Bahru-bayt

[Mahmud Jurat]

Сообщение от Gulchehra Ibragimova

Умр эса чексиз ва тенгсиз...

***

Зорланиб дунёни мендан аядинг,
Мени аямадинг дунё дардидан.
Юрагимда кечган ҳар бир ҳаяжон,
Менга хабар ахир дунёвий сирдан.

Сенга сир керакмас, мен керак жоним,
Бу ташвиш сирларни биламан мен ҳам.
Ҳали чиқмас экан танамдан жоним,
Дунёнинг сирлари қалбимга малҳам.

Мени аямагин дунё дардидан,
Қўявер ҳисларим яйрасин ёниб.
Бу бозор дунёнинг ютиб заҳридан,
Юрак малҳами деб ичайин қониб.

Қўй, мени аяма дунё дардидан,
Оҳ-воҳлар аслида ёлғон бир садо.
Биргина жонимдир Оллоҳ маҳридан,
Қолган дардларимга мен ўзим даво.
(С)

[Gulchehra Ibragimova]

Сообщение от Mahmud Jurat

Қолган дардларимга мен ўзим даво.

..Ошиқликда
тароват бор.
Азобида
ҳаловат бор,
Мурувват бор,
шафоат бор,
Кўнглим, сенинг ҳолинг нечук?

..Биларсан-ку,
жон омонат,
Молу дунё,
шон омонат.
Отиб турган
тонг омонат,
Кўнглим, сенинг ҳолинг нечук?

Фарида Афрўз

[pipicron]

Сообщение от Gulchehra Ibragimova

Умр эса чексиз ва тенгсиз...

Оффтоп:

Qoyilman. Juda chiroyli sh'er bilan bahrubaytni izga solib qo'ydingiz. Rahmat!

[Alisher Asror]

Кўнгил саёҳатдан қайтди уйига,
Костюмини ечди, сўнг михга илди,
Туфлисин авайлаб ечиб пойгакка ,
Соғинчи чанг босган хонага кирди.

Оҳ, қанча йўлларни босиб қўйди вақт,
Қанча кучаларга кириб қайтди у ...
Неча шайтон билан ошиқ ўйнашиб,
Сулувлар бағрида қўшиқ айтди у...

(C)

[Gulchehra Ibragimova]

Сообщение от Alisher Asror

Сулувлар бағрида қўшиқ айтди у...

Умрим ўчиб борар мисли бир шаҳам.
Бағримни ўртайди дилимдаги ғам
Сенга юрагимни кўргандим баҳам.
Бугун кечгим келди ҳатто сендан ҳам!

[Mahmud Jurat]

Сообщение от Gulchehra Ibragimova

Бугун кечгим келди ҳатто сендан ҳам!

***
Малаксан ё башар, ё ҳуру ғилмонсан билиб бўлмас,
Бу лутфу, бу назокат бирла сендин айрилиб бўлмас.

Ажаб бераҳм дилбарсан, ажаб шўхи ситамгарсан,
Чароғи ҳусни рўйингдин кўнгулни ҳам узуб бўлмас.

Юзунгни офтобини кўруб ҳайрон бўлиб қолдим,
Фалакка қўл узотиб шамси анварни олиб бўлмас.

Юзинг мисли қизил гулдур, кўнгил чун булбули шайдо,
Бу гулни ишқидин, булбул, чамандин айрилиб бўлмас.

Кел, эй Машраб, агар ошиқ бўлусан - бўлмағил ғофил,
Бу ғафлат уйқусидин, эй ёронлар, уйғониб бўлмас.

Машраб

[Masud Mahsudov]

Сени ётлар тугул ҳатто —
Қилурман рашк ўзимдан ҳам,
Узокрок термулиб колсам
Бўлурман ғаш кўзимдан ҳам.

Кўзим ёнгай сенга наргис —
Кўзин тикса чаманларда,
Яширмам, лолага рашким
Аён бўлгай юзимдан ҳам.

Дегайларки, чаросу
Ол гилос олмиш лабингдан ранг,
Лабинг тегса ҳасад қилгум
Гилос бирлан узумдан ҳам.

Сени жоним дедим ёлғиз,
Сени қалбим дедим танҳо,
Чимирдинг кош, пушаймонман
Кўпол айтган сўзимдан ҳам.

Висол онида кўз очса,
Не тонг, тонгдан кўнгилда ранж,
Жудо килгай мени ой юз,
Хумор кўз юлдузимдан ҳам.

Сенга ўн тўртда боғландим,
Ҳануз эркин бўлолмас дил,
Ўзим доғман, ақл кирмас,
Тўзимсиз ўттизимдан ҳам.

(с) Эркин Воҳидов

[pipicron]

Сообщение от Masud Mahsudov

Тўзимсиз ўттизимдан ҳам.

Мажнун дерлар муҳаббатни куйлаганни,
Ошиқ демас хижронларда куймаганни,
Хаттo ажал четлаб ўтар суймаганни,
Куйлаб, куйлаб ўлди меҳрим, сен келмадинг.

(C)

[Gulchehra Ibragimova]

Сообщение от pipicron

Куйлаб, куйлаб ўлди меҳрим, сен келмадинг.

Garchi o’rtamizda sog’inchu hijron,
Garchi visol yo’li vayrondir, vayron,
Ammo azobingiz ko’ksimda har on –
Muqaddas olovday qoldi, yorijon,
Shukurkim, siz bilan yondim, yorijon.

Yashardim o’zimga muz kabi boqib,
Ishq keldi, jo’nadim, daryoday oqib,
Menga habib bo’ldi hatto shum raqib –
Ko’rib – to’lqin-to’lqin qonim, yorijon,
Siz mening jonimsiz, jonim, yorijon.

Hech qachon demasman boshni yo’qotdim,
Eridim, vujuddan toshni yo’qotdim.
Yillarni yo’qotdim – yoshni yo’qotdim,
Mendan ayro tushdi yolg’on, yorijon,
Shundanmi tillarim ravon, yorijon.

Nodon der „Sen borni yo’qqa almashding,
Quyoshni bir g’arib cho’qqa almashding...“
Kulaman: “Xalqobni ko’kka almashdim...“
Endi yurar yo’lim falak, yorijon,
Qanotga aylandi yurak, yorijon!

Usmon Azim

[Mahmud Jurat]

Сообщение от Gulchehra Ibragimova

Qanotga aylandi yurak, yorijon!

***
Нақадар оғирдир яшамоқ, севмоқ,
Жигар қонинг билан ҳис этиб жонни.
Қийинроқ ҳаётда асли севилмоқ,
Дилингда бор бўлса сезиб иймонни.
(С)