Dildagi satrlar

[Nigora Umarova]

Ишқ бор эди...
Туннинг деразаларин
Бир ҳовуч дардимда поклаганимда.
Ишқ бор эди,
Ҳижрон изтиробида –
Қоронғу зулматни оқлаганимда.
Ишқ бор эди,
барглар хиргойисига,
Шамол излаганда илоҳий оҳанг
Ва саҳарнинг шаффоф бармоқларидан-
Тўкилиб кетганда нур қалқиган ранг.
Ишқ бор эди,
Сувлар табассумини-
Кулгичига солиб қўйганда қуёш
Капалак бир маъюс бўсаси билан-
Вақтнинг хиёнатин этганида фош.
Ишқ бор эди,
Олисдами ё яқин-
Қайдадир бир кимса яшарди мен деб.
У кимса жонига ёдимни гулдек-
Ўтқазиб куйларди қадим андалиб.
Жунун шавқи жоним
Телба этган чоғ...
Ўзимнинг ўзига тўлмаган эдим.
Ишқ бор эди,
Севдим мажнундан кўпроқ.
Мен ҳали...
Мен ҳали ўлмаган эдим...

Ҳалима Аҳмедова

[Gulchehra Ibragimova]

Yunus Emro

KEL KO`R MANI ISHQ NAYLADI

Man yururman yona-yona,
Ishq bo`yadi mani qona,
Na oqilman, na devona,
Kel, ko`r, mani ishq nayladi.

Goh esarman yellar kabi,
Goh to`zarman yerlar kabi,
Goh oqarman sellar kabi,
Kel, ko`r, mani ishq nayladi.

Oqar suvlardek oqarman,
Dardli yuragim yoqarman.
Yorimni o`ylab yig`larman,
Kel, ko`r, mani ishq nayladi.

Yo qo`lim ol qoldir mani
Yo vaslingga qondir mani
Ko`p yig`latding, kuldir mani
Kel, ko`r mani ishq nayladi.

Man yururman eldan elga,
Do`st so`rarman tildan tilga.
G`urbatda holim kim bilar,
Kel, ko`r, mani ishq nayladi.

Majnun bo`lubon yururman,
U yorni tushda ko`rurman.
Uyg`onib malul bo`lurman,
Kel, ko`r, mani ishq nayladi.

Rangim sariq, ko`zlarim yosh,
Bag`rim pora, jigarim tosh.
Holim bilgan dardli qardosh,
Kel, ko`r, mani ishq nayladi.

Ishqing mani mast ayladi,
Oldi ko`nglum, xast ayladi.
O`ldirmakka qasd ayladi,
Kel, ko`r, mani ishq nayladi.

Miskin Yunus bechoraman,
Boshdin oyog`i yoraman,
Do`st ko`yida ovoraman,
Kel, ko`r, mani ishq nayladi.

Davronbek Tojialiyev tarjimasi

[Pfefferminze]

Dunyoda mayda insonlar, mayda ishlar bilan mayda gaplar bilan band bo'lishadi...buyuk insonlar katta qadam tashlaydilar, katta ishlar bilan band bo'lishadi...ming afsus, oramizda maydalshib ketgan mayda insonlar ko'p...qachon bu xunuk illatdan qutilasiz, do'stlarim?!

Ba'zida inson ich-ichidan hayqirib yuboradi insonlarning tor dunoyoqarashuyu, kichik qarich bilan o'lchashiga..Ey, voh deb yuborasan, nahotki, dunoyda arzigulik qiladigan ish yo'qday, nahotki kunimiz mayda qadam bosadigan insonlarga qoldi...vaqti kelmadimikin olg'a katta qadam qo'ygani.?!..lekin, ko'pchilik afsuski o'ziga nisbatan qitmir bo'lib qolgan...lutfu-karamli insonlarning Yer yuzida borligi vaqti kelib afsonaga aylanib qolsa kerak deb ba'zan hayol qilaman......

R

[bekww]

***

Катта орзу билан туғилар инсон,
Ҳаёт уни бошлар каттакон йўлга.
Майда гаплар билан ўралашган жон,
Сўппайиб қоларкан кимсасиз чўлда.

Катта, олис йўлга чиққан одамга
Чўт эмас йўлдаги кераксиз тошлар.
Ғашига тегса гар қоқилган дамда
Олиб улоқтирар, ё суриб ташлар.

Катта орзуларга ошно элимнинг
Қўлидан ушладим йўл бошидаёқ,
Унинг қўшиғига солиб дилимни
Унинг ҳоҳишини билдим зўр маёқ.

Ҳабиб Саъдулла

[Nigora Umarova]

Ramazon-mashaqqat, sinovlar oyi,
O'ttiz qorong'u kun, o'ttiz yorug' tun.
Tonglar nasib etdi toza havo-yu
Bulbulning ovozin saharlik uchun.
Achchiq so'z chiqmaydir-yopiqdir og'zim,
Birovga qadalib tikilmam tamom.
Ko'ngil to'q, ruh yengil,
Xushbaxtman o'zim-
Gul isin iftorlik uchun berdi shom.

