Ҳикматли сўзлар

[Биллур]

Ишни роса ёғлигини топиб олгансан-да, Капгир, - деди Оташкурак. - Қачон қарама гўшту ёғ ичидасан.
- Умуман, гапинг тўғри, - деди Капгир. - Лекин сен ҳам қайнаб турган ёққа бир кириб чиқ-чи, холинг не кечаркин?..

[barlos]

Дунёнинг қийинчиликлари 4 та:
ғурбатда касаллик;
қариликда ёлғизлик;
ҳеч нарсаси бўлмаганда қарздорлик;
сафарда узоқ йўл;

(Ибн Микаффа)

[Биллур]

Баъзан шунақанги бўшашган, қовушмаган оддий фуқарога дуч келасанки, жонинг хиқилдоғингга келади. Мисоли йўнилмаган таёқ. Ундан қандай қилиб назокатни кутиш мумкин.
Й.В.Гёте.

[Tulqin Eshbekov]

Ўз қадрини билмаган ўзгалар қадрини билмайди.

[Биллур]

- Кел, биродари азиз, анчадан бери кўришмадик, бир қучоқлашайлик!..-деди Илон Қуёнга.
Қуён унинг қучоғидан қайтиб чиқмади.

[bekww]

“Юз миллат китобин ўқиса ҳам омидур, одамийлик китобин ўқимаса ҳар киши ”,
Мавлоно Абу Баракот Қодирий.

[Tulqin Eshbekov]

Осмонга туфлама, юзингга тушади...

(Халқ мақоли)

[Биллур]

Агар дилингга бирор шубхали иш тушса уни тарк эт.

[Tulqin Eshbekov]

Ўзгани хафа қилиш эвазига ҳеч ким хурсанд бўла олмайди.
(Вақтинча хурсанд бўлса-да у узоққа чўзилмайди).

[Биллур]

Кўппак бўлар-бўлмасга акиллаб, тишламоқчи бўлиб хезланарди. У сира муросага келадиган эмас эди.
Ўткинчи ноилож қўлига тош олди.