Bahru-bayt

[Mahmud Jurat]

Сообщение от Gulchehra Ibragimova

Sen ham mendek dunyodan bezormisan?

***
Негадир чайқалиб қулади осмон,
Хаёл оғушидан чиқди бир фарёд,
Тиз чўкиб Тангрига қилди қасамёд,
“Сен айбдор эмассан, эмассан замон.

Узилган лоладай эгилди бошим, -
Лаблар пичирлади сирли бир оят, -
Оллоҳим ато эт сен бир ҳидоят,
Барқ уриб қайтадан чиқсин қуёшим.”

Ҳижронли ошиқнинг бу оҳи эди,
Наҳот азоблари чин барҳам еди,
Энди у висолга қўяди қадам.

Қанийди илтижо қабул бўлсайди,
Яголар ажалсиз шу дам ўлсайди,
Умидвор, умидвор яшайди одам.
(С)

[Alisher Asror]

Мудом қисмат ҳоким,
ҳасрат бор , тун бор,

Висолга жудолиқ
деган якун бор.

Уммон уммон эмас,
кўздан оққан ёш,

Буни идрок этган
жигари хун бор...

(С)

[pipicron]

Сообщение от Alisher Asror

Буни идрок этган
жигари хун бор...

Rostin aytasam...
She'r bo'lgani dard qolmadi.
Men yozmagan biror zarra gard qolmadi.
Endi bahtdan sh'er yozaman deganimda,
O'z bahtini oshkor qilar mard qolmadi.

(C)

[Gulchehra Ibragimova]

Сообщение от pipicron

O'z bahtini oshkor qilar mard qolmadi.

Ista,
Tiz cho`kaman
Hozir oldingda.
Sevdim,
Sevganimdan
Uyalmoq nechun.

Barcha farishtalar
Sening qalbingda
Ijarada turgan
Qizlar men uchun!..

Biz baxtli bo`lamiz
Xudo xohlasa.
Xudo xohlamasa,
Uchrasharmidik?!

M.Y.

[Masud Mahsudov]

Кўнгил бирор ишга қўл чўзай, демас,
Бир он ҳам умидин узгани эмас.
Бошқаларни эмас, ўзгани эмас,
Мен Сизни соғиниб яшавераман...

Қуёш нурларига сингайин, майли,
Майлига хазонга айлансин чаман.
Қорга аралашиб кетса-да танам,
Мен Сизни соғиниб яшавераман...

Юрак уриб-уриб толганида ҳам,
Ё шайтон минг шубҳа солганида ҳам,
Соғинчимдан зарра қолганида ҳам,
Мен Сизни соғиниб яшавераман...

Дард чекай, ғам ютай, азобни кутай,
Ҳаловат аталмиш сўзни унутай.
Васлингизни дея оламдан ўтай,
Мен Сизни соғиниб яшавераман...

Умримиз давронин бирга сургани,
Иқболнинг тоқида шодон юргани,
Чин бахтни бирликда баҳам кўргани,
Мен Сизни соғиниб яшавераман...
(с)

[Gulchehra Ibragimova]

Сообщение от Masud Mahsudov

Мен Сизни соғиниб яшавераман...

Нетай мен ҳам бу кун соғиниб кетдим,
Бу отмас тонглардан оғриниб кетдим,
Сизга етолмадим, қоқилиб кетдим
Мен Сизга етмадим жоним Онам-ов..

Борилмас йўлларнинг баҳонаси кўп,
Остонаси мўлў, хилхонаси кўп
Қалбдаги истакнинг шоҳонаси кўп
Сизга боролмадим жоним Онам-ов..
Сизга етолмадим
онам, Онам-ов
(С)

[pipicron]

Сообщение от Gulchehra Ibragimova

Сизга боролмадим жоним Онам-ов..
Сизга етолмадим
онам, Онам-ов

Voh... Yiqildim.
Bolalikdek tizza shilindi...
Bolalikdek yig'lolmadim,
Yurak tilindi...
Biror kimsa ko'tarmadi,
Yuragim sindi.
Eh Onajon. Endi ham ko'p
Qadring bilindi...

(C)

[Gulchehra Ibragimova]

Сообщение от pipicron

Qadring bilindi...

Иқрорман, мен букун этмайман инкор
Иқболим кулмайин қўйди иқрорман..
Ул ўтган кунларнинг бариси бекор
Мен бугун ўзга бир дарддан беморман..


Ул дард-ки, бағримни ёндирар чўғдек,
Ул ғам-ки, кўксимга ботади ўқдек..
Гоҳида тан бору, руҳим ҳам йўқдек
Онам-ла юрардим шод, кўнглим тўқдек..


Ушбу кун бир дийдор қўмсайди кўнгил,
Ул кўнгил хазондек тўкилган бир гул
Оҳ, энди онам йўқ, эй кўнглим кўнгил
Онасиз нетарман сингин-а, сингил..

..Эй кўнглим меҳрсиз сингин, тўкилгил..

(С)

[Mahmud Jurat]

Сообщение от Gulchehra Ibragimova

..Эй кўнглим меҳрсиз сингин, тўкилгил..

***
Лола ўз ҳуснидан хижолат чекди,
Ҳануз қизил эди унинг яноғи.
Қайрилиб-қайрилиб баҳор ҳам кетди,
Шамолга кўникди унинг яноғи.

Боғларга келди бир чақмоқ гармсел,
Қуёш шижоати ўзгарди эвоҳ.
Лола ўз ҳолига берарди савол,
Атрофда йўқ эди бир азиз гувоҳ.

Бойчечак қор билан ўйнашиб кетди,
Баҳор жилғалари жўр бўлди унга.
Чучмўма бўй чўзиб вояга етди,
Баҳор гўзаллари тўлишди донга.

Лола мавсумидан адашган эди
Елкалаб алдади ҳарсанг қоятош.
Барибир лола шўх, қаламқош эди,
Сўнгги ёмғир бўлиб йиғлади қуёш.
(с)

[Gulchehra Ibragimova]

Сообщение от Mahmud Jurat

Сўнгги ёмғир бўлиб йиғлади қуёш.

Шафақ ҳам қизариб ботди бу кеча
Шундай ҳам қон бўлган бу хун юракка
Таваллолар этма , олмайман кеча
Боғланиб бўлганман менга керакка!

(c)