Oqibat

[Shokir Dolimov]

Сообщение от Tulqin Eshbekov

Айтинг-чи, сизнингча ҳаётда оқибатли инсонлар кўпми ё беоқибатлар?

Мен масалага фақат оқ-қора тус берган тарзда ёндашмаган бўлар эдим, устоз. Айтмоқчиман-ки, киши бошқа бир кишига ўз оқибатсизлигини намоён этган бўлса, у, ушбу ёруғ дунёга оқибатсиз табиат-ла келиб, шу ҳолатда нариги дунёга ўтиб кетишини англатмайди. Эҳтимол у, учинчи бир кишига шундай бир оқибат кўрсатгандир-ки, таърифлашга сўз ожиз.

[fayzullajohn]

Oqibat so'zining boshqa ma'nosi haqida ham fikrlashish maqsadga muvofiq bo'ladi deb o'ylayman.

biror amal yoki harakatning oxirgi natijasi ham oqibat deyiladi. "biror amalning oqibatida shunday holat yuzaga keldi..." yoki "oqibatda,...bo'ldi" kabi iboralarni ko'p ishlatamiz.

shu jihatdan yondashadigan bo'lsak:

"Oqibat" deb ishlatadigan tushunchamizni tarbiya va ilmning amaliy namoyon bo'lishi deb bilaman. Masalan, ota-onalarimiz bizga salom berishni, kattalarga hurmatda, kichiklarga izzatda bo'lishni o'rgatishgan. Biz olgan tarbiyamizni amalga oshiramiz. shu narsa oqibat hisoblanadi. Hozirgi kunda aksar "katta"larimiz moddiy ehtiyojni qondirishga urg'u berib, ma'naviy kamolotni, ilmni ikkinchi darajaga tushirib qo'yganlar. Shu sababli ham tarbiyasiz-oqibatsizlar ko'payib ketmoqda!

Oqibatsizlikning kuchayib ketishiga yana bir omil: oramizda "Suyunchi" tragediyasidagi "Anzirat buvi" larning yo'qolib ketishi deb bilaman. butun mahallani, qishloqni "ushlab turish" tugul o'z oilasini eplay olmayotganlar qancha.

[Tulqin Eshbekov]

Устоз журналистлардан бири Раҳматилла Шералиев билан кеча ҳамсуҳбат бўлиб қолдим. "60 ёшни ҳар ким ҳар хил қарши оларкан,- деди у киши.- Шу ёшгача кимгадир беминнат яхшилик қила олибдими, шунга яраша насибасини оляптими, оқибат деганлари шу менимча. Қайси вилоятга хизматсафарга борсам, албатта собиқ курсдошларимни топишга ҳаракат қиламан ва албатта "шу ёшгача қандай муваффақиятларга эришдинг?" деб сўрайман. Ўзгаларнинг ютуқларидан қувониб яшаш ҳам оқибатли инсонга хос фазилат деб биламан!"
Олтмишвой отахонларнинг бу қуйма фикрлари ёшларга ибрат, деган фикрдаман.

[мафтун]

Халқимизнинг меҳмондўстлик фазилати ҳақида ҳар қанча гапирсак, оз. Оддий мисол: юртимизда меҳмонхонаси бўлмаган хонадон топилмаса керак. Бирор оилага меҳмон келса, энг янги кўрпача тўшалади, энг сара идишларда таомлар тортилади. Меҳмон келса эшикдан, ризқи келар тешикдан деган нақл ҳам қон-қонимизга сингиб кетган. Уч-тўрт йиллар нари хизмат сафари билан Қашқадарёга бордим. Ишларни тугатгач, кечки пайт курсдош дўстимни йўқладим. Уйига олиб бориб меҳмон қилди. Кейин меҳмонхонага борай деб изн сўрасам, отаси кўнмай: Бизни уятга қўйманг, болам, меҳмонхонада нима бор, шу ерда турасиз, деди. Кундузи иш билан юрамиз, кечки пайтга бориб курсдошимнинг қўшнилари, жўралари ҳақ бераман, деб талашади. Дўстимдан сўрадим: Нимага меҳмон қиламан эмас, ҳақ бераман, дейсизлар? -Чунки зиёфат қилиш бизга бурч, меҳмон бўлиш Сизнинг ҳаққингиз, шу боис меҳмоннинг ҳаққини бериш керак деган фикрдан келиб чиққан бу гап. Икки-уч кунда зерикиб, «ҳақ берди»ни тўхтатайлик, десам, курсдошим: Тўғри тушунинг, бормасангиз, булар мендан ранжийди, деди. Қаранг, қанақа одатларимиз бор. Қўшнисининг уйига келган меҳмонни сийлай олмаса, хафа бўладиган миллатмиз биз. Бундай фазилатни олийжаноблик дейсизми, тантиликми, фарқи йўқ, ростиси таърифлаш, тушунтириш осонмас. Мана шуни Ўзбекчилик десак ва бундан ҳар қанча фахрлансак арзийди.

[Tulqin Eshbekov]

Сообщение от мафтун

Бундай фазилатни олийжаноблик дейсизми

Оқибат тушунчасининг олтин қирралари шу бўлса керак!

[Tulqin Eshbekov]

Шогирдларнинг оқибатини бугунги байрамда билдиришаётган қалб сўзларидан ҳам билсак бўлади. Бугунги шогирдлар - эртага устозлик мақомида юришларига тилакдошман. Илоҳим, байрам барчамизга муборак бўлсин!

[Hero]

Kecha Ziyodani "Oqibat" qo'shig'ini eshtim
Ona haqida,

[Tulqin Eshbekov]

Сообщение от Hero

"Oqibat" qo'shig'ini

Оқибатсизларни ҳадеб танқид қилавериш билан оқибатга эришиш мушкул. Оқибатнинг гўзал қирраларини кашф этавериш, тарғиб этавериш, керак бўлса, қўшиқ қилиб куйлаш мақсадга мувофиқдир!
Ақлли одамнинг қулоғи шунақа гўзал қўшиқлар эшитади!

[Tulqin Eshbekov]

Оқибатли инсонлиги билан кўпчиликнинг меҳрини қозонган ажойиб олим, ЎзМУ профессори, академик Тўрабек Долимов домлани кеча сўнгги манзилига кузатдик... Устоздан оқибатнинг туганмас нурлари қолганини ҳис этдик...

[Nigora Umarova]

Сообщение от Tulqin Eshbekov

Оқибатли инсонлиги билан кўпчиликнинг меҳрини қозонган ажойиб олим, ЎзМУ профессори, академик Тўрабек Долимов домлани кеча сўнгги манзилига кузатдик... Устоздан оқибатнинг туганмас нурлари қолганини ҳис этдик...

Охиратлари обод бўлсин.