A'zam O'ktam

[Gulchehra Ibragimova]

ҚЎШИҚ
Олисдаги маҳмадана, эй эски олчоқ,
Менга қадам ташламоқни ўргатмагин сен!
Ўзингга боқ, кейин, майли, ноғорангни қоқ,
Менга қандай яшамоқни ўргатмагин сен!
Тинчлик дея юрак бағри куйик элдир бу,
Яратганнинг қошида энг суюк элдир бу,
Ўтмиши ҳам, эртаси ҳам буюк элдир бу,
Менга қандай яшамоқни ўргатмагин сен!
Дала – даштлар ўз-ўзидан Эрам бўлмагай,
Лекин сендан беминнат бир карам бўлмагай,
Ўзбек эли ҳеч кимсага қарам бўлмагай,
Менга қандай яшамоқни ўргатмагин сен!
Китобингда даҳоларим сўзлари бордир,
Деворингда боболарим излари бордир,
Мағрур элнинг эту тирноқ дўстлари бордир,
Менга қандай яшамоқни ўргатмагин сен!
Ялтираган ҳамма нарса эмас тилла, ҳей,
Ҳайфдир сенга Нақшбанддан қолган салла, ҳей,
Эй худони танимаган чаламулла, ҳей,
Менга қандай яшамоқни ўргатмагин сен!
Хали баланд довонларга от қўядирман,
Керак бўлса осмонларга от қўядирман,
Лоқайдлигу нодонликка ўт қўядирман,
Менга қандай яшамоқни ўргатмагин сен!
Агар жаннат кўкда бўлса,
остидадир Ўзбекистон,
Агар жаннат ерда бўлса,
устидадир Ўзбекистон!

Иқбол Мирзо

[Masud Mahsudov]

Qadamlar, sharpasiz og’ir qadamlar,
Ko’zlar pardasiga qalqqan achchiq yosh.
Ens so’nggi safarga kimni uzatar,
Hamkasbmi, qo’shnimi yoki qarindosh?
Gullar husni shuncha sovuqmi asli,
Visol damidagi ko’rki qayerda?
Bugun tabiatning qanaqa fasli,
Hech kim payqamaydi, ko’zlari yerda.
Mayliga, ranglar ham o’chsin bir nafas,
Mayliga, oftob ham berkinsin bir dam.
Mayliga, bir zum yo’qolsin havas,
Mayliga, zil yukday tuyulsin qadam,
Axir oramizda ketmoqda odam!
Motam sukutidan yurak qiynoqda,
Yurak qiynoqdaki, bermagunday tob.
Ammo, men istardim, yurak shu topda
O’z-o’ziga shunday berolsa hisob:
Dardin eshitdingmi tirikligida?
Biron shodlik kuni gul tutganmiding?
Yoki o’sha kunni unutganmiding?
Qadriga yetdingmi tirikligida?
Shu so’roqqa tutsa ko’nglimiz bizni,
Balki o’lim yana ketardi yiroq.
Odamlar! Qadrlang bir-biringizni,
Gul ham, muhabbat ham tirikka kerak.

(c) Saida Zununova

[bekww]

Ёмонлик тарбият қилма, жафоларни солур бир кун,
Гар итни тарбият қилсанг сени ёнинг олур бир кун.

Улуғ олий насабдан улфатим деб айтма сирингни,
Ҳусумат бирла у ногоҳ оёғингдан чалар бир кун.

Ажойиб меҳрибонлар топилур бегона жойлардан,
Туғишган баъзилар бегонадек четда қолур бир кун.

Пули йўқ камбағалдур деб йироқлашган биродарлар
Қачон бахтинг юришса ўз-ўзидан ишқалур бир кун.

Ҳаётинг борида келмас хабар олмас қариндошдан,
Сен ўлғон сўнг пушаймону-муҳаббат қўзғалур бир кун.

Тила хар ҳожатинг Ҳақдин, бўлакдан сўрмагин харгиз,
Ишонган дўстларинг қочгай ишинг гар чайқалур бир кун.

Кишининг ҳаққидан қўргил сенга жаннатга йўл бўлмас,
Агар уч йўл шаҳид ўтсанг ўшал ҳам қисталур бир кун.

Тегирмонинг юриб турганда элнинг ҳожатин кўзла,
Билолмассан ариқ сувсиз қолиб ул тўхталур бир кун.

Адоват бирла доғ солган дили оқ бегуноҳларга,
Топиб ҳаққоният ул, доғ ўзинга суркалур бир кун.

Кел энди бўлма кўп мағрур, кўзинг оч, қолма ғафлатда,
Бу ҳирс этганларинг ўтсанг қаерлардан қолур бир кун.

Тааррис бирла тўхталма Салоҳий, қил бу кун ижод,
Топар ўз қийматин шеъринг жўхардек исталур бир кун.

Салоҳий

PS. Ушбу ғазалнинг насрий баёни:
http://fikr.uz/posts/1924.html#comment1916

[Nigora Umarova]

Лайлат-ул-қадр

Гул кўнгилдан кетмамиш тўзим,
Нафснинг минг хил ғавғоси надир?
Ўн икки ой тўрт бўлди кўзим,
Бир йил кутдим Лайлат-ул-қадр!

Қайта янги туғилди олам,
Умримни оқ дуога чайдим,
Эрта сари учдим хаёлан
Ҳар кунимга шукрона айтиб.

Шул фажрда ҳал бўлмиш умрим,
Артилгайдур йўл ғуборини.
Зулжамолдан бир ҳаёт сўрдим,
Кўргум пешонада борини.

Кўргум, учиб бораркан эрким
Жон кўрмаган мовий диёрга,
Айтур: бир кун у ёқдан келдим,
Кетгум яна Парвардигорга!

Аъзам Обид

[Kavsar]

Dedilar: "Dunyoda eng go'zal ne u?"
Bayramdir va yoki ushalgan orzu...
Men uchun dunyoda eng go'zal tuyg'u -
Onalar yuzidan taralgan yog'du...

(c)