олиб ташлаш ё қўшиш амалдаги қонунларга қанчалик зид ёки мос тушиши ҳақида ҳуқуқшунослар жавоб бергани маъқул.
Бироқ, мени бошқа нарса қийнайди. Бир пайтлар баъзи исм-фамилиялар ҳужжатига қўпол равишда хато ёзилган. Масалан, Тўхтаев - Тахтаев, Пошшоев - Пашшаев, Холтўра - Халтура, Жонузоқ - Джанузак қабилида. Минг афсуски, ҳозир ҳам уларнинг янги авлодларига бувасининг ҳужжатидаги ўша хатоликлар "мерос" бўлиб ўтмоқда. Бундай хатоликларга минбъад чек қўйишнинг вақти келмадимикин, деб ўйлаб қоламан.

[axmedovshuhrat]

Домла ўзи ўзбек исм-шарифларида -ов (-ова), -ев (-ева) каби қўшимчалар қўшилиши табиий деб ўйлайсизми? Бизнинг аждодларимиз ушбу қўшимчалар билан исм-шарифларини чақиришмаган-ку.

[Tulqin Eshbekov]

Сообщение от axmedovshuhrat

Домла ўзи ўзбек исм-шарифларида -ов (-ова), -ев (-ева) каби қўшимчалар қўшилиши табиий деб ўйлайсизми? Бизнинг аждодларимиз ушбу қўшимчалар билан исм-шарифларини чақиришмаган-ку.

Фикрингиз жуда тўғри. Бироқ, муаммоларни бирин-кетин ҳал этиш осонроқ кечади, деган фикрдаман. Аввал ўша "Тахтаев"ларни асл ҳоли - Тўхтаевга келтириб олсак мақсадга мувофиқ бўларди.
Сиз кўтарган жуда катта муаммога келсак, уни кенг жамоатчилик ҳукмига ҳавола этиб, аввал тушунтиришлар бериш, кейин, керак бўлса сўровномалар ўтказиш талаб этилади. Сўнг, бу борада энг одилона йўл танланади.

[Tulqin Eshbekov]

Фуқароларнинг ҳужжатлари билан ишлайдиган масъул идораларнинг мутасаддилари билан бу мавзуда давра суҳбатлари ҳам ўтказиш мақсадга мувофиқдир. Мана, худо хоҳласа, янги паспорт тизимига ўтяпмиз. Шу жараёнда эски паспортлардаги хатоликларга биратўла барҳам бериб кетсак нур устига аъло нур бўлур эди.

[JUS]

Сообщение от Tulqin Eshbekov

Сиз кўтарган жуда катта муаммога келсак, уни кенг жамоатчилик ҳукмига ҳавола этиб, аввал тушунтиришлар бериш, кейин, керак бўлса сўровномалар ўтказиш талаб этилади. Сўнг, бу борада энг одилона йўл танланади.

Жуда катта муаммо денг... Шу даражада катта муаммога айланганми?
Шахсан сиз қандай тавсия берардингиз? Қандай тушунтириш ва сўровнамалар ўтказиш мумкин? Бунга кимнинг вақти бор экан-а?

Сообщение от Tulqin Eshbekov

Фуқароларнинг ҳужжатлари билан ишлайдиган масъул идораларнинг мутасаддилари билан бу мавзуда давра суҳбатлари ҳам ўтказиш мақсадга мувофиқдир.

Давра суҳбатини тасаввур қиляпман...

-"Жасурбек Ўринбоев" ҳолатича қолгани маъқул..
- Йўқ, Жасурбек Ўринбой Солижон ўғли бўлиши керак.
- Эээ, яхшиси Жасурбек Солижон ўғли, Ўринбой набираси қилсак жарангдор бўларкан, а лаббай!!!
- Кечирасиз, ааа Ўринбой акадан олдингиларини исмларини билайсизми, у кишини ҳам киритиб қўярдик...?!

[Tulqin Eshbekov]

Сообщение от JasurBek Urinboev

Жуда катта муаммо денг... Шу даражада катта муаммога айланганми?
Шахсан сиз қандай тавсия берардингиз? Қандай тушунтириш ва сўровнамалар ўтказиш мумкин? Бунга кимнинг вақти бор экан-а?

Давра суҳбатини тасаввур қиляпман...

-"Жасурбек Ўринбоев" ҳолатича қолгани маъқул..
- Йўқ, Жасурбек Ўринбой Солижон ўғли бўлиши керак.
- Эээ, яхшиси Жасурбек Солижон ўғли, Ўринбой набираси қилсак жарангдор бўларкан, а лаббай!!!
- Кечирасиз, ааа Ўринбой акадан олдингиларини исмларини билайсизми, у кишини ҳам киритиб қўярдик...?!

"Ўзбекистон адабиёти ва санъати" газетасини ўқиб борганингизда бу қадар ибтидоий тушунчалар билан кулгимизни қистамаган бўлардингиз.

[axmedovshuhrat]

Сообщение от Tulqin Eshbekov

янги паспорт тизимига ўтяпмиз. Шу жараёнда эски паспортлардаги хатоликларга биратўла барҳам бериб кетсак нур устига аъло нур бўлур эди.

Паспорт олишда камида 10 минг сарфлаган эдим. Орадан яна икки йил ўтар-ўтмас уни алмаштириш бўлса бошимни деворга уриб ёрган бўлардим. Паспортни ҳам янгилашга йўқ деганда 4-5 кун оввора бўлдим. Энди биологик паспортга яна "очирит" кўп бўлганидан "паспортис"када кўпроқ кутар эканмизда. Исм-фамилияга келсак янги паспортда уни ўзгартириш осон бўлмаса керак. Мисол мен Ахмедовни Ахмадовга ўзгартирмоқчи эдим уни қилиш керак, буни тайёрлаш керак деб бошни қотирди, қисқаси "олди-бердиси" бор экан. :-)

[Tulqin Eshbekov]

Сообщение от axmedovshuhrat

Исм-фамилияга келсак янги паспортда уни ўзгартириш осон бўлмаса керак.

Осон жойда ош борми, деган нақл замирида катта маъно бор. Бир қийналасиз, сўнг умрбод ҳузурини кўрасиз. Сиз айтган хатоликни тўғрилаш учун "Давлат тили тўғрисида"ги қонун ва Фуқаролик кодексида тегишли моддалар мавжуд.

[Tulqin Eshbekov]

Биттаси газета ўқимасдан гапиргани кулгили бўлса, иккинчиси кўр-кўрона "-" қўйгани ундан ҳам аянчлидир. Эҳ, бу саводсизлик ботқоғига бунчалик ботмаса булар